muslim scholors – Chandrika Daily https://www.chandrikadaily.com Fri, 19 Jan 2018 08:43:00 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg muslim scholors – Chandrika Daily https://www.chandrikadaily.com 32 32 സി.എച്ച് മുഹമ്മദ് കോയ സ്‌കോളര്‍ഷിപ്പ്: രണ്ടാംഘട്ട അപേക്ഷ ക്ഷണിച്ചു https://www.chandrikadaily.com/c-h-muhammed-koya-scholarship-2nd-face.html https://www.chandrikadaily.com/c-h-muhammed-koya-scholarship-2nd-face.html#respond Fri, 19 Jan 2018 08:22:59 +0000 http://www.chandrikadaily.com/?p=65738 തിരുവനന്തപുരം: കേരളത്തില്‍ സ്ഥിരതാമസക്കാരായ മുസ്‌ലിം, ലത്തീന്‍ ക്രിസ്ത്യന്‍/പരിവര്‍ത്തിത ക്രിസ്ത്യന്‍ വിഭാഗത്തില്‍പ്പെട്ട പെണ്‍കുട്ടികളില്‍ നിന്നും 2017-18 അധ്യയന വര്‍ഷം സി.എച്ച് മുഹമ്മദ് കോയ സ്‌കോളര്‍ഷിപ്പ്/ ഹോസ്റ്റല്‍ സ്റ്റൈപ്പന്റിനായി (പുതിയവയും പുതുക്കലും) അപേക്ഷിക്കാന്‍ കഴിയാത്തവര്‍ക്ക് വേണ്ടി സംസ്ഥാന ന്യൂനപക്ഷക്ഷേമ വകുപ്പ് രണ്ടാം ഘട്ടമായി ഒരവസരം കൂടി നല്‍കുന്നു. ബിരുദത്തിന് പഠിക്കുന്ന വിദ്യാര്‍ത്ഥിനികള്‍ക്ക് 5,000 രൂപാ വീതവും ബിരുദാനന്തര ബിരുദത്തിന് പഠിക്കുന്ന വിദ്യാര്‍ത്ഥിനികള്‍ക്ക് 6,000 രൂപാ വീതവും പ്രൊഫഷണല്‍ കോഴ്‌സിന് പഠിക്കുന്ന വിദ്യാര്‍ത്ഥിനികള്‍ക്ക് 7,000 രൂപാ വീതവും ഹോസ്റ്റല്‍ സ്റ്റൈപ്പന്റ് ഇനത്തില്‍ 13,000 രൂപാ വീതവുമാണ് പ്രതിവര്‍ഷം സ്‌കോളര്‍ഷിപ്പ് നല്‍കുന്നത്.
ഒരു വിദ്യാര്‍ത്ഥിനിക്ക് സ്‌കോളര്‍ഷിപ്പ് അല്ലെങ്കില്‍ ഹോസ്റ്റല്‍ സ്റ്റൈപ്പന്റ് എന്നിവയില്‍ ഏതെങ്കിലും ഒന്നിനാണ് അപേക്ഷിക്കാവുന്നത്.

കേരള സര്‍ക്കാര്‍, സര്‍ക്കാര്‍ എയ്ഡഡ് സ്ഥാപനങ്ങളില്‍ പഠിക്കുന്നവര്‍ക്കും പൊതുപ്രവേശന പരീക്ഷയെഴുതി സര്‍ക്കാര്‍ ക്വാട്ടയില്‍ പ്രവേശനം നേടി സ്വാശ്രയ സ്ഥാപനങ്ങളില്‍ പഠിക്കുന്നവര്‍ക്കും അപേക്ഷിക്കാം. ആദ്യവര്‍ഷങ്ങളില്‍ അപേക്ഷിക്കാന്‍ കഴിയാതെ പോയവര്‍ക്കും ഇപ്പോള്‍ പഠിക്കുന്ന വര്‍ഷത്തേക്ക് അപേക്ഷിക്കാവുന്നതാണ്. അപേക്ഷകര്‍ യോഗ്യതാ പരീക്ഷയില്‍ 50 ശതമാനത്തില്‍ കുറയാത്ത മാര്‍ക്കും കുടുംബ വാര്‍ഷിക വരുമാനം ആറുലക്ഷം രൂപയില്‍ താഴെയുള്ളവരുമായിരിക്കണം. കോളജ് ഹോസ്റ്റലുകളില്‍ താമസിക്കുന്നവര്‍ക്കും സ്ഥാപന മേധാവി അംഗീകരിച്ചിട്ടുള്ള സ്വകാര്യ ഹോസ്റ്റലുകളില്‍ താമസിക്കുന്നവര്‍ക്കും ഹോസ്റ്റല്‍ സ്റ്റൈപ്പന്റിനായി അപേക്ഷിക്കാവുന്നതാണ്.

അപേക്ഷകര്‍ക്ക് ഏതെങ്കിലും ദേശസാല്‍കൃത ബാങ്കില്‍ സ്വന്തം പേരില്‍ അക്കൗണ്ട് ഉണ്ടായിരിക്കണം. www.minoritywelfare.kerala.gov.in എന്ന വകുപ്പിന്റെ വെബ്‌സൈറ്റിലൂടെ ഓണ്‍ലൈനായിട്ടാണ് അപേക്ഷിക്കേണ്ടത്. ഓണ്‍ലൈനായി അപേക്ഷ സ്വീകരിക്കുന്ന അവസാന തിയതി ജനുവരി 30. ഓണ്‍ലൈന്‍ അപേക്ഷയുടെ പ്രിന്റ് ഔട്ട് സ്ഥാപന മേധാവി സാക്ഷ്യപ്പെടുത്തി അയക്കേണ്ട വിലാസം ഡയരക്ടര്‍, ന്യൂനപക്ഷ ക്ഷേമ വകുപ്പ്, നാലാംനില, വികാസ് ഭവന്‍, തിരുവനന്തപുരം 33. കൂടുതല്‍ വിവരങ്ങള്‍ക്ക് 0471 2302090, 2300524 എന്ന നമ്പറില്‍ ബന്ധപ്പെടണം.

]]> https://www.chandrikadaily.com/c-h-muhammed-koya-scholarship-2nd-face.html/feed 0 അമേരിക്കയില്‍ ഇന്ത്യന്‍ വിദ്യാര്‍ത്ഥിക്ക് വെടിയേറ്റു https://www.chandrikadaily.com/hyderabad-youth-studying-in-chicago-u-s-shot-at-by-assailants.html https://www.chandrikadaily.com/hyderabad-youth-studying-in-chicago-u-s-shot-at-by-assailants.html#respond Sun, 10 Dec 2017 15:08:57 +0000 http://www.chandrikadaily.com/?p=58862 ഹൈദരാബാദ്: അമേരിക്കയിലെ ചിക്കാഗോയില്‍ ഇന്ത്യന്‍ വിദ്യാര്‍ത്ഥിക്ക് അജ്ഞാതന്റെ വെടിയേറ്റു. ഹൈദരബാദ് സ്വദേശിയായ മുഹമ്മദ് അക്ബറിനാണ്(30) വെടിയേറ്റത്. ഗുരുതരമായി പരിക്കേറ്റ അക്ബര്‍ ആസ്പത്രിയില്‍ ചികിത്സയിലാണ്. പ്രാദേശിക സമയം ശനിയാഴ്ച രാവിലെ 8.45ഓടെ ചിക്കാഗോ അല്‍ബനി പാര്‍ക്കിന് സമീപമാണ് സംഭവം.

സ്വന്തം കാറിനു സമീപത്തേക്ക് നടക്കുമ്പോഴാണ് അക്ബറിന് വെടിയേറ്റത്. ദെവ്രി സര്‍വകലാശാലയില്‍ കമ്പ്യൂട്ടര്‍ സിസ്റ്റം നെറ്റ്‌വര്‍ക്കിങ് ആന്റ് ടെലികമ്യൂണിക്കേഷനില്‍ ബിരുദാനന്തര ബിരുദ വിദ്യാര്‍ത്ഥിയാണ് അക്ബര്‍.

വിഷയത്തില്‍ കേന്ദ്ര സര്‍ക്കാര്‍ ഉടന്‍ ഇടപെടണമെന്ന് ബന്ധുക്കള്‍ ആവശ്യപ്പെട്ടു. യു.എസിലേക്ക് പോകാന്‍ അടിയന്തര വിസ അനുവദിക്കണമെന്ന് വിദേശകാര്യമന്ത്രി സുഷമാ സ്വരാജിനോട് കുടുംബം അഭ്യര്‍ത്ഥിച്ചു. കഴിഞ്ഞ ഫെബ്രുവരിയില്‍ തെലങ്കാനയില്‍ നിന്നുള്ള വംസി റെഡ്ഡി കാലിഫോര്‍ണിയയില്‍ വെച്ചും ഹൈദരാബാദ് സ്വദേശി ശ്രീനിവാസ് കുചിബോദ്‌ല കന്‍സാസില്‍ വെച്ചും വെടിയേറ്റ് മരിച്ചിരുന്നു.

]]> https://www.chandrikadaily.com/hyderabad-youth-studying-in-chicago-u-s-shot-at-by-assailants.html/feed 0 പ്രളയത്തില്‍ മലിനമായ ക്ഷേത്രങ്ങള്‍ ശുചിയാക്കി ജംഇയ്യത്ത് ഉലമ https://www.chandrikadaily.com/pralayam.html https://www.chandrikadaily.com/pralayam.html#respond Sun, 27 Aug 2017 17:48:43 +0000 http://www.chandrikadaily.com/?p=42011 അഹമ്മദാബാദ്: ഗുജറാത്തിലുണ്ടായ പ്രളയത്തില്‍ മലിനമായ ഹിന്ദു ക്ഷേത്രങ്ങളും മുസ്‌ലിം ആരാധാനാലയങ്ങളും ശുചിയാക്കിയ ജംഇയ്യത്ത് ഉലമ ഹിന്ദിന് പ്രധാനമന്ത്രിയുടെ അഭിനന്ദനം. സംസ്ഥാനത്തെ 22 ഹിന്ദു ആരാധനാലയങ്ങളും രണ്ട് മുസ്‌ലിം പള്ളികളുമാണ് സംഘടന ശുചീകരിച്ചത്. ഇന്ത്യയിലെ മതേതരത്വത്തിന്റെ മുഖമാണ് ജംഇയ്യത്ത് ഉലമായിലൂടെ കാണാന്‍ കഴിയുന്നതെന്ന് പ്രധാനമന്ത്രി നരേന്ദ്രമോദി പറഞ്ഞു. രാജ്യം കണ്ട ഏറ്റവും വലിയ ദുരന്തങ്ങള്‍ക്കാണ് ഗുജറാത്ത് സാക്ഷിയായത്. ഒട്ടേറെ പേര്‍ക്ക് ജീവന്‍ നഷ്ടപ്പെട്ടു. പലരുടെയും സമ്പാദ്യങ്ങളും ഇല്ലാതായി. പ്രളയത്തില്‍ മുങ്ങിയ ആരാധനാലയങ്ങള്‍ നാശത്തിന്റെ വക്കിലെത്തി. ഇവക്ക് സഹായവുമായി ജംഇയ്യത്ത് ഉലമാ പ്രവര്‍ത്തകര്‍ ഓടിയെത്തുകയായിരുന്നു. രാജ്യത്തെ ജനങ്ങളുമായി സംവദിക്കുന്ന മന്‍ കി ബാത്ത് പരിപാടിയിലാണ് മോദി ഇക്കാര്യം വ്യക്തമാക്കിയത്. ആവേശം പകരുന്ന കാര്യമാണിത്. ശുചീകരണത്തിലും മറ്റുമുള്ള ഒത്തൊരുമയുടെ കാഴ്ചയാണ് ഇവിടെ കണ്ടത്. ലോകത്തിനു തന്നെ ഇത്തരം പ്രവര്‍ത്തനങ്ങള്‍ മാതൃകയാണ്.സംസ്‌കാരത്തിന്റെ കാര്യത്തില്‍ ലോകരാഷ്ട്രങ്ങള്‍ക്കു മുന്‍പില്‍ ഇന്ത്യ എന്നും തല ഉയര്‍ത്തിയാണ് നില്‍ക്കുന്നതെന്ന് അദ്ദേഹം കൂട്ടിച്ചേര്‍ത്തു.

]]> https://www.chandrikadaily.com/pralayam.html/feed 0