ഓണ്‍ലൈന്‍ ടാക്സി ഡ്രൈവര്‍ ആന്റണി പെരുമ്പള്ളി മൂന്നാര്‍ പൊലീസിനെ വിവരം അറിയിച്ചതിനെ തുടര്‍ന്ന് പൊലീസ് സ്ഥലത്തെത്തി ഇടപെട്ടു. തുടര്‍ന്ന് വിദേശ വനിതകള്‍ക്ക് യാത്ര തുടരാന്‍ പൊലീസ് സഹായം നല്‍കി. സംഭവത്തില്‍ ഇതുവരെ ആരും ഔദ്യോഗികമായി പരാതി നല്‍കിയിട്ടില്ല.

മൂന്നാറില്‍ ഇതാദ്യമായല്ല ഇത്തരത്തിലുള്ള സംഭവം നടക്കുന്നത്. മുമ്പ് മുംബൈ സ്വദേശിനിയായ ജാന്‍വി നേരിട്ട ദുരനുഭവം വലിയ വിവാദമായിരുന്നു. സോഷ്യല്‍ മീഡിയയിലൂടെ തന്റെ അനുഭവം പങ്കുവെച്ച ജാന്‍വി, ‘ഇനി കേരളത്തിലേക്ക് വരില്ല’ എന്നായിരുന്നു പറഞ്ഞത്.

ആ സംഭവത്തെ തുടര്‍ന്ന് ടാക്സി ഡ്രൈവര്‍മാരുടെ ലൈസന്‍സ് സസ്പെന്‍ഡ് ചെയ്യുകയും വാഹന പെര്‍മിറ്റ് റദ്ദാക്കുകയും ചെയ്തിരുന്നു. കൂടാതെ, ഓണ്‍ലൈന്‍ ടാക്സികള്‍ക്ക് മൂന്നാറില്‍ സര്‍വീസ് നടത്തുന്നതിന് തടസ്സമില്ല എന്ന കാര്യം ജില്ലാ കളക്ടര്‍ വ്യക്തമാക്കിയിരുന്നതുമാണ്.

എഎസ്ഐ ജോര്‍ജ് കുര്യന്‍, ഗ്രേഡ് എഎസ്ഐ സാജു പൗലോസ് എന്നിവരെയാണ് അന്വേഷണ വിധേയമായി സസ്പെന്‍ഡ് ചെയ്തത്.

മുംബൈ സ്വദേശിനിയായ ജാന്‍വി, മൂന്നാറില്‍ എത്തിയപ്പോള്‍ ഉബര്‍ ടാക്‌സിയില്‍ യാത്ര ചെയ്യാന്‍ അനുവദിച്ചില്ലെന്നും ഡ്രൈവര്‍മാര്‍ ഭീഷണിപ്പെടുത്തിയതായും സമൂഹമാധ്യമ വീഡിയോയിലൂടെ വെളിപ്പെടുത്തിയിരുന്നു. വീഡിയോ വ്യാപകമായി പ്രചരിച്ചതിനെ തുടര്‍ന്ന് മൂന്നാര്‍ പൊലീസ് സ്വമേധയാ കേസെടുത്തു.

ഒക്ടോബര്‍ 30നാണ് സംഭവം നടന്നത്. ജാന്‍വി മുംബൈയിലെ ഒരു കോളേജില്‍ അസിസ്റ്റന്റ് പ്രൊഫസറാണ്. അവധിക്കാലം ആഘോഷിക്കാന്‍ കൂട്ടുകാരോടൊപ്പം കേരളത്തിലെത്തി കൊച്ചി, ആലപ്പുഴ, മൂന്നാര്‍ എന്നിവിടങ്ങളിലെത്തുകയായിരുന്നു.

വീഡിയോയില്‍ ജാന്‍വി പറയുന്നു: ”മൂന്നാറില്‍ എത്തി ഉബര്‍ കാറില്‍ സഞ്ചരിക്കാന്‍ ശ്രമിച്ചപ്പോള്‍ ടാക്സി ഡ്രൈവര്‍മാര്‍ അത് തടഞ്ഞു. പൊലീസ് സ്ഥലത്തെത്തി ഡ്രൈവര്‍മാരോടാണ് മാത്രം സംസാരിച്ചത്; ഞങ്ങളുടെ വശം ആരും കേട്ടില്ല. ‘ഉബര്‍, ഓല’ കാറുകളില്‍ യാത്ര ചെയ്യാന്‍ കഴിയില്ല, യൂണിയന്‍ ടാക്സികള്‍ മാത്രം ഉപയോഗിക്കണം എന്ന് പറഞ്ഞു.”

ജാന്‍വി പിന്നീട് ഭീഷണിപ്പെടുത്തിയ ഡ്രൈവര്‍മാരോടൊപ്പം തന്നെ യാത്ര ചെയ്യേണ്ടി വന്നതായി വീഡിയോയില്‍ പറയുന്നു. ”മൂന്നാറിലെ ഈ അനുഭവം ഞെട്ടിച്ചു; ഇനി കേരളത്തിലേക്ക് വരില്ല,” എന്നും അവള്‍ വീഡിയോയിലൂടെ പങ്കുവെച്ചു.

സംഭവത്തെ തുടര്‍ന്ന് പൊലീസ് അന്വേഷണം പുരോഗമിക്കുകയാണ്.

പുലര്‍ച്ചെ സ്‌കൂളിലേക്ക് കടന്ന കാട്ടാനക്കൂട്ടം കെട്ടിടത്തിന്റെ വാതിലുകളും ജനലുകളും തകര്‍ക്കുകയായിരുന്നു. സ്‌കൂള്‍ അവധിയായതിനാല്‍ ആര്‍ക്കും പരിക്കുകളില്ല . ക്ലാസ് മുറികളിലേക്ക് കയറിയ ആനകള്‍ കുട്ടികള്‍ക്കായി സൂക്ഷിച്ചിരുന്ന ആഹാരസാധനങ്ങള്‍ മുഴുവന്‍ തിന്നു നശിപ്പിച്ചു.
സ്‌കൂള്‍ കെട്ടിടം തകര്‍ത്തതിനാല്‍ വിദ്യാര്‍ഥികളുടെ പഠനം മുടങ്ങുമോ എന്ന ആശങ്കയിലാണ് രക്ഷിതാക്കള്‍. അടിയന്തരമായി സ്‌കൂളിന്റെ അറ്റകുറ്റപ്പണികള്‍ പൂര്‍ത്തിയാക്കണമെന്നും കാട്ടാന ആക്രമണങ്ങള്‍ തടയാന്‍ വനംവകുപ്പ് ശക്തമായ നടപടികള്‍ സ്വീകരിക്കണമെന്നും നാട്ടുകാര്‍ ആവശ്യപ്പെട്ടു.

സംസ്ഥാനത്ത് വീണ്ടും മഴ ശക്തമാകുന്നു. മുഴുവന്‍ ജില്ലകളിലും കേന്ദ്ര കാലാവസ്ഥാ വകുപ്പ് മഴ മുന്നറിയിപ്പ് നല്‍കി. എറണാകുളം, ഇടുക്കി, തൃശൂര്‍, കണ്ണൂര്‍, കാസര്‍ഗോഡ് ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. ഒമ്പത് ജില്ലകളില്‍ യെല്ലോ അലര്‍ട്ടുമാണ്.

നായ്ക്കളെ പഞ്ചായത്ത് വാഹനത്തില്‍ കയറ്റിക്കൊണ്ട് പോകുന്ന ദൃശ്യങ്ങള്‍ പുറത്തുവന്നിരുന്നു.
നായ്ക്കളെ കൂട്ടത്തോടെ കുഴിച്ചുമൂടിയെന്ന് ആരോപിക്കുന്ന സ്ഥലത്ത് പോലീസ് ഇന്ന് പരിശോധന നടത്തിയേക്കും.

മൂന്നാറില്‍ കഴിഞ്ഞ രണ്ടുമാസത്തിനിടെ മുപ്പതിലേറെ പേര്‍ക്കാണ് തെരുവ് നായയുടെ കടിയേറ്റത്. സംഭവത്തില്‍ വ്യാപക വിമര്‍ശനമുയര്‍ന്നതിന് പിന്നാലെയാണ് തെരുവ് നായകളെ പിടികൂടാന്‍ പഞ്ചായത്ത് സംവിധാനം ഒരുക്കിയത്. 200ലേറെ നായകളെ കൊന്നു കുഴിച്ചുമൂടിയെന്നാണ് അനിമല്‍ റെസ്‌ക്യൂ സംഘത്തിന്റെ പരാതി.

മൂന്നാര്‍ ഗവണ്‍മെന്റ് കോളജിന് സമീപത്തുണ്ടായ മണ്ണിടിച്ചിലിലാണ് ലോറി ഡ്രൈവറായ ഗണേശന്‍ മരിച്ചത്. ലോറിയിലുണ്ടായിരുന്ന മുരുകന്‍ എന്ന വ്യക്തിയെ രക്ഷപ്പെടുത്താനായി. മുന്‍പും വലിയ രീതിയില്‍ മണ്ണിടിച്ചിലുണ്ടായിട്ടുള്ള സ്ഥലമാണിത്.

ഇടുക്കി ജില്ലയില്‍ കനത്ത മഴയെ തുടര്‍ന്ന് ദുരന്തനിവാരണ അതോറിറ്റിയില്‍ നിയന്ത്രണങ്ങള്‍ ഏര്‍പ്പെടുത്തി. മൈനിങ് പ്രവര്‍ത്തനങ്ങളും തോട്ടം മേഖലയിലെ പുറം ജോലികളും നിര്‍ത്തിവെക്കണമെന്ന് നിര്‍ദേശം നല്‍കി. അപകട സാധ്യത ഒഴിയും വരെ നിയന്ത്രണം തുടരും.

മൂന്നാര്‍ ഗ്യാപ്പ് റോഡില്‍ രാത്രി യാത്രയ്ക്കും നിയന്ത്രണമേര്‍പ്പെടുത്തി. മഴക്കെടുതിയെ തുടര്‍ന്ന് തോട്ടം മേഖലയില്‍ ജില്ലയില്‍ രണ്ടു മരണങ്ങള്‍ റിപ്പോര്‍ട്ട് ചെയ്തിരുന്നു.

മൂന്നാര്‍ സ്വദേശിയായ ശക്തിവേല്‍ (42), ചെന്നൈ സ്വദേശി ത്യാഗരാജന്‍ (36), ബൈസണ്‍വാലി സ്വദേശി സ്‌കറിയ (68), അര്‍ച്ചന (13), ദേവികുളം സ്വദേശികളായ സെല്‍വമാതാ (51), ബാബു (34), സിന്ധു (51), പ്രിയ ജോബി (45), പാലക്കാട് സ്വദേശി വിനീത് (46), പറവൂര്‍ സ്വദേശിനി അഞ്ജു (32), പെരിയവാര സ്വദേശി കറുപ്പ് സ്വാമി (36), ചങ്ങനാശ്ശേരി സ്വദേശി റൈഹാന്‍ ഷമീര്‍ (17) എന്നിവരാണ് അടിമാലി താലൂക്ക് ആശുപത്രിയില്‍ ചികിത്സ തേടിയത്.

മൂന്നാറിലെ രാജമല, പെരിയാവാര സ്റ്റാന്‍ഡ്, മൂന്നാര്‍ കോളനി ഉള്‍പ്പെടെ തെരുവുനായ് ആക്രമണം നടത്തിയതായി പരിക്കേറ്റവര്‍ പറഞ്ഞു.