ഇന്ന് രാവിലെ 10.50ന് എറണാകുളത്ത് നിന്ന് പുറപ്പെടേണ്ട മംഗള എക്‌സ്പ്രസ് രണ്ടു മണിക്കൂറോളം വൈകി ഉച്ചക്ക് ഒരു മണിക്കാണ് പുറപ്പെട്ടത്. തിരുവനന്തപുരം-ഹസ്രത്ത് നിസാമുദ്ദീന്‍ രാജധാനി എക്‌സ്പ്രസ് വൈകിട്ട് 7.15ന് പുറപ്പെടേണ്ടതിന് പകരം മണിക്കൂറുകള്‍ വൈകി നാളെ പുലര്‍ച്ചെ 4.30നാണ് തിരുവനന്തപുരം സെന്‍ട്രലില്‍ നിന്ന് യാത്ര തുടങ്ങുക. അനുബന്ധ സര്‍വീസുകള്‍ അനിശ്ചിതമായി വൈകുന്നതിനാല്‍ നാളെ വൈകിട്ട് 7.15ന് പുറപ്പെടേണ്ട കൊച്ചുവേളി-അമൃത്സര്‍ എക്‌സ്പ്രസ് (12483) രാത്രി 10.30നായിരിക്കും പുറപ്പെടുക. ഇന്ന് രാത്രി 11.30ന് പുറപ്പെടേണ്ടിയിരുന്ന എറണാകുളം-ഹസ്രത്ത് നിസാമുദ്ദീന്‍ ദുരന്തോ എക്‌സ്പ്രസ് (12283) നാളെ ഉച്ചക്ക് 1.30ന് എറണാകുളത്ത് നിന്ന് പുറപ്പെടും.

ട്രെയിനിലെ മുഴുവന്‍ യാത്രക്കാരേയും രക്ഷപ്പെടുത്തിയതായി മഹാരാഷ്ട്ര മുഖ്യമന്ത്രി അറിയിച്ചു.

ശനിയാഴ്ച പുലര്‍ച്ചെ മൂന്നുമണിയോടെയാണ് ട്രെയിനിന് യാത്ര തുടരാന്‍ സാധിക്കാതെ വന്നത്. കരസേന, നാവികസേന, ആര്‍പിഎഫ് തുടങ്ങി സ്ഥലത്ത് എത്തിയതോടെ ട്രെയിനിലെ യാത്രക്കാരെ രക്ഷപ്പെടുത്താനുള്ള ശ്രമം ദ്രുതഗതിയിലായത്്. ബോട്ടുകളിലും ഹെലികോപ്റ്ററുകളിലുമായാണ് യാത്രികരെ രക്ഷപ്പെടുത്തിയത്.

ഒക്ടോബര്‍ അഞ്ചിന് ലോക്കല്‍ സ്റ്റേഷനുകളിലെ പ്രശ്‌നങ്ങള്‍ ചൂണ്ടിക്കാണിച്ച് റെയില്‍വേയ്ക്ക് പട്ടിക കൈമാറുമെന്നും സമയപരിധിക്കുള്ളില്‍ ഇക്കാര്യത്തില്‍ മാറ്റം ഉണ്ടായില്ലെങ്കില്‍ എന്താണ് സംഭവിക്കുകയെന്ന് അപ്പോള്‍ കാണാമെന്നും രാജ് താക്കറെ പറഞ്ഞു.

റെയില്‍വെ സ്റ്റേഷനുകളിലെ നടപ്പാലങ്ങളിലെ അനധികൃത വ്യാപാരികളെ പുറത്താക്കാന്‍ റെയില്‍വെ അധികൃതര്‍ക്ക് സമയം നല്‍കുമെന്നും അതിനുള്ളില്‍ അവരെ ഒഴിപ്പിച്ചില്ലെങ്കില്‍ അക്കാര്യം തങ്ങള്‍ സ്വയം നടത്തുമെന്നും അദ്ദേഹം മുന്നറിയിപ്പ് നല്‍കി.

ബുള്ളറ്റ് ട്രെയിന്‍ പദ്ധതിക്ക് പിന്നാലെ പായുന്ന ബിജെപിയും സര്‍ക്കാരും ജനങ്ങളുടെ സുരക്ഷയ്ക്ക് മുന്‍ഗണന നല്‍കണമെന്ന് അദ്ദേഹം ഓര്‍മിപ്പിച്ചു. സംഭവത്തിന്റെ ഉത്തരവാദിത്തം ഏറ്റെടുത്ത് റെയില്‍വേ മന്ത്രി പിയുഷ് ഗോയല്‍ രാജി വയ്ക്കണമെന്നും ബിജെപിയുടെ കേന്ദ്രത്തിലെ മുഖ്യ സഖ്യകക്ഷികളിലൊന്നായ ശിവസേന ആവശ്യപ്പെട്ടു.

അതിനിടെ റെയില്‍വെ മന്ത്രി പിയൂഷ് ഗോയല്‍ രാജിവെക്കണമെന്നാവശ്യവുമായി മറ്റു ശിവസേന നേതാക്കളും രംഗത്തെത്തിയിട്ടുണ്ട്. അപകടത്തില്‍ പരിക്കേറ്റവരെ പ്രവേശിപ്പിച്ച കെ.ഇ.എം ആശുപത്രിയിലെത്തിയ മന്ത്രി പിയൂഷ് ഗോയല്‍, മഹാരാഷ്ട്ര വിദ്യാഭ്യാസ മന്ത്രി വിനോദ് ത്വാദെ എന്നിവര്‍ക്കെതിരെ നൂറോളം ശിവസേന പ്രവര്‍ത്തകര്‍ മുദ്രാവാക്യം വിളികളുമായി രംഗത്തെത്തി.
അപകടത്തില്‍ സര്‍ക്കാരിനെതിരെ കോണ്‍ഗ്രസ് അധ്യക്ഷ സോണിയാ ഗാന്ധിയും വിമര്‍ശനമുന്നയിച്ചു. ഇത് മനുഷ്യനിര്‍മിത ദുരന്തമാണെന്ന് കോണ്‍ഗ്രസ് അധ്യക്ഷ പറഞ്ഞു. ശക്തമായ അന്വേഷണം നടത്തി ഉത്തരവാദികള്‍ക്കെതിരെ നടപടിയെടുക്കണമെന്നും അവര്‍ ആവശ്യപ്പെട്ടു.

കനത്ത മഴയ്ക്കിടെ മുംബൈ നഗരത്തിലെ എന്‍ഫിന്‍സ്റ്റണ്‍ റെയില്‍വെ സ്‌റ്റേഷനിലെ കാല്‍പനടപ്പാതയിലുണ്ടായ തിക്കിലും തിരക്കിലുംപെട്ട് 22 പേരാണ് മരിച്ചത്. ഇന്ന് രാവിലെ ഒന്‍പതരയോടെയാണ് അപകടമുണ്ടായത്. അപകടത്തില്‍ 39 പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്.

അധികൃതരുടെ കനത്ത അനാസ്ഥയാണ് ദുരന്തത്തിന് വഴിവെച്ചത്. കാല്‍നടപ്പാലത്തിന്റെ വീതി കൂട്ടുന്നതുള്‍പ്പെടെ റെയില്‍വേ സ്‌റ്റേഷനില്‍ നടപ്പാക്കേണ്ട വികസപ്രവൃത്തികളെപ്പറ്റി റെയില്‍വേ മന്ത്രിയായിരുന്ന സുരേഷ് പ്രഭു ഒന്നര വര്‍ഷം മുന്‍പ് ഉറപ്പു നല്‍കിയതാണ്. എന്നാല്‍ ഇതിന്മേല്‍ തുടര്‍നടപടികളൊന്നും ഇല്ലാതിരുന്നതാണ് വെള്ളിയാഴ്ചത്തെ അപകടത്തിനു കാരണമായത്. അപകടസമയത്ത് പൊലീസ് എത്താന്‍ വൈകിയതിനെപ്പറ്റിയും വിമര്‍ശനമുയരുന്നുണ്ട്.