municipality – Chandrika Daily

ആദ്യ ഫീസ് ഫ്രീ നഗരസഭയാകാൻ മലപ്പുറം; മുഴുവൻ മത്സരപ്പരീക്ഷകളുടെയും ചെലവ് മലപ്പുറം നഗരസഭ വഹിക്കും

webdesk13 — Thu, 11 Jan 2024 09:35:42 +0000

മത്സര പ്പരീക്ഷക്കൊരുങ്ങുന്നവരുടെ മുഴുവൻ ചെലവും വഹിക്കാനൊരുങ്ങി മലപ്പുറം നഗരസഭ. പ്രാഥമിക വിദ്യാലയംതൊട്ട് ഹയർസെക്കൻഡറി വരെയും, പി.എസ്.സി. പരീക്ഷാ പരിശീലനത്തിനും വിദ്യാർഥികൾക്കു പഠനത്തിനു ഇനി ഫീസ് നൽകേണ്ട. മലപ്പുറത്തു നഗരസഭയുടെ നേതൃത്വത്തിൽ എസ്.എസ്.എൽ.സി., പ്ലസ് ടു വിദ്യാർഥികൾക്കുവേണ്ടി ആരംഭിച്ച പ്രത്യേക വിദ്യഭ്യാസ പ്രോത്സാഹന പദ്ധതി ‘മുന്നേറ്റം’ നഗരസഭാധ്യക്ഷൻ ഉദ്ഘാടനം ചെയ്തു.

നഗരസഭാ പ്രദേശത്തെ മുഴുവൻ സർക്കാർ, എയ്ഡഡ് എൽ.പി., യു.പി., ഹൈസ്കൂൾ, ഹയർസെക്കൻഡറി സ്‌കൂളുകളിൽ പഠിക്കുന്നവർക്കുള്ള ഫീസുകൾ നഗരസഭാ വാർഷികപദ്ധതിയിൽ ഉൾപ്പെടുത്തി നൽകും. തുല്യതാപരീക്ഷ എഴുതുന്ന മുഴുവൻ പഠിതാക്കളുടെ തുകയും പരീക്ഷാഫീസും നഗരസഭ വഹിക്കും. ഫീസ് ഫ്രീ നഗരസഭയായി മാറുന്ന ആദ്യത്തെ തദ്ദേശ സ്ഥാപനമായി മലപ്പുറത്തെ മാറ്റും.

നിലവിൽ എൽ.എസ്.എസ്., യു.എസ്.എസ്., എൻ.എം.എം.എസ്., സി.യു.ഇ.ടി. പ്രവേശന ഫീസ്, മുന്നേറ്റം സ്പെഷ്യൽ കോച്ചിങ്, സാക്ഷരത, തുല്യതാ പരീക്ഷകൾ എന്നിവയുടെ എല്ലാം ഫീസുകളും നഗരസഭയാണ് നൽകുന്നത്.

സി.പി.എമ്മിലെ വടംവലിക്ക് ജോസ് കെ.മാണിയെ പഴിചാരി സി.പി.എം നേതാവ്

Chandrika Web — Thu, 19 Jan 2023 08:10:28 +0000

സി.പി.എമ്മിനകത്ത് പാലാനഗരസഭാചെയര്‍മാന്‍ തെരഞ്ഞെടുപ്പുമായി ബന്ധപ്പെട്ട് രൂപംകൊണ്ട തര്‍ക്കത്തിന് കേരളകോണ്‍ഗ്രസിനെ പഴിചാരി സി.പി.എം നേതാവ്. പാര്‍ട്ടിക്ക് വേണ്ടിയാണ് താന്‍ പുതിയ ചെയര്‍മാനെ ്അംഗീകരിക്കുന്നതെന്നും ജോസ് കെ.മാണിയെ പ്രതികാരരാഷ്ട്രീയത്തിന്റെ ആളാണെന്നും പുറത്തായ ബിനു പുളിക്കക്കണ്ടം കുറ്റപ്പെടുത്തി. ബിനുവിനെ അംഗീകരിക്കാന്‍ കഴിയില്ലെന്ന് കേരളകോണ്‍ഗ്രസ് വ്യക്തമാക്കിയതോടെയാണ് ഇദ്ദേഹത്തിന്റെ സ്വപ്‌നം തകര്‍ന്നടിഞ്ഞത്. മുമ്പ് കേരളകോണ്‍ഗ്രസ് കൗണ്‍സിലര്‍ ബൈജു കൊല്ലംപറമ്പിലിനെ ബിനു മര്‍ദിച്ചതാണ് ജോസ് കെ.മാണിയുടെ അപ്രീതിക്കും സ്ഥാനനഷ്ടത്തിനും കാരണമായത്.
അതേസമയം പാര്‍ട്ടിചിഹ്നത്തില്‍ മല്‍സരിച്ച ബിനുവിനെ ചെയര്‍മാനായി അംഗീകരിക്കുന്നത് സി.പി.എമ്മും കേരളകോണ്‍ഗ്രസും തമ്മിലുള്ള തര്‍ക്കത്തിന് വഴിവെക്കുമെന്ന് ഭയന്ന് സി.പി.എം പിന്മാറുകയായിരുന്നു. പകരം ജോസിന്‍ ബിനുവിനെ സ്ഥാനാര്‍ത്ഥിയാക്കുകയായിരുന്നു. ജോസ് മോന്‍ എന്ന പേരില്‍ തുറന്ന കത്തും ബിനു ജോസ് കെ.മാണിക്ക് എഴുതിയിട്ടുണ്ട്. കൗണ്‍സില്‍ ഹാളിലും വികാരാധീനനായാണ് സംസാരിച്ചത്. മോഹമുണ്ട്, മോഹഭംഗമില്ലെന്നായിരുന്നു ബിനുവിന്റെ കത്തിലെ വാചകം. അവസാനനിമിഷമാണ് ബിനുവിനെ സി.പി.എം മാറ്റുന്നത്.

പന്തളം നഗരസഭയിലെ തോൽവി; സി.പി.എമ്മിൽ പോര് മുറുകുന്നു, ഏരിയ സെക്രട്ടറിക്ക് സ്ഥാനം തെറിച്ചു

zamil — Wed, 06 Jan 2021 07:56:56 +0000

പത്തനംതിട്ട: പന്തളം നഗരസഭാ തെരഞ്ഞെടുപ്പിൽ സി.പി.എമ്മിനുണ്ടായ തോൽവിയെ തുടർന്ന് അച്ചടക്ക നടപടികൾ ആരംഭിച്ചു. പാർട്ടിയുടെ തോൽവിയും ബി.ജെ.പിക്കുണ്ടായ മുന്നേറ്റവും വലിയ ചർച്ചയായിരുന്നു. ഇതേ തുടർന്ന് സിപിഎം ഏരിയ സെക്രട്ടറി ഇ.ഫസലിനെ സ്ഥാനത്ത് നിന്ന് മാറ്റിയിരിക്കുകയാണ്. ജില്ലാ സെക്രട്ടറിയേറ്റ് അംഗം പി.ബി ഹർഷ കുമാറിനാണ് പകരം ചുമതല നൽകിയിരിക്കുന്നത്.
സി.പി.എം സംസ്ഥാന സമിതി നിർദേശത്തെ തുടർന്നാണ് ജില്ലാ നേതൃയോഗത്തിന്റെ തീരുമാനമെന്ന് പറയുമ്പോഴും ഗ്രൂപ്പ് പോരും ഇതിന് പിന്നിലുണ്ട്.
സംഘടനാപരമായി ഉണ്ടായിട്ടുള്ള ഗുരുതര വീഴ്ച തെരഞ്ഞെടുപ്പിൽ വലിയ തിരിച്ചടിയാണുണ്ടാക്കിയത്. പാർട്ടിയിലെ ഗ്രൂപ്പ് പോര് ബി.ജെ.പിയെ സഹായിച്ചെന്നും ഒരു വിഭാഗം പറയുന്നു. പ്രചാരണത്തിൽ പോരായ്മകളുണ്ടായെന്നും ഭൂരിപക്ഷ സമുദായ ധ്രുവീകരണം നേരത്തെ കണ്ടെത്തിയില്ലെന്നും നേതൃത്വത്തിന് നേരെ വിമർശനമുണ്ട്. എന്നാൽ പാർട്ടി ഏരിയാ കമ്മിറ്റി നേതൃ സ്ഥാനം ലക്ഷ്യമിട്ട ചിലരാണ് പരാജയത്തിന് കാരണക്കാരെന്നും ചിലർ പറയുന്നു. ഇവർ ബി.ജെ.പിയുമായി രഹസ്യ ധാരണ ഉണ്ടാക്കിയെന്നും ആരോപണമുണ്ട്.
നഗരസഭയുടെ തിരഞ്ഞെടുപ്പ് ചുമതലയുണ്ടായിരുന്ന ജില്ലാ സെക്രട്ടറിയേറ്റ് അംഗം ടി.ഡി ബൈജുവിനേയും നീക്കി. 2015-ൽ 15 സീറ്റുകളോടെ പന്തളം നഗരസഭയിൽ ഭരണം നേടിയ സിപിഎമ്മിന് ഇത്തവണ ഒമ്പത് സീറ്റുകൾ മാത്രമാണ് ലഭിച്ചത്. ഏഴ് സീറ്റുകളുണ്ടായിരുന്ന ബിജെപി 18 സീറ്റുകളോടെയാണ് ഇത്തവണ അധികാരം നേടിയത്. പാലാക്കാടിന് ശേഷം ബിജെപി സംസ്ഥാനത്ത് അധികാരത്തിലെത്തിയ നഗരസഭയാണ് പന്തളം.