തെളിവുകള്‍ വേണ്ടത്ര ലഭിക്കാത്തതിനാല്‍ ഇനിയും തുമ്പായിട്ടില്ലാത്ത കാല്‍ നൂറ്റാണ്ടിലധികം പഴക്കമുള്ള കേസുകളാണ് അന്വേഷണത്തിന്റെ പരിധിയില്‍ വരുന്നത്. 1992 മുതല്‍ 1997 വരെയുള്ള ബി.ജെ.പി ആര്‍.എസ്.എസ് പ്രവര്‍ത്തകരുടെ കൊലപാതകക്കേസുകളും അന്വേഷിക്കാന്‍ ക്രൈംബ്രാഞ്ച് തീരുമാനിച്ചിട്ടുണ്ട്. തിരൂര്‍ ഡി.വൈ.എസ്.പി സുരേഷ് ബാബുവാണ് ഇതു സംബന്ധിച്ച വിവരങ്ങള്‍ കൈമാറിയത്.

26 വര്‍ഷം മുമ്പ് മതപ്രഭാഷണത്തിനെന്നു പറഞ്ഞ് വണ്ടിയില്‍ കയറ്റി കൊണ്ടുപോയ ചേകനൂര്‍ മൗലവിയുടെ തിരോധാനവും അന്വേഷിക്കും. അന്നു പോയതില്‍ പിന്നെ അദ്ദേഹം തിരിച്ചുവന്നിട്ടില്ല. അദ്ദേഹം കൊല്ലപ്പെട്ടുവെന്ന് അന്വേഷണ സംഘം ഉറപ്പിച്ചു പറഞ്ഞിട്ടും മൃതദേഹം എവിടെയെന്ന് നാളിതുവരെ കണ്ടെത്താനായില്ല.

ഒരു സംഘം ചേകന്നൂര്‍ മൗലവിയെ കൊലപ്പെടുത്തി മൃതദേഹം മറവ് ചെയ്‌തെന്നും മറ്റൊരു സംഘം ആ മൃതദേഹം മറ്റൊരിടത്തേക്ക് കൊണ്ടുപോയെന്നും മൂന്നാമതൊരു സംഘം എത്തി മൃതദേഹം വേറൊരിടത്തേക്ക് എത്തിച്ച് കുഴിച്ചിട്ടു എന്നുമായിരുന്നു അന്വേഷണ സംഘത്തിന്റെ കണ്ടെത്തല്‍. ഈ സംഘങ്ങള്‍ തമ്മില്‍ നേരില്‍ ബന്ധമുണ്ടായിരുന്നില്ലെന്നും കണ്ടെത്തലുണ്ടായിരുന്നു. എന്നാല്‍ ഇതൊന്നും സ്ഥാപിക്കാനുള്ള തെളിവുകള്‍ ഹാജരാക്കാന്‍ അന്വേഷണ സംഘത്തിനായില്ല.

പോള്‍ മുത്തൂറ്റ് കൊല്ലപ്പെട്ട കേസ് സിബിഐയായിരുന്നു അന്വേഷിച്ചത്. കേസിലെ കൊലക്കുറ്റം റദ്ദാക്കിയാണ് ഹൈക്കോടതിയുടെ വിധി.

ഒന്നാം പ്രതി ജയചന്ദ്രന്‍, മൂന്നാം പ്രതി സത്താര്‍, നാലാം പ്രതി സുജിത്ത്, അഞ്ചാം പ്രതി ആകാശ്, ആറാം പ്രതി സതീഷ് കുമാര്‍, ഏഴാം പ്രതി രാജീവ് കുമാര്‍, എട്ടാം പ്രതി ഷിനോ പോള്‍, ഒന്‍പതാം പ്രതി ഫൈസല്‍ എന്നിവരുടെ ജീവപര്യന്തം തടവ് ശിക്ഷയാണ് റദ്ദാക്കിയത്. കൊലക്കുറ്റം നിലനില്‍ക്കില്ല എന്ന് ചൂണ്ടിക്കാട്ടിയാണ് പ്രതികളുടെ ശിക്ഷ ഹൈക്കോടതി റദ്ദുചെയ്തത്.

തിരുവനന്തപുരം സിബിഐ പ്രത്യേക കോടതിയാണ് ഒന്‍പത് പ്രതികളേയും കുറ്റക്കാരാണെന്ന് കണ്ടെത്തി ശിക്ഷ വിധിച്ചത്. കൊലക്കുറ്റം നിലനില്‍ക്കുമെന്ന് കോടതി കണ്ടെത്തിയിരുന്നു. ഇതിനെതിരെ പ്രതികള്‍ ഹൈക്കോടതിയില്‍ അപ്പീല്‍ നല്‍കിയിരുന്നു. എന്നാല്‍ രണ്ടാം പ്രതി കാരി സതീശ് അപ്പീല്‍ നല്‍കിയില്ല. അപ്പീലിന്റെ അടിസ്ഥാനത്തിലാണ് എട്ട് പ്രതികളുടെ ശിക്ഷ കോടതി റദ്ദാക്കിയത്.

ഗുണ്ടാ നേതാവ് സാബുവിന്റെ സംഘാംഗമായ ജീവനാണ് ആക്രമണം നടത്തിയതെന്ന് ദൃക്‌സാക്ഷികള്‍ പൊലീസിന് മൊഴി നല്‍കിയിട്ടുണ്ട്. ഇയാള്‍ ഒളിവിലാണെന്ന് പൊലീസ് പറഞ്ഞു. റോഡില്‍ ഗുരുതരമായി പരിക്കേറ്റ കിടന്ന അനിലിനെ പൊലീസ് എത്തി മെഡിക്കല്‍ കോളേജ് ആസ്പത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.

കൊച്ചി: രാജീവ് വധക്കേസില്‍ പ്രമുഖ അഭിഭാഷകന്‍ സി.പി ഉദയഭാനുവിന്റെ ജാമ്യാപേക്ഷ ഹൈക്കോടതി തള്ളി. റിയല്‍ എസ്‌റ്റേറ്റ് ഇടനിലക്കാരനായ ചാലക്കുടി സ്വദേശി രാജീവിന്റെ കൊലപാതകത്തിന് പിന്നില്‍ ഗൂഢാലോചന കുറ്റമാണ് അഭിഭാഷകനായ സി.പി ഉദയഭാനുവിന് എതിരെ ചുമത്തിയിരിക്കുന്നത്.

നേരത്തെ കേസ് ഡയറിയും റിപ്പോര്‍ട്ടും അന്വേഷണ സംഘം കോടതിയില്‍ സമര്‍പ്പിച്ചിരുന്നു. സി.പി ഉദയഭാനുവിന് ജാമ്യം നല്‍കരുതെന്ന് കേസ് വാദിച്ച പ്രൊസിക്യൂഷന്‍ കോടതിയോട് ആവശ്യപ്പെട്ടിരുന്നു. എന്നാല്‍ രാജീവിനെ കൊലപ്പെടുത്തിയ പ്രതികളുമായി ഫോണില്‍ സംസാരിച്ചത് ഗൂഢാലോചനയുടെ തെളിവല്ല എന്നായിരുന്നു ഉദയഭാനുവിന് വേണ്ടി ഹാജരായ അഭിഭാഷകര്‍ വാദം.
.