പോസ്റ്റിന്റെ പൂര്‍ണരൂപം വായിക്കാം…

ശരീഅത്ത് റൂൾ: ആശങ്കകളും വസ്തുതകളും

കേരള സർക്കാർ രൂപീകരിച്ച ശരീഅത്ത് റൂളിനെ സംബന്ധിച്ച് ഉയർന്ന് വന്നിട്ടുള്ള ആശങ്കകളെ സംബന്ധിച്ചും ഇക്കാര്യത്തിൽ യൂത്ത് ലീഗിനോട് ഉയർത്തിയിട്ടുള്ള ചോദ്യങ്ങളിലും നിലപാട് വ്യക്തമാക്കുകയാണ്.

1. റൂൾ നിർമ്മിക്കണമെന്നാവശ്യപ്പെട്ട് യൂത്ത് ലീഗ് കോടതിയെ സമീപിച്ചത് ഏത് സാഹചര്യത്തിലാണ്?

ഇസ്‌ലാം മതം സ്വീകരിച്ച സൈമൺ മാസ്റ്ററും(മുഹമ്മദ് ഹാജി) ടി.എൻ ജോയിയും (നജ്മൽ ബാബു) മരണപ്പെട്ടപ്പോൾ ഇസ്‌ലാം മത ആചാര പ്രകാരമല്ല മരണാനന്തര കർമ്മങ്ങൾ നിർവ്വഹിക്കപ്പെട്ടത്. ആദ്യത്തെ സംഭവം ഉണ്ടായപ്പോൾ തന്നെ ഇത്തരം സാഹചര്യമൊഴിവാക്കാൻ റൂൾ നിർമ്മിക്കാൻ സർക്കാറിന് നിർദ്ദേശം നൽകണമെന്നാവശ്യപ്പെട്ട് അബൂത്വാലിബ് എന്ന വ്യക്തി കോടതിയെ സമീപിച്ചിരുന്നു. മൂന്നു മാസത്തിനകം ചട്ടം നിർമ്മിക്കണമെന്ന കോടതി ഉത്തരവ് സർക്കാർ പാലിക്കാതിരിക്കുകയും നജ്മൽ ബാബുവിനും ഈ ദുരനുഭവം ആവർത്തിക്കുകയും ചെയ്തപ്പോഴാണ് യൂത്ത് ലീഗ് കോടതിയെ സമീപിക്കുന്നത്.

2. റൂൾ നിലവിൽ വന്നത് കൊണ്ട് പൊന്നാനി മഊനത്തുൽ ഇസ്ലാം സഭ, കുറ്റിച്ചിറ തർബിയത്തുൽ ഇസ്‌ലാം സഭ എന്നിവയുടെ ആധികാരികത നഷ്ടപ്പെട്ടു എന്നത് ശരിയാണോ?

ശരിയല്ല. റൂൾ നിലവിൽ വരുന്നതിനു മുൻപ് തന്നെ 2009 ൽ ദേവകി (ആയിഷ) എന്നവർ നൽകിയ റിട്ട് പെറ്റീഷനിൽ ജ.മുഷ്താഖ് നൽകിയ വിധിയിൽ മതം മാറ്റം സംബന്ധിച്ച് ഏതെങ്കിലും സഭക്ക് മാത്രം തീരുമാനമെടുക്കാൻ അധികാരമില്ലെന്ന് വ്യക്തമാക്കിയതാണ്.

3. റൂൾ നിലവിൽ വന്നത് കൊണ്ട് കേരളത്തിലെ മുസ്‌ലിംകൾ മുഴുവൻ ഡിക്ലറേഷൻ നൽകേണ്ടി വരുമെന്നും കൊടുക്കാത്തവർ ശരീഅത്ത് നിയമങ്ങൾക്ക് പുറത്താവുമെന്നും പറയുന്നത് ശരിയാണോ?

ശരിയല്ല. റൂളിലെ സെക്ഷൻ 3 ക്ലോസ് 1 പ്രകാരം മുസ്‌ലിമാണെന്ന് തെളിയിക്കാൻ ആർക്കെങ്കിലും രേഖ ആവശ്യമുണ്ടെങ്കിൽ മാത്രം അപേക്ഷ നൽകിയാൽ മതി. ഫലത്തിൽ മുസ്‌ലിമായി ജനിച്ചവർക്ക് ഈ രേഖ ആവശ്യമില്ലാതെ വരികയും ഇസ്‌ലാം മതത്തിലേക്ക് Convert ചെയ്യുന്നവർക്ക് ഇതൊരു ഉപകാരമാവുകയും ചെയ്യും. മുസ്‌ലിമായി ജനിച്ചവർക്ക് നിലവിൽ തുടർന്ന് വരുന്ന നിയമങ്ങളിൽ യാതൊരു മാറ്റവും ഈ റൂൾ ഉണ്ടാക്കുന്നില്ല.

4.അപ്പോൾ സർക്കാർ ഇറക്കിയ ഉത്തരവിൽ ഭേദഗതി ഒന്നും ആവശ്യമില്ലെന്നാണോ?

ആവശ്യമുണ്ട്. ആ ഭേദഗതികൾ കൂടി നടപ്പിലാക്കാൻ സാധിച്ചാൽ അപേക്ഷകർക്കുള്ള സങ്കീർണ്ണതകൾക്ക് പരിഹാരമാവുകയും എളുപ്പത്തിൽ രേഖകൾ ലഭ്യമാവാൻ സഹായകരമാവുകയും ചെയ്യും.

5. എന്തൊക്കെ ഭേദഗതികളാണ് ആവശ്യമായിട്ടുള്ളത്?

a. അപേക്ഷയോടൊപ്പം ജാതി സർട്ടിഫിക്കറ്റ് ഉൾപ്പടെ സമർപ്പിക്കണം എന്നത് മാറ്റി 3 രേഖകൾ സമർപ്പിച്ചാൽ മതി എന്നാക്കണം. 
ഒന്ന്, മഹല്ല് /ജമാഅത്ത് കമ്മിറ്റികൾ നൽകുന്ന രേഖ അല്ലെങ്കിൽ സ്വയം സാക്ഷ്യപ്പെടുത്തിയ സത്യവാങ്മൂലം
രണ്ട്, വയസ്സ് തെളിയിക്കുന്ന സർട്ടിഫിക്കറ്റ്
മൂന്ന്, റസിഡൻഷ്യൽ സർട്ടിഫിക്കറ്റ്

b. തഹസിൽദാർ അന്വേഷണം(Enquiry) നടത്തിയതിന് ശേഷം മാത്രം സർട്ടിഫിക്കറ്റ് നൽകിയാൽ മതി എന്ന സർക്കാർ വിജ്ഞാപനം അപേക്ഷകർക്ക് കൂടുതൽ ബുദ്ധിമുട്ടുകൾ സൃഷ്ടിക്കും എന്നതിനാൽ Enquiry എന്നത് സർട്ടിഫിക്കറ്റ് പരിശോധന (verification) എന്നാക്കി ഭേദഗതി ചെയ്യണം.

c. അപേക്ഷ സമർപ്പിച്ച് 45 ദിവസത്തിനുളളിൽ സർട്ടിഫിക്കറ്റ് നൽകിയാൽ മതി എന്നത് 15 ദിവസത്തിനുള്ളിൽ എന്നാക്കി ചുരുക്കണം.

6. റൂൾ സംബന്ധിച്ച് മുസ്‌ലിം ലീഗിനും യൂത്ത് ലീഗിനും വ്യത്യസ്ത നിലപാടുണ്ടോ?

ഒരിക്കലുമില്ല. ഇത് സംബന്ധിച്ച് പല ആശയ കുഴപ്പങ്ങളുമുണ്ടായപ്പോൾ മുസ്‌ലിം ലീഗ് നേതൃത്വം തിരുവനന്തപുരത്ത് മുസ്‌ലിം സംഘടനകളുടെ യോഗം വിളിച്ച് ചേർക്കുകയും മുകളിൽ പറഞ്ഞ ഭേദഗതികൾ നിയമ വിദഗ്ധരുടെ അഭിപ്രായം കൂടി ആരാഞ്ഞതിന് ശേഷം തയ്യാറാക്കുകയും ചെയ്തു. പ്രസ്തുത യോഗത്തിൽ യൂത്ത് ലീഗും സംബന്ധിച്ചിരുന്നു. അതിന് ശേഷം മുഖ്യമന്ത്രിക്ക് ഭേദഗതികൾ സമർപ്പിക്കുകയും ചെയ്തു.

ഇനി എന്താണ് ചെയ്യേണ്ടത്?

സയ്യിദ് സാദിഖലി ശിഹാബ് തങ്ങളുടെ നേതൃത്വത്തിൽ മുഖ്യമന്ത്രിക്ക് സമർപ്പിച്ച ഭേദഗതികൾ സർക്കാർ അംഗീകരിക്കുന്നതിനായി ഒറ്റക്കെട്ടായി നിൽക്കുക. ഇനി ഇക്കാര്യത്തിൽ സദുദ്ദേശപരമായി യൂത്ത് ലീഗ് നടത്തിയ ശ്രമങ്ങളിലോ ഇതുമായി ബന്ധപ്പെട്ട മറ്റു കാര്യങ്ങളിലോ ഏതെങ്കിലും തരത്തിൽ വ്യത്യസ്ത അഭിപ്രായമുള്ളവർ സോഷ്യൽ മീഡിയ വഴി സമൂഹ മധ്യേ കൂടുതൽ ആശയ കുഴപ്പങ്ങളുണ്ടാക്കുന്നതിന് പകരം ഒരു ചർച്ചയിലൂടെ പരിഹാരമുണ്ടാക്കുന്നതിനും സമുദായത്തിന് ഗുണകരമാകുന്ന രീതിയിൽ ഫലമുണ്ടാക്കുന്നതിനും മുന്നോട്ടു വരേണ്ടതാണ്.
നാഥൻ തുണക്കട്ടെ…

Masjids r built by people who believe in Day of Judgment & fear ALLAH only it is duty of Muslims t offer namaz in masjid that is protection

— Asaduddin Owaisi (@asadowaisi) August 13, 2017

Masjids can be managed by Shia,Sunni,Barelvi,Sufi,Deobandi,Salafi,Bohri but they are not owners ALLAH is the owner even AIMPLB cannot give

— Asaduddin Owaisi (@asadowaisi) August 13, 2017

Masjids cannot be given just bcos 1 Maulana says so,Allah is the owner not a Maulana once a Masjid always a Masjid Sctt decide on Evidence

— Asaduddin Owaisi (@asadowaisi) August 13, 2017

“അവസാനനാളില്‍ വിശ്വസിക്കുകയും അല്ലാഹുവിനെ പേടിക്കുകയും ചെയ്യുന്ന ആളുകളാണ് മസ്ജിദുകള്‍ നിര്‍മ്മിച്ചിരിക്കുന്നത്. അതിനാല്‍ തന്നെ അവിടെ സുരക്ഷിതമായ രീതിയിലുള്ള പ്രാര്‍ത്ഥന നിലനിര്‍ത്തേണ്ടത് മുസ്‌ലിങ്ങളുടെ ഉത്തരവാദിത്തമാണ്”- അദ്ദേഹം ട്വിറ്ററില്‍ കുറിച്ചു.

“ശിയ, സുന്നി, ബരെല്‍വി, സൂഫി, ദിയോബന്ദി, സലഫി, ബോഹിരികള്‍ എന്നിവര്‍ക്കാര്‍ക്കും മസ്ജിദുകള്‍ നിയന്ത്രിക്കാവുന്നതാണ്. എന്നാല്‍ അവര്‍ അതിന്റെ ഉടമകളല്ല. അല്ലാഹുവാണ് അതിന്റെ ഉടമ”, ഉവൈസി ട്വീറ്റില്‍ തുടര്‍ന്നു.

‘ഒരു മൗലാന പറഞ്ഞത് കൊണ്ട് പള്ളികള്‍ കൈമാറാനാവില്ല. അല്ലാഹുവാണ് അതിന്റെ ഉടമസ്തന്‍, മറിച്ച് ഏതെങ്കിലുമൊരു മൗലാനയാവില്ല. ഒരു മസ്ജിദുണ്ടായാല്‍ പിന്നീട് എപ്പോഴും അത് മസ്ജിദായി തന്നെ നിലനില്‍ക്കും.’ അസദുദ്ദീന്‍ ഉവൈസി ട്വീറ്റില്‍ കൂട്ടിച്ചേര്‍ത്തു.

തകര്‍ക്കപ്പെട്ട ബാബരി മസ്ജിദ് ശിയ വഖഫ് ബോര്‍ഡിന്റെ സ്വത്താണെന്ന് സത്യവാങ് മൂലത്തില്‍് അവകാശപ്പെട്ട ശിയ വഖഫ് ബോര്‍ഡ്, പള്ളി സമീപത്തെ മുസ്‌ലിം ഭൂരിപക്ഷ പ്രദേശത്തേക്ക് മാറ്റി നിര്‍മിക്കാമെന്ന് സുപ്രീംകോടതിയെ അറിയിച്ചിരുന്നു. ഇതിന് മറുപടിയാണ് ഉവൈസി നിരത്തിയത്.

എന്നാല്‍ ഇക്കാര്യത്തില്‍ ബാഹ്യ ഇടപെടല്‍ വേണ്ടെന്നും മുസ്‌ലിം വ്യക്തി നിയമ ബോര്‍ഡിനു വേണ്ടി ഹാജരായ മുന്‍ കേന്ദ്ര നിയമമന്ത്രിയും മുതിര്‍ന്ന അഭിഭാഷകനുമായ ബോര്‍ഡിന് വേണ്ടി ഹാജരായ കപില്‍ സിബല്‍ സുപ്രീംകോടതിയെ ധരിപ്പിച്ചു. ചീഫ് ജസ്റ്റിസ് ജെ.എസ്. കേഹാര്‍ അധ്യക്ഷനായ പ്രത്യേക അഞ്ചംഗ ഭരണഘടനാബെഞ്ചാണ് മുത്തലാഖ് വിഷയത്തില്‍ വാദം കേള്‍ക്കുന്നത്.

അയോധ്യയിലാണ് രാമന്‍ ജനിച്ചത് എന്ന് ഹിന്ദുക്കള്‍ വിശ്വസിക്കുന്നതിന് തുല്യമാണ് മുത്തലാഖ്. കഴിഞ്ഞ 1,400 വര്‍ഷങ്ങളായി മുസ്ലിങ്ങള്‍ അനുവര്‍ത്തിച്ചുപോരുന്ന രീതി അനിസ്ലാമികമെന്ന് പറയാന്‍ നമ്മള്‍ ആരാണ്. അതിനാല്‍തന്നെ മുത്തലാഖ് വിഷയത്തില്‍ ഭരണഘടനാപരമായ ധാര്‍മികത പരിശോധിക്കേണ്ട വിഷയം ഇവിടെ ഉദിക്കുന്നില്ലെന്നും മുസ്ലിം വ്യക്തിനിയമ ബോര്‍ഡിന് വേണ്ടി ഹാജരായ കപില്‍ സിബല്‍ സുപ്രീംകോടതയില്‍ വാദിച്ചു.

മുത്തലാഖ് ഇസ്‌ലാമികമല്ലെന്ന കേന്ദ്ര സര്‍ക്കാര്‍ വാദത്തെയും ബോര്‍ഡ് ചോദ്യം ചെയ്തു. മറ്റുമതവിഭാഗങ്ങളുടെ വിശ്വാസം ചോദ്യം ചെയ്യപ്പെടാത്തിടത്തോളം മുസ്‌ലിം സമുദായത്തിന്റെ വിശ്വാസവും ഇഴകീറി പരിശോധിക്കാന്‍ കഴിയില്ലെന്നും കപില്‍ സിബല്‍ വ്യക്തമാക്കി. രാമന്‍ അയോധ്യയിലാണ് ജനിച്ചതെന്ന് ഞാന്‍ കരുതുന്നുണ്ടെങ്കില്‍ അത് വിശ്വാസത്തിന്റെ മാത്രം പ്രശ്‌നമാണ്. ഇതില്‍ ഭരണഘടനാപരമായ ധാര്‍മിക പ്രസക്തമല്ലെന്നും അഞ്ചംഗ ബെഞ്ച് മുമ്പാകെ സിബല്‍ പറഞ്ഞു.
പ്രമുഖ ജസ്റ്റിസുമാരായ ആര്‍.എഫ് നരിമാന്‍, കുര്യന്‍ ജോസഫ്, യു.യു.ലളിത് അബ്ദുല്‍ നസീര്‍ എന്നിവര്‍ ഉള്‍പ്പെടുന്ന ബെഞ്ചിന് മുന്‍പാകെയാണ് ആള്‍ ഇന്ത്യ മുസ്ലിം വ്യക്തിനിയമ ബോര്‍ഡിന്റെ വാദം കപില്‍ സിബല്‍ അവതരിപ്പിച്ചത്.

മുസ്‌ലിം വിവാഹം എന്നതു മുതിര്‍ന്ന വ്യക്തികള്‍ തമ്മിലുള്ള കരാറാണ്. വിവാഹമോചനവും അങ്ങനെതന്നെയാണ്. ഇതിന്റെ ഉദ്ഭവം ഹദീസുമാണ്. വിവാഹവും മോചനവും കരാറാണെങ്കില്‍ മറ്റുള്ളവര്‍ക്ക് ഇതിലെന്താണ് പ്രശ്‌നമെന്നും കബില്‍ സിബല്‍ ചോദിച്ചു

ജനങ്ങള്‍ക്ക് ബുദ്ധിമുട്ടുണ്ടാക്കുന്ന യാതൊരു നീക്കവും നടത്തില്ലെന്ന്് മുസ്ലിം ലോ ബോര്‍ഡ് പ്രതിനിധി സംഘത്തോട് നിയമ കമ്മീഷന്‍ പറഞ്ഞു.

ഏക സിവില്‍ കോഡിനെതിരായി മുസ്‌ലിംകളുടെ ശക്തമായ വികരം കമ്മീഷനോട് പങ്കുവെക്കാനും പ്രതിനിധി സംഘം ശ്രമിച്ചു. ശരീഅ നിയമത്തെ പിന്തുണച്ചും ഏക സിവില്‍കോഡിനെ എതിര്‍ത്തും മുസ്ലിം സംഘടനകള്‍ ശേഖരിച്ച പത്തുമില്യണ്‍ ഒപ്പും കമ്മീഷനു സമര്‍പ്പിച്ചു.

മുസ്‌ലിംങ്ങള്‍ക്ക് അവരുടെ ശരീഅ നിയമങ്ങളില്‍ യാതൊരു ഭേതഗതിയും ആവശ്യമില്ല. ഹലാല്‍, ഹറാം, നികാഹ് തുടങ്ങിയവയില്‍ മുസ്ലിംകള്‍ തൃപ്തരാണെന്നും പുറത്തു നിന്നുള്ള ഇടപെടലുകള്‍ അനാവശ്യമാണെന്നും കമ്മീഷനെ പ്രതിനിധി സംഘം കമ്മീഷനെ അറിയിച്ചു.