Muncipality – Chandrika Daily

പുതുതായി 1,375 ഗ്രാമപഞ്ചായത്ത് വാര്‍ഡുകള്‍, മുനിസിപ്പാലിറ്റിയില്‍ 128, കോര്‍പറേഷനില്‍ ഏഴ്, തദ്ദേശ വാര്‍ഡ് വിഭജനത്തിന്റെ കരടു വിജ്ഞാപനം പുറത്ത്

webdesk13 — Mon, 18 Nov 2024 16:46:43 +0000

സംസ്ഥാനത്തെ തദ്ദേശ വാർഡുകൾ പുനർവിഭജിച്ചുകൊണ്ടുള്ള കരടു വിജ്ഞാപനം പുറത്തിറങ്ങി. 1,375 ഗ്രാമപഞ്ചായത്ത് വാർഡുകളും 1,078 മുനിസിപ്പാലിറ്റി വാർഡുകളും ഏഴ് കോർപറേഷൻ വാർഡുകളുമാണ് പട്ടികയിൽ പുതുതായി ഉൾപ്പെട്ടിട്ടുള്ളത്. ഡിസംബർ മൂന്നുവരെ കരടുമായി ബന്ധപ്പെട്ട പരാതികളും ആക്ഷേപങ്ങളും സമർപ്പിക്കാം.

നിർദിഷ്ട വാർഡിന്റെ അതിർത്തികളും ജനസംഖ്യയും ഭൂപടവുമാണ് കരട് വിജ്ഞാപനത്തോടൊപ്പമുള്ളത്. കരട് വിജ്ഞാപനം അതതു തദ്ദേശസ്ഥാപനങ്ങളിലും ജില്ലാ കലക്ടറേറ്റുകളിലും www.delimitation.lsgkerala.gov.in എന്ന വെബ്‌സൈറ്റിലും പരിശോധനയ്ക്കു ലഭ്യമാണ്. കേരളത്തിലും സംസ്ഥാനതലത്തിലും അംഗീകാരമുള്ള രാഷ്ട്രീയ പാർട്ടികൾക്കും സംസ്ഥാന നിയമസഭയിൽ പ്രാതിനിധ്യമുള്ള രാഷ്ട്രീയ പാർട്ടികൾക്കും കരട് വിജ്ഞാപനത്തിന്റെ മൂന്ന് പകർപ്പുകൾ വീതം സൗജന്യമായി ബന്ധപ്പെട്ട തദ്ദേശ സ്ഥാപന സെക്രട്ടറി നൽകും. പകർപ്പ് ആവശ്യമുള്ള മറ്റുള്ളവർക്ക് പേജ് ഒന്നിനു മൂന്നു രൂപയും ജിഎസ്ടിയും ഈടാക്കി നൽകും.

കേരള സംസ്ഥാന ഡീലിമിറ്റേഷൻ കമ്മിഷനാണു ജില്ലാ കലക്ടർമാർ നൽകിയ കരടുനിർദേശങ്ങൾ പരിശോധിച്ചു പ്രസിദ്ധീകരിക്കാൻ അനുമതി നൽകിയത്. ഡിസംബർ മൂന്നിനകം ഡീലിമിറ്റേഷൻ കമ്മിഷൻ സെക്രട്ടറിക്കോ ജില്ലാ കലക്ടർക്കോ നേരിട്ടോ രജിസ്‌ട്രേഡ് തപാലിലോ ആക്ഷേപങ്ങൾ നൽകാം. ഇതുമായി ബന്ധപ്പെട്ട് എന്തെങ്കിലും രേഖകൾ ഹാജരാക്കാനുണ്ടെങ്കിൽ അവയുടെ സ്വയം സാക്ഷ്യപ്പെടുത്തുന്ന പകർപ്പുകളും സമർപ്പിക്കണം.

ആക്ഷേപങ്ങൾ നൽകേണ്ട വിലാസം:

സംസ്ഥാന ഡീലിമിറ്റേഷൻ കമ്മീഷൻ, കോർപറേഷൻ ബിൽഡിങ് നാലാം നില, വികാസ്ഭവൻ പിഒ, തിരുവനന്തപുരം-695033. ഫോൺ: 0471 2335030.

മഹാരാഷ്ട്ര മുനിസിപ്പൽ തെരഞ്ഞെടുപ്പിൽ ബി.ജെ.പിയെ തറപറ്റിച്ച് കോൺഗ്രസ്

chandrika — Fri, 01 Mar 2019 14:13:00 +0000

മഹാരാഷ്ട്രയിലെ സില്ലോഡ് മുനിസിപ്പല്‍ തെരഞ്ഞെടുപ്പില്‍ വന്‍ വിജയം സ്വന്തമാക്കി കോണ്‍ഗ്രസ്. 26 ല്‍ 24 സീറ്റുകളും പിടിച്ചാണ് കോണ്‍ഗ്രസ് ബി.ജെ.പിയെ നിലംപരിശാക്കിയത്. ലോക്സഭാ തെരഞ്ഞെടുപ്പിനൊരുങ്ങുന്ന കോണ്‍ഗ്രസിന് കൂടുതല്‍
ആത്മവിശ്വാസം നൽകുന്നതാണ് ജയം.

വന്‍ പരാജയം ഏറ്റുവാങ്ങിയ ബി.ജെ.പി വെറും ബി.ജെ.പി രണ്ട് സീറ്റിൽ ഒതുങ്ങി. ബി.ജെ.പിയുടെ സംസ്ഥാന അദ്ധ്യക്ഷൻ റാവുസാഹേബ് ധാൻവേ പ്രതിനീധീകരിക്കുന്ന ജൽന ലോക്‌സഭ മണ്ഡലത്തിൽപ്പെടുന്നതാണ് സില്ലോഡ്. ശിവസേനയ്ക്ക് ഒരു സീറ്റ് പോലും ലഭിച്ചില്ല.
മജ് ലിസ് ഇത്തിഹാദുൽ മുസ്‌ലീമീൻ 20 സ്ഥാനാർത്ഥികളെ മത്സരിപ്പിച്ചെങ്കിലും ഒരു സീറ്റിൽ പോലും നേട്ടമുണ്ടാക്കാനായില്ല

കോണ്‍ഗ്രസിന്‍റെ രാജര്‍ഷി നികം മുനിസിപ്പല്‍ അധ്യക്ഷയാകും. പതിനായിരത്തിലേറെ വോട്ടിന്‍റെ ഭൂരിപക്ഷത്തിലാണ് രാജര്‍ഷി നികം ജയിച്ചുകയറിയത്. 19,563 വോട്ടാണ് നികം നേടിയത്. രാജര്‍ഷി നികത്തിന്‍റെ ഭൂരിപക്ഷത്തിലും താഴെ വോട്ട് മാത്രമേ ബി.ജെ.പി സ്ഥാനാര്‍ഥിയായ അശോക് തയാഡിന് നേടാനായുള്ളൂ. ബി.ജെ.പി സംസ്ഥാന അധ്യക്ഷന്‍ റാവുസാഹിബ് ദദ്രാവോ ധാന്‍വെ പ്രതിനിധീകരിക്കുന്ന ജല്‍ന ലോക്‌സഭ മണ്ഡലത്തില്‍പ്പെടുന്നതാണ് സില്ലോഡ്. ലോക്‌സഭാ തെരഞ്ഞെടുപ്പിനൊരുങ്ങുന്ന ബി.ജെ.പിക്ക് കനത്ത തിരിച്ചടിയായിരിക്കുകയാണ് തെരഞ്ഞെടുപ്പ് ഫലം.

അതേസമയം ബി.ജെ.പിക്കേറ്റ കനത്ത പരാജയത്തിന് പിന്നാലെ ജല്‍ന എം.എല്‍.എ അര്‍ജുന്‍ ഖോട്കര്‍ കോണ്‍ഗ്രസില്‍ ചേരാന്‍ സന്നദ്ധത അറിയിച്ചതായും റിപ്പോര്‍ട്ടുകളുണ്ട്. ശിവസേനയുടെ എം.എല്‍.എയാണ് ഖോട്കര്‍. മഹാരാഷ്ട്ര മന്ത്രിസഭയില്‍ ടെക്സ്റ്റൈല്‍, ഫിഷറീസ് വകുപ്പുകളുടെ ചുമതലയുള്ള മന്ത്രിയാണ് അര്‍ജുന്‍ ഖോട്കര്‍.

ഈരാറ്റുപേട്ട നഗരസഭാ ഭരണം യു.ഡി.എഫ് ജനപക്ഷം സഖ്യം പിടിച്ചെടുത്തു

chandrika — Mon, 04 Jun 2018 07:16:39 +0000

ഈ രാറ്റുപേട്ട നഗരസഭാ ഭരണം യു.ഡി.എഫ് ജനപക്ഷം സഖ്യം പിടിച്ചെടുത്തു. സ്വതന്തസ്ഥാനാര്‍ഥി പി.എം കബീര്‍ പുതിയ ചെയര്‍മാന്‍. ഇന്ന് തവിലെ 11 മണിക്ക് നടന്ന തെരഞ്ഞെടുപ്പില്‍ കബീറിന് 15 വോട്ട് ലഭിച്ചു.28 അംഗ കൗണ്‍സിലില്‍ ലീഗിന് 8 മെമ്പര്‍ മാരുണ്ട്.