മുഖ്യ പ്രതി ബ്രജേഷ് താക്കൂര്‍ വലിയ സ്വാധീനമുള്ള വ്യക്തിയാണെന്നും അയാളെ ബീഹാറിന് പുറത്തെ ഏതെങ്കിലും ജയിലിലേക്ക് മാറ്റണമെന്നും കോടതി ആവശ്യപ്പെട്ടു. കേസില്‍ ജാമ്യം അനുവദിക്കരുതെന്നും കോടതി വ്യക്തമാക്കിയിട്ടുണ്ട്.

ബ്രജേഷ് താക്കൂറിനെതിരെ ഗുരുതരമായ ആരോപണങ്ങളാണ് കോടതിയില്‍ സമര്‍പ്പിച്ചത്. മുന്‍ ബീഹാര്‍ മന്ത്രി മഞ്ജു വര്‍മയുടെ ഭര്‍ത്താവ് ചന്ദ്രശേഖര്‍ വര്‍മയെ എന്തുകൊണ്ടാണ് ഇതുവരെ അറസ്റ്റ് ചെയ്യാത്തതെന്നും കേടതി ബീഹാര്‍ സര്‍ക്കാറിനോടും സി.ബി.ഐയോടും ചോദിച്ചു.

ബിഹാര്‍ ആരോഗ്യമന്ത്രിയായിരുന്ന മഞ്ജുവര്‍മ സംഭവത്തെ തുടര്‍ന്ന് രാജി വെക്കേണ്ടി വന്നിരുന്നു. അവരുടെ ഭര്‍ത്താവ് ചന്ദ്രേശ്വര്‍ വര്‍മക്കും സംഭവത്തില്‍ പങ്കുണ്ടെന്ന് ആരോപണത്തെതുടര്‍ന്നായിരുന്നു രാജി.
ജൂണ്‍ രണ്ടിന് അറസ്റ്റിലായ താക്കൂര്‍, ആരോഗ്യ പ്രശ്‌നങ്ങള്‍ ചൂണ്ടിക്കാട്ടി വിവിധ സൗകര്യങ്ങളോടെയാണ് ജയിലില്‍ കഴിയുന്നതെന്ന് പരിശോധനയില്‍ വ്യക്തമായിരുന്നു. മറ്റു തടവുകാര്‍ക്കൊപ്പം ഇയാളെ പാര്‍പ്പിച്ചിട്ടില്ലെന്നും കണ്ടെത്തിയിരുന്നു.

മുസഫര്‍ നഗര്‍: ക്രിക്കറ്റ് മത്സരത്തിനിടെ കുട്ടികള്‍ തമ്മിലുണ്ടായ ചെറിയ തര്‍ക്കം മുസഫര്‍ നഗറില്‍ മുസ്്‌ലിം വേട്ടയായതായി ആരോപണം. ആഗസ്റ്റ് 21നാണ് കേസിനാസ്പദമായ സംഭവം. മുസഫര്‍ നഗറിലെ പുര്‍ബല്യാന്‍ ഗ്രാമ വാസികളായ സുമിത് പാല്‍ (15), സുഹൃത്തും അയല്‍വാസിയുമായ ആസിഫ് എന്നിവര്‍ തമ്മില്‍ ക്രിക്കറ്റ് മത്സരത്തിനിടെയുണ്ടായ തര്‍ക്കത്തിനിടെ ആസിഫിന് പരിക്കേറ്റു.
സംഭവത്തിന് ശേഷം ചോരയൊലിപ്പിച്ച് വീട്ടിലെത്തിയ ആസിഫുമായി 81 കാരിയായ ആസിഫിന്റെ വല്യുമ്മ സുമിത് പാലിന്റെ വീട്ടില്‍ പരാതി പറയാനെത്തി. ഇതോടെ തര്‍ക്കം വലിയ തലത്തിലേക്കു മാറി. മുതിര്‍ന്നവര്‍ പ്രശ്‌നത്തില്‍ ഇടപെട്ടതോടെ തര്‍ക്കം മൂത്തു. രണ്ട് ദിവസത്തിന് ശേഷം ഗ്രാമത്തിലെ മുസ്്‌ലിം കുടുംബത്തിന് മര്‍ദ്ദനമേറ്റു. ഇതേ ചൊല്ലി ചേരിതിരിവുണ്ടാവുകയും ചെയ്തു. സംഭവത്തെ ചൊല്ലി 28 മുസ്്‌ലിംകള്‍ക്കെതിരായി പൊലീസ് കേസ് രജിസ്റ്റര്‍ ചെയ്തിരിക്കുകയാണിപ്പോള്‍. ഇതില്‍ മൂന്നു പേര്‍ക്കെതിരെ ഒരു വര്‍ഷത്തേക്ക് ജാമ്യം പോലും ലഭിക്കാത്ത ദേശീയ സുരക്ഷ നിയമ പ്രകാരമാണ് കേസെടുത്തിരിക്കുന്നത്.
68 വയസുള്ള ഹൃദ്രോഗിയായ ഷംസേര്‍ അഹമ്മദ്, അദ്ദേഹത്തിന്റെ രണ്ട് അനന്തരവന്‍മാര്‍ എന്നിവര്‍ക്കെതിരെയാണ് എന്‍.എസ്.എ പ്രകാരം കേസെടുത്തിരിക്കുന്നത്. ഇവരാവട്ടെ കളിക്കിടെ തര്‍ക്കത്തിലേര്‍പ്പെട്ട രണ്ട് കുട്ടികളേയും നേരിട്ട് അറിയാത്തവരുമാണ്.
എന്തിനാണ് തങ്ങള്‍ക്കെതിരെ കേസെടുത്തതെന്ന് ഇവര്‍ക്ക് ഇപ്പോഴും അറിയില്ല. ഇരു വിഭാഗങ്ങള്‍ തമ്മിലുണ്ടായ വാക് തര്‍ക്കത്തിന് പിന്നാലെ മുന്‍ കേന്ദ്ര മന്ത്രിയും മുസഫര്‍ നഗര്‍ കലാപ കേസില്‍ ആരോപണ വിധേയനുമായ ബി.ജെ.പി എം.പി സഞ്ജീവ് ബല്യാന്‍ സ്ഥലം സന്ദര്‍ശിച്ചിരുന്നു. ഇതോടെയാണ് കേസ് ബലപ്പെട്ടതെന്നും ഗ്രാമത്തിലെ മിക്ക മുസ്്‌ലിം യുവാക്കളും സ്ഥലം വിട്ടതായും കേസില്‍ അകപ്പെട്ട ഷംസേര്‍ അഹമ്മദിന്റെ സഹോദരന്‍ ജംഷേദ് അഹമ്മദ് പറയുന്നു. 200 പേരെ അറസ്റ്റു ചെയ്യുമെന്നാണ് പറയുന്നത്. അധികാരവും മന്ത്രിയും അവരുടേതാണ്.
എല്ലാവര്‍ക്കുമെതിരെ എന്‍.എസ്.എ ചുമത്തുമെന്ന് ബല്യാന്‍ ഭീഷണിപ്പെടുത്തിയിരുന്നതായും അദ്ദേഹം പറഞ്ഞു. അതേ സമയം ആരോപണങ്ങള്‍ നിഷേധിച്ച പൊലീസ് കേസില്‍ ആരോടും പക്ഷപാതിത്വം കാണിച്ചിട്ടില്ലെന്ന് വ്യക്തമാക്കി. അറസ്റ്റുകളെല്ലാം തെളിവുകളുടെ അടിസ്ഥാനത്തിലാണെന്നും നിരപരാധികളെ ഒഴിവാക്കുമെന്നും എസ്.എസ്.പി സുധീര്‍ കുമാര്‍ പറഞ്ഞു. 2013ല്‍ ജാട്ട് മുസ്്‌ലിം കലാപത്തിന്റെ കേന്ദ്രമായിരുന്ന പ്രദേശം കൂടിയാണ് പുര്‍ബല്യാന്‍.

കഴിഞ്ഞ ഏപ്രിലില്‍ ചിത്രത്തിന്റെ സെന്‍സര്‍ഷിപ്പിനായി അപേക്ഷ നല്‍കി.എന്നാല്‍ പല കാരണങ്ങള്‍ പറഞ്ഞ് ഇതുവരെ അവര്‍ സെന്‍സര്‍ സര്‍ട്ടിഫിക്കറ്റ് നല്‍കിയില്ല. ഇടയ്ക്ക് ഞങ്ങളുടെ ആധാര്‍ കാര്‍ഡ് അധികൃതര്‍ ആവശ്യപ്പെട്ടു. പിന്നീട് ഒരിക്കല്‍ വീണ്ടും അപേക്ഷ നല്‍കാനും ഇവര്‍ പറയുകയുണ്ടായി. എന്നാല്‍ ആവശ്യപ്പെട്ടതെല്ലാം നല്‍കിയിട്ടും സെന്‍സര്‍ഷിപ്പ് മാത്രം ഇതുവരെ ലഭിച്ചിട്ടില്ല. ചിത്രത്തിന്റെ സംവിധായകരില്‍ ഒരാളായ സഞ്ജയ് ബര്‍ണാല പറഞ്ഞു.

ചിത്രം സര്‍ക്കാറിനെയോ അല്ലെങ്കില്‍ ഒരു പ്രത്യേക സമുദായത്തെയോ ലക്ഷ്യമിടുന്നതല്ല, വിദ്വേഷവും അക്രമവും അഴിച്ചുവിടുന്ന മനുഷ്യശരീരങ്ങളെ കുറിച്ചും അതിന് ഇരയായവരുടെ അതിജീവനത്തെ കുറിച്ചുമാണ് ചിത്രം സംസാരിക്കുന്നത്. മുസാഫര്‍ നഗര്‍ കലാപത്തിനു ശേഷം വീട് നഷ്ടമായവര്‍ക്ക് പുതിയ വീട് മറ്റൊരു പ്രദേശത്ത് നിര്‍മ്മിക്കാന്‍ സര്‍ക്കാര്‍ ധനസഹായം നല്‍കി. എന്നാല്‍ അവര്‍ ജനിച്ചു വളര്‍ന്ന സ്ഥലത്ത് അവരെ പുനരധിവസിപ്പിക്കുന്നതിനു പകരം മറ്റൊരു സ്ഥലത്തേക്ക് മാറി താമസിക്കാനാണ് ഭരണകൂടം നിര്‍ബന്ധിക്കുന്നത്, എന്തിനാണ് സര്‍ക്കാര്‍ അങ്ങനെ ചെയ്യുന്നത്.. ബര്‍ണാല കൂട്ടിച്ചേര്‍ത്തു.

ചിത്രം ചിലയിടങ്ങളില്‍ സ്വകാര്യ പ്രദര്‍ശനങ്ങള്‍ നടത്തിയപ്പോള്‍ ഫെമിനിസ്റ്റ് ചരിത്രകാരന്‍ ഉമാ ചക്രവര്‍ത്തി, പ്രൊഫസര്‍ ഇര ഭാസ്‌കര്‍, മനുഷ്യാവകാശ പ്രവര്‍ത്തകന്‍ ഹര്‍ഷ് മന്ദര്‍ തുടങ്ങിയവര്‍ മികച്ച അഭിപ്രായമാണ് പറഞ്ഞതെന്നും ബര്‍ണാല പറഞ്ഞു. സദ് ഭവന ട്രസ്റ്റ്, ഹുന്‍ഷശല ഫൗണ്ടേഷന്‍, ശ്രീശിര്‍ ഫിലിംസ്, സൃഷ്ഠി ഇന്‍സ്റ്റിറ്റ്യൂട്ട് ഓഫ് ആര്‍ട്ട്, ഡിസൈന്‍ ആന്‍ഡ് ടെക്‌നോളജി എന്നിവരാണ് ചിത്രം നിര്‍മ്മിച്ചിരിക്കുന്നത്.

ഹിന്ദു ജാട്ട് വിഭാഗവും മുസ്‌ലീംകളും ഒന്നിച്ചു താമസിച്ചു വന്നിരുന്ന പ്രദേശമായിരുന്നു മുസഫര്‍ നഗര്‍. 2013 സെപ്റ്റംബറിലാണ് ഇവിടെ കലാപം ഉണ്ടായത്. കലാപത്തില്‍ മുസ്‌ലീം വിഭാഗത്തില്‍പ്പെട്ട നിരവധി പേര്‍ മരിക്കുകയും അമ്പതിനായിരത്തിലധികം പേര്‍ക്ക് വീടും മറ്റും നഷ്ടമായി. കലാപത്തില്‍ അറുപതിലധികം ആളുകള്‍ കൊല്ലപ്പെട്ടുത്തായാണ് സര്‍ക്കാര്‍ കണക്ക്.

പീഡനശേഷം അക്രമികള്‍ രക്ഷപ്പെടുകയായിരുന്നു. അതേസമയം അക്രമികളില്‍ ഒരാളെ യുവതി തിരിച്ചറിഞ്ഞിട്ടുണ്ട്. ആര്‍. കെ മേത്ത എന്നയാളാണ് പീഡിപ്പിച്ചതെന്ന് യുവതി മൊഴി നല്‍കി. ജോലി വാഗ്ദാനം ചെയ്ത ശേഷമാണ് തന്നെ ബലാത്സംഗം ചെയ്തതെന്ന് യുവതി പൊലീസിനോട് പറഞ്ഞു. യുവതി വൈദ്യ പരിശോധനയ്ക്കായി ആസ്പത്രിയില്‍ പ്രവേശിപ്പിച്ചു.

മുസഫര്‍ നഗര്‍ കലാപക്കേസ് അന്വേഷിക്കുന്ന പ്രത്യേക അന്വേഷണ സംഘത്തിന്റെ അപേക്ഷയിലാണ് കോടതി ഉത്തരവ്. 2018 ജനുവരി 19ന് പ്രതികളെ നേരിട്ട് ഹാജരാക്കാനും കോടതി ഉത്തരവിട്ടു. ഐ.പി.സി 153 എ വകുപ്പ് പ്രകാരം പ്രകോപനപരമായ പ്രസംഗങ്ങള്‍ നടത്തിയ കേസില്‍ പ്രതികളെ പ്രോസിക്യൂട്ട് ചെയ്യാന്‍ സംസ്ഥാന സര്‍ക്കാറിന്റെ അനുമതി ലഭിച്ചതായി എസ്.ഐ.ടി കോടതിയില്‍ വ്യക്തമാക്കി.

മുസഫര്‍ നഗര്‍ കലാപ വേളയില്‍, 2013 ഓഗസ്റ്റില്‍ മഹാപഞ്ചായത്തില്‍ കുറ്റാരോപിതരായ ഇവര്‍ നാലുപേരും പങ്കെടുത്തിരുന്നതായും അക്രമത്തിന് ആഹ്വാനം ചെയ്യുന്ന രീതിയില്‍ പ്രസംഗിച്ചെന്നുമാണ് എസ്.ഐ.ടി കണ്ടെത്തല്‍. നിരോധനാജ്ഞ നിലനില്‍ക്കെ, ഇത് മറികടന്നാണ് മഹാപഞ്ചായത്ത് വിളിച്ചുചേര്‍ത്തത്. തെറ്റായ ലക്ഷ്യങ്ങളോടെ സംഘടിച്ചതും സര്‍ക്കാര്‍ ഉദ്യോഗസ്ഥരെ കൃത്യനിര്‍വഹണത്തില്‍നിന്ന് തടഞ്ഞതും ഉള്‍പ്പെടെ വിവിധ വകുപ്പുകള്‍ പ്രകാരമാണ് ഇവര്‍ക്കെതിരെ കേസ് രജിസ്റ്റര്‍ ചെയ്തിരിക്കുന്നത്.

2013 ഓഗസ്റ്റ്, സെപ്തംബര്‍ മാസങ്ങളിലായാണ് ഉത്തര്‍പ്രദേശിലെ മുസ്്‌ലിംഭൂരിപക്ഷ പ്രദേശമായ മുസഫര്‍നഗറില്‍ വര്‍ഗീയ കലാപം അരങ്ങേറിയത്. 60 മുസ്്‌ലിംകള്‍ക്ക് കലാപത്തില്‍ ജീവന്‍ നഷ്ടമായതായാണ് കണക്ക്. 40,000ത്തിലധികം കുടുംബങ്ങള്‍ തെരുവിലായി. സംഘ്പരിവാര്‍ ശക്തികളായിരുന്നു കലാപത്തിനു പിന്നില്‍. കലാപ ഇരകളുടെ പുനരധിവാസം ഉള്‍പ്പെടെയുള്ള വിഷയങ്ങള്‍ അഞ്ചു വര്‍ഷം പിന്നിട്ടും പൂര്‍ണമായി നടപ്പായിട്ടില്ല.

നാല് വര്‍ഷം മുമ്പ് മുസഫര്‍നഗര്‍, ഷംലി ജില്ലകളില്‍ വര്‍ഗീയ കലാപം പൊട്ടിപ്പുറപ്പെട്ടപ്പോള്‍ അമ്പതിലേറെ പേര്‍ കൊല്ലപ്പെടുകയും ഒരു ലക്ഷത്തോളം ആളുകള്‍ അഭയാര്‍ഥികളാകാന്‍ വിധിക്കപ്പെടുകയുമുണ്ടായി. ഓടിപ്പോന്ന പല കുടുംബങ്ങള്‍ക്കും പിന്നീട് ഹിന്ദു ഭൂരിപക്ഷ ഗ്രാമങ്ങളില്‍ തിരിച്ചുചെല്ലാന്‍ അവസരമുണ്ടായില്ല. അഭയാര്‍ഥി ക്യാമ്പുകള്‍ സര്‍ക്കാരിന് തലവേദനയായതോടെ അവ അടച്ചുപൂട്ടി. ഇതോടെ തീര്‍ത്തും ഒറ്റപ്പെട്ടുപോയ കുടുംബങ്ങള്‍ക്കാണ് ഇന്ത്യന്‍ യൂനിയന്‍ മുസ്്‌ലിംലീഗ് പുനരധിവാസത്തിന്റെ തണലൊരുക്കുന്നത്.

ശിഹാബ് തങ്ങള്‍ ബൈതുര്‍റഹ്്മ വില്ലേജ് എന്ന്് പേരിട്ടിരിക്കുന്ന 61 വീടുകളടങ്ങിയ മന്ത്്‌വാഡയിലെ ഈ കേന്ദ്രം അരക്ഷിതരുടെ സംരക്ഷണവും വിദ്യാഭ്യാസപരവും സാംസ്‌കാരികവുമായ നവോഥാനവും കൂടി ലക്ഷ്യമിടുന്നു. ഇവിടെ ആരംഭിക്കുന്ന ഓഫീസ് സമുച്ചയവും സ്‌കൂളും പ്രദേശത്ത് തന്നെ വലിയ മാറ്റങ്ങള്‍ കൊണ്ടുവരും.
താക്കോല്‍ദാന പരിപാടിയില്‍ പങ്കെടുക്കുന്നതിനായി മുസ്്‌ലിംലീഗ് ദേശീയ നേതാക്കള്‍ കഴിഞ്ഞ ദിവസം ഡല്‍ഹിയിലെത്തി. പാണക്കാട് സയ്യിദ് ഹൈദരലി ശിഹാബ് തങ്ങള്‍, മുസ്്‌ലിംലീഗ് ദേശീയ പ്രസിഡണ്ട് പ്രൊഫ.കെഎം ഖാദര്‍ മൊയ്തീന്‍, ജനറല്‍ സെക്രട്ടറി പികെ കുഞ്ഞാലിക്കുട്ടി എംപി, ഇടി മുഹമ്മദ് ബഷീര്‍ എംപി, പിവി അബ്ദുല്‍വഹാബ് എംപി, കെപിഎ മജീദ് തുടങ്ങി നിരവധി നേതാക്കള്‍ ്ചടങ്ങില്‍ പങ്കെടുത്തു.

പരിസരവാസികളെയും പ്രവര്‍ത്തകരെയും പങ്കെടുപ്പിച്ച് ഇടി മുഹമ്മദ് ബഷീര്‍ എംപിയുടെ നേതൃത്വത്തില്‍ ഇന്നലെ വില്ലേജില്‍ ചേര്‍ന്ന യോഗത്തില്‍ വീടുകളിലേക്ക് തെരഞ്ഞെടുക്കപ്പെട്ട താമസക്കാര്‍ക്ക് രേഖകള്‍ കൈമാറുന്നതുള്‍പെടെയുള്ള കാര്യങ്ങള്‍ വിലയിരുത്തി. ദേശീയ സെക്രട്ടറി ഖുര്‍റം അനീസ് ഉമര്‍, എഞ്ചിനീയര്‍ സലീം, പദ്ധതി പ്രവര്‍ത്തനങ്ങള്‍ക്ക് മേല്‍നോട്ടം വഹിച്ച ഉബൈസ് ചേലേമ്പ്ര, ലത്തീഫ് രാമനാട്ടുകര, റഷീദ് ഒളവണ്ണ, ഇബ്രാഹീം കല്ലമ്പാറ, അഷ്‌റഫ് പാറോല്‍, ഖാദര്‍ പേട്ട, വാജിദ് കൊയിലാണ്ടി, ഖാലിദ് കരുവാരക്കുണ്ട്, അന്‍സബ് പാറോല്‍ തുടങ്ങിയവര്‍ യോഗത്തില്‍ പങ്കെടുത്തു.