മുസ്‌ലിം ലീഗ് സ്ഥാപക നേതാവും മുന്‍ സ്പീക്കറുമായ സീതി സാഹിബിന്റെ നാമത്തിലാണ് പാഠശാല ആരംഭിച്ചിരിക്കുന്നത്. പഞ്ചായത്ത് തലങ്ങളില്‍ നടന്ന് വരുന്ന പാഠശാലകള്‍ നാലാം എഡിഷനിലേക്ക് കടക്കുകയാണ്. പഞ്ചായത്ത് കമ്മിറ്റി മുഖാന്തരം രജിസ്‌ട്രേഷന്‍ നടത്തിയ പഠിതാക്കള്‍ക്ക് സംസ്ഥാന കമ്മിറ്റി പരിശീലനം നല്‍കിയ ഫാക്കല്‍റ്റികളാണ് ക്ലാസിന് നേതൃത്വം നല്‍കുന്നത്.

ഫാക്കല്‍റ്റികള്‍ക്കുള്ള മൂന്നാമത്തെ റിഫ്രഷ്‌മെന്റ് കോഴ്‌സ് ആണ് ശനിയാഴ്ച നടക്കുന്നത്. അധ്യാപകര്‍, അഭിഭാഷകര്‍ തുടങ്ങി വിവിധ മേഖലകളില്‍ നിന്നായി തെരഞ്ഞെടുക്കപ്പെട്ട ഫാക്കല്‍റ്റികള്‍ക്കാണ് സംസ്ഥാന കമ്മിറ്റി തുടര്‍ പരിശീലനം നല്‍കുന്നത്. രാവിലെ 9.30ന് ആരംഭിക്കുന്ന ഫാക്കല്‍റ്റി മീറ്റില്‍ പ്രമുഖര്‍ നയിക്കുന്ന ക്ലാസ്സ് ഉണ്ടാകും, വൈകിട്ട് 4 മണി വരെ കോഴ്‌സ് തുടരും. ജില്ല കമ്മിറ്റികള്‍ തെരഞ്ഞെടുത്ത ഫാക്കല്‍റ്റികള്‍ സമയ കൃത്യതയോടെ മീറ്റില്‍ സംബന്ധിക്കണമെന്ന് മുസ്‌ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി. കെ ഫിറോസ് അറിയിച്ചു.

തിരുവനന്തപുരം /ചിറയിന്‍കീഴ് : കേന്ദ്ര സര്‍ക്കാറിന്റെ കര്‍ഷക വിരുദ്ധ നയങ്ങള്‍ക്കെതിരെ മുസ്ലിം യൂത്ത് ലീഗിന്റെ നേതൃത്വത്തില്‍ പ്രധാനമന്ത്രി നരേന്ദ്ര മോദിയുടെ കോലം നാട്ടി പ്രതിഷേധ പരിപാടി സംഘടിപ്പിച്ചു. മുസ്ലിം യൂത്ത് ലീഗ് സംസ്ഥാന കമ്മിറ്റിയുടെ ആഹ്വാനം പ്രകാരം ചിറയിന്‍കീഴ് നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ പെരുങ്ങുഴി മുട്ടപ്പലം തെങ്ങുംവിള വയല്‍ പാടത്തായിരുന്നു പ്രതിഷേധം. മുസ്ലിം ലീഗ് ജില്ലാ പ്രസിഡന്റ് പ്രൊഫ : തോന്നക്കല്‍ ജമാല്‍ പ്രതിഷേധ പരിപാടി ഉദ്ഘാടനം ചെയ്തു.

മണ്ഡലം യൂത്ത് ലീഗ് പ്രസിഡന്റ് മുനീര്‍ കൂര വിള അദ്ധ്യക്ഷത വഹിച്ചു, ജന:സെക്രട്ടറി നവാസ് മാടന്‍വിള സ്വാഗതം പറഞ്ഞു.യൂത്ത് ലീഗ് സംസ്ഥാന പ്രവര്‍ത്തക സമിതി അംഗ ഷഹീര്‍ ഖരീം സന്ദേശം നല്‍കി, മുസ്ലിം ലീഗ് മണ്ഡലം ജന:സെക്രട്ടറി ഷഹീര്‍ ജി അഹമ്മദ്, മുസ്ലീം ലീഗ് ദേശീയ സമിതി അംഗം മുട്ടപ്പലം നൗഷാദ്, പഞ്ചായത്ത് ലീഗ് പ്രസിഡന്റ് അജ്മല്‍ ഭായി, കെ.എം സി സി നേതാവ് സജീബ് പുതുക്കുറിച്ചി, എം എസ് എഫ് ജില്ലാ സെക്രട്ടറി മുഹമ്മദ് ഷഹീന്‍, അന്‍സര്‍ പെരുമാതുറ എന്നിവര്‍ സംസാരിച്ചു.

കഴിഞ്ഞ 20നാണ് പ്രതിപക്ഷത്തിന്റെ കനത്ത പ്രതിഷേധം അവഗണിച്ച് ബിജെപി സര്‍ക്കാര്‍ കാര്‍ഷിക ബില്‍ പാസാക്കിയത്. ഇതേ തുടര്‍ന്ന് രാജ്യസഭയില്‍ വലിയ തോതില്‍ പ്രതിഷേധം തുടര്‍ന്നിരുന്നു. പ്രതിഷേധത്തിനെതിരെ എംപിമാരെ സസ്‌പെന്‍ഡ് ചെയ്യുന്ന നടപടിയുമുണ്ടായി.

രാജ്യവ്യാപകമായി വലിയ പ്രതിഷേധത്തിന് ഈ ബില്‍ കാരണമായി. പഞ്ചാബില്‍ നിന്ന് ഡല്‍ഹിയിലേക്ക് പടുകൂറ്റന്‍ കര്‍ഷക റാലി സംഘടിപ്പിച്ചു. രാജ്യത്തിന്റെ വിവിധ ഭാഗങ്ങൡ ഇപ്പോഴും ഇതിനെതിരായ പ്രതിഷേധം അലയടിക്കുന്നു.