ഇന്ന് രാവിലെയാണ് ഹോളി സ്പിരിറ്റ് എന്ന വള്ളം ശക്തമായ തിരയില്‍പ്പെട്ട് മറിഞ്ഞത്. രണ്ടു പേരാണ് വള്ളത്തില്‍ ഉണ്ടായിരുന്നത്. മറ്റൊരു മത്സ്യത്തൊഴിലാളിയായ ഫെബിന്‍ നീന്തി രക്ഷപ്പെട്ടു. അപകടത്തില്‍പ്പെട്ട ഷിബുവിനെ മറൈന്‍ എന്‍ഫോഴ്‌സ്‌മെന്റാണ് രക്ഷിച്ച് കരക്കെത്തിച്ചത്.

സര്‍ക്കാരിന്റെ അനാസ്ഥ ചൂണ്ടിക്കാണിക്കുമ്പോള്‍, സഭയെ അപമാനിക്കാനും, കേസുകളില്‍ കുരുക്കി നിശ്ശബ്ദരാക്കാനുമാണ് ശ്രമം എന്നാണ് വിമര്‍ശനം. ഇത് സംബന്ധിച്ച അറിയിപ്പ് കുര്‍ബാനയ്ക്കിടെ വായിക്കും. രൂപതകളും ഇടവകകളും സംഘടനകളും കേന്ദ്രീകരിച്ചു പ്രതിഷേധം സംഘടിപ്പിക്കും. എല്ലാ സംഘടനകളെയും സഹകരിപ്പിച്ചുകൊണ്ട് സംയുക്ത പ്രതികരണ സംഗമങ്ങള്‍ നടത്താനും ആഹ്വാനം ഉണ്ട്.

ശനിയാഴ്ച പുതുക്കുറിച്ചി ഫെറോനയുടെ നേതൃത്വത്തില്‍ മുതാലപ്പൊഴിയില്‍ പ്രതിഷേധ സംഗമം സംഘടിപ്പിക്കും. വിഴിഞ്ഞം സമരത്തിന്റെ ഒന്നാം വാര്‍ഷിക പരിപാടികള്‍ പങ്കെടുക്കാന്‍ ആഹ്വാനം ചെയ്തുള്ള ആര്‍ച്ച് ബിഷപ്പിന്റെ സര്‍ക്കുലറും ഇന്ന് പള്ളികളില്‍ വായിക്കും.

ഉയര്‍ന്നു പൊങ്ങുന്ന തിരമാലകളില്‍പ്പെട്ട് ബോട്ടുകളുടെ നിയന്ത്രണം തെറ്റി പൊഴിയുടെ ഇരുഭാഗത്തുമുള്ള പാറക്കല്ലിലും ടെട്രോപാഡിലും ഇടിച്ച് ബോട്ടുകൾ തകരുകയാണ് ചെയ്യുന്നത്.പാറക്കല്ലുകളില്‍ തലയിടിച്ചാണ് ഏറെ പേരുടെയും മരണം സംഭവിച്ചിരിക്കുന്നത്.ഇപ്പോൾ സംഭവിച്ച അപകടത്തിലും കല്ലുകൾക്കിടയിൽ ആഴത്തിൽ വലയിൽ കുരുങ്ങിയ നിലയിലായിരുന്നു സുരേഷ് ഫെർണാണ്ടസിന്റെയും ബിജു ആന്റണിയുടെയും മൃതദേഹങ്ങൾ കണ്ടെടുത്തത്