റിയാദ് – ലോകത്തെ ഏറ്റവും വലിയ പത്ത് സാമ്പത്തിക നഗരങ്ങളില്‍ ഒന്നായി സഊദി തലസ്ഥാന നഗരിയായ റിയാദ് നഗരത്തെ ഉയർത്തികൊണ്ടവരുമെന്ന് സഊദി കിരീടാവകാശിയും ഉപപ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്‍ വെളിപ്പെടുത്തി. നിലവിൽ ലോകത്തെ ഏറ്റവും വലിയ സാമ്പത്തിക നഗരങ്ങളുടെ പട്ടികയില്‍ നാല്‍പതാം സ്ഥാനത്താണ് റിയാദ്. 2030 ഓടെ റിയാദിലെ ജനസംഖ്യ 75 ലക്ഷത്തില്‍ നിന്ന് ഒന്നര മുതല്‍ രണ്ടു കോടി വരെയായി ഉയര്‍ത്താനും ലക്ഷ്യമുണ്ട്.ലോകത്തെ ഏറ്റവും വലിയ വ്യാവസായിക നഗരം റിയാദില്‍ പ്രഖ്യാപിക്കും.
നാലാമത് ഫ്യൂച്ചര്‍ ഇന്‍വെസ്റ്റ്‌മെന്റ് ഇനീഷ്യേറ്റീവ് ഫോറത്തില്‍ ‘റിയാദിന്റെ ഭാവി’ എന്ന ശീര്‍ഷകത്തില്‍ സംഘടിപ്പിച്ച സെഷനില്‍ സംസാരിക്കുകയായിരുന്നു കിരീടാവകാശി.ലോകത്തിന്റെ വിവിധ ഭാഗങ്ങളിൽ നിന്നുള്ള സംരംഭകരായ പതിനായിരത്തോളം പേർ പങ്കെടുക്കുന്ന നിക്ഷേപക സമ്മേളനത്തിൽ സഊദിയെ അത്യാധുനിക രാജ്യമാക്കാനുള്ള ഒട്ടേറെ പദ്ധതികൾക്കാണ് രൂപം നൽകുന്നത്.

രാജ്യത്തെ വരുമാന സ്രോതസ്സുകളുടെ വൈവിധ്യവല്‍ക്കരണത്തിനും സാമ്പത്തിക വളര്‍ച്ചക്കുമുള്ള പദ്ധതികളുടെ ഭാഗമായി, തലസ്ഥാന നഗരിയുടെ സമഗ്ര വികസനത്തിന് പുതിയ പദ്ധതികള്‍ പ്രഖ്യാപിക്കും.
തൊഴിലവസരങ്ങള്‍ സൃഷ്ടിക്കാനും സാമ്പത്തിക വളര്‍ച്ച കൈവരിക്കാനും നിക്ഷേപങ്ങള്‍ ആകര്‍ഷിക്കാനും ധാരാളം അവസരങ്ങള്‍ സൃഷ്ടിക്കാനുമുള്ള സാധ്യതകള്‍ ഇന്ന് തലസ്ഥാന നഗരിക്കുണ്ട് . അതുകൊണ്ടു തന്നെ പ്രത്യേക പരിഗണനയോടെയാണ് റിയാദിനെ നോക്കിക്കാണുന്നത്. സഊദിയുടെ പെട്രോളിതര സമ്പദ്‌വ്യവസ്ഥയുടെ 50 ശതമാനം റിയാദിലാണ്. രാജ്യത്തെ മറ്റു നഗരങ്ങളെ അപേക്ഷിച്ച് റിയാദില്‍ തൊഴിലവസരങ്ങള്‍ സൃഷ്ടിക്കാനുള്ള ചെലവ് 30 ശതമാനം കുറവാണ്.

പശ്ചാത്തല വികസനം, റിയല്‍ എസ്റ്റേറ്റ് വികസനം എന്നിവക്കുള്ള ചെലവ് റിയാദില്‍ മറ്റു നഗരങ്ങളെ അപേക്ഷിച്ച് 29 ശതമാനവും കുറവാണ്. സല്‍മാന്‍ രാജാവ് 55 വര്‍ഷത്തിലേറെ കാലം റിയാദ് നഗരത്തിന്റെ ഭരണം കൈയാളിയതിന്റെയും പദ്ധതികള്‍ ആസൂത്രണം ചെയ്തതിന്റെയും ഫലമായി റിയാദിലെ പശ്ചാത്തല സൗകര്യങ്ങള്‍ ഏറെ മികച്ചതാണ്. റിയാദില്‍ ദശലക്ഷക്കണക്കിന് മരങ്ങള്‍ നട്ടുവളര്‍ത്തി റിയാദ് ഹരിതവല്‍ക്കരണ പ്രോഗ്രാം നടപ്പാക്കും. ഇതിലൂടെ നഗരത്തില്‍ താപനിലയും പൊടിയും കുറക്കാന്‍ സാധിക്കും. തലസ്ഥാന നഗരിയിലെ പരിസ്ഥിതി മെച്ചപ്പെടുത്തുന്നതിന് നഗരത്തിന് ചുറ്റും വലിയ സംരക്ഷിത പ്രദേശങ്ങള്‍ സ്ഥാപിക്കാനും പദ്ധതികളുണ്ട്.

ലോക സമ്പദ്‌വ്യവസ്ഥയുടെ 85 ശതമാനവും നഗര കേന്ദ്രീകൃതമാണ്. അതുകൊണ്ടു തന്നെ വ്യവസായം, വിദ്യാഭ്യാസം, സേവനം, ടൂറിസം, പുതുമകള്‍ തുടങ്ങിയ മേഖലകളില്‍ യഥാര്‍ഥ വികസനം നഗരങ്ങളില്‍ നിന്നാണ് ആരംഭിക്കുന്നത്. ആഗോള സമ്പദ്‌വ്യവസ്ഥ രാജ്യങ്ങളെ അടിസ്ഥാനമാക്കിയുള്ളതല്ല, മറിച്ച്, നഗരങ്ങളെ അടിസ്ഥാനമാക്കിയുള്ളതാണ് എന്ന കാര്യത്തില്‍ സംശയമില്ല. അതുകൊണ്ട് തന്നെ സഊദിയിലെ എല്ലാ പ്രവിശ്യകളിലും നഗരങ്ങളിലും പരിസ്ഥിതി പദ്ധതികള്‍ നടപ്പാക്കും. ഇതേ കുറിച്ച് പിന്നീട് പരസ്യപ്പെടുത്തും. രാജ്യത്ത് നിരവധി അവസരങ്ങളുണ്ട്. നിയോം സിറ്റി തന്ത്രവും ദി ലൈന്‍ സിറ്റി പദ്ധതിയും പ്രഖ്യാപിച്ചിട്ടുണ്ട്. മക്ക, മദീന, കിഴക്കന്‍ പ്രവിശ്യ, അസീര്‍ പ്രവിശ്യ വികസനങ്ങള്‍ക്കും തന്ത്രങ്ങള്‍ തയാറാക്കും. ലഭ്യമായ അവസരങ്ങള്‍ക്കനുസരിച്ച് മുഴുവന്‍ പ്രവിശ്യകള്‍ക്കും പ്രത്യേക വികസന പദ്ധതികൾ തയാറാക്കുമെന്നും 2030 വിഷൻ പദ്ധതിക്ക് നേതൃത്വം നൽകുന്ന മുഹമ്മദ് ബിൻ സൽമാൻ രാജകുമാരൻ വ്യക്തമാക്കി.

റിയാദ്: വ്യവസായി എം.എ. യൂസഫലിയുടെ ലുലു ഗ്രൂപ്പ് ഇന്റര്‍നാഷണലില്‍ ഓഹരി സ്വന്തമാക്കാന്‍ സഊദി അറേബ്യയും രംഗത്തെന്ന് സൂചന. സഊദി ഭരണകൂടത്തിന്റെ ഉടമസ്ഥതയിലുള്ള സഊദി പബ്ലിക് ഇന്‍വെസ്റ്റ്‌മെന്റ് ഫണ്ട് ആണ് ലോകമാകമാനം വ്യാപിച്ചു കിടക്കുന്ന ലുലുവിന്റെ ഓഹരികള്‍ വാങ്ങാന്‍ ഒരുങ്ങുന്നത്. സഊദി കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരനാണ് സഊദി പബ്ലിക് ഇന്‍വെസ്റ്റ്‌മെന്റ് ഫണ്ടിന്റെ ചെയര്‍മാന്‍.

ഓഹരി വില്‍പ്പനയുമായി ബന്ധപ്പെട്ട ഒരു മാസത്തോളമായി തുടര്‍ന്നുവരുന്ന ചര്‍ച്ച പുരോഗമിക്കുന്നതായി റോയിട്ടേഴ്‌സ് ആണ് ഇന്നലെ റിപ്പോര്‍ട്ട് ചെയ്തത്. ആഗോളതലത്തില്‍ ഉയര്‍ന്ന നിലവാരം പുലര്‍ത്തുന്ന നിക്ഷേപങ്ങളിലാണ് പി ഐ എഫ് ഓഹരികള്‍ സ്വന്തമാക്കുന്നത്. എന്നാല്‍ ഈ വാര്‍ത്തയുമായി ലുലു ഗ്രൂപ്പ് ഔദ്യോഗികമായി പ്രതികരിച്ചിട്ടില്ല.

സഊദി പബ്ലിക്ക് ഇന്‍വെസ്റ്റ്‌മെന്റ് കമ്പനി ലുലു ഗ്രൂപ്പിന്റെ എത്ര ഓഹരികള്‍ വാങ്ങുമെന്നതില്‍ വ്യക്തത കൈവന്നിട്ടില്ല.മധ്യപൗരസ്ത്യ ദേശത്തും ഏഷ്യയിലും അമേരിക്കയിലും യൂറോപ്പിലുമായി 22 രാജ്യങ്ങളില്‍ പ്രവര്‍ത്തിക്കുന്ന ലുലു ഗ്രൂപ്പിന്റെ പ്രതിവര്‍ഷ വില്‍പന 740 കോടി ഡോളറിലെത്തിയിട്ടുണ്ട്. സഊദിയിലും യു.എ.ഇയിലും ബഹ്‌റൈനിലും കുവൈത്തിലും ഒമാനിലും ഈജിപ്തിലും ഇന്ത്യയിലും മലേഷ്യയിലും ഇന്തോനേഷ്യയിലും ലുലു ഗ്രൂപ്പിനു കീഴില്‍ ഹൈപ്പര്‍ മാര്‍ക്കറ്റുകളും സൂപ്പര്‍ മാര്‍ക്കറ്റുകളും പ്രവര്‍ത്തിക്കുന്നുണ്ട്.

ഇന്ത്യ, അമേരിക്ക, യൂറോപ്പ്, മധ്യപൗരസ്ത്യ രാജ്യങ്ങള്‍, ഫിലിപ്പൈന്‍സ് എന്നിവിടങ്ങളില്‍ ഗ്രൂപ്പിനു കീഴില്‍ വിതരണ കമ്പനികളുമുണ്ട്. 194 ഹൈപ്പര്‍മാര്‍ക്കറ്റുകളുള്ള ലുലു ഗ്രൂപ്പിന് 15 രാജ്യങ്ങളില്‍ ലോജിസ്റ്റിക്‌സ് കേന്ദ്രങ്ങളുമുണ്ട്. ഇതിനു പുറമെ വന്‍കിട ഷോപ്പിങ് മാളുകള്‍, ഹോട്ടലുകള്‍ എന്നിവയും ഗ്രൂപ്പിനുണ്ട്. 55,800 കോടി രൂപയാണ് വാര്‍ഷിക വിറ്റുവരവ്. ഗ്രൂപ്പിലെ 58,000 ജീവനക്കാരില്‍ 30,000 പേരും മലയാളികളാണ്. സഊദിയിലെ വിവിധ നഗരങ്ങളില്‍ ലുലു ഹൈപ്പര്‍മാര്‍ക്കറ്റുകള്‍ തുറക്കാനുള്ള ശ്രമത്തിലാണ് ലുലു മാനേജ്‌മെന്റ്.

രാജ്യത്തിന്റെ പ്രാദേശിക വികസന ലക്ഷ്യത്തോടെ 1971 ലാണ് സഊദി പബ്ലിക് ഇന്‍വെസ്റ്റ്‌മെന്റ് ഫണ്ട് സ്ഥാപിച്ചത്. ലോകത്തിലെ തന്നെ ഏറ്റവും വലിയ സോവറിന്‍ വെല്‍ത്ത് ഫണ്ടുകളിലൊന്നാണ് ഇത്. സര്‍ക്കാരിന്റെ ഉടമസ്ഥതയിലുള്ള ഫണ്ടുകളാണ് സോവറിന്‍ ഫണ്ടുകള്‍. 2015 ല്‍ ഫണ്ടിന്റെ നയപരിപാടികളിലും ഡയറക്ടര്‍ ബോര്‍ഡിലും മാറ്റം വരുത്തി. മുന്‍ ദശകങ്ങളില്‍ ഫണ്ടിന്റെ പ്രവര്‍ത്തനം വിലയിരുത്തുകയും ലോകത്തെ മറ്റു പരമാധികാര ഫണ്ടുകളുടെ പ്രവര്‍ത്തനവും അനുഭവങ്ങളും പഠിക്കുകയും ചെയ്താണ് ഫണ്ടിന്റെ നയപരിപാടികളില്‍ ഭേദഗതികള്‍ വരുത്തി ആറു നിക്ഷേപ പോര്‍ട്ട്‌ഫോളിയോകള്‍ക്ക് രൂപം നല്‍കിയത്. ഇതില്‍ നാലെണ്ണം പ്രാദേശിക നിക്ഷേപ പോര്‍ട്ട്‌ഫോളിയോകളും രണ്ടെണ്ണം അന്തര്‍ദേശീയ പോര്‍ട്ട്‌ഫോളിയോകളുമാണ്.

നിലവില്‍ ആഗോള തലത്തില്‍ 18 മുതല്‍ 20 ശതമാനം വരെയും പ്രാദേശിക തലത്തില്‍ 82 ശതമാനം വരെയുമാണ് ഫണ്ടിന്റെ നിക്ഷേപങ്ങള്‍. ഫണ്ടിന്റെ ആസ്തികള്‍ 360 ബില്യണ്‍ ഡോളറായി ഉയര്‍ന്നിട്ടുണ്ട്. 2015 ല്‍ ഇത് 150 ബില്യണ്‍ ഡോളറായിരുന്നു. ന്യൂയോര്‍ക്ക്, ലണ്ടന്‍, ടോക്കിയോ പോലുള്ള ലോക നഗരങ്ങളില്‍ ശാഖകള്‍ തുറക്കാനും പബ്ലിക് ഇന്‍വെസ്റ്റ്‌മെന്റ് ഫണ്ടിന് നീക്കമുണ്ട്.സഊദിയുടെ വിഷന്‍ 2030 യുടെ ഭാഗമായുള്ള സാമ്പത്തിക പരിവര്‍ത്തനത്തില്‍ രാജ്യത്തിന്റെ വികസനം ലക്ഷ്യം വെച്ചുള്ള പി ഐ എഫിന്റെ നീക്കങ്ങള്‍ നിര്‍ണ്ണായകമായിരിക്കും.

ഹജ്ജ് സീറ്റിന്റെ അഭാവം ഇന്ത്യയില്‍നിന്നുള്ള തീര്‍ത്ഥാടകര്‍ക്ക് പ്രയാസം സൃഷ്ടിക്കുന്നതായ വിവരം സഊദിയുടെ ശ്രദ്ധയില്‍പെടുത്തിയിരുന്നു. ഇതിനെതുടര്‍ന്നാണ് ഹജ്ജ് ക്വാട്ട വര്‍ധിപ്പിക്കാമെന്ന് സഊദി അറിയിച്ചത്. വ്യാപാരം, നിക്ഷേപം തുടങ്ങി നയതന്ത്രപരമായ വിഷയങ്ങളില്‍ ഇരു നേതാക്കളും തമ്മില്‍ ചര്‍ച്ച നടന്നതായി സര്‍്ക്കാര്‍ വൃത്തങ്ങള്‍ അറിയിച്ചു.

ഇരു രാഷ്ട്രങ്ങള്‍ക്കുമിടയില്‍ കൂടുതല്‍ വിമാന സര്‍വീസുകള്‍ ആരംഭിക്കാനും ധാരണയായി. വര്‍ഷാവസാനം റിയാദില്‍ നടക്കുന്ന അന്താരാഷ്ട്ര സമ്മേളനത്തിലേക്ക് പ്രധാനമന്ത്രിയെ സഊദി രാജകുമാരന്‍ ക്ഷണിച്ചതായും പ്രധാനമന്ത്രി ക്ഷണം സ്വീകരിച്ചതായും വിദേശകാര്യ സെക്രട്ടറി വ്യക്തമാക്കി.

ഇന്ത്യയുമായി സൗദി അഞ്ച് സുപ്രധാന കരാറുകളില്‍ ഒപ്പുവ്ക്കുമെന്നാണു സൂചന. ബുധനാഴ്ച രാവിലെ രാഷ്ട്രപതി ഭവനില്‍ ഔദ്യോഗിക സ്വീകരണത്തിന് ശേഷം 12നു പ്രധാനമന്ത്രിയുമായി ചര്‍ച്ച. തുടര്‍ന്നാണ് കരാറുകള്‍ ഒപ്പിടുക. വൈകിട്ട് 7.30ന് രാഷ്ട്രപതി രാംനാഥ് കോവിന്ദിനെ സന്ദര്‍ശിക്കും. അത്താഴവിരുന്നിനു ശേഷം രാത്രി 11.50ന് ചൈനയിലേക്കു പോകും.

#WATCH Delhi: Visuals of Prime Minister Narendra Modi and Saudi Arabia Crown Prince Mohammed bin Salman upon the Saudi Crown Prince's arrival in India. pic.twitter.com/WXXcnH8jyC

— ANI (@ANI) February 19, 2019

#WATCH Prime Minister Narendra Modi receives Saudi Arabia Crown Prince Mohammed bin Salman upon his arrival in India. pic.twitter.com/huwzGrPhFG

— ANI (@ANI) February 19, 2019

സൗദി സ്ത്രീകള്‍ക്ക് ഇത് ചരിത്ര നിമിഷമാണെന്ന് സൗദി ടെലിവിഷന്‍ അവതാരകയായ സാബിക അല്‍ ദൂസരി പറഞ്ഞു. കിഴക്കന്‍ നഗരമായ അല്‍ഖോബാറില്‍ നിന്ന് ഓഫിസിലേക്ക് ഡ്രൈവ് ചെയ്ത ശേഷമാണ് സാബികയുടെ പ്രതികരണം. നേരത്തെ നിരോധനം നിലനില്‍ക്കുന്ന സമയങ്ങളില്‍ വാഹനം ഡ്രൈവ് ചെയുന്ന സ്ത്രീകളെ പൊലീസ് അറസ്റ്റു ചെയ്യുമായിരുന്നു. ഇത് ഭരണകൂടത്തിനെതിരെ ഏറെ വിമര്‍ശനങ്ങള്‍ക്ക് വഴിയൊരുക്കിയിരുന്നു.

അതേസമയം നിരോധനം നീങ്ങിയതോടെ മലയാളികള്‍ ഉള്‍പ്പെടെയുള്ള പ്രവാസികള്‍ ജോലി നഷ്ടമാവുമോയെന്ന ആശങ്കയിലാണ്. നേരത്തെ രക്തബന്ധമുള്ള പുരുഷനോ, ഭര്‍ത്താവോ അല്ലെങ്കില്‍ ഡ്രൈവര്‍മാരെയാണ്് സഊദി സ്ത്രീകള്‍ യാത്രകള്‍ക്കായി ആശ്രയിക്കാറ്. ഡ്രൈവിങ് ചെയ്യാന്‍ അനുമതിയില്ലാത്തതിനാല്‍ പുരുഷ ഡ്രൈവര്‍മാരെ ശമ്പളം കൊടുത്ത് ജോലിക്ക് നിര്‍ത്തുകയായിരുന്നു പല കുടുംബങ്ങളും. അതിനാല്‍ സഊദി വീടുകളിലും ഓഫീസുകളിലുമായി ആയിര കണക്കിന് മലയാളികളാണ് ഡ്രൈവര്‍മാരായി ജോലി ചെയ്യുന്നത്. സ്ത്രീകള്‍ ഡ്രൈവ് ചെയ്യാന്‍ ആരംഭിക്കുന്നതോടെ സ്വാഭാവികമായും പലരുടേയും ജോലി നഷ്ടമാകും.

ലണ്ടനില്‍ പ്രധാനമന്ത്രിയുടെ ഔദ്യോഗിക വസതിയായ ഡൗണിങ് സ്ട്രീറ്റിനു മുന്നിലും പ്രതിഷേധക്കാര്‍ എത്തി. എന്നാല്‍ മുഹമ്മദ് ബിന്‍ സല്‍മാന് ഉജ്വല സ്വീകരണമാണ് ബ്രിട്ടീഷ് ഭരണകൂടം ഒരുക്കിയിരിക്കുന്നത്. പ്രധാനമന്ത്രി തെരേസ മേയുടെ സുഖവാസ വസതിക്കു സമീപമാണ് താമസം. മുഹമ്മദ് ബിന്‍ സല്‍മാന് ബ്രിട്ടീഷ് രാജ്ഞി പ്രത്യേക വിരുന്നുനല്‍കും. ചാള്‍സ്്, വില്യം രാജകുമാരന്മാരുടെ വിരുന്നിലും അദ്ദേഹം പങ്കെടുക്കും. സഊദിയെ ആധുനികവത്കരിക്കുകയെന്ന ലക്ഷ്യത്തോടെയുള്ള മുഹമ്മദ് ബിന്‍ സല്‍മാന്റെ വിഷന്‍ 2030 പദ്ധതിയെ ബ്രിട്ടീഷ് വിദേശകാര്യ സെക്രട്ടറി ബോറിസ് ജോണ്‍സണ്‍ അഭിനന്ദിച്ചു.

എന്നാല്‍ മനുഷ്യാവകാശ വിഷയങ്ങളില്‍ സഊദി ഇപ്പോഴും ഏറെ പിന്നിലാണെന്ന് പ്രതിപക്ഷ പാര്‍ട്ടികളും ചില സാമൂഹിക സംഘടനകളും പറയുന്നു. യമനില്‍ വ്യോമാക്രമണം തുടരുന്ന സഊദിക്ക് ആയുധങ്ങള്‍ തരില്ലെന്ന് മുഹമ്മദ് ബിന്‍ സല്‍മാനെ അറിയിക്കണമെന്ന് മുഖ്യ പ്രതിപക്ഷമായ ലേബര്‍ പാര്‍ട്ടിയുടെ നേതാവ് ജെറമി കോര്‍ബിന്‍ പ്രധാനമന്ത്രിയോട് ആവശ്യപ്പെട്ടു.

സൈനിക പരിഹാരം യമന്‍ പ്രതിസന്ധി അവസാനിപ്പിക്കില്ല. യമനിലെ സൈനിക നടപടി പെട്ടെന്ന് കൈക്കൊണ്ട തീരുമാനമല്ല. ഇത് സഊദി അറേബ്യ സ്വയം തെരഞ്ഞെടുത്തതുമല്ല. യമനില്‍ സുരക്ഷയും ഭദ്രതയും സമാധാനവും സംരക്ഷിക്കുന്നതിന് നടത്തിയ രാഷ്ട്രീയ ശ്രമങ്ങളുടെ ഫലമാണ് സൈനിക നടപടി. ഇറാന്റെ പിന്തുണയോടെ ഹൂഥി മിലീഷ്യകള്‍ നടത്തിയ അട്ടിമറി അയല്‍ രാജ്യങ്ങളുടെ സുരക്ഷക്ക് ഭീഷണിയാണ്. ഇക്കാര്യം കണക്കിലെടുത്താണ് സൈനികമായി ഇടപെടുന്നതിനുള്ള യമന്‍ പ്രസിഡന്റിന്റെ അപേക്ഷ സഖ്യരാജ്യങ്ങള്‍ അംഗീകരിച്ചത്.
റിയാദ് കരാറുകള്‍ പ്രകാരമുള്ള വാഗ്ദാനങ്ങള്‍ പാലിക്കുന്നതിന് ഖത്തറിനോട് ആവശ്യപ്പെടേണ്ടത് അനിവാര്യമാണ്. ഭീകരതക്ക് ഖത്തര്‍ നല്‍കുന്ന പിന്തുണ മേഖലയുടെ സുരക്ഷാ ഭദ്രത തകര്‍ക്കുന്നതിന് ഇടയാക്കുകയാണ്. ഖത്തറിന്റെ നയങ്ങള്‍ നിരാകരിക്കുന്ന യു.എ.ഇയുടെയും ബഹ്‌റൈന്റെയും ഈജിപ്തിന്റെയും ചേരിയില്‍ സഊദി അറേബ്യ ചേരുകയായിരുന്നു. ഭീകര വിരുദ്ധ പോരാട്ടത്തില്‍ അന്താരാഷ്ട്ര നിയമങ്ങള്‍ പാലിക്കണമെന്നാണ് ഖത്തറിനോട് തങ്ങള്‍ ആവശ്യപ്പെടുന്നത്. ഭീകരവാദ, തീവ്രവാദ വിരുദ്ധ പോരാട്ടത്തിനുള്ള ശക്തമായ നയത്തിന്റെ വൃത്തത്തിലാണ് ഖത്തര്‍ പ്രതിസന്ധി ഉള്‍പ്പെടുന്നത്. ഭീകര, തീവ്രവാദ വിരുദ്ധ പോരാട്ടത്തിന് സംയുക്ത ശ്രമങ്ങള്‍ ശക്തമാക്കേണ്ടതിന്റെ പ്രാധാന്യം റിയാദില്‍ ചേര്‍ന്ന അറബ്, ഇസ്‌ലാമിക്, അമേരിക്ക ഉച്ചകോടി എടുത്ത് പറഞ്ഞിട്ടുണ്ട്. സുസ്ഥിര വികസനത്തിന് സഊദി അറേബ്യ പ്രത്യേക ശ്രദ്ധയും ഊന്നലും നല്‍കുന്നുണ്ട്. വികസ്വര രാജ്യങ്ങള്‍ക്ക് സഹായങ്ങള്‍ നല്‍കുന്നതിന് സഊദി അറേബ്യ അതിയായി ആഗ്രഹിക്കുന്നു. വികസ്വര രാജ്യങ്ങള്‍ക്ക് ഏറ്റവുമധികം സഹായങ്ങള്‍ നല്‍കുന്ന രാജ്യങ്ങളുടെ കൂട്ടത്തിലാണ് സഊദി അറേബ്യയെന്നും വിദേശകാര്യമന്ത്രി പറഞ്ഞു.

റിയാദില്‍ നിന്നാണ് മുഹമ്മദ് ബിന്‍ സല്‍മാന്‍ പ്രാഥമിക വിദ്യാഭ്യാസം നേടിയത്. പഠനത്തില്‍ മിടുക്കരായ ആദ്യ പത്ത് വിദ്യാര്‍ത്ഥികളില്‍ ഒന്നാമതെത്തിയ മുഹമ്മദ് സല്‍മാന്‍ കിംങ് സൗദ് യൂണിവേഴ്‌സിറ്റിയില്‍ നിന്ന് നിയമബിരുദം നേടി. പഠനകാലത്തുതന്നെ വ്യത്യസ്ഥങ്ങളായ പരിശീലനപരിപാടിയില്‍ പങ്കെടുത്ത് മികവ് തെളിയിച്ചിട്ടുണ്ട് അദ്ദേഹം. സര്‍ക്കാരിന്റെ ഭാഗമാകുന്നതിന് മുമ്പ് തന്നെ പല സംഘടനകളിലും സേവനം അനുഷ്ഠിച്ചിരുന്നു. മിസ്‌ക് എന്ന പേരില്‍ സഊദിയിലുള്ള യുവാക്കള്‍ക്കുവേണ്ടിയുള്ള സൗജന്യ തൊഴില്‍ സംരംഭ പ്രസ്ഥാനവും അദ്ദേഹം നടത്തുന്നുണ്ട്. വിവിധ മേഖലകളിലുള്ള മുഹമ്മദ് ബിന്‍ സല്‍മാന്റെ പ്രവര്‍ത്തനങ്ങള്‍ അദ്ദേഹത്തെ 2013-ലെ പേഴ്‌സണാലിറ്റി ഓഫ് ദ ഇയര്‍ അവാര്‍ഡിനര്‍ഹനാക്കി.

2009-ല്‍ ഡിസംബര്‍ 15ന് പിതാവിന്റെ പ്രത്യേക ഉപദേശകനായി രാഷ്ട്രീയത്തിലെത്തി. പിന്നാലെ റിയാദ് ഗവര്‍ണറായി. 2011-ല്‍ സഊദിയുടെ രണ്ടാമത്തെ ഡപ്യൂട്ടി പ്രധാനമന്ത്രിയും പ്രതിരോധ മന്ത്രിയുമായി. ലോകത്തുടനീളം യാത്ര ചെയ്തിട്ടുള്ളയാളാണ് മുഹമ്മദ് സല്‍മാന്‍.