റാമല്ലയിലെ സെന്‍ട്രല്‍ അല്‍ മനാറ ചത്വരത്തില്‍ ഒരുമിച്ചു കൂടിയ ഫലസ്തീനികള്‍ ഇസ്രാഈല്‍ അതിര്‍ത്തിയായ അല്‍ബീറിലേക്ക് മാര്‍ച്ച് നടത്തി. ടിയര്‍ ഗ്യാസും റബ്ബര്‍ ബുള്ളറ്റുകളും ഉപയോഗിച്ചാണ് നിരായുധരായ ഫലസ്തീനി യുവാക്കളെ ഇസ്രാഈല്‍ സൈന്യം നേരിട്ടത്. പരിക്കേറ്റ 16 ഫലസ്തീനികളെ ആസ്പത്രിയിലേക്ക് മാറ്റി. റാമല്ലക്കും വെസ്റ്റ്ബാങ്കിനും പുറമെ ഹീബ്രോണ്‍, ജെനിന്‍, നെബുലസ്, തുല്‍കരീം, ജെറിച്ചോ പട്ടണങ്ങളിലും ജനം പ്രതിഷേധവുമായി തെരുവിലിറങ്ങി. ഗസ്സ മുനമ്പിലും കിഴക്കന്‍ ജറൂസലേമിലും പ്രതിഷേധ പ്രകടനങ്ങള്‍ നടന്നതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു.

ഇന്ത്യ, പാകിസ്താന്‍, ഇന്തൊനേഷ്യ, ഈജിപ്ത്, മലേഷ്യ എന്നിവിടങ്ങളിലെല്ലാം ജനക്കൂട്ടം പ്രതിഷേധവുമായി തെരുവില്‍ ഇറങ്ങി. വെള്ളിയാഴ്ചയിലെ ജുമുഅ നമസ്‌കാര ശേഷമാണ് പലയിടങ്ങളിലും പ്രതിഷേധ പ്രകടനങ്ങള്‍ നടന്നത്. ട്രംപ് ഭരണകൂടത്തിന്റെ നടപടിയെ വിമര്‍ശിച്ച് പോപ് ഫ്രാന്‍സിസ് മാര്‍പ്പാപ്പ ഉള്‍പ്പെടെയുള്ളവരും ലോകരാഷ്ട്ര നേതാക്കളും കഴിഞ്ഞ ദിവസം തന്നെ രംഗത്തെത്തിയിരുന്നു.

മധ്യപൂര്‍വേഷ്യയിലെ സമാധാന ശ്രമങ്ങള്‍ക്ക് തുരങ്കം വെക്കുന്നതാണ് യു.എസ് നീക്കമെന്ന് ഫ്രാന്‍സും ബ്രിട്ടനും ഉള്‍പ്പെടെയുള്ള രാഷ്ട്രങ്ങള്‍ ആരോപിച്ചു. ഫലസ്തീനികള്‍ക്കെതിരായ യുദ്ധപ്രഖ്യാപനമാണ് യു.എസ് നടത്തിയിരിക്കുന്നതെന്നായിരുന്നു ഹമാസ് നേതാവ് ഇസ്മായില്‍ ഹനിയയുടെ പ്രതികരണം.

സമകാലിക മലയാളം വാരികയുടെ ഓണ്‍ലൈന്‍ എഡിഷന് നല്‍കിയ അഭിമുഖത്തില്‍ സെന്‍കുമാര്‍ നടത്തിയ വര്‍ഗീയ പരാമര്‍ശങ്ങള്‍ക്കെതിരെ കേസെടുക്കുന്നതു സംബന്ധിച്ച് ഡിജിപി പൊലീസ് ലീഗല്‍ അഡൈ്വസറോട് നിയമോപദേശം തേടുകയും ഇതിന്റെ അന്വേഷണം ക്രൈംബ്രാഞ്ചിനെ ഏല്‍പ്പിക്കുകയും ചെയ്തു. കേസെടുക്കുന്ന കാര്യത്തില്‍ ക്രൈംബ്രാഞ്ച് എഡിജിപി ഡയറക്ടര്‍ ജനറല്‍ ഓഫ് പ്രോസിക്യൂഷനോട് നിയമോപദേശം തേടി. ഇന്ത്യന്‍ ശിക്ഷാനിയമത്തിലെ 153അ(ശ)(മ) വകുപ്പ് പ്രകാരം സെന്‍കുമറിനെതിരേയും പ്രസാധകര്‍ക്കെതിരേയും കേസെടുക്കാമെന്നാണ് ഡിജിപി മഞ്ചേരി ശ്രീധരന്‍നായര്‍ ഇന്ന് നിയമോപദേശം നല്‍കിയിരിക്കുന്നത്.

പരസ്യപ്പെടുത്തിയ അഭിമുഖം ആയത് കൊണ്ട് സെന്‍കുമാര്‍ പ്രസാധകര്‍ക്ക് അയച്ച നോട്ടീസിന് നിയമസാധുത ഇല്ലെന്നും, നോട്ടീസ് അയച്ചതോടെ കൂടി അഭിമുഖത്തില്‍ പറഞ്ഞ കാര്യം ക്രിമിനല്‍ കുറ്റമാണെന്ന് സമ്മതിക്കുകയാണെന്നും നിയമോപദേശത്തില്‍ പറയുന്നു. യൂത്ത് ലീഗ് നേതാവ് ഫിറോസിന്റെ പരാതിയില്‍ എഫ്‌ഐആര്‍ രജിസ്റ്റര്‍ ചെയ്യാമെന്നും ബാക്കിയുള്ള പരാതികള്‍ ഇതിന്റെ കൂട്ടത്തില്‍ അന്വേഷിക്കാമെന്നും നിയമോപദേശത്തില്‍ വ്യക്തമാക്കുന്നുണ്ട്. ഇതിന്റെ അടിസ്ഥാനത്തില്‍ സെന്‍കുമാറിനെതിരെ ഉടനടി കേസ് രജിസ്റ്റര്‍ ചെയ്ത് അന്വേഷണം ആരംഭിച്ചേക്കും. ക്രൈംബ്രാഞ്ച് എഡിജിപി നിതിന്‍ അഗര്‍വാളിന്റെ നേതൃത്വത്തിലുള്ള സംഘമായിരിക്കും കേസന്വേഷിക്കുക.