muslim league leader – Chandrika Daily

മുസ്ലിം ലീഗ് നേതാവ് പി.സി ഹംസഹാജി അന്തരിച്ചു

webdesk18 — Wed, 30 Jul 2025 14:37:16 +0000

മുസ്ലിം ലീഗ് സുല്‍ത്താന്‍ പേട്ട മേഖലാ പ്രസിഡന്റ് പി.സി ഹംസഹാജി അന്തരിച്ചു. പ്രശസ്ത വ്യാപാരിയും പാലക്കാട്ടെ നൂര്‍ജഹാന്‍ ഹോട്ടലുടമയുമായിരുന്നു അദ്ദേഹം. അദ്ദേഹത്തിന് 87 വയസ്സായിരുന്നു.

കേരളത്തിലെ ആരോഗ്യമേഖല ഗുരുതര പ്രതിസന്ധിയില്‍; പി.കെ കുഞ്ഞാലിക്കുട്ടി

webdesk18 — Sun, 29 Jun 2025 08:47:44 +0000

കേരളത്തിലെ ആരോഗ്യ മേഖല ഗുരുതര പ്രതിസന്ധിയിലാണെന്ന് മുസ്ലിംലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി. ആരോഗ്യരംഗത്തെ പ്രശ്‌നങ്ങൾ പ്രതിപക്ഷം നേരത്തെയും ഉന്നയിച്ചതാണ്. നിയമസഭക്ക് അകത്തും പുറത്തും നിരന്തരം ഉന്നയിക്കുന്ന വിഷയമാണ്. മെഡിക്കൽ കോളേജുകളിൽ യാതൊരു സൗകര്യവുമില്ല. ശോചനീയമായ അവസ്ഥയാണ് നിലനിൽക്കുന്നത്. ഒന്നിനും ഫണ്ട് കൊടുക്കാത്തത് തന്നെയാണ് പ്രശ്‌നം. ഫണ്ട് അനുവദിക്കാത്തത് കൊണ്ട് എല്ലാ മേഖലകളും നിശ്ചലാവസ്ഥിലാണ്. അടിയന്തര ശസ്ത്രക്രിയ വേണ്ട ഘട്ടങ്ങളിൽ പോലും അത് ചെയ്യാൻ സാധിക്കാത്തത് കൊണ്ടാണ് ഡോ. ഹാരിസ് ഇത് പുറത്ത് പറഞ്ഞത്. സർക്കാറിന്റെ കണ്ണ് തുറപ്പിക്കാനാണ് സഹികെട്ട് അദ്ദേഹം പ്രതികരിച്ചത്. ഫയലുകളുടെ വേഗത ഉപഗ്രഹങ്ങളിലേക്ക് വിക്ഷേപിച്ച് തിരിച്ചുവരുന്നതിനേക്കാൾ പ്രയാസമാണ്. സിസ്റ്റം മര്യാദക്ക് പ്രവർത്തിക്കുന്നില്ല. ഫയലുകളിൽ ആരും തീരുമാനമെടുക്കുന്നില്ലെന്നും അദ്ദേഹം പറഞ്ഞു.

വിവാഹ പാർട്ടി സഞ്ചരിച്ച വാഹനം ഉരസിയതിനെ ചൊല്ലി സംഘർഷം; പരിഹരിക്കാൻ ശ്രമിച്ച മുസ്‌ലിം ലീഗ്‌ നേതാവിന് മർദ്ദനം

webdesk18 — Mon, 21 Apr 2025 04:46:21 +0000

നാദാപുരം: വിവാഹ പാർട്ടി സഞ്ചരിച്ചു വാഹനം മറ്റൊരു വാഹനവുമായി ഉരസി യത് സംഘർഷത്തിൽ കലാശിച്ചു. കല്ലാ ച്ചി വളയം റോഡിൽ വിഷ്ണുമംഗലം ബണ്ടിന് സമീപം ഇന്നലെ ഉച്ചതിരിഞ്ഞ് മൂന്നു മണിയോടെയാണ് സംഭവം. പുളിയാവ് ഭാഗത്തു നിന്ന് വരികയായിരുന്ന വിവാഹ പാർട്ടി സഞ്ചരിച്ച വാഹനവും എതിർ ദിശയിൽ നിന്ന് വരികയായി രു ന്ന മറ്റൊരു വാഹനവും തമ്മിൽ ഉരസിയതാണ് പ്രശ്നത്തിന് തുടക്കം. ഇതം ബന്ധിച്ച് തർക്കവും വാക്കേറ്റവും ഉണ്ടായതോടെ വളയം റോഡിൽ ഗതാഗതം മുടങ്ങുക യായിരുന്നു. ഇതിനിടയിൽ ജാ തിയേരി കല്ലുമ്മൽ പ്രദേശത്തെ മറ്റൊരു കല്യാണ വീട്ടിൽ നിന്ന് വരികയായിരു ന്ന വരനും സുഹൃത്തുക്കളും സഞ്ചരിച്ച വാഹനങ്ങൾ റോഡിൽ കുടുങ്ങി.

ഈ വാഹനത്തിൽ നിന്ന് ചില യുവാക്കൾ ഇറങ്ങി മാർഗ്ഗതടസ്സം ഒഴിവാക്കാൻ ശ്രമിക്കുന്നതിനിടെ ഇരു കൂട്ടരും തമ്മിൽ വീണ്ടും വാക്കേറ്റം നടന്നു. വിവര മറിഞ്ഞ് സംഭവ സ്ഥലത്ത് എത്തിയ പ ഞ്ചായത്ത് മുസ്ലിം ലീഗ് പ്രസിഡൻ്റ് അഹമ്മദ് കുറുവയിൽ പ്രശ്‌നം പരിഹരിക്കാൻ ശ്രമിക്കുന്നതിനിടയിൽ പുളിയാവ് ഭാഗത്തെ വിവാഹ പാർട്ടിയിൽ ഉണ്ടായിരുന്ന ചിലർ ഇദ്ദേഹത്തെയും മർദ്ദിക്കുകയായിരുന്നു. ദേഹാസ്വാസ്ഥ്യം അനുഭവപ്പെട്ട അഹമ്മദ് കുറുവയിൽ നാദാപുരം താലൂക്ക് ആശുപത്രിയിൽ പ്രാഥമിക ചികിത്സ തേടിയ ശേഷം വിദഗ്‌ധ ചികിത്സ ക്കായി കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. സമാധാന പ്രവർത്തനത്തിനിടയിൽ ലീഗ് നേതാവിനെ മർദ്ദിച്ച സംഭവം വലിയ പ്രതിഷേ,

ധത്തിന് ഇടയാക്കി. അഹമ്മദിനെ മർദ്ദിച്ച സംഭവത്തെ ക്കുറിച്ച് സമഗ്ര അന്വേഷണം നടത്തി കു റ്റക്കാർക്കെതിരെ കർശന നടപടി സ്വീകരിക്കണമെന്ന് മുസ്ലിം ലീഗ് ജില്ലാ ട്രഷറർ സൂപ്പി നരിക്കാട്ടേരി, മണ്ഡലം പ്രസിഡണ്ട് ബംഗ്ലത്ത് മുഹമ്മദ്, ജനറൽ സെ ക്രട്ടറി എൻകെ മൂസ മാസ്റ്റർ, ട്രഷറർ ടി കെ ഖാലിദ് മാസ്റ്റർ എന്നിവർ പ്രസ്‌താവനയിൽ ആവശ്യപ്പെട്ടു. അഹമ്മദിനെ മർദ്ദിച്ച സംഭവത്തെ ചെക്യാട് പഞ്ചായത്ത് മുസ്ലിം ലീഗ് കമ്മിറ്റി അപലപിച്ചു.

ബിപി മൂസ, സിഎച്ച് ഹമീദ് മാസ്റ്റർ തുടങ്ങിയവർ സംസാരിച്ചു. ചെക്യാട് ഗ്രാമപഞ്ചായത്ത് പ്രസിഡണ്ട് നസീമ കൊട്ടാരം, നാദാപുരം ഗ്രാമ പഞ്ചായത്ത് പ്രസിഡണ്ട് വിവി മുഹമ്മദലി, സ്റ്റാൻഡിങ് കമ്മിറ്റി ചെയർമാൻ സി കെ നാസർ, നാദാപുരം അർബൻ ബാങ്ക് ചെയർമാൻ എംകെ അഷ്റഫ്, യൂത്ത് ലീഗ് മണ്ഡലം പ്രസിഡണ്ട് കെഎം ഹംസ, സെക്രട്ടറി ഇ ഹാരിസ്, സ്വതന്ത്ര കർഷകസംഘം ജി ല്ലാ സെക്രട്ടറി നസീർ വളയം തുടങ്ങിയവർ സംഭവത്തെ അപലവിച്ചു.

മുസ്‌ലിംലീഗ് നേതാവ് സി.കെ മുഹമ്മദ് കുഞ്ഞി നിര്യാതനായി

webdesk14 — Sun, 08 Oct 2023 04:53:56 +0000

പഴയങ്ങാടി (കണ്ണൂര്‍): മുസ്‌ലിംലീഗ് നേതാവും മാടായി ഗ്രാമ പഞ്ചായത്ത് മുന്‍ പ്രസിഡന്റുമായിരുന്ന മുട്ടം ഏരിപ്രം ബദർ പള്ളിക്ക് സമീപത്തെ സി.കെ മുഹമ്മദ് കുഞ്ഞി(80) നിര്യാതനായി.

ഭാര്യ:വലിയ വളപ്പിൽ സഫിയ. മകൻ: വി.വി ഷൗക്കത്ത് (അബുദാബി). മരുമകൾ:സുഹറാബി സഹോദരങ്ങൾ :അബ്ദുല്ലകുഞ്ഞി, ബീവി, സുബൈദ, സലാം, മുഹമ്മദലി, പരേതരായ സൈനുദ്ദീൻ, അഷ്‌റഫ്.

ചവറയില്‍ ഇപ്പോള്‍ ജയിച്ച പ്രതീതി; യുഡിഎഫിനെ അധികാരത്തിലെത്തിക്കുകയാണ്‌ ലക്ഷ്യം-പികെ കുഞ്ഞാലിക്കുട്ടി

chandrika — Mon, 07 Sep 2020 04:00:24 +0000

മലപ്പുറം: യുഡിഎഫിനെ തിരിച്ച് അധികാരത്തില്‍ കൊണ്ടുവരികയാണ് തന്റെ ലക്ഷ്യമെന്ന് പികെ കുഞ്ഞാലിക്കുട്ടി. കുഞ്ഞാലിക്കുട്ടിയെ സംസ്ഥാന രാഷ്ട്രീയത്തില്‍ സജീവമാക്കാനുള്ള മുസ്‌ലിം ലീഗ് തീരുമാനത്തിന് പിന്നാലെ എഷ്യാനെറ്റ് ചാനലിനോട് പ്രതികരിക്കുകയായിരുന്നു അദ്ദേഹം.

യുഡിഎഫ് ഭരിക്കുമ്പോള്‍ ജനങ്ങള്‍ക്ക് മൊത്തം പ്രതീക്ഷയുണ്ടായിരുന്നു. എന്നാല്‍ ഇപ്പോള്‍ തൊഴില്‍ പ്രശ്‌നം അടക്കം നിരവധി പ്രശ്‌നങ്ങളിലാണ് എല്‍ഡിഎഫ് സര്‍ക്കാര്‍. യുഡിഎഫ് കാലത്ത് ഐടിയിലും വ്യവസായത്തിലും മറ്റുമായി നിരവധി തൊഴിലവസരങ്ങളാണ് ഉണ്ടായിരുന്നത്. എന്നാല്‍ ഇ്‌പ്പോള്‍ ഒന്നും വരുന്നില്ല. യുവാക്കള്‍ക്ക് പ്രതീക്ഷയില്ല. കോവിഡ്, സാമ്പത്തിക മാന്ദ്യം കൂടാതെ അഴിമതിയും ഇതുവരെ കേള്‍ക്കാത്ത സ്വര്‍ണക്കടത്തും മയക്കുമരുന്നുമായി വിവാദങ്ങളില്‍ കിടക്കുകയാണ് സംസ്ഥാനം. എന്നാല്‍ യുഡിഎഫ് കാലത്ത് വിദ്യാഭ്യാസ വിപ്ലവം തന്നെയുണ്ടാക്കിയിരുന്നു. അക്ഷയ ഡിജിറ്റല്‍ റവലൂഷ്യനാണ് സംസ്ഥാനത്തുണ്ടാക്കിയത്. ഇതുപോലെ എന്തെങ്കിലുമൊന്ന് ഇടതുപക്ഷത്തിന് കാഴ്ചവെക്കാന്‍ പറ്റിയോയെന്നും കുഞ്ഞാലികുട്ടി ചോദിച്ചു.

യുഡിഎഫിന് ഒറ്റക്കെട്ടായി തെരഞ്ഞെടുപ്പിനെ നേരിടുമെന്നും യുഡിഎഫിന്റെ അടിത്തറ ശക്തമാണെന്നും കുഞ്ഞാലിക്കുട്ടി പറഞ്ഞു. അരൂരും മഞ്ചേശ്വരവും ജയിച്ചാണ് യുഡിഎഫ് ഉപതെരഞ്ഞെടുപ്പിനെ നേരിടുന്നത്. ചവറയില്‍ ഇപ്പോള്‍ യുഡിഎഫ് ജയിച്ച പ്രതീതിയാണെന്നും ഷിബു ബേബിജോണ്‍ സ്ഥാനാര്‍ത്ഥിയായി വന്നിട്ടും സിപിഎം ആളെ തിരയുകയാണെന്നും കുഞ്ഞാക്കുട്ടി പറഞ്ഞു.

കുന്ദമംഗലത്ത് മുസ്‌ലീം ലീഗ് നേതാവ് വാഹനപകടത്തില്‍ മരിച്ചു

chandrika — Mon, 02 Sep 2019 07:21:14 +0000

കുന്ദമംഗലം: കുന്ദമംഗലത്ത് മുസ്‌ലീം ലീഗ് നേതാവ് ഉപ്പഞ്ചേരിമ്മല്‍ ഖാദര്‍ (62) വാഹനപകടത്തില്‍ മരണപ്പെട്ടു. കോഴിക്കോട്-മൈസൂര്‍ ദേശീയപാതയില്‍ പതിമംഗലത്ത് ഓട്ടോറിക്ഷയും കാറും കൂട്ടിയിടിച്ചാണ് അപകടം. മകള്‍ ഷബ്നത്തിനൊപ്പം ഓട്ടോയില്‍ സഞ്ചരിക്കുമ്പോള്‍ ഒരേ ദിശയില്‍ പോവുകയായിരുന്ന കാറുമായി അപകടം ഉണ്ടാവുകയായിരുന്നു. അപകടത്തില്‍ ഷബ്നത്തിന് പരുക്കേറ്റിട്ടുണ്ട്. സൂഹ്റയാണ് ഭാര്യ. ഷഹ്ല രണ്ടാമത്തെ മകള്‍.