ന്യൂഡല്‍ഹി: ലോക്സഭാ തെരഞ്ഞെടുപ്പില്‍ കോണ്‍ഗ്രസിന് പിന്നാലെ ഉത്തര്‍പ്രദേശില്‍ ബിഎസ്പി-എസ്പി സഖ്യം ആദ്യ പട്ടിക പുറത്തിറക്കി. ആറ് മണ്ഡലത്തിലെ സ്ഥാനാര്‍ത്ഥികളുടെ പേരുമായി സമാജ്വാദി പാര്‍ട്ടിയാണ് ആദ്യ പട്ടിക പുറത്തുവിട്ടത്. അതേസമയം എസ്പിയുടെ ആദ്യ പട്ടികയില്‍ തന്നെ പാര്‍ട്ടി സ്ഥാപകനായ മുലായം സിങ് യാദവ് ഇടംനേടി. 2014ല്‍ ജനവിധി തേടിയ മെയിന്‍പുരിയിലാണു മുലായം സിങ് മത്സരിക്കുക.

ബിഎസ്പിയുടെ മായാവതിയുമായി കൂട്ടുകൂടിയതിനെതിരേ മുലായം നേരത്തേ രംഗത്തെത്തിയിരുന്നു. ഇതുസംബന്ധിച്ച് മകന്‍ അഖിലേഷ് യാദവിനെ വിമര്‍ശിക്കുകയും ചെയ്തിരുന്നു. എന്നാല്‍ തര്‍ക്കം തീര്‍ന്നെന്നാണ് ആദ്യ സ്ഥാനാര്‍ഥി പട്ടികയിലൂടെ വ്യക്തമാവുന്നത്.

Samajwadi Party releases first list of 6 candidates for Lok Sabha polls. Mulayam Singh Yadav to contest from Mainpuri. pic.twitter.com/KUiQdNIOjR

— ANI UP (@ANINewsUP) March 8, 2019

2014ല്‍ മെയിന്‍പുരിയിലും അഅ്സംഗഢിലും മല്‍സരിച്ച മുലായം മെയിന്‍പുരി ഒഴിയുകയായിരുന്നു. തുടര്‍ന്ന് നടന്ന ഉപതിരഞ്ഞെടുപ്പില്‍ എസ്പി നേതാവും യാദവ് കുടുംബാഗവുമായ തേജ് പ്രതാപ് സിങ് ജയിച്ചു. 1999, 2004, 2009 തിരഞ്ഞെടുപ്പിലും മെയിന്‍പുരിയില്‍ നിന്ന് മുലായമാണ് ജയിച്ചത്. അഅ്സംഗഢില്‍ 2014ല്‍ 3.64 ലക്ഷം വോട്ടുകളുടെ ഭൂരിപക്ഷത്തിനാണ് മുലായം സിങ് ജയിച്ചത്.

എസ്പിയുടെ ആദ്യ പട്ടികയില്‍ ബദുവാനില്‍ ധര്‍മേന്ദ്ര യാദവ്, ഫിറോസാബാദില്‍ അക്ഷയ് യാദവ്, ഇറ്റാവയില്‍ കമലേഷ് കഠേരിയ, റോബേര്‍ട്ട് ഗഞ്ജില്‍ ഭായിലാല്‍ കോല്‍, ബഹറയ്ച്ചില്‍ സബ്ബിര്‍ വാല്‍മികി എന്നിവരും ഇടം നേടിയിട്ടുണ്ട്. ഉത്തര്‍പ്രദേശില്‍ ആകെയുള്ള 80 സീറ്റുകളില്‍ ബിഎസ്പി 38 സീറ്റുകളിലും എസ്പി 37 സീറ്റുകളിലും സഖ്യമായി മല്‍സരിക്കുമെന്ന് അറിയിച്ചിട്ടുള്ളത്.

സ്വന്തം പാര്‍ട്ടിയിലുള്ളവര്‍ തന്നെ പാര്‍ട്ടിയെ ഇല്ലാതാക്കാന്‍ ശ്രമിക്കുകയാണെന്ന് മുലായം കുറ്റുപ്പെടുത്തി. ഉത്തര്‍പ്രദേശില്‍ മൂന്ന് തവണ സര്‍ക്കാരുണ്ടാക്കിയതും കേന്ദ്രത്തില്‍ പ്രതിരോധ മന്ത്രിയായതെന്നും താന്‍ ഒറ്റക്കാണെന്ന് മുലായം സിംഗ് യാദവ് പറഞ്ഞു.

ഉത്തര്‍ പ്രദേശിലെ 80 ലോക്‌സഭാ മണ്ഡലങ്ങളിലെ 78 സീറ്റുകളില്‍ എസ്പി- ബിഎസ്പി-ആര്‍എല്‍ഡി സഖ്യം മത്സരിക്കാനാണ് ധാരണയായത്. അഖിലേഷ് യാദവിന്റെ സമാജ്‌വാദി പാര്‍ട്ടി 37 സീറ്റിലും മായാവതിയുടെ ബഹുജന്‍ സമാജ്‌വാദി പാര്‍ട്ടി 38 സീറ്റിലുമാണ് ജനവിധി തേടുക. മൂന്ന് സീറ്റുകള്‍ ആര്‍എല്‍ഡിക്ക് നല്‍കിയേക്കും.

കോണ്‍ഗ്രസിന്റെ സിറ്റിംഗ് സീറ്റുകളായ അമേഠിയിലും റായ്ബറേലിയിലും മഹാസഖ്യം സ്ഥാനാര്‍ത്ഥികളെ നിര്‍ത്തില്ല. പ്രധാനമന്ത്രി നരേന്ദ്ര മോദിയുടെ മണ്ഡലമായ വാരാണസിയില്‍ എസ്പി സ്ഥാനാര്‍ത്ഥിയെ മത്സരിപ്പിക്കാനും ധാരണയായി.

ബാബരി മസ്ജിദ് പൊളിക്കാനെത്തിയ 28 സംഘ്പരിവാര്‍ പ്രവര്‍ത്തകര്‍ വെടിവെപ്പില്‍ കൊല്ലപ്പെട്ടിരുന്നു. ‘ഒരു ഭരണാധികാരി എന്ന നിലയില്‍ രാജ്യത്തിന്റെ ഐക്യവും അഖണ്ഡതയും കാത്തുസൂക്ഷിക്കുകയായിരുന്നു ലക്ഷ്യം. മുഖം നോക്കാതെ കലാപകാരികള്‍ക്കെതിരെ നടപടിയെടുക്കാന്‍ പൊലീസിന് നിര്‍ദേശം നല്‍കി. നിരപരാധികള്‍ കൊല്ലപ്പെടാതിരിക്കാനും ബാബരി മസ്ജിദ് സംരക്ഷിക്കാനും അതല്ലാതെ മാര്‍ഗമില്ലായിരുന്നു’-മുലായം പറഞ്ഞു. പിന്നീട് പ്രതിപക്ഷ നേതാവായിരുന്ന അടല്‍ബിഹാരി വാജ്പേയി ഈ വിഷയം പാര്‍ലമെന്റില്‍ ഉന്നയിച്ചപ്പോഴും വെടിവെപ്പ് അനിവാര്യമായിരുന്നു എന്ന് തന്നെയായിരുന്നു താന്‍ പറഞ്ഞിരുന്നതെന്നും മുലായം ചൂണ്ടിക്കാട്ടി.

56 കര്‍സേവകര്‍ കൊല്ലപ്പെട്ടെന്നായിരുന്നു വാജ്‌പേയിയുടെ അവകാശവാദം. എന്നാല്‍ തെളിവുകള്‍ നിരത്തി അത് ഞാന്‍ ഖണ്ഡിച്ചു. തെളിവുകള്‍ പുറത്തുവന്നപ്പോള്‍ തന്റെ വാദം ശരിയാണെന്ന് തെളിഞ്ഞു. 1993ല്‍ നടന്ന തെരഞ്ഞെടുപ്പില്‍ 109 സീറ്റ് നേടി അധികാരത്തില്‍ തിരിച്ചെത്താനായെന്നും അദ്ദേഹം വ്യക്തമാക്കി. കഴിഞ്ഞ തെരഞ്ഞെടുപ്പില്‍ തിരിച്ചടിയുണ്ടായെങ്കിലും മുസ്‌ലിംകള്‍ അടക്കമുള്ള പിന്നോക്ക വിഭാഗങ്ങള്‍ക്ക് എസ്.പിയിലുള്ള വിശ്വാസം നഷ്ടപ്പെട്ടിട്ടില്ലെന്നും മുലായം കൂട്ടിച്ചേര്‍ത്തു.

ഇന്ത്യന്‍ രഹസ്യാന്വേഷണ ഏജന്‍സികള്‍ക്ക് ഇക്കാര്യം വ്യക്തമായി അറിയാം. എന്നാല്‍ അയല്‍രാജ്യം ഉയര്‍ത്തുന്ന ഭീഷണി നേരിടാന്‍ എന്ത് നടപടിയാണ് സ്വീകരിച്ചതെന്ന് കേന്ദ്രസര്‍ക്കാര്‍ പാര്‍ലമെന്റിനെ അറിയിക്കണമെന്ന് മുന്‍ കേന്ദ്ര പ്രതിരോധമന്ത്രി കൂടിയായ മുലായം ആവശ്യപ്പെട്ടു.

ചൈനയില്‍ നിന്നും ഇന്ത്യക്ക് ഇന്ന് വന്‍ വെല്ലുവിളിയാണ് നേരിടുന്നത്. ഇന്ത്യയുടെ മുഖ്യശത്രു ചൈനയാണ്. പാക്കിസ്ഥാന് ഒറ്റയ്ക്ക് ഇന്ത്യയെ ഒന്നും ചെയ്യാന്‍ സാധിക്കില്ല. എന്നാല്‍ പാക്കിസ്ഥാനുമായി സഹകരിച്ച് ഇന്ത്യ ആക്രമിക്കാന്‍ അവര്‍ ഒരുങ്ങിക്കഴിഞ്ഞു. കശ്മീരില്‍ ചൈനീസ് സൈന്യം പാക്ക് സൈനികരുമായി സഹകരിക്കുകയാണ്. വര്‍ഷങ്ങളായി ഇതുസംബന്ധിച്ച് കേന്ദ്രസര്‍ക്കാരിന് ഞാന്‍ മുന്നറിയിപ്പ് നല്‍കിയിരുന്നെന്നും 77 കാരനായ ഉത്തര്‍പ്രദേശിലെ മുതിര്‍ന്ന രാഷ്ട്രീയ നേതാവ് വ്യക്തമാക്കി.

പാകിസ്താന് ഇന്ത്യയില്‍ നാശം വരുത്താന്‍കഴിയും. എന്നാല്‍, ചൈനയാണ് ഇന്ത്യയുടെ മുഖ്യശത്രു. കശ്മീരില്‍ ചൈനീസ് സൈന്യത്തോട് ഒരുമിച്ചാണ് പാക് സൈന്യം ഇടപെടുന്നതെന്നും മുലായം മുന്നറിയിപ്പ് നല്‍കി.

നേപ്പാളിലെ ചൈന ലക്ഷ്യമിട്ടുകഴിഞ്ഞു. ഭൂട്ടാനെ ഈ സാഹചര്യത്തില്‍ സംരക്ഷിക്കേണ്ട ഉത്തരവാദിത്വം ഇന്ത്യയ്ക്കാണ്. ടിബറ്റ് ചൈനയുടെ ഭാഗമാണെന്ന നിലപാട് തെറ്റാണെന്നും ടിബറ്റിന്റെ സ്വാതന്ത്ര്യ പോരാട്ടത്തിന് ഇന്ത്യ പിന്തുണ നല്‍കണമെന്നും മുലായം അഭിപ്രായപ്പെട്ടു.
അതിര്‍ത്തിയില്‍ ചൈനയും ഇന്ത്യയും തമ്മിലുള്ള സംഘര്‍ഷം തുടരുന്ന പശ്ചാത്തലത്തിലാണ് മുലായത്തിന്റെ പ്രസ്താവന.
അതേസമയം ഇന്ത്യന്‍ വിപണിയില്‍ വന്‍തോതില്‍ ചൈനീസ് ഉത്പന്നങ്ങള്‍ എത്തുന്ന സാഹചര്യത്തെയും മുലായം ചോദ്യം ചെയ്തു.

തോല്‍വി പാര്‍ട്ടിയുടെ അവസാനമായി ആരും കാണണ്ടെന്നും നേരത്തേയും പരാജയങ്ങള്‍ സംഭവിച്ചിട്ടുണ്ടെന്നും അദ്ദേഹം ഓര്‍മിപ്പിച്ചു. ജയവും പരാജയവും രാഷ്ട്ീയ ജീവിതത്തിന്റെ ഭാഗമാണെന്നും പരാജയത്തില്‍ നിന്നും പിന്നീട് സര്‍ക്കാര്‍ രൂപീകരിച്ചിട്ടുമുണ്ടെന്നും മുലായം ചൂണ്ടിക്കാട്ടി. എന്നാല്‍ വോട്ടര്‍മാരെ കാര്യങ്ങള്‍ ധരിപ്പിക്കുന്നതില്‍ തങ്ങള്‍ പരാജയപ്പെട്ടുവെന്നും എസ്.പി സ്ഥാപക നേതാവ് കൂട്ടിച്ചേര്‍ത്തു.

പാര്‍ട്ടി പ്രവര്‍ത്തകരുമായി കൂടിക്കാഴ്ച നടത്തിയ മുലായം സിങ്ങും മകന്‍ അഖിലേഷും എസ്പിയെന്നത് ഒരു പാര്‍ട്ടി മാത്രമല്ലെന്നും ഒരു പ്രത്യയശാസ്ത്രം കൂടിയാണെന്ന് പാര്‍ട്ടി പ്രവര്‍ത്തകരെ ഓര്‍മപ്പെടുത്തി. പാര്‍ട്ടിയെ ശക്തിപ്പെടുത്താന്‍ ജനങ്ങള്‍ക്കിടയിലേക്ക് ഇറങ്ങി പ്രവര്‍ത്തിക്കാന്‍ ആവശ്യപ്പെട്ടു. തിരഞ്ഞെടുപ്പിലെ പാര്‍ട്ടിയുടെ പ്രകടനം വിലയിരുത്തി ആവശ്യമായ നടപടികള്‍ കൈക്കൊള്ളുമെന്നും അഖിലേഷ് പാര്‍ട്ടി പ്രവര്‍ത്തകര്‍ക്ക് ഉറപ്പു നല്‍കി.

അതേസമയം എസ്പി നേതാവ് മുലായവും മകന്‍ അഖിലേഷ് യാദവുമായുള്ള തര്‍ക്കമായിരുന്നു യുപി തെരഞ്ഞെടുപ്പ് പ്രചാരണ സമയത്തെ ശ്രദ്ധേയ വിഷയം. കോണ്‍ഗ്രസുമായി സഖ്യമുണ്ടാക്കി യുപിയില്‍ മല്‍സരിച്ച എസ്പിക്ക് 403 ല്‍ 56 സീറ്റ് മാത്രമേ നേടാനായുള്ളു. സംസ്ഥാനത്ത് 325 സീറ്റുകളാണ് ബിജെപി സ്വന്തമാക്കിയത്.

മുലായം സിങിന്റെ പ്രവര്‍ത്തനം കൊണ്ട് മാത്രമാണ് എസ്.പി ഉയര്‍ന്ന് വന്നതെന്ന് പറഞ്ഞ ശിവപാല്‍ പാര്‍ട്ടി അധ്യക്ഷനായി മുലായം തന്നെ തുടരണമെന്ന് അഖിലേഷിനെ ബോധ്യപ്പെടുത്താന്‍ ശ്രമിച്ചെങ്കിലും പരാജയപ്പെടുകയായിരുന്നെന്ന് വെളിപ്പെടുത്തി. മുലായത്തെ നേതാവെന്ന് പുകഴ്ത്തിയവര്‍ ഇപ്പോള്‍ അദ്ദേഹത്തെ പരസ്യമായി അപമാനിച്ചിരിക്കുകയാണെന്നും അദ്ദേഹം കുറ്റപ്പെടുത്തി. കോണ്‍ഗ്രസ് എസ്.പി സഖ്യത്തെയും ശിവപാല്‍ പരിഹസിച്ചു. ‘ആറു മാസം മുമ്പ് വരെ നാല് സീറ്റില്‍ മാത്രമാണ് അവര്‍ക്ക് ജയിക്കാനായത്. സഖ്യം കൊണ്ട് കോണ്‍ഗ്രസിനാണ് നേട്ടം. നമ്മുടെ പ്രവര്‍ത്തകര്‍ക്ക് സീറ്റ് നഷ്ടപ്പെടുകയും ചെയ്തു’- ശിവപാല്‍ പറഞ്ഞു. കോണ്‍ഗ്രസ് സഖ്യം അനാവശ്യമാണെന്നും പ്രചാരണത്തിനിറങ്ങില്ലെന്നും മുലായംസിങും കഴിഞ്ഞ ദിവസം വ്യക്തമാക്കിയിരുന്നു. എന്നാല്‍ മുലായം പ്രചരണത്തിനിറങ്ങുമെന്നും 250 സീറ്റുകളില്‍ പാര്‍ട്ടി വിജയിക്കുമെന്നുമായിരുന്നു അഖിലേഷിന്റെ വാദം.

കോണ്‍ഗ്രസിന്റെ ഒമ്പതു സിറ്റിങ് സീറ്റുകളില്‍ സമാജ്‌വാദി പാര്‍ട്ടി സ്ഥാനാര്‍ത്ഥികളെ പ്രഖ്യാപിച്ചതോടെയാണ് സംസ്ഥാനത്ത് വീണ്ടും പ്രതിസന്ധിയുണ്ടായത്. മുലായം സിങ് നല്‍കിയ 38 അംഗ സ്ഥാനാര്‍ത്ഥി പട്ടികയില്‍ ചിലരെ മാത്രം ഒഴിവാക്കി 191 പേരുടെ സ്ഥാനാര്‍ത്ഥി പട്ടികയാണ് സമാജ്‌വാദി പാര്‍ട്ടി ഇന്നലെ പ്രഖ്യാപിച്ചത്. കോണ്‍ഗ്രസിന്റെ സിറ്റിങ് സീറ്റുകള്‍ വിട്ടു തരണമെന്നും വിഭജന ചര്‍ച്ചകള്‍ വൈകാതെ പൂര്‍ത്തിയാക്കണമെന്നുമാവശ്യപ്പെട്ട് കോണ്‍ഗ്രസ് ജനറല്‍ സെക്രട്ടറി ഗുലാം നബി ആസാദ് ഇന്ന് അഖിലേഷ് യാദവുമായി കൂടിക്കാഴ്ച നടത്തും. കോണ്‍ഗ്രസ് സംസ്ഥാന അധ്യക്ഷന്‍ രാജ് ബബ്ബര്‍ മുതിര്‍ന്ന എസ്പി നേതാക്കളുമായി ഇന്നലെ ചര്‍ച്ച നടത്തിയിരുന്നു. എന്നാല്‍ തീരുമാനമാകാതെ പിരിയുകയായിരുന്നു.

ആദ്യ ഘട്ട തെരഞ്ഞെടുപ്പിന് നാമ നിര്‍ദേശ പത്രിക നല്‍കാന്‍ നാലു ദിവസം മാത്രം ശേഷിക്കെയാണ് സീറ്റു വിഭജനം എങ്ങുമെത്താതെ നില്‍ക്കുന്നത്. സീറ്റു വിഭജനം സംബന്ധിച്ച് ഇന്നും സമവായത്തിലെത്താന്‍ സാധിച്ചില്ലെങ്കില്‍ ഒറ്റക്കു മത്സരിക്കുന്നതാണ് നല്ലതെന്ന് എസ്.പിയിലെ മുതിര്‍ന്ന നേതാക്കള്‍ക്ക് അഭിപ്രായമുണ്ട്. സഖ്യ ചര്‍ച്ചകളില്‍ രാഹുല്‍ ഗാന്ധി നേരിട്ട് പങ്കെടുക്കാത്തതും എസ്പിയുടെ അതൃപ്തിക്കു കാരണമായി ചൂണ്ടിക്കാട്ടുന്നുണ്ട്.

അച്ഛനും മകനും തമ്മിലുള്ള ഭിന്നത പരിഹരിക്കുന്നതിന് മധ്യസ്ഥ ചര്‍ച്ചകള്‍ക്കു നേതൃത്വം വഹിച്ച അസം ഖാന്റെ മകന്‍ അബ്ദുല്ല അസീമിന് രാംപൂറില്‍ സീറ്റു നല്‍കി. അതേസമയം നരേഷ് അഗര്‍വാളിന്റെ മകന്‍ നിതിന്‍ അഗര്‍വാള്‍ ഹര്‍ദോയില്‍ മത്സരിക്കാനാണ് തീരുമാനം. സീറ്റ് അനുവിക്കലില്‍ മുസ്‌ലിം വിഭാഗത്തോട് അഖിലേഷിന് അവഗണനയാണെന്ന മുലായത്തിന്റെ ആരോപണവും തള്ളി. 191 സീറ്റുകളില്‍ അമ്പതെണ്ണം മുസ്‌ലിം വിഭാഗക്കാര്‍ക്ക് നല്‍കിയാണ് മുലായത്തിന്റെ ഈ ആരോപണം അഖിലേഷ് തിരുത്തിയത്.

യഥാര്‍ത്ഥ സമാജ്്‌വാദി പാര്‍ട്ടി അഖിലേഷ് യാദവ് നേതൃത്വം നല്‍കുന്നതാണെന്ന് തെരഞ്ഞെടുപ്പ് കമ്മീഷന്‍ വ്യക്തമാക്കിയതിനു പിന്നാലെയാണ് പ്രതികരണം. ”സൈക്കിള്‍ ചിഹ്നം ലഭിക്കുമെന്ന കാര്യത്തില്‍ ആത്മവിശ്വാസമുണ്ടായിരുന്നു. കുറച്ച് സമയം നഷ്ടമായി. സ്ഥാനാര്‍ത്ഥികളുടെ പട്ടിക തയ്യാറാക്കേണ്ടതുണ്ട്. എല്ലാവരേയും കൂടെ നിര്‍ത്തുക എന്നതാണ് വലിയ ഉത്തരവാദിത്ത”മെന്നും അഖിലേഷ് പറഞ്ഞു.

साइकिल चलती जायेगी…आगे बढ़ती जायेगी… pic.twitter.com/DjFzr2DtrK

— Akhilesh Yadav (@yadavakhilesh) January 16, 2017

തെരഞ്ഞെടുപ്പ് കമ്മീഷന്‍ വിധി വന്ന തിങ്കളാഴ്ച രാത്രി വൈകി അഖിലേഷ് യാദവ് മുലായംസിങിനെ സന്ദര്‍ശിച്ചിരുന്നു. വിശദാംശങ്ങള്‍ വെളിപ്പെടുത്തിയില്ലെങ്കിലും കൂടിക്കാഴ്ചക്കു തൊട്ടു പിന്നാലെ മൂന്ന് പഴയ ചിത്രങ്ങള്‍ അദ്ദേഹം ട്വിറ്ററില്‍ പോസ്റ്റു ചെയ്തു. ഒന്ന് പിതാവ് മുലായംസിങ് യാദവിനൊപ്പം നില്‍ക്കുന്നതും മറ്റു രണ്ടെണ്ണം ജനുവരി ഒന്നിന് രാംഗോപാല്‍ യാദവ് വിളിച്ചുചേര്‍ത്ത എസ്.പി ദേശീയ കൗണ്‍സില്‍ സമ്മേളനത്തിന്റേതുമായിരുന്നു.