അണക്കെട്ടിന്റെ വൃഷ്ടി മേഖലയില്‍ കഴിഞ്ഞ ദിവസങ്ങളില്‍ ശക്തമായ മഴയാണ് ലഭിച്ചത്. ഇതോടൊപ്പം ഡാമിലേക്കുള്ള ജലപ്രവാഹവും ഗണ്യമായി ഉയര്‍ന്നിരുന്നു. അതിന്റെ തുടര്‍ച്ചയായാണ് ജലനിരപ്പ് 140 അടിയിലേക്ക് എത്തിയത്.

142 അടിയാണ് മുല്ലപ്പെരിയാറിന്റെ റൂള്‍ കര്‍വ് പരിധിയും ഡാമിന്റെ പരമാവധി സംഭരണ ശേഷിയും. നവംബര്‍ 30-നാണ് ഈ മാസത്തെ റൂള്‍ കര്‍വ് കാലാവധി അവസാനിക്കുക. പതിവുപോലെ മാസാന്ത്യത്തോടെ ജലനിരപ്പ് 142 അടിയിലേക്ക് എത്തിക്കുന്നതിന്റെ ഭാഗമായാണ് നിലവിലെ സംഭരണ നിയന്ത്രണമെന്നാണ് സൂചന.

തമിഴ്‌നാട് ഡാമില്‍ നിന്ന് ഒഴുക്കുന്ന ജലത്തിന്റെ അളവ് കുറച്ചിരിക്കുന്നതിനാല്‍ വരും മണിക്കൂറുകളില്‍ ജലനിരപ്പ് 142 അടിയിലേക്ക് ഉയരാനാണ് സാധ്യത. എങ്കിലും നിലവില്‍ ആശങ്കപ്പെടേണ്ട സാഹചര്യമില്ലെന്നും ബന്ധപ്പെട്ട വിഭാഗങ്ങള്‍ അറിയിച്ചിട്ടുണ്ട്.

നാലാമത്തെ മേല്‍നോട്ട സമിതി യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. അണക്കെട്ടിന്റെ ഘടന, ഹൈഡ്രോ-മെക്കാനിക്കല്‍ ഉപകരണങ്ങള്‍, ഗാലറി ഉള്‍പ്പെടെയുള്ള വിവിധ ഘടകങ്ങള്‍ സമിതി നേരിട്ടു പരിശോധിച്ചു. 2025ലെ മണ്‍സൂണിന് ശേഷമുള്ള അണക്കെട്ടിന്റെ നില വിലയിരുത്തിയതിനെ തുടര്‍ന്നാണ് സമിതി ഈ വിലയിരുത്തല്‍ നടത്തിയത്.

‘അണക്കെട്ടിനെ ചൊല്ലിയുള്ള കേരള-തമിഴ്‌നാട് തര്‍ക്ക വിഷയങ്ങള്‍ യോഗത്തില്‍ രമ്യമായി പരിഹരിച്ചു. തമിഴ്‌നാട് സര്‍ക്കാര്‍ കേരളത്തിന് ചില ഉപകരണങ്ങള്‍ നല്‍കാന്‍ സമ്മതിച്ചിരിക്കുകയാണ്. അതുപോലെ വനമേഖലയിലൂടെ അണക്കെട്ട് പ്രദേശത്തേക്ക് തമിഴ്‌നാടിന് ആവശ്യമായ പ്രവേശനം നല്‍കാന്‍ കേരള സര്‍ക്കാര്‍ സമ്മതം നല്‍കിയതുമാണ്,’ അനില്‍ ജെയിന്‍ പറഞ്ഞു.

അണക്കെട്ടിന്റെ വെള്ളത്തിനടിയിലെ ഘടന വിലയിരുത്തുന്ന റിമോട്ട് ഓപ്പറേറ്റഡ് വെഹിക്കിള്‍ (ROV) സര്‍വേ റിപ്പോര്‍ട്ടിന്റെ അടിസ്ഥാനത്തില്‍ അടുത്ത നടപടികളെക്കുറിച്ച് യോഗത്തില്‍ ചര്‍ച്ച നടന്നു. റിപ്പോര്‍ട്ട് ലഭിച്ചതിനു പിന്നാലെ കേരളം ഗ്രൗട്ടിംഗ് ജോലികള്‍ക്ക് അനുമതി നല്‍കുമെന്ന് അറിയിച്ചിട്ടുണ്ട്.

ചെയര്‍മാന്‍ അനില്‍ ജെയിനിനൊപ്പം എന്‍ഡിഎസ്എ അംഗം രാകേഷ് ടോട്ടേജ, ബെംഗളൂരുവിലെ ഐ.ഐ.എസ്.സി പ്രതിനിധി ആനന്ദ് രാമസാമി, തമിഴ്‌നാട് സൂപ്പര്‍വൈസറി കമ്മിറ്റി സെക്രട്ടറി ജെ ജയകാന്തന്‍, കേരള സൂപ്പര്‍വൈസറി കമ്മിറ്റി അംഗം ബിശ്വനാഥ് സിന്‍ഹ, സൂപ്പര്‍വൈസറി കമ്മിറ്റി ചെയര്‍മാന്‍ ആര്‍ സുബ്രഹ്‌മണ്യന്‍, ഐഎസ്ഡബ്ല്യു-ഗോക് അംഗം ആര്‍ പ്രിയേഷ് എന്നിവരും അണക്കെട്ട് പ്രദേശം സന്ദര്‍ശിച്ചു.

മുല്ലപ്പെരിയാര്‍ ഡാമിന്റെ സുരക്ഷാ കാര്യങ്ങള്‍ ഇപ്പോള്‍ ദേശീയ ഡാം സുരക്ഷാ അതോറിറ്റിയുടെ മേല്‍നോട്ടത്തിലാണ്.

137.70 അടിയെന്ന റൂള്‍ കര്‍വ് പരിധി മറികടന്നതിന്റെ പശ്ചാത്തലത്തില്‍ സ്പില്‍വേ ഷട്ടറുകള്‍ തുറന്നതായാണ് അറിയിപ്പ്. ശനിയാഴ്ച പുലര്‍ച്ചേ ജലനിരപ്പ് 136.00 അടിയിലേക്ക് കുറഞ്ഞിരുന്നു, എന്നാല്‍ വൃഷ്ടിപ്രദേശങ്ങളില്‍ ലഭിച്ച മഴ മൂലം ഡാമിലേക്കുള്ള ജലപ്രവാഹം വര്‍ദ്ധിച്ചിരിക്കുകയാണ്.

പെരിയാര്‍ നദിയുടെ ഇരുകരകളിലും അധിവസിക്കുന്നവര്‍ അതീവ ജാഗ്രത പാലിക്കണമെന്നും ഇടുക്കി ജില്ലാ ഭരണകൂടം മുന്നറിയിപ്പ് നല്‍കി.

ഇടുക്കി ജില്ലയില്‍ കഴിഞ്ഞ ദിവസത്തെ തീവ്ര മഴ രേഖപ്പെട്ടു: കൂട്ടാറില്‍ 100 മില്ലീമീറ്റര്‍, വെള്ളയാംകുടിയില്‍ 188 മില്ലീമീറ്റര്‍ മഴ. കേന്ദ്ര കാലാവസ്ഥാ വകുപ്പ് സംസ്ഥാനത്ത് ഇന്നും ശക്തമായ മഴ തുടരാനാണ് മുന്നറിയിപ്പ് നല്‍കിയിരിക്കുന്നത്. പത്തനംതിട്ട, കോട്ടയം, എറണാകുളം, ഇടുക്കി, തൃശൂര്‍, പാലക്കാട്, മലപ്പുറം, കോഴിക്കോട്, വയനാട് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു.

മലയോര മേഖലകളില്‍ മഴ കനക്കാന്‍ സാധ്യതയുള്ളതിനാല്‍, ഉച്ചയ്ക്കു ശേഷമുള്ള ഇടിമിന്നലും കാറ്റോടുകൂടിയ മഴയും ഉണ്ടാകാന്‍ സാധ്യതയുണ്ട്.

അതേസമയം, ശക്തമായ കാറ്റും കടല്‍ പ്രക്ഷുബ്ധതയും കണക്കിലെടുത്ത് കേരള-കര്‍ണാടക-ലക്ഷദ്വീപ് തീരങ്ങളില്‍ മീന്‍പിടുത്തത്തിന് വിലക്കേര്‍പ്പെടുത്തി. തെക്ക് കിഴക്കന്‍ അറബിക്കടലിലും ലക്ഷദ്വീപ് പ്രദേശങ്ങളിലും സ്ഥിതിചെയ്യുന്ന ചക്രവാത ചുഴി ന്യൂനമര്‍ദ്ദമായി ശക്തി പ്രാപിക്കും.

മുല്ലപ്പെരിയാര്‍ ഡാമിന്റെ ജലനിരപ്പ് 137 അടിയായി ഉയര്‍ന്നതിനെ തുടര്‍ന്ന് സ്പില്‍വേ ഷട്ടറുകള്‍ രാവിലെ എട്ട് മണിക്ക് തുറക്കും. തമിഴ്‌നാട് അധികൃതരുടെ അനുസരണയായി 13 ഷട്ടറുകള്‍ ഉയര്‍ത്തി സെക്കന്‍ഡില്‍ 5000 ഘനയടി വെള്ളം വരെ പുറത്തേക്ക് ഒഴുക്കുമെന്ന് അറിയിച്ചു. നിലവില്‍ 44,000 ഘനയടി വെള്ളമാണ് സെക്കന്‍ഡില്‍ ഡാമിലേക്ക് എത്തുന്നത് 2018ന് ശേഷമുള്ള ഏറ്റവും ഉയര്‍ന്ന ഒഴുക്ക് ഇതാണ്.

കുമളിയില്‍ തോട് കരകവിഞ്ഞതിനെ തുടര്‍ന്ന് വീടുകളില്‍ വെള്ളം കയറി. വീട്ടില്‍ കുടുങ്ങിയ അഞ്ച് പേരെ രക്ഷപ്പെടുത്തി, 42 കുടുംബങ്ങളെ മാറ്റിപ്പാര്‍പ്പിച്ചു. വണ്ടിപ്പെരിയാര്‍ കക്കി കവലയിലടക്കം വീടുകളില്‍ വെള്ളം കയറി.

ഇന്നലെ രാത്രി 11 മണി മുതല്‍ പുലര്‍ച്ചെ നാല് വരെ ഇടുക്കിയില്‍ തീ വര്‍ധിച്ച മഴ പെയ്തിരുന്നു. ഇപ്പോള്‍ മഴയ്ക്ക് ചെറിയ ശമനമുണ്ടെങ്കിലും തൂക്കുപാലം, നെടുങ്കണ്ടം, കല്ലാര്‍, ബാലഗ്രാം എന്നിവിടങ്ങളില്‍ വീടുകളില്‍ വെള്ളം കയറി. നെടുങ്കണ്ടംതൂക്കുപാലം പ്രദേശങ്ങളില്‍ പാര്‍ക്ക് ചെയ്തിരുന്ന വാഹനങ്ങള്‍ ഒലിച്ചുപോയി, അതില്‍ ഒരു സ്‌കൂട്ടറും കാറുമുണ്ട്.

ജലനിരപ്പ് ഉയര്‍ന്നതിനെ തുടര്‍ന്ന് കല്ലാര്‍ ഡാമിന്റെ നാല് ഷട്ടറുകളും തുറന്നു. നിലവില്‍ നീരൊഴുക്ക് കുറവായതിനാല്‍ അധികാരികള്‍ സ്ഥിതിഗതികള്‍ നിരീക്ഷിച്ചുകൊണ്ടിരിക്കുകയാണ്.

സന്ദേശത്തില്‍ മുല്ലപ്പെരിയാര്‍ ഡാം ബോംബ് വച്ച് പൊട്ടിക്കുമെന്നായിരുന്നു ഭീഷണി. അതിനെ തുടര്‍ന്ന് ഡിവൈഎസ്പിയുടെ നേതൃത്വത്തില്‍ പൊലീസ് സംഘം, ബോംബ് സ്‌ക്വാഡ് എന്നിവരും സ്ഥലത്തെത്തി തിരച്ചില്‍ നടത്തി, എന്നാല്‍ സംശയാസ്പദമായി ഒന്നും കണ്ടെത്താനായില്ല. എങ്കിലും പ്രദേശത്ത് ശക്തമായ പരിശോധന തുടരുകയാണ്.

പ്രാഥമിക വിലയിരുത്തല്‍ പ്രകാരം ഇത് വ്യാജസന്ദേശമായിരിക്കാമെന്നു അധികൃതര്‍ സൂചിപ്പിച്ചു. എങ്കിലും സുരക്ഷയുടെ ഭാഗമായി നടപടികള്‍ തുടരുമെന്നാണ് അറിയിപ്പ്.

ബോംബ് ഭീഷണി സന്ദേശം ലഭിച്ചതിനെ തുടര്‍ന്ന് ഇടുക്കി ജില്ലാ ഭരണകൂടം സംസ്ഥാന പൊലീസ് മേധാവിയെയും, വനംവകുപ്പ് മേധാവിയെയും, തമിഴ്‌നാട് ഡിജിപിയെയും, തേനി ജില്ലാ കലക്ടറെയും വിവരം അറിയിച്ചു.

സെക്കന്‍ഡില്‍ 250 ക്യുസെക്‌സ് വെള്ളമാണ് പുറത്തേക്ക് ഒഴുക്കി വിടുന്നത്. പെരിയാര്‍ നദിയിലൂടെയാണ് വെള്ളം ഇടുക്കി അണക്കെട്ടിലേക്ക് ഒഴുക്കിവിടുന്നത്. ഇതേ തുടര്‍ന്ന് പെരിയാറില്‍ ജലനിരപ്പ് ഉയരുമെന്നതിനാല്‍ തീരത്തുള്ളവര്‍ ജാഗ്രത പാലിക്കണമെന്ന് ജില്ലാ കലക്ടര്‍ അറിയിച്ചു. നിലവില്‍ ആശങ്കപ്പെടാനുള്ള സാധ്യത ഇല്ല.

പെരിയാർ, മഞ്ജുമല, ഉപ്പുതുറ ,ഏലപ്പാറ, അയ്യപ്പൻകോവിൽ, കാഞ്ചിയാർ ആനവിലാസം, ഉടുമ്പുഞ്ചോല എന്നിവിടങ്ങളിൽ നിന്ന് 883 കുടുംബങ്ങളിലെ 3220 പേരെ വെള്ളിയാഴ്ച രാത്രി 8 മണിക്ക് മുൻപ് സുരക്ഷിതസ്ഥാനത്തേക്ക് മാറ്റാൻ ജില്ലാ കലക്ടർ വി വിഗ്നേശ്വരി റവന്യൂ ,പോലീസ് അധികാരികൾക്ക് നിർദ്ദേശം നൽകി.

ഇവർക്കായി 20ലധികം ക്യാമ്പുകൾ ഒരുക്കി കഴിഞ്ഞു. ഷട്ടറുകൾ തുറക്കേണ്ട സാഹചര്യമുണ്ടായാൽ പകൽ സമയത്ത് മാത്രമേ ആകാവൂ എന്ന് തമിഴ്നാടിനോട് അഭ്യർത്ഥിച്ചതായി കളക്ടർ അറിയിച്ചു.

ഏത് അടിയന്തര സാഹചര്യവും നേരിടാൻ ജില്ലാ ഭരണകൂടം തയ്യാറാണ്. വെള്ളിയാഴ്ച നാലുമണിവരെ ജലനിരപ്പ് 135.25 ആണ്. റവന്യൂ, പോലീസ് അധികാരികളുടെ നിർദ്ദേശങ്ങൾ പൊതുജനങ്ങൾ കൃത്യമായി പാലിക്കണമെന്ന് കളക്ടർ അഭ്യർത്ഥിച്ചു.

ജലനിരപ്പ് ഉയരുകയാണെങ്കില്‍ നാളെ ഡാം തുറക്കുമെന്നാണ് തമിഴ്‌നാട് ജലവിഭവവകുപ്പ് അറിയിക്കുന്നത്. അവസാന റിപ്പോര്‍ട്ട് അനുസരിച്ച് ഡാമിലെ ജലനിരപ്പ് 135 അടിയാണ്.

ജൂണ്‍ മാസത്തിലെ റോള്‍ കര്‍വ് പ്രകാരം 136 അടിയാണ് പരമാവധി സംഭരണശേഷി. സെക്കന്‍ഡില്‍ 6100 ഘനയടി വെള്ളമാണ് അണക്കെട്ടിലേക്ക് ഒഴുകിയെത്തുന്നത്. 1860 ഘനയടി വെള്ളമാണ് തമിഴ്നാട് കൊണ്ടുപോകുന്നത്.

ഇടുക്കി ഡാമിലെ ജലനിരപ്പ് 2368.06 അടിയായി ഉയര്‍ന്നിട്ടുണ്ട്. പാലക്കാട് മലമ്പുഴ ഡാമിന്റെ ഷട്ടറുകള്‍ ഇന്ന് തുറക്കും. നിലവില്‍ 111 . 24 മീറ്ററാണ് മലമ്പുഴ ഡാമിന്റെ ജലനിരപ്പ് .

സെക്കന്റില്‍ 6084 ഘനയടി വെള്ളം അണക്കെട്ടിലേക്ക് ഒഴുകിയെത്തുന്നുണ്ട്. എന്നാല്‍ സെക്കന്റില്‍ 1867 ഘനയടി വെള്ളം മാത്രമാണ് തമിഴ്‌നാട് കൊണ്ടു പോകുന്നത്. നിലവിലെ റൂള്‍ കര്‍വ് പ്രകാരം 136 അടി വെള്ളമാണ് തമിഴ്നാടിന് ജൂണ്‍ 30 വരെ സംഭരിക്കാനാകുക.

അതേസമയം ഈ സ്ഥിതി തുടര്‍ന്നാല്‍ 28 സ്പില്‍ വേ ഷട്ടര്‍ ഉയര്‍ത്തേണ്ടി വരുമെന്ന് തമിഴ്‌നാട് വ്യക്തമാക്കിയിട്ടുണ്ട്. ജലനിരപ്പ് ക്രമാതീതമായി ഉയര്‍ന്നാല്‍ ശനിയാഴ്ച അണക്കെട്ട് തുറക്കാനാണ് തമിഴ്നാട് തീരുമാനിച്ചിരിക്കുന്നത്. ജലനിരപ്പ് 136 അടിയില്‍ എത്തിയാല്‍ സ്പില്‍വേ വഴി വെള്ളം പുറത്തേക്ക് ഒഴുക്കും. പെരിയാര്‍ തീരത്ത് താമസിക്കുന്നവരടക്കം ജാഗ്രത പാലിക്കണം.