ഊഹാപോഹങ്ങൾ പ്രചരിപ്പിച്ച് ആശയക്കുഴപ്പങ്ങൾ ഉണ്ടാക്കാതിരിക്കാനും സമൂഹത്തിൽ ഛിദ്രത ഉണ്ടാക്കാതിരിക്കാനും എല്ലാവരോടും അദ്ദേഹം അഭ്യർത്ഥിച്ചു. അനാവശ്യ പ്രചരണങ്ങൾ നടത്തരുത്.

സമീപകാലത്തെ പല സംഭവങ്ങളിലും നടന്ന പ്രചാരണങ്ങൾ വസ്തുതാ വിരുദ്ധമായിരുന്നു എന്ന് പിന്നീട് തെളിഞ്ഞതാണെന്ന കാര്യം അദ്ദേഹം ഓർമ്മപ്പെടുത്തി. പരിക്കേറ്റ് ആശുപത്രിയിൽ കഴിയുന്നവർക്ക് ഏറ്റവും മികച്ച ചികിത്സ ഉറപ്പാക്കണമെന്നും അദ്ദേഹം ആവശ്യപ്പെട്ടു.

വെറുപ്പ് ഇന്ധനമാക്കിയ എല്ലാ ദുഷ്-പ്രവർത്തനങ്ങളെയും ഒരുമിച്ചു പരാജയപ്പെടുത്തിയ കേരളീയ സമൂഹം ഈ ഹീന പ്രവർത്തിയേയും അതിജയിക്കും

സയ്യിദ് മുഹമ്മദലി ശിഹാബ് തങ്ങള്‍, അബ്ദുസമദ് സമദാനി, മുനവ്വറലി ശിഹാബ് തങ്ങള്‍, നഈം അലി ശിഹാബ് തങ്ങള്‍, പിവി മുഹമ്മദ് അരീക്കോട് തുടങ്ങിയവരാണ് ഫോട്ടോയിലുള്ളത്.

1987ലായിരുന്നു സാദിഖലി ശിഹാബ് തങ്ങളുടെ വിവാഹം. വധുവിന്റെ വീട്ടില്‍ നിന്നെടുത്ത ഫോട്ടോയാണ് തങ്ങള്‍ പങ്കുവെച്ചിരിക്കുന്നത്.

ഫെയ്‌സ്ബുക്ക് പോസ്റ്റിന്റെ പൂര്‍ണരൂപം:

ഷാർജ അന്താരാഷ്ട്ര പുസ്തകോത്സവത്തിൽ യു.എ.ഇ പ്രസിഡന്റിന്റെ മതകാര്യ ഉപദേഷ്ടാവ് സയ്യിദ് അബ്ദുറഹ്മാൻ അലി അൽ ഹാശിമി മലയാളത്തിന്റെ പ്രിയ ഗ്രന്ഥകാരൻ ടി.പത്മനാഭന് കോപ്പി നൽകിയാണ് പ്രകാശനം ചെയ്തത്. ഡോ. എം.കെ. മുനീർ അധ്യക്ഷത വഹിച്ചു. കൊണ്ടോട്ടി ഗവ. കോളേജ് ഇംഗ്ലീഷ് വിഭാഗം അസി. പ്രൊഫസറായ ഡോ. ആ ബിദ ഫാറൂഖിയാണ് പുസ്തകത്തിന്റെ പരിഭാഷ തയ്യാറാക്കിയത്.

പുസ്തകോത്സവത്തിൽ തിങ്ങിനിറഞ്ഞ പ്രധാന വേദിയായ ബാൾ ഹാളിൽ വെച്ചാണ് ചടങ്ങ് നടന്നത്.
പാണക്കാട് സയ്യിദ് മുഹമ്മദലി ശിഹാബ് തങ്ങൾ കേരളത്തിന്റെ മാത്രം നേതാവല്ലെന്നും ആഗോള തലത്തിൽ ശ്രദ്ധേയമായ നിലപാടുള്ള ലോകോത്തര നേതാവായിരുന്നെന്നും പ്രകാശനം നിർവ്വഹിച്ചുകൊണ്ട് അലി അൽ ഹാശിമി പറഞ്ഞു. അദ്ദേഹത്തിന്റെ വ്യക്തി മാഹാത്മ്യം എക്കാലത്തും ഓർമിക്കപ്പെടുമെന്നും നന്മയും സ്നേഹവും കരുതലായി സൂക്ഷിച്ച ജനനേതാവായിരുന്നു അദ്ദേഹമെന്നും ഹാശിമി വ്യക്തമാക്കി.
അപൂർവം ആളുകളെ മാത്രമേ ഞാൻ അങ്ങോട്ട് പോയി കാണാൻ ആഗ്രഹിച്ചിട്ടുള്ളു. അതിലൊരാളാണ് ശിഹാബ് തങ്ങളെന്ന് കഥാകൃത്ത് ടി. പത്മനാഭൻ പറഞ്ഞു.

ജീവിച്ചിരിക്കെ കൂടിക്കാഴ്ച നടന്നിട്ടില്ല. എന്നാൽ മരണ വിവരം അറിഞ്ഞ ഉടനെ പാണക്കാട്ടേക്ക് പുറപ്പെട്ടെന്നും ശിഹാബ് തങ്ങളുടെ കുടുംബത്തെ ആശ്വസിപ്പിച്ചെന്നും, പത്മനാഭൻ ഓർമ്മകൾ പങ്ക് വെച്ചു.
മലയാളത്തിന്റെ അതിരുകൾക്കപ്പുറത്തേക്ക് പടർന്ന് കിടക്കുന്ന ശിഹാബ് തങ്ങളുടെ അപൂർവ വ്യക്തിത്വത്തിന്റെ പ്രകാശനം കൂടിയായിരുന്നു ചടങ്ങ്. ഒലിവ് പബ്ലിക്കേഷനാണ് പുസ്തകം പ്രസിദ്ധീകരിച്ചത്. ഷാർജ പുസ്തകോത്സവത്തിൽ തുടർച്ചയായി മൂന്നാം വർഷവും ശിഹാബ് തങ്ങളെക്കുറിച്ചുള്ള പുസ്തകത്തിന്റെ പ്രകാശനം നടന്നത് അപൂർവ്വതയായി. നുറുകണക്കിനാളുകളാണ് വിവിധ രാജ്യങ്ങളിൽ നിന്നും എമിറേറ്റ്സുകളിൽ നിന്നുമായി ചടങ്ങിനെത്തിയത്.
ഷാർജ മീഡിയ കൗൺസിൽ ചെയർമാൻ ശൈഖ് സുൽത്താൻ ബിൻ അഹ്മദ് അൽ ഖാസിമി, ഇബ്റാഹീം അൽ അബിദ് എന്നിവർ ശൈഖ് സായിദ്, സി.എച്ച് മുഹമ്മദ് കോയ എന്നിവരെ കുറിച്ചുള്ള പുസ്തകങ്ങളുടെ പ്രകാശനവും നിർവ്വഹിച്ചു.
ഷഹനാസ് തയ്യാറാക്കിയ കലിഡോസ്കോപ് എന്ന പുസ്തകത്തിന്റെ അറബി പരിഭാഷ അൽ മശാകിൽ എന്ന ഗ്രന്ഥവും ചടങ്ങിൽ പ്രകാശനം ചെയ്തു. സംവിധായകൻ നിഷാദ് ഏറ്റുവാങ്ങി.
കെ.എം.സി.സി നേതാക്കളായ ശംസുദ്ധീൻ ബിൻ മുഹയുദ്ദീൻ, ഡോ. പുത്തൂർ റഹ്മാൻ, അൻവർ നഹ, അബ്ദുല്ല ഫാറൂഖി, കുവൈത്ത്, കാനഡ, മലേഷ്യ എന്നിവിടങ്ങളിലെ കെ.എം.സി.സി. നേതാക്കൾ, വ്യവസായ പ്രമുഖർ, ഉദ്യോഗസ്ഥർ എന്നിവർ പങ്കെടുത്തു.

പോസ്റ്റിന്റെ പൂര്‍ണ്ണരൂപം:

ജുനൈദിന്റെ ഉമ്മയും സഹോദരനും ഇന്ന് പാണക്കാട് വന്നിരുന്നു.രണ്ടര വര്‍ഷത്തിനിപ്പുറവും മകന്‍ മരിച്ച തീരാവേദനയില്‍ മനസ്സുരുകി കഴിയുന്ന ആ ഉമ്മയെയും സഹോദരനെയും കണ്ടപ്പോള്‍ വല്ലാത്ത വേദന തോന്നി.ഇന്നും മകന്റെ അസാധാരണ മരണത്തിന്റെ കഠിന ദു:ഖത്തില്‍ നിന്നും അവര്‍ മോചിതയായിട്ടില്ല. വല്ലാത്തൊരുവിതുമ്പലോടെയാണ് അവര്‍ സംസാരിച്ചത്. ജുനൈദിന്റെ ഓര്‍മ്മകള്‍ അവരെ ഇപ്പോഴും സങ്കടപ്പെടുത്തി കൊണ്ടിരിക്കുകയാണ്.ഒരു മാതാവിനും ഒരിക്കലും ഉള്‍ക്കൊള്ളാന്‍ കഴിയാത്ത, അത്യന്തം വേദനാജനകമായ പൈശാചികതയായിരുന്നുവല്ലോ ജുനൈദിന്റെ അറും കൊല.
ജുനൈദിനെ മാത്രമല്ല, അവന്റെ സഹോദരനായ ശുക്കൂറിനെയും ഹാഷിമിനെയും അവര്‍ ആക്രമിക്കുകയുണ്ടായി. ട്രെയിനില്‍ രക്തത്തില്‍ പുരണ്ട് കൊല ചെയ്യപ്പെട്ട് കിടക്കുന്ന ജുനൈദിന്റെ ചിത്രം കാണിച്ചുതന്ന് അവര്‍ വീണ്ടും വികാരഭരിതയായി നമ്മുടെ മുമ്പില്‍ വിതുമ്പിക്കരഞ്ഞു.മകനെ കൊല ചെയ്ത കത്തിയും ഉയര്‍ത്തിപ്പിടിച്ചു അഭിമാനത്തോടെ നില്‍ക്കുന്ന, ആ കൊടും ക്രൂരനായ ഘാതകന്റെ ചിത്രവും അവര്‍ കാണിക്കുകയുണ്ടായി.ചെറിയ കാലയളവ് ജയിലില്‍ കിടത്തിയ ശേഷം കൊലയാളിയേയും വെറുതെ വിട്ടു. ഹരിയാന ഗവണ്‍മെന്റ് വാഗ്ദാനം ചെയ്ത പത്ത് ലക്ഷം രൂപ പോലും ഇന്നും ജുനൈദിന്റെ കുടുംബത്തിന് നല്‍കിയിട്ടില്ല. സഹോദരന് ഗവണ്‍മെന്റ് നല്‍കാമെന്നേറ്റ ജോലിയും ഇതുവരെയില്ല..
മൃഗത്തെ പോലെ ഒരു മനുഷ്യനെ കത്തികൊണ്ടറുത്തു കൊന്നിട്ടും അതിനെ ഇപ്പോഴും ചോദ്യം ചെയ്യാന്‍ ആരും തയ്യാറാല്ലാത്ത ഈ ദുരവസ്ഥ ഒന്നോര്‍ത്ത് നോക്കൂ.എത്രമേല്‍ ഭയാനകമാണിത്. ഇങ്ങനെ ആര്‍ക്കും എന്തും ആരെയും ചെയ്യാമെന്ന രാജ്യത്തെ പുതിയ സാമൂഹിക സാഹചര്യത്തെ കുറിച്ചോര്‍ത്ത് സ്തബ്ധിച്ചു പോവുകയാണ്. പക്ഷേ ജുനൈദിന്റെ പ്രിയ മാതാവ് ധീരയായ വനിതയാണ്. തീരാത്ത സങ്കടക്കടല്‍ മനസ്സിനെ കീറി മുറിക്കുമ്പോഴും ആ മുഖത്ത് നിശ്ചയദാര്‍ഢ്യമുണ്ട്. പക്ഷേ അവരുടെ പ്രതീക്ഷ അസ്തമിച്ചു പോയിരിക്കുന്നു. സംഘ് പരിവാര്‍ ഫാഷിസ്റ്റ് യുഗത്തില്‍ തന്റെ മകന് നീതി കിട്ടുമെന്നുള്ള വിശ്വാസം അവര്‍ക്കില്ലാതായിരിക്കുന്നു. അപ്പോഴും അവര്‍ക്കൊരു സ്വപ്നമുണ്ട്. ജുനൈദിനെ മതേതര മനസ്സിനുടമകളായ,മനുഷ്യ സ്‌നേഹികളായ ഇന്ത്യക്കാര്‍ മറന്നു പോകരുതെന്ന സ്വപ്നം.ചുരുങ്ങിയത് സ്വന്തം ഗ്രാമമെങ്കിലും അവനെ എക്കാലവും ഓര്‍ക്കണമെന്ന സ്വപ്നം. അതിന് തന്റെ പ്രിയപ്പെട്ട മകന്റെ പേരില്‍ ഒരു വിദ്യാഭ്യാസ സ്ഥാപനം തുടങ്ങാന്‍ ഈ ഉമ്മ ആഗ്രഹിക്കുന്നു.സ്വന്തം പേരിലുള്ള വസ്തുവകകള്‍ വിറ്റ് സമാഹരിച്ച 35 ലക്ഷം രൂപ ഒരേക്കര്‍ സ്ഥലത്തിനായി നല്‍കി ഈ ഉദ്യമത്തിലേക്ക് അവര്‍ കാലെടുത്ത് വെച്ചിരിക്കുന്നു. ഇനി ബാക്കി 15 ലക്ഷം രൂപ കൂടി നല്‍കേണ്ടതായിട്ടുണ്ട്.അത് നല്‍കിയാലേ സ്ഥലം ലഭ്യമാവൂ.ഇതവര്‍ നമ്മുടെ മുമ്പില്‍ വന്ന് പറയുന്നത് കേട്ടപ്പോള്‍, എന്തുകൊണ്ടും നമ്മളേറ്റെടുക്കേണ്ട അര്‍ഹമായ വിഷയമായാണ് തോന്നിയത്.
അടുത്ത നിമിഷമെന്ത് എന്നുറപ്പില്ലാത്ത, നമ്മുടെ രാജ്യത്തിന്റെ ഇപ്പോഴത്തെ സാഹചര്യത്തില്‍ ശിഷ്ടകാലം നമ്മുടെ സഹോദരന്റെ ഓര്‍മ്മയ്ക്കായി അദ്ദേഹത്തിന്റെ പ്രിയ മാതാവിന്റെ ജീവിതാഭിലാഷം പോലൊരു സ്ഥാപനം നമുക്ക് പണിയാം. ജുനൈദിന്റെ സ്മരണകളില്‍, അനീതിക്കെതിരെ പോരാടുന്ന ഒരു സമൂഹമായി ആസ്ഥാപനത്തിന്റെ സന്തതികള്‍ ഉയര്‍ന്നു വരട്ടെ.അസഹിഷ്ണുതയും അനീതിയും ചോദ്യം ചെയ്യുന്ന, സാഹോദര്യത്തിന് വേണ്ടി വിവേകത്തോടെ നിലകൊള്ളുന്ന,ലോകം കേള്‍ക്കുന്ന ശബ്ദത്തിന്റെ ഉടമകളായി ഒരു ഉമ്മത്തിനെ വളര്‍ത്തി കൊണ്ടുവരാന്‍ സാധിക്കുന്ന അത്തരമൊരു സ്ഥാപനത്തെ ജുനൈദിന്റെ പേരില്‍ നമുക്കൊന്നായി സാക്ഷാത്കരിച്ചു നല്‍കാം. എല്ലാവരും ഇതിനുവേണ്ടി മുന്നിട്ടിറങ്ങണം. സഹായിക്കണം. സഹായിക്കാന്‍ താല്‍പര്യമുള്ളവര്‍ എന്നെയോ യൂത്ത് ലീഗ് ദേശീയ ജനറല്‍ സെക്രട്ടറി സി കെ സുബൈറിനെയോ എം.എസ്.എഫ് ദേശീയ വൈസ് അഹമ്മദ് സാജുവിനേയോ അല്ലെങ്കില്‍ പാര്‍ട്ടി ചാനലുകള്‍ വഴിയോ സഹായമെത്തിക്കണമെന്ന് അഭ്യര്‍ത്ഥിക്കുന്നു. അള്ളാഹു അനുഗ്രഹിക്കട്ടെ.ഈ മഹദ് ഉദ്യമം പ്രയാസങ്ങളില്ലാതെ യാഥാര്‍ത്ഥ്യമാവട്ടെ.

ഇഗ ്വൗയമശൃ +91 98464 24777
അവമാലറ ടമഷൗ +91 95443 46756
ദമശിൗഹ അയശറ +918589881000

പത്ത് പേര്‍ക്ക് മാത്രം നിസ്‌കരിക്കാവുന്ന പാനൂര്‍ മൊകേരിയിലെ വളരെ ചെറിയൊരു നമസ്‌കാര പള്ളി മാറ്റി പുതിയ പള്ളി പണിയാന്‍ സഫാരി സൈനുല്‍ ആബിദീന്‍ സാഹിബ് ആവശ്യപ്പെട്ടപ്പോഴേക്കും, പ്രൊജക്ട് ആവശ്യപ്പെടുകയും തുടര്‍ന്ന് 50 ലക്ഷം രൂപയുടെ പ്രൊജക്ട് സമര്‍പ്പിച്ചപ്പോള്‍, തുക പ്രശ്‌നല്ലെന്ന് അറിയിച്ചു. പിതാവിന്റെ കത്ത് അദ്ദേഹം അതിനൊപ്പം ചേര്‍ത്തിരുന്നു. അതില്‍ വാപ്പ കുറിച്ചത് ഇങ്ങനെയാണ്. ‘ഡിയര്‍ മിസ്റ്റര്‍ മേനോന്‍ പ്ലീസ് കണ്‍സിഡര്‍ ദി സ് മസ്ജിദ് ‘. കത്ത് ലഭിച്ചപ്പോഴേക്കും അദ്ദേഹം പൂര്‍ണ സംതൃപ്തനായി.

ചെറുശ്ശേരി സൈനുദ്ദീന്‍ മുസ്‌ലിയാരോടും സൈനുല്‍ ആബിദീന്‍ സാഹിബ് വിഷയങ്ങള്‍ അന്വോഷിച്ചു. അദ്ദേഹവും അതിന് പൂര്‍ണ്ണ സമ്മതം നല്‍കി.
തുടര്‍ന്ന് നിര്‍മ്മാണ പ്രവര്‍ത്തനങ്ങളുമായി മേനോന്‍ മുന്നോട്ട് പോയി. ഒരു കോടി അഞ്ചു ലക്ഷത്തിനാണ് തുടര്‍ന്ന് നിര്‍മ്മാണം പൂര്‍ത്തീകരിച്ചത്.

മത സൗഹാര്‍ദ്ദത്തിന്റെ പ്രതീകമായ ഈ മസ്ജിദിന്റെ ഉദ്ഘാടന ചടങ്ങില്‍ വന്ദ്യ പിതാവിനൊപ്പം ഉമ്മന്‍ ചാണ്ടി, അഹ്മദ് സാഹിബ് , പി.കെ. കുഞ്ഞാലിക്കുട്ടി സാഹിബ് തുടങ്ങി മത സാമൂഹിക രാഷ്ട്രീയ രംഗത്തെ നിരവധി പേരാണ് പങ്കെടുത്തത്.
ഇവിടെ കാലങ്ങളായി വര്‍ഷം തോറും അദ്ദേഹം തന്നെ നോമ്പ് തുറ സംഘടിപ്പിക്കുകയും ചെയ്യാറുണ്ട്. ഇത്രയും തുക മുടക്കി ഇത്ര മാത്രം വലിയൊരു മസ്ജിദ് പണി കഴിച്ച് നല്‍കിയതിന്റെ പേരില്‍ സ്വന്തം സമുദായത്തില്‍ നിന്ന് പോലും വിമര്‍ശനം നേരിട്ടെങ്കിലും അതൊന്നും ചെവികൊള്ളാന്‍ ആ മഹാമനീഷി തയ്യാറായിരുന്നില്ല.

മുസ്ലിം ലീഗിന്റേയും നമ്മുടെ വിവിധ സ്ഥാപനങ്ങളുടെയും വിവിധ പരിപാടികളുമായി എപ്പോഴും അദ്ദേഹം സഹകരിച്ചിരുന്നു. അത്തോളി ഭാഗത്ത് നാം ആവശ്യപ്പെട്ടപ്പോഴേക്കും ഒരു ബൈതുറഹ്മയും അദ്ദേഹം പണിതു നല്‍കിയത് ഞാന്‍ ഓര്‍ക്കുകയാണ്.

സകാത്ത്, സ്വദഖ എന്നിവ വളരെ കൃത്യമായി നിര്‍വ്വഹിക്കുന്നതിലും അതീവ ജാഗ്രതയും ശ്രദ്ധയും അദ്ദേഹം കാണിച്ചിരുന്നു.
പ്രവാസി ഭാരതീയ സമ്മാന്‍, വേള്‍ഡ് മലയാളി കൗണ്‍സിലിന്റെ ഫെഡറല്‍ ബാങ്ക് കേരള ബിസിനസ്സ് അവാര്‍ഡ്, ഖത്തര്‍ ഭരണകൂടത്തിന്റെ ദോഹ ഇന്റര്‍ഫെയ്ത് ഡയലോഗ് പുരസ്‌കാരം തുടങ്ങി നിരവധി അംഗീകാരങ്ങള്‍ അദ്ദേഹത്തെ തേടിയെത്തി.

ഞങ്ങളുടെ കുടുംബമായി വളരെ അടുത്ത് ഇടപഴകുകയും സ്‌നേഹം ചൊരിയുകയും ചെയ്ത മേനോന്റെ ആത്മാവിന് ദൈവം നിത്യ ശാന്തി നല്‍കട്ടെ…

മുനവ്വറലി തങ്ങള്‍

കോഴിക്കോട്: സുപ്രീംകോടതി ജീവപര്യന്തം തടവിനു ശിക്ഷിച്ച മുന്‍ ഐ.പി.എസ് ഓഫീസര്‍ സഞ്ജീവ് ഭട്ടിന്റെ ഭാര്യ ശ്വേത ഭട്ടിനെയും മക്കളെയും ഫോണില്‍ വിളിച്ച് ആശ്വസിപ്പിച്ച് മുസ്ലിം യൂത്ത്‌ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍. മുസ്ലിംലീഗിന്റെ പിന്തുണയും പ്രാര്‍ഥനയും കുടുംബത്തിനുണ്ടാവുമെന്ന് തങ്ങള്‍ അവരെ അറിയിച്ചു.

ഫെയ്‌സ്ബുക് പോസ്റ്റിന്റെ പൂര്‍ണരൂപം:

സഞ്ജീവ് ഭട്ടിന്റെ ഭാര്യ ശേത്വ ഭട്ടിനെയും മക്കളെയും ഫോണില്‍ ബന്ധപ്പെട്ടു. പിന്തുണയും പ്രാര്‍ത്ഥനയും അറിയിച്ചു.നീതിക്കു വേണ്ടിയുള്ള ഒറ്റയാള്‍ പോരാട്ടത്തിന്റെ കനല്‍ വഴികളില്‍ കാവലായി ഞങ്ങളുണ്ടെന്ന ഉറപ്പ്അവരെ ഏറെ സന്തോഷിപ്പിച്ച പോലെ അവരുടെ നന്ദി വാക്കുകളില്‍ പ്രതിഫലിച്ചു. കേരളത്തിലെ ജനങ്ങളുടെ നിറഞ്ഞ പിന്തുണ മുന്നോട്ട് നീങ്ങാന്‍ പ്രചോദനമാണെന്ന് ശ്വേത ഭട്ട് പറഞ്ഞു.

എനിക്ക് സത്യമുണ്ട്, ശക്തിയില്ല.നിങ്ങള്‍ക്ക് ശക്തിയുണ്ട്, സത്യമില്ല. നിങ്ങള്‍ നിങ്ങളും ഞാന്‍ ഞാനുമായത് കൊണ്ട് സന്ധിയുടെ പ്രശ്‌നമേയില്ല, പോരാട്ടം തുടങ്ങട്ടെ എന്ന് പറഞ്ഞ സഞ്ജീവ് ഭട്ടിനെക്കാള്‍ വലിയ ജീവിക്കുന്ന പ്രതീകവും പ്രചോദനവും ഫാഷിസത്തിന്റെ ഈ കറുത്ത രാപ്പകലുകളില്‍ നമുക്ക് മറ്റെന്തുണ്ട്? സ്വന്തം ശക്തിയും ദൗര്‍ബല്യവും തിരിച്ചറിഞ്ഞ് ഭൂമിയില്‍ വേര്‍തിരിവുകളുടെ മതില്‍ക്കെട്ടുകള്‍ തീര്‍ക്കുന്ന എന്തിനോടും നിരന്തരം കലഹിക്കാന്‍ ആ അര്‍ദ്ധനഗ്‌നനായ ഫക്കീറിനെ സജ്ജനാക്കിയതെന്തോ അത് മതേതരത്വത്തെ സ്‌നേഹിക്കുന്ന ഓരോ ഇന്ത്യക്കാരനും തിരിച്ചറിയേണ്ട സമയമാണിത്.

മതേതരത്വവും രാജ്യസ്‌നേഹവും അധികാരത്തിലേക്കുള്ള കുറുക്ക് വഴികളല്ലാത്ത ഓരോ ഭാരതീയനും സഞ്ജീവ് ഭട്ടിനും ശ്വേതഭട്ടിനുമൊപ്പം നിലയുറപ്പിക്കേണ്ടതുണ്ട്. നാം അവര്‍ക്കൊപ്പമായിരിക്കണം. ശ്രീകുമാറിനും ടീസ്റ്റ സെത്തില്‍ വാദിനും ഇഹ്‌സാന്‍ ജാഫ്രിക്കും ഹരേന്‍ പാണ്ഡ്യക്കും അതുപോലുള്ള അനേകര്‍ക്കുമൊപ്പം. ജനാധിപത്യ മൂല്യങ്ങളെയും മതേതരത്വസിദ്ധാന്തങ്ങളെയും ഹൃദയത്തിലേറ്റിയ മനുഷ്യസ്‌നേഹികളുടെ ഐക്യദാര്‍ഢ്യത്തിനൊപ്പം പങ്ക് ചേരുന്നു..

കേരളം ബി ജെ പിയുടെ രാഷ്ട്രീയ ശ്മശാനഭൂമികയാണെന്ന് ഒരിക്കല്‍ കൂടെ തെളിയിച്ച തെരെഞ്ഞെടുപ്പാണ് കടന്ന് പോയത്. ധ്രുവീകരണ വിരുദ്ധ രാഷ്ട്രീയമാണ് കേരളത്തിന്റെ പാരമ്പര്യം. ഉയര്‍ന്ന സാംസ്‌കാരിക അവബോധവും രാഷ്ട്രീയ പ്രബുദ്ധതയും മതത്തിന്റെയും ജാതിയുടേയും വര്‍ഗ്ഗത്തിന്റെയും പേരില്‍ മനുഷ്യനെ ഭിന്നിപ്പിക്കുന്നവര്‍ക്കെതിരെ ജാഗ്രത പുലര്‍ത്താന്‍ കേരളീയ സമൂഹത്തെ എന്നും പ്രാപ്തമാക്കുന്നു.ഇത് ഇന്ത്യക്ക് മാതൃകയാണ്.

പത്തനംതിട്ടയില്‍ ആന്റോ ആന്റണിയുടെയും തിരുവനന്തപുരത്ത് ഡോക്ടര്‍ ശശി തരൂരിന്റെയുമൊക്കെ തുടര്‍ വിജയങ്ങള്‍ ഫാഷിസ്റ്റ് വിരുദ്ധ പോരാട്ടത്തെ ഫലപ്രദമായി നയിക്കാന്‍ യുഡിഎഫിനേ സാധിക്കൂവെന്ന കേരളീയ സമൂഹത്തിന്റെ വിശ്വാസത്തിന്റെ ഉദാഹരണമാണ്. പത്തനംതിട്ടയിലെ വിജയം വിശ്വാസികളെ വേദനിപ്പിച്ച എല്‍ ഡി എഫിനും അതില്‍ മുതലെടുപ്പിന്റെ രാഷ്ട്രീയം കളിച്ച ബിജെപിക്കുമെതിരെയുള്ള വിധിയെഴുത്താണ്. അപ്പോഴും എല്‍ ഡി എഫ് പറയുന്നത് തങ്ങളുടെ നിലപാടുകളാണ് ബി ജെ പി യെ കേരളത്തില്‍ നിന്നും അകറ്റി നിര്‍ത്തുന്നത് എന്നാണ്.അടിസ്ഥാന രഹിതമായ വാദമാണിതെന്ന് കേരളത്തിന്റെ ഇലക്ഷന്‍ ഫലം തന്നെ നമ്മോട് പറയുന്നു.

ഇന്ത്യയെ തിരിച്ചുപിടിക്കാനുള്ള ശ്രമങ്ങള്‍ക്ക് നേതൃത്വപരമായ പങ്ക് വഹിക്കാന്‍ മുന്നില്‍ നില്‍ക്കേണ്ട സംസ്ഥാനമാണ് കേരളം.പ്രാദേശിക സഖ്യങ്ങളും കൂട്ടായ്മകളും രാജ്യമെങ്ങും പ്രായോഗികമാക്കേണ്ടതിന്റെ ആവശ്യകത മുഖ്യധാര പ്രസ്ഥാനങ്ങള്‍ ഗൗരവപൂര്‍ണ്ണമായെടുക്കേണ്ട സമയമാണിത്. ഒപ്പം പേപ്പര്‍ ബാലറ്റുള്‍പ്പെടെ തെരെഞ്ഞെടുപ്പുകള്‍ സുതാര്യമാക്കാനാവശ്യമായ നിയമ പോരാട്ടങ്ങള്‍ കൂടുതല്‍ തലങ്ങളിലേക്ക് വ്യാപിപ്പിക്കേണ്ടതുണ്ട്.

കേരളത്തില്‍ അക്കൗണ്ട് തുറക്കാനുള്ള ബി ജെ പിയുടെ അവസാനശ്രമവും പരാജയപ്പെടുത്തിയ കേരളത്തിന്റെ മതേതര പൊതു മനസ്സിനെ എത്ര അഭിനന്ദിച്ചാലും മതിയാവുകയില്ല. എന്‍ എസ് എസിനെ പോലെയുള്ള സമുദായ സംഘടനകളും മറ്റ് മത സാമൂഹിക സംഘടനകളുമൊക്കെ ഇക്കാര്യത്തില്‍ കാണിച്ച സൂക്ഷ്മത ഏറെ സന്തോഷകരമാണ്. എക്കാലത്തും ഭാരതത്തിന്റെ മതേതരത്വവും ജനാധിപത്യവും ഉയര്‍ത്തിപ്പിടിക്കാന്‍ രാജ്യത്തിന്റെ തെക്കേയറ്റത്ത് കേരളമെന്ന ഒരു സംസ്ഥാനമുണ്ടായിട്ടുണ്ട് എന്ന സമാനതകളില്ലാത്ത ചരിത്രം നാളെകളില്‍ നമുക്കുള്ളതാണ്. അഭിമാനകരമാണത്!