സ്റ്റാര്‍ലിങ്ക് ഉപയോഗിക്കുന്നതിന് നല്‍കേണ്ട സബ്‌സ്‌ക്രിപ്ഷന്‍ ഫീസാണ് മസ്‌ക് ഒഴിവാക്കിയിരിക്കുന്നത്. ഇതോടെ നിലവില്‍ സ്റ്റാര്‍ലിങ്ക് റിസീവറുകള്‍ കൈവശമുള്ളവര്‍ക്ക് പണം നല്‍കാതെ തന്നെ ഹൈസ്പീഡ് ഇന്റര്‍നെറ്റ് ഉപയോഗിക്കാന്‍ കഴിയും. സര്‍ക്കാര്‍ നിയന്ത്രണങ്ങളില്ലാതെ പുറംലോകവുമായി ബന്ധപ്പെടാന്‍ പ്രതിഷേധക്കാര്‍ക്ക് ഇതിലൂടെ സാധിക്കുമെന്നാണ് വിലയിരുത്തല്‍.

ഇന്റര്‍നെറ്റ് നിയന്ത്രണങ്ങള്‍ ശക്തമാക്കിയ സാഹചര്യത്തില്‍ ഇറാനിലെ വിവരവിനിമയ സ്വാതന്ത്ര്യത്തിന് ഇത് വലിയ ആശ്വാസമാകുമെന്നാണ് അന്താരാഷ്ട്ര തലത്തില്‍ ഉയരുന്ന പ്രതികരണങ്ങള്‍.

ഗ്രാമപ്രദേശങ്ങളിലേക്കും മലയോര മേഖലകളിലേക്കും അതിവേഗ ഇന്റര്‍നെറ്റ് എത്തിക്കുന്നതിനുള്ള കഴിവാണ് ഈ സാങ്കേതികവിദ്യയുടെ പ്രധാന ആകര്‍ഷണം. കേന്ദ്രസര്‍ക്കാറിന്റെ പ്രധാന അനുമതികള്‍ ഇതിനകം ലഭിച്ചുകഴിഞ്ഞു. ടെലികോം വകുപ്പിന്റെ ഗ്ലോബല്‍ മൊബൈല്‍ പേഴ്‌സണല്‍ കമ്മ്യൂണിക്കേഷന്‍ ബൈ സാറ്റലൈറ്റ് ലൈസന്‍സ് സ്റ്റാര്‍ലിങ്ക് നേടിയിട്ടുണ്ട്. ഇനി സാറ്റലൈറ്റ് കമ്മ്യൂണിക്കേഷന്‍ അനുമതിയും സ്‌പെക്ട്രം വിതരണവുമായി ബന്ധപ്പെട്ട നടപടികളുമാണ് ബാക്കി.

വിദഗ്ധരുടെ കണക്കനുസരിച്ച്, 2025 അവസാനം എല്ലാ അനുമതികളും ലഭിച്ച് സേവനം ഔദ്യോഗികമായി ആരംഭിക്കാനാണ് സാധ്യത.

സര്‍ക്കാര്‍, നിലവിലുള്ള ടെലികോം സേവനദാതാക്കളുമായുള്ള വ്യവസായ സന്തുലനം നിലനിര്‍ത്തുന്നതിനായി സ്റ്റാര്‍ലിങ്കിന് ആദ്യഘട്ടത്തില്‍ ഏകദേശം 20 ലക്ഷം കണക്ഷനുകള്‍ വരെ മാത്രമേ അനുവദിക്കൂ. കേബിളുകളോ ടവറുകളോ ആവശ്യമില്ലാത്ത സാറ്റലൈറ്റ് അടിസ്ഥാന സൗകര്യം കാരണം സേവനം വേഗത്തില്‍ ജനപ്രീതി നേടാനിടയുണ്ട്.

സ്റ്റാര്‍ലിങ്ക് സേവനം ഉപയോഗിക്കുന്നതിനുള്ള ഹാര്‍ഡ്വെയര്‍ കിറ്റിന് ?30,000 മുതല്‍ ?33,000 വരെ വില പ്രതീക്ഷിക്കപ്പെടുന്നു. അണ്‍ലിമിറ്റഡ് ഡാറ്റാ പ്ലാനുകളുടെ പ്രതിമാസ നിരക്ക് ?3,000 മുതല്‍ ?4,200 വരെ ആയിരിക്കും. ഉപഭോക്താക്കള്‍ക്ക് ഒരു മാസത്തെ സൗജന്യ ട്രയല്‍ നല്‍കുന്നതിനുള്ള പദ്ധതിയും കമ്പനി പരിഗണിക്കുന്നതായി റിപ്പോര്‍ട്ടുകള്‍ പറയുന്നു.