മുംബൈയില്‍ നിന്നുള്ള അസിസ്റ്റന്റ് പ്രൊഫസര്‍ ജാന്‍വി തന്റെ സാമൂഹികമാധ്യമങ്ങളില്‍ പങ്കുവച്ച വീഡിയോയാണ് വിഷയത്തെ വലിയ ചര്‍ച്ചയാക്കിയതും തുടര്‍ന്ന് നടപടിയിലേക്ക് നയിച്ചതും. മൂന്നാറില്‍ തനിക്കും സുഹൃത്തുക്കള്‍ക്കും പ്രാദേശിക ടാക്‌സി ഡ്രൈവര്‍മാരില്‍ നിന്നും, പൊലീസില്‍ നിന്നും നേരിട്ട ദുരനുഭവങ്ങള്‍ വീഡിയോയിലൂടെ ജാന്‍വി വിശദീകരിച്ചിരുന്നു.

സംഭവത്തില്‍ ബന്ധപ്പെട്ട മൂന്ന് ഡ്രൈവര്‍മാരെയും ചൊവ്വാഴ്ച പൊലീസ് അറസ്റ്റ് ചെയ്തിരുന്നു. പിന്നാലെയാണ് മോട്ടോര്‍ വാഹന വകുപ്പിന്റെ നടപടി.

ഓണ്‍ലൈന്‍ ടാക്‌സികള്‍ക്ക് മൂന്നാറില്‍ നിരോധനമുണ്ടെന്ന് പറഞ്ഞ് പ്രാദേശിക ടാക്‌സി യൂണിയന്‍ സംഘം യുവതിയെ തടഞ്ഞുവെച്ചതായാണ് പരാതി. ”പ്രാദേശിക ടാക്‌സി മാത്രമേ ഉപയോഗിക്കാവൂ” എന്ന ഭീഷണിയെത്തുടര്‍ന്ന് ജാന്‍വി പൊലീസിന്റെ സഹായം തേടിയെങ്കിലും, സ്ഥലത്തെത്തിയ പോലീസ് ഉദ്യോഗസ്ഥരും ഡ്രൈവര്‍മാരുടെ പക്ഷം എടുത്തുവെന്ന് വീഡിയോയില്‍ ആരോപിച്ചിരുന്നു.

സംഭവം സോഷ്യല്‍ മീഡിയയില്‍ വ്യാപകമായി പ്രചരിച്ചതിനെ തുടര്‍ന്ന് എഎസ്‌ഐ സാജു പൗലോസിനെയും ഗ്രേഡ് എസ്‌ഐ ജോര്‍ജ് കുര്യനെയും പൊലീസ് സസ്‌പെന്‍ഡ് ചെയ്തിരുന്നു.

ജാന്‍വി സുഹൃത്തുക്കളുമായി ഓണ്‍ലൈന്‍ ടാക്‌സിയില്‍ കൊച്ചിയും ആലപ്പുഴയും സന്ദര്‍ശിച്ച് മൂന്നാറിലെത്തിയപ്പോഴാണ് സംഭവം നടന്നത്.
അന്വേഷണം തുടരുകയാണെന്നും, വിനോദസഞ്ചാരികളുടെ സുരക്ഷ ഉറപ്പാക്കാന്‍ കൂടുതല്‍ നിയന്ത്രണങ്ങള്‍ നടപ്പാക്കുമെന്ന് അധികൃതര്‍ വ്യക്തമാക്കി.

മൂന്നാറില്‍ വെങ്കട്ടരാമന്റെ പ്രവര്‍ത്തനം ചെറിയ കാര്യമല്ല. 2006-ല്‍ കൈയേറ്റം തിരിച്ചു പിടിക്കാനുള്ള സര്‍ക്കാരിന്റെ ശ്രമങ്ങള്‍ പല കാരണങ്ങള്‍ കൊണ്ട് മുടങ്ങിപ്പോവുകയായിരുന്നെന്നും വി.എസ് കൂട്ടിച്ചേര്‍ത്തു.

അതേസമയം, വി.എസിനെ കാണാനായത് ജീവിതത്തിലെ മറക്കാനാവാത്ത അനുഭവമാണെന്ന് ശ്രീറാം വെങ്കട്ടരാമന്‍ പറഞ്ഞു. കോളേജ് കാലം മുതലുള്ള ആഗ്രഹമാണ് നിറവേറിയതെന്നും വെങ്കട്ടരാമന്‍ പറഞ്ഞു.

മൂന്നാറിലെ കൈയേറ്റമൊഴിപ്പിക്കലുമായി ബന്ധപ്പെട്ടുള്ള വിവാദങ്ങള്‍ക്കിടെയാണ് ശ്രീറാം വെങ്കിട്ടരാമനെ സ്ഥലം മാറ്റിയെന്ന അറിയിപ്പുണ്ടാകുന്നത്. എന്നാല്‍ ഇതിനെതിരെ സി.പി.ഐ രംഗത്തെത്തിയിട്ടുണ്ട്. സ്ഥലം മാറ്റലിനോട് യോജിപ്പില്ലെന്ന് സി.പി.ഐ ഇടുക്കി ജില്ലാ സെക്രട്ടറി കെ.കെ ശിവരാമന്‍ പറഞ്ഞു. സബ്കളക്ടറായി ആരുവന്നാലും ഒഴിപ്പിക്കല്‍ നടപടി തുടരണമെന്നും അദ്ദേഹം ആവശ്യപ്പെട്ടു.

ബലം പ്രയോഗിച്ച് വലിച്ചിഴച്ചാണ് സമരക്കാരെ പൊലീസ് നീക്കിയത്. ഗോമതിയെ വലിച്ചിഴച്ച് ആംബുലന്‍സിലേക്ക് മാറ്റുകയായിരുന്നു. മണിയെ വിടാന്‍ പോകുന്നില്ലെന്നും, സമരം ആസ്പത്രിയിലും തുടരുമെന്നും, ഗോമതി ബലപ്രയോഗത്തിനിടെ വിളിച്ചു പറയുന്നുണ്ടായിരുന്നു.
അതിനിടെ ഗോമതി ആംബുലന്‍സില്‍ നിന്നു പുറത്തേക്കു ചാടാനും ശ്രമിച്ചു. പ്രദേശത്തു സംഘര്‍ഷ സമാന സാഹചര്യമാണ്. സമരം വന്‍ പ്രതിഷേധത്തിലേക്കാണ് നീങ്ങുന്നത്. സമരത്തിന് പിന്തുണ പ്രഖ്യാപിച്ച് വിവധ സംഘടകള്‍ രംഗത്തെത്തി. പെമ്പിളൈ ഒരുമൈ പ്രവർത്തകരെ കൂടാതെ ആംആദ്മിയും സമരരംഗത്തുണ്ട്. യുഡിഎഫും ബിജെപിയും സമരത്തിന് പിന്തുണയുമായി രംഗത്തുണ്ട്‌.

ഷാനിമോള്‍ ഉസ്മാനും സി.ആര്‍. നീലകണ്ഠനും ഉള്‍പ്പെടെയുള്ള നിരവധി നേതാക്കള്‍ നോക്കിനില്‍ക്കെയാണ് അറസ്റ്റ്. സമരക്കാരോട് മാറ്റാനായി എത്തിയ പൊലീസുകാരോട് സമരപ്പന്തലില്‍ നിന്നു തന്നെ ചികിത്സ നല്‍കാന്‍ ആവശ്യപ്പെട്ടങ്കിലും പൊലീസ് ബലം പ്രയോഗിക്കുകയാണുണ്ടായത്.

വിവാദ പ്രസംഗത്തില്‍ മന്ത്രി എംഎം മണിക്കെതിരെ കേസെടുക്കണമെന്നാവശ്യപ്പെട്ട് സമര്‍പ്പിച്ച പൊതുതാല്‍പ്പര്യ ഹര്‍ജി പരിഗണിക്കവെയാണ് വിഷയത്തില്‍ കടുത്ത ചോദ്യങ്ങളുമായി കോടതി രംഗത്ത് വന്നത്. മണിക്കെതിരെ ഹര്‍ജിക്കാരന്‍ പരാതി നല്‍കിയിട്ടുണ്ടോയെന്നു ആരാഞ്ഞ കോടതി, ഇതൊന്നും സംസ്ഥാനത്തെ പോലീസ് മേധാവി കാണുന്നില്ലെയെന്നും ചോദിച്ചു. കേസില്‍ സര്‍ക്കാരിന് വേണ്ടി അഡീഷണല്‍ ഡയറ്കടര്‍ ജനറല്‍ ഓഫ് പ്രോസിക്യൂഷനാണ് ഹാജരായത്. സ്ത്രീവിരുദ്ധ പരാമര്‍ശങ്ങള്‍ നടത്തിയ മണിക്കെതിരെ കേസെടുക്കണമെന്ന ആവശ്യവുമായി തൃശൂര്‍ സ്വദേശി ജോര്‍ജ് വട്ടുകുളത്താണ് ഹര്‍ജി നല്‍കിയത്.

അതേസമയം, മണിയുടെ പ്രസംഗത്തെ സര്‍ക്കാര്‍ കോടതിയില്‍ ന്യായീകരിച്ചു. സ്ത്രീകള്‍ക്കെതിരെയല്ല മാധ്യമപ്രവര്‍ത്തകര്‍ക്കെതിരെയാണ് മണിയുടെ വിമര്‍ശനമെന്നും പ്രസംഗത്തിന്റെ ദൃശ്യങ്ങളില്‍ ഇക്കാര്യങ്ങള്‍ വ്യക്തമാണെന്നും സര്‍ക്കാര്‍ അഭിഭാഷകന്‍ കോടതിയില്‍ വാദിച്ചു.

ഇതോടെ കോടതിയുടെ ഭാഗത്തുനിന്ന് രൂക്ഷ വിമര്‍ശനമാണ് ഉണ്ടായത്. പ്രസംഗം ഗൗരവമുള്ളതാണെന്ന് നിരീക്ഷിച്ച കോടതി, മാധ്യമപ്രവര്‍ത്തകരെക്കുറിച്ച് എന്തും പറയാമെന്നാണോ കരുതുന്നതെന്ന് സര്‍ക്കാരിനോട് ചോദിച്ചു. മാധ്യമപ്രവര്‍ത്തകരും മനുഷ്യരാണ്, അവര്‍ക്കും പൗരാവകാശങ്ങളുണ്ട് കോടതി പറഞ്ഞു.

ഇന്നു ചേര്‍ന്ന സംസ്ഥാന കമ്മിറ്റി യോഗത്തിലാണ് തീരുമാനമുണ്ടായത്. മന്ത്രിസ്ഥാനത്ത് തന്നെ മണിയെ നിലനിര്‍ത്തണമോ എന്ന ചോദ്യം വരെ സെക്രട്ടേറിയറ്റില്‍ ഉയര്‍ന്നതായാണ് വിവരം. എന്നാല്‍ ഒരു വര്‍ഷത്തിനിടെ തുടര്‍ച്ചയായി രണ്ടു മന്ത്രി നീക്കിയ സാഹചരത്തില്‍ വീണ്ടും കടുത്ത തീരുമാനം എടുക്കാന്‍ കമ്മിറ്റി മടിച്ചതായാണ് വിവരം.

അതേസമയം, വിഷയത്തില്‍ ഇതേവരെ എം.എം മണി പ്രതികരിച്ചിട്ടില്ല. പാര്‍ട്ടി തീരുമാനം ഔദ്യാഗികമായി പുറത്തുവന്ന ശേഷമാവും മന്ത്രിയുടം പ്രതികരണമെന്നാണ് സൂചന.

മൂന്നാറിലെ ‘പെമ്പിളൈ ഒരുമൈ’ക്കെതിരെ മണി നടത്തിയ പരാമര്‍ശത്തെ തുടര്‍ന്ന് മുഖ്യമന്ത്രി പിണറായി വിജയനും സംസ്ഥാന സെക്രട്ടറി കോടിയേരി ബാലകൃഷ്ണനും മണിക്കെതിരെ സംസാരിച്ചിരുന്നു. എന്നാല്‍ തന്റെ പ്രസംഗം മാധ്യമങ്ങള്‍ ദുര്‍വ്യാഖ്യാനം ചെയ്തുവെന്ന വിശദീകരണമാണ് മണി നല്‍കിയത്.

ഇതേ നിലപാട് തന്നെയാണ് മണി യോഗത്തിലും സ്വീകരിച്ചത്. എന്നാല്‍ യോഗത്തില്‍ അദ്ദേഹത്തിന്റെ ശൈലിയേയും പ്രസംഗങ്ങളെയും പിന്തുണയ്ക്കാന്‍ ആരും തയ്യാറായില്ലെന്നാണ് വിവരം. കൂടാതെ പ്രസംഗ ശൈലി മാറ്റാനും തെറ്റുകള്‍ ആവര്‍ത്തിക്കാനുമുള്ള പാര്‍ട്ടി നിര്‍ദ്ദേശം പാലിക്കാത്തതും സെക്രട്ടേറിയറ്റ് ചോദ്യംചെയ്തു.

ഇതിനു മുന്നോടിയായി മൂന്നാര്‍ ടൗണില്‍ സംഘടന പ്രകടനം നടത്തും. പ്രകടനത്തിലും പെമ്പിളൈ ഒരുമൈ സമരപ്പന്തലിന് 50 മീറ്റര്‍ അകലെ നടക്കുന്ന പൊതു യോഗത്തിലേക്കുമായി പരമാവധി സ്ത്രീകളെ പങ്കെടുപ്പിക്കാനും ഡിവൈഎഫ്‌ഐ ശ്രമിക്കുന്നുണ്ട്. ഈ യോഗത്തില്‍ വെച്ച് മണിയുടെ പ്രസംഗം പ്രദര്‍ശിപ്പിക്കാനാണ് ഉദ്ദേശം.

മണിയുടെ പ്രസംഗം തോട്ടം തൊഴിലാളികള്‍ക്കെതിരായായിരുന്നില്ലെന്നും മാധ്യമങ്ങള്‍ വളച്ചൊടിക്കുകയാണെന്നുമുള്ള വാദത്തിനു പ്രചാരണം നല്‍കാനാണ് പ്രസംഗ പ്രദര്‍ശനം നടത്തുന്നത്. പാര്‍്ട്ടി തീരുമാനത്തിന്റെയും എല്‍ഡിഎഫ് സര്‍്ക്കാറിന്റെ വിശദീകരണത്തിന്റെയും അടിസ്ഥാനത്തിലാണിത് പരിപാടി. ഇന്നലെ മൂലമറ്റത്തു നടന്ന സിപിഎം യോഗത്തിലും മണിയുടെ പ്രസംഗം കാണിച്ചിരുന്നു.

മന്ത്രി മണിയുടെ സത്രീവിരുദ്ധ പരാമര്‍ശങ്ങളില്‍ പ്രതിഷേധിച്ചു പെമ്പിളൈ ഒരുമൈ നടത്തുന്ന സമരപന്തലിന് സമീപത്തു തന്നെയാണു വീണ്ടും അതേ പ്രസംഗത്തെ വീണ്ടും വലിയ സ്‌ക്രീനില്‍ പ്രദര്‍ശിപ്പിക്കുന്നത്.

നമ്മുടെ സംസ്ഥാനത്ത് നടന്ന സ്ത്രികളുടെ കൂട്ടായ്മയാണ് പൊമ്പിളൈ ഒരുമൈ സമരം. അവരെ അധിക്ഷേപിക്കുന്ന രീതിയില്‍ എന്തെങ്കിലും പറഞ്ഞിട്ടുണ്ടെങ്കില്‍ അത് ശരിയായ കാര്യമല്ല, മുഖ്യമന്ത്രി മാധ്യമങ്ങളോട് പറഞ്ഞു. അതേസമയം, മണിക്കെതിരായ നടപടി ക്രമങ്ങളെ കുറിച്ച് പിണറായി മൗനം പാലിച്ചു.

മണിക്കെതിരായ നടപടിയെ സംബന്ധിച്ച് മാധ്യമപ്രവര്‍ത്തര്‍ ചോദിച്ചപ്പോള്‍, ബാക്കി കാര്യങ്ങള്‍ പറഞ്ഞയാളോട് സംസാരിച്ച ശേഷം തീരുമാനിക്കാമെന്നായിരുന്നു മുഖ്യമന്ത്രിയുടെ മറുപടി.