myl yuvajana yathra – Chandrika Daily

അവന്റെ കണ്ണ് ഇനി ഞങ്ങളാവും….

ചന്ദ്രിക വെബ് ഡെസ്‌ക്‌ — Thu, 27 Dec 2018 08:43:12 +0000

ഷഹീർ ജി അഹമ്മദ്

ഈയുള്ളവനും യുത്ത് ലീഗ് സംസ്ഥാന പ്രവർത്തക സമിതി അംഗം ഷഹീർ ഖരീമും ഇന്ന് വൈകുന്നേരമാണ് തിരുവനന്തപുരം സർക്കാർ നേത്രാശുപത്രിയിൽ എത്തുന്നത്.

അവിടെ പോസ്റ്റ് ഓപ്പറേറ്റ് വാർഡിൽ
ഞങ്ങൾ ആ ചെറുപ്പക്കാരനെ കണ്ടു

പേര് -മുഹമ്മദലി
സ്ഥലം – വളാഞ്ചേരിക്ക് സമീപം

യുവജനയാത്രയുടെ സമാപനം കഴിഞ്ഞു പോകവേ പള്ളിപ്പുറം സി.ആർ.പി ക്യാമ്പിന് സമീപം യൂത്ത് ലീഗ് പ്രവർത്തകർ സഞ്ചരിച്ചിരുന്ന വാഹനത്തിന് നേരെ
“ആരോ” കല്ലറിഞ്ഞു!

ഇരുളിൽ നിന്ന് എറിഞ്ഞവർക്ക്‌ തെറ്റിയിട്ടില്ല വാഹനത്തിൽ സഞ്ചരിച്ച ഒരു ലീഗുകാരന്റെ ഒരു കണ്ണു തകർക്കാനായി.

ആ കണ്ണ് തകർന്നവന്റെ പേരാണ് മുഹമ്മദലി.

കിടക്കയിൽ തളർന്ന് വിഷമിച്ച് കിടക്കുന്ന ഒരു ചെറുപ്പക്കാരനെ പ്രതീക്ഷിച്ചാണ് ഞങ്ങൾ കിടക്കക്ക് സമീപം എത്തിയത്.
എന്നാൽ സലാം മടക്കി പുഞ്ചിരിച്ചാണ് ആ ചെറുപ്പക്കാരൻ ഞങ്ങളെ സ്വീകരിച്ചത്.

അഞ്ച് മിനിറ്റ് കൊണ്ട് തന്നെ ആ യുവാവ് എത്രമാത്രം ധീരനാണെന്ന് ഞങ്ങൾ തിരിച്ചറിഞ്ഞു

സംഭാഷണങ്ങളിൽ നിന്നും

1. ഞങ്ങൾ -വിഷമിക്കരുത്

മുഹമ്മദലി – എന്റെ പ്രസ്ഥാനത്തിന് വേണ്ടി കണ്ണ് നൽകാൻ കഴിഞ്ഞല്ലോ എനിക്ക്

2. ഞങ്ങൾ – പ്രാർത്ഥനയുണ്ട് ഞങ്ങളുടെ

മുഹമ്മദലി – അതാണ് സന്തോഷം, പ്രതീക്ഷ

ഇന്ന് മലപ്പുറം ജില്ല ലീഗ് കൗൺസിൽ ഉണ്ടായിരുന്നു. സാദിഖലി തങ്ങൾ എനിക്ക് വേണ്ടി പ്രാർത്ഥിച്ചു. പാണക്കാട് തങ്ങൻമാർ പ്രാർത്ഥിക്കുക എനിക്ക് വേണ്ടി. സന്തോഷം

3. ഞങ്ങൾ അത്തിപ്പറ്റ ഉസ്താദിനെ ഇഷ്ടപ്പെടുന്നർ എന്ന് അറിഞ്ഞ മുഹമ്മദലി വാതോരാതെ സംസാരിച്ചത് അത്തിപ്പറ്റ ഉസ്താദിനെ കുറിച്ച്

4. ഞങ്ങൾ – നിങ്ങളെ ഉപദ്രവിച്ചവരെ റബ്ബ് കൈകാര്യം ചെയ്യും (ഇ.അ)

മുഹമ്മദലി – ഞാൻ ആർക്കും ദോഷമുണ്ടാക്കാൻ ആഗ്രഹിക്കുന്നില്ല. അല്ലാഹു നല്ല ബുദ്ധി അവർക്ക് നൽകട്ടെ

അൽഭുതപ്പെട്ടു പോയി ഈ ഹരിത പ്രണയിതാവിൽ. ദ്രോഹിച്ചവർക്ക് നല്ല ബുദ്ധി നൽകട്ടെ എന്ന പ്രാർത്ഥന ചെല്ലിയ ചെറുപ്പക്കാരൻ.

തിരുവനന്തപുരത്തുകാരെ കുറിച്ച് മോശമായിട്ടാണ് പല വടക്കുള്ളവരും സംസാരിക്കാറ്. എന്നാൽ കഴിഞ്ഞ രണ്ട് ദിവസം കൊണ്ട് തിരുവനന്തപുരത്തെ
പാർട്ടി പ്രവർത്തകരുടെ സ്നേഹം മനസ്സിലാക്കിയ ആ യുവാവ്
ഞങ്ങളെ കുറിച്ച് നല്ലത് പറയാൻ സമയം കണ്ടെത്തുമ്പോൾ അവന്റെ മഹത്വമാണ് അതിലുടെ ബോധ്യപ്പെടുത്തിയത്.

എം എസ് എഫും യൂത്ത് ലീഗും ഏറ്റെടുത്ത്‌ നടക്കുമ്പോൾ അവനവന്റെ കാര്യം മറന്നു പോയ ആയിരക്കണക്കിനു മുസ്‌ ലിം യൂത്ത്‌ ലീഗുകാരന്റെ ആ കണ്ണാണ്ണ് ചിലർ എറിഞ്ഞുതകർത്തത്

തലക്ക് പിടിച്ച ഭ്രാന്തിൽ കുറ്റിക്കാട്ടിൽ ഇരുന്ന് രാത്രിയുടെ മറവിൽ കല്ലെറിഞ്ഞ് തകർത്തത് അവന്റെ കണ്ണായിരുന്നില്ല. ഞങ്ങളുടെ പ്രസ്ഥാനത്തിന്റെ കണ്ണാണ് അവന്റെ കണ്ണായി ഞങ്ങൾ പാർട്ടിക്കാർ ഉണ്ടാവും

അവനു വീടുണ്ടാക്കാൻ ,
മക്കൾ ഒന്ന് രക്ഷപ്പെടും വരെ ഒരു സ്ഥിര വരുമാനമുണ്ടാവാൻ പാർട്ടി ആലോചിക്കുകയാണ്.

പ്രിയ സഹോദരങ്ങളെ
പാർട്ടി തീരുമാനം വന്നാൽ ആ നിമിഷം തന്നെ മുഹമ്മദലിയുടെ കണ്ണുകളായി ആദ്യം മാറേണ്ടത് നമ്മൾ സൈബർ ലോകത്തെ പ്രവർത്തകരാണ്.

കല്ലെറിഞ്ഞും കൊന്നും മർദ്ദിച്ചും
ഞങ്ങളുടെ ലീഗ് രാഷ്ടീയത്തെ തകർക്കാൻ ഇരുട്ടിന്റെ സന്തതികൾക്ക് കഴിയില്ല. പട്ടേലും ഗാമയും നിജ ലിംഗപ്പയും ഉറഞ്ഞു തുള്ളിയ കാലത്ത് ഉയർന്നുപൊങ്ങിയതാണ് ഞങ്ങളുടെ ഹരിത ധ്വജം.ഷുക്കുറും അസ്ലമും അൻവറും നസറുവും കത്തി മുനയിൽ പിടഞ്ഞു വീണത് മുസ്ലിം ലീഗ് സിന്ദാബാദ് എന്ന് വിളിച്ചതു കൊണ്ടാണ്. ആ ഞങ്ങളെ ഓല പാമ്പു കാട്ടി ഭയപ്പെടുത്തരുത് .

“ഓരോ കർബല കൾക്ക് ശേഷവും ഇസ്ലാം ശക്‌തിപ്പെടുന്നു.ഓരോ പ്രതിസന്ധികൾക്ക് ശേഷവും മുസ്ലിം ലീഗും ശക്തിപ്പെടുന്നു ”

കുറ്റവാളികൾ എത്ര ഇരുളിന്റെ മറവിൽ മറഞ്ഞാലും CCTV ക്യാമറകൾ കണ്ണു തുറന്നിരുന്നുവെന്ന് വിസ്മരിക്കണ്ട……

ഞങ്ങളുടെ സഹോദരന് വേണ്ടി പ്രാർത്ഥനയാണ് മനം നിറയെ

അനന്തപുരിയില്‍ ഹരിത സാഗരം അലയടിക്കും

chandrika — Mon, 24 Dec 2018 09:55:42 +0000

മുസ്‌ലിം യൂത്ത് ലീഗ് യുവജന യാത്രക്ക് സമാപനം കുറിച്ച് ഇന്ന് അനന്തപുരിയില്‍ നടക്കുന്ന മഹാ സമ്മേളനത്തിനും വൈറ്റ് ഗാര്‍ഡ് പരേഡിനും അനന്തപുരി ഒരുങ്ങി. ഹരിതയൗവന പോരാട്ടത്തിന്റെ മഹാവിളംബരം തീര്‍ത്ത് മുസ്ലിം യൂത്ത്‌ലീഗ് യുവജന യാത്രക്ക് ഇന്നു തലസ്ഥാന നഗരിയില്‍ പരിസമാപ്തി. പതിനയ്യായിരം വൈറ്റ് ഗാര്‍ഡുകള്‍ മാര്‍ച്ച് പാസ്റ്റ് ചെയ്ത് സേവനത്തിനായി സമര്‍പ്പിക്കപ്പെടും. കഴിഞ്ഞ 24ന് സപ്തഭാഷാ സംഗമ ഭൂമിയായ മഞ്ചേശ്വരം ഉദ്യാവരത്തു നിന്ന് പ്രയാണം ആരംഭിച്ച, വര്‍ഗീയതക്കും അക്രമ രാഷ്ട്രീയത്തിനും ജനദ്രോഹ ഭരണകൂടങ്ങള്‍ക്കും എതിരായ യാത്ര കേരളീയ സമൂഹത്തിന്റെ അംഗീകാര മുദ്രകള്‍ ഏറ്റുവാങ്ങിയാണ് ഇന്നു തിരുവനന്തപുരം സെന്‍ട്രല്‍ സ്റ്റേഡിയത്തില്‍ സമാപിക്കുന്നത്.
മത ജാതി വര്‍ഗ വര്‍ണ്ണ ഭേദമെന്യെ ജനലക്ഷങ്ങള്‍ ഹൃദയത്തില്‍ വരവേറ്റ ജാഥ 13 ജില്ലകളിലെ ജനാധിപത്യ പോരാട്ടത്തിന് നവദിശ കുറിച്ചാണ് സമാപിക്കുന്നത്. അമ്പലമുറ്റങ്ങളും പള്ളിയങ്കണങ്ങളും അരമനകളും ഒരുപോലെ ആശീര്‍വാദം ചൊരിഞ്ഞ ഹരിതയൗവന യാത്ര ആശയ സംവാദത്തിന്റെയും ബദല്‍ രാഷ്ട്രീയത്തിന്റെയും പുത്തന്‍ വാതായനങ്ങള്‍ തുറന്നിട്ടാണ് ജനഹൃദയങ്ങളിലേക്ക് നടന്നുകയറിയത്.

https://www.chandrikadaily.com/wp-content/uploads/2018/12/MYL-END.mp4

ഉച്ചക്ക് രണ്ടിന് മ്യൂസിയം ജങ്ഷനില്‍ നിന്ന് വൈറ്റ് ഗാര്‍ഡ് റാലിയുടെ അകമ്പടിയോടെ ആരംഭിക്കുന്ന മാര്‍ച്ച് സെന്‍ട്രല്‍ സ്റ്റേഡിയത്തിലെ ശുഭ്രസാഗരത്തില്‍ ലയിക്കും. നാലുമണിക്ക് സമാപന സമ്മേളനം മുസ്ലിംലീഗ് ദേശീയ രാഷ്ട്രീയകാര്യ സമിതി അധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. തുടര്‍ന്ന് നടക്കുന്ന പൊതുസമ്മേളനത്തില്‍ റാലിയില്‍ അണിനിരക്കുന്ന 15,000 വൈറ്റ് ഗാര്‍ഡ് വളണ്ടിയര്‍മാരെ ദുരന്ത നിവാരണ സേനയായി സംസ്ഥാനത്തിന് സമര്‍പ്പിക്കും. പോണ്ടിച്ചേരി മുഖ്യമന്ത്രി വി നാരായണ സ്വാമി, കോണ്‍ഗ്രസ് നേതാവും കര്‍ണാടക മന്ത്രിയുമായ ഡി.കെ ശിവകുമാര്‍, മുസ്ലിംലീഗ് ദേശീയ പ്രസിഡണ്ട് പ്രൊഫ.കെ.എം ഖാദര്‍ മൊയ്തീന്‍, ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി, സയ്യിദ് സാദിഖലി ശിഹാബ് തങ്ങള്‍, ഇ.ടി മുഹമ്മദ് ബഷീര്‍ എം.പി, പി.വി അബ്ദുല്‍ വഹാബ് എം.പി, എം.പി അബ്ദുസ്സമദ് സമദാനി, കെ.പി.എ മജീദ്, ഡോ.എം. കെ മുനീര്‍, കെ.എം ഷാജി പ്രസംഗിക്കും.

യുവജനയാത്ര സമാപന സമ്മേളനം; പ്രവർത്തകർക്കുള്ള വാഹന ക്രമീകരണ നിർദ്ദേശങ്ങൾ

chandrika — Mon, 24 Dec 2018 09:26:43 +0000

യുവജന യാത്രയുടെ സമാപന സമ്മേളനത്തിന് എത്തുന്ന പ്രവർത്തകർക്കുള്ള വാഹന ക്രമീകരണ നിർദ്ദേശങ്ങൾ

പ്രവർത്തകരുമായി മലപ്പുറം ജില്ലയിൽ നിന്നും വരുന്ന വാഹനങ്ങൾ എൻ.എച്ച്‌ റോഡ്‌ -ശ്രീകാര്യം-ഉള്ളൂർ-കേശവദാസപുരം-പട്ടം(ലെഫ്റ്റ്‌)-കുറവങ്കോണം-കവടിയാർ-വെള്ളയമ്പലംറോഡിലൂടെ മ്യൂസിയം ജംഗ്ഷനിൽ എത്തി മ്യൂസിയം പോലീസ്‌ സ്റ്റേഷന്റെ കിഴക്ക്‌ വശം കനകനഗർ റോഡിൽ ആളെ ഇറക്കിയ ശേഷം വാഹനങ്ങൾ യൂണിവേഴ്സിറ്റി ഹോസ്റ്റൽ -എൽ.ബി.എസ്‌ -ബേക്കർ ഫ്ലൈ ഓവർ-പനവിള-തമ്പാനൂർ-കിള്ളിപ്പാലം വഴി ആറ്റുകാൽ പാർക്കിംഗ്‌ ഗ്രൗണ്ടിൽ പാർക്ക്‌ ചെയ്യുക.

കോഴിക്കോട്‌,കണ്ണൂർ,കാസർഗ്ഗോഡ്‌,വയനാട്‌,പാലക്കാട്‌,തൃശൂർ ജില്ലകളിൽ നിന്നും പ്രവർത്തകരുമായി വരുന്ന വാഹനങ്ങൾ എൻ.എച്ച്‌ റോഡ്‌-ശ്രീകാര്യം-ഉള്ളൂർ-കേശവദാസപുരം-പട്ടം(ലെഫ്റ്റ്‌)-കുറവൻ കോണം-കവടിയാർ-വെള്ളയമ്പലം-മ്യൂസിയം ലെഫ്റ്റ്‌ വഴി നന്ദാവനം റോഡിലെ പാണക്കാട്‌ ഹാൾ മുതൽ ഡി.സി.സി ഓഫീസ്‌ വരെയുള്ള റോഡിൽ ആളുകളെ ഇറക്കി വാഹനങ്ങൾ ബേക്കറി ജംഗ്ഷൻ-പനവിള-സംഗീതം കോളേജ്‌-മേട്ടുക്കട-തമ്പനൂർ ഫ്ലൈ ഓവർ-കിള്ളിപ്പാലം വശ്ഗി ആറ്റുകാൽ പാർക്കിംഗ്‌ ഗ്രൗണ്ടിൽ പാർക്ക്‌ ചെയ്യുക

എറുണാകുളം,ആലപ്പുഴ,കൊല്ലം ജില്ലകളിൽ നിന്നും വരുന്ന വാഹനങ്ങൾ എൻ.എച്ച്‌ റോഡ്‌-ശ്രീകാര്യം-ഉള്ളൊാ-കേശവദാസപുരം-പട്ടം(ലെഫ്റ്റ്‌)-കുറവൻ കോണം-കവടിയാർ-വെള്ളയമ്പലം വഴി മ്യൂസിയത്തിനു മുൻപിൽ ആളെ ഇറക്കി വാഹനങ്ങൾ പാളയം-വി.ജെ.ടി (റൈറ്റ്‌)-ആശാൻ സ്ഖ്വയർ-പാറ്റൂർ-പേട്ട-ചാക്ക വഴി ശംഖുമുഖം റോഡിൽ പാർക്ക്‌ ചെയ്യുക.

കൊല്ലം,ഇടുക്കി-പത്തനംതിട്ട ജില്ലകളിൽ നിന്നും വരുന്ന വാഹനങ്ങൾ എം.സി റോഡ്‌ വഴി പട്ടം-പി.എം.ജി-എൽ.എം.എസ്‌ റോഡിലൂടേ മ്യൂസിയം ജംഗ്ഷനു മുൻപിൽ എത്തി കനകകുന്നിനു മുൻപിൽ ആളെ ഇറക്കി വാഹനങ്ങൾ വെല്ലയമ്പലം ജംഗ്ഷൻ-ആൽത്തറ ജംഗ്ഷൻ വഴി ടാഗോർ തിയേറ്റർ പാർക്കിംഗ്‌ ഗ്രൗണ്ടിൽ പാർക്ക്‌ ചെയ്യുക(ടഗോർ തിയറ്റർ പാർക്കിംഗ്‌ ഗ്രൗണ്ട്‌ ലഭ്യമാകാത്ത ലക്ഷം വാഹനങ്ങൾ ശംഖുമുഖം റോഡിൽ പാർക്ക്‌ ചെയ്യുക.

തിരുവനന്തൽപുരം ജില്ലയിലെ പാറശാല-നെയ്യാറ്റികര-നേമം-കോവളം-മണ്ഡലങ്ങളിൽ നിന്നും വരുന്ന വാഹനങ്ങൾ വഴുതക്കാട്‌ വഴി മാനവീയം റോഡിലെത്തി ആളെ ഇറക്കിയ ശേഷം വാഹനങ്ങൾ മ്യൂസിയം-നന്ദാവനം-ബേക്കറി-പനവിള-തമ്പാനൂർ-ഓവർ ബ്രിഡ്ജ്‌ വഴി പുത്തിരികണ്ടത്ത്‌ പാർക്ക്‌ ചെയ്യേണ്ടതാണ്.

കാട്ടാകട-അരുവിക്കര മണ്ഡലങ്ങളിൽ നിന്നും വരുന്ന വാഹനങ്ങൾ പൂജപ്പുര-വഴുതക്കാട്‌-മാനവീയം റോഡിൽ ആളെ ഇറക്കി ശേഷം തിരികെ വെള്ളറ്റമ്പലം-വഴുതക്കാട്‌ വഴി വാഹനങ്ങൾ പൂജപ്പുര ഗ്രൗണ്ടിൽ പാർക്ക്‌ ചെയ്യേണ്ടതാണ്.

നെടുംങ്ങാട്‌,വാമനപുരം മണ്ഡലങ്ങളിൽ നിന്നും വരുന്ന വാഹനങ്ങൾ പേരൂക്കട-കവടിയാർ-വെള്ളയമ്പലം റോഡ്‌ വഴി-മാനവീയം റോഡിൽ ആലെ ഇറക്കി ശേഷം വാഹനങ്ങൾ പൂജപ്പുര ഗ്രൗണ്ടിൽ പാർക്ക്‌ ചെയ്യുക.

ആറ്റിങ്ങൾ-വർക്കല-ചിറയിൻ കീഴ്‌-കഴക്കൂട്ടം മണ്ഡലങ്ങളിൽ നിന്നും വരുന്ന വാഹനങ്ങൾ എൻ.എച്ച്‌ ബൈപ്പാസ്‌ റോഡ്‌ വഴി ചാക്കയിൽ എത്തി ഇടത്തോട്ട്‌ തിരിഞ്ഞ്‌ പേട്ട-പാറ്റൂർ-ആശാൻ സ്ക്വയർ-എൽ.എം.എസ്‌-മ്യൂസിയം- വഴി മാനവീയം റോഡ്‌ ആളെ ഇറക്കി വാഹനങ്ങൾ പൂജപ്പുര ഗ്രൗണ്ടിൽ പാർക്ക്‌ ചെയ്യുക.

ഈ യാത്ര കാണാതെ പോവരുത്; മുസ്‌ലിം യൂത്ത് ലീഗ് യുവജന യാത്ര

chandrika — Sun, 23 Dec 2018 12:16:58 +0000

വര്‍ഗീയ മുക്ത ഭാരതം, അക്രമ രഹിത കേരളം , ജനവിരുദ്ധ സര്‍ക്കാറുകള്‍ക്കെതിരെ’ എന്ന പ്രമേയത്തോടെ മുസ്ലിം യൂത്ത് ലീഗ് ആരംഭിച്ച യുവജന യാത്ര കേരളചരിത്രം ഇന്ന് വരെ കണ്ടിട്ടില്ലാത്ത രീതിയില്‍ അതിന്റെ ലക്ഷ്യത്തിലേക്ക് അടുക്കുകയാണ്. മുസ്ലിം യൂത്ത് ലീഗ് പ്രസിഡന്റ് മുനവ്വറലി തങ്ങള്‍ നായകനും സംസ്ഥാന ജനറല്‍ സെക്രട്ടറി പികെ ഫിറോസ് ഉപനായകനുമായ യാത്ര നാളെ അനന്തപുരിയില്‍ സമാപിക്കും.

കഴിഞ്ഞ 24ന് മഞ്ചേശ്വരത്ത് നിന്നാരംഭിച്ച അണികള്‍ക്ക് അഭിമാനവും ആവേശവും നല്‍കിയ 600 കിലോമീറ്റര്‍ പദ യാത്ര നാളെ തിരുവനന്തപുരത്ത് നടക്കുന്ന വമ്പന്‍ മഹാസമ്മേളനത്തോട് കൂടിയാണ് സമാപിക്കുയാണ്.

ഓരോ ദിവസം കഴിയുംതോറും ജനസാഗരമായി മാറിയ, യാത്ര എത്തുന്ന ഓരോ സ്ഥലങ്ങളും ജാതിയും മതവും മറന്ന് എതിരേറ്റ യുവജന യാത്ര
സ്ത്രീകളും കുട്ടികളും അടക്കം പതിനായിരങ്ങള്‍ തടിച്ചുകൂടിയ ദൃശ്യങ്ങള്‍,മുസ്‌ലിം യൂത്ത് ലീഗ് യുവജന യാത്ര. കഴിഞ്ഞ ദിവസങ്ങളിലായി യാത്രയിലുണ്ടായ കാഴ്ച്ചകളുടെ
ഹൈലൈറ്റ് ദൃശ്യങ്ങള്‍ കാണാം…

https://www.chandrikadaily.com/wp-content/uploads/2018/12/chavakkad.mp4

https://www.chandrikadaily.com/wp-content/uploads/2018/12/asif-special.mp4

https://www.chandrikadaily.com/wp-content/uploads/2018/12/kannur-thalassery.mp4

https://www.chandrikadaily.com/wp-content/uploads/2018/12/kannur-2.mp4

https://www.chandrikadaily.com/wp-content/uploads/2018/12/kasarkod-end.mp4

https://www.chandrikadaily.com/wp-content/uploads/2018/12/kannur-1.mp4

https://www.chandrikadaily.com/wp-content/uploads/2018/12/vadakara-kzd.mp4

https://www.chandrikadaily.com/wp-content/uploads/2018/12/uduma-ksrkd.mp4

https://www.chandrikadaily.com/wp-content/uploads/2018/12/kzd-2.mp4

https://www.chandrikadaily.com/wp-content/uploads/2018/12/kzd-1.mp4

https://www.chandrikadaily.com/wp-content/uploads/2018/12/mlp.mp4

https://www.chandrikadaily.com/wp-content/uploads/2018/12/mlp-5.mp4

https://www.chandrikadaily.com/wp-content/uploads/2018/12/mlp-4.mp4

https://www.chandrikadaily.com/wp-content/uploads/2018/12/mlp-3.mp4

https://www.chandrikadaily.com/wp-content/uploads/2018/12/mlp-2.mp4

https://www.chandrikadaily.com/wp-content/uploads/2018/12/wayanad.mp4

https://www.chandrikadaily.com/wp-content/uploads/2018/12/mlp-1.mp4

https://www.chandrikadaily.com/wp-content/uploads/2018/12/plkad.mp4

https://www.chandrikadaily.com/wp-content/uploads/2018/12/thrissur.mp4

https://www.chandrikadaily.com/wp-content/uploads/2018/12/perumbavur.mp4

https://www.chandrikadaily.com/wp-content/uploads/2018/12/thodupuzha.mp4

https://www.chandrikadaily.com/wp-content/uploads/2018/12/pattambi.mp4

https://www.chandrikadaily.com/wp-content/uploads/2018/12/pathanamthitta.mp4

https://www.chandrikadaily.com/wp-content/uploads/2018/12/10000000_308299693352317_7341659310746348655_n-1.mp4

https://www.chandrikadaily.com/wp-content/uploads/2018/12/uduma-ksrkd.mp4

https://www.chandrikadaily.com/wp-content/uploads/2018/12/manjeshwaram.mp4

https://www.chandrikadaily.com/wp-content/uploads/2018/12/ksrkd-2nd-day.mp4

https://www.chandrikadaily.com/wp-content/uploads/2018/12/sky-kasarkod.mp4

ഡി.കെ ശിവകുമാര്‍ യുവജന യാത്രയുടെ സമാപന സമ്മേളനത്തില്‍ പങ്കെടുക്കും

chandrika — Sun, 23 Dec 2018 09:38:41 +0000

കോണ്‍ഗ്രസിന്റെ രാഷ്ട്രീയ ചാണക്യന്‍ ഡി.കെ ശിവകുമാര്‍ യുവജന യാത്രയുടെ സമാപന സമ്മേളനത്തില്‍ പങ്കെടുക്കും.

‘വര്‍ഗീയ മുക്ത ഭാരതം, അക്രമ രഹിത കേരളം , ജനവിരുദ്ധ സര്‍ക്കാറുകള്‍ക്കെതിരെ’ എന്ന പ്രമേയത്തോടെ മുസ്‌ലിം യൂത്ത് ലീഗ് ആരംഭിച്ച യുവജന യാത്ര കേരളചരിത്രം ഇന്ന് വരെ കണ്ടിട്ടില്ലാത്ത രീതിയില്‍ അതിന്റെ ലക്ഷ്യത്തിലേക്ക് അടുക്കുകയാണ്. മുസ്ലിം യൂത്ത് ലീഗ് പ്രസിഡന്റ് മുനവ്വറലി തങ്ങള്‍ നായകനും സംസ്ഥാന ജനറല്‍ സെക്രട്ടറി പികെ ഫിറോസ് ഉപനായകനുമായ യാത്ര നാളെ ്അനന്തപുരിയില്‍ സമാപിക്കും.

കഴിഞ്ഞ 24ന് മഞ്ചേശ്വരത്ത് നിന്നാരംഭിച്ച യാത്ര 600 കിലോമീറ്റര്‍ പദയ്രയായി സഞ്ചരിച്ച് നാളെ തിരുവനന്തപുരത്ത് നടക്കുന്ന വമ്പന്‍ മഹാസമ്മേളനത്തോട് കൂടിയാണ് സമാപനം.

കമ്മ്യൂണിസ്റ്റുകള്‍ കേരളത്തിന്റെ യശ്ശസ് കെടുത്തുന്നു: സുസ്മിത ദേവ്.

chandrika — Sun, 23 Dec 2018 09:07:01 +0000

കൊല്ലം: സമ്പൂര്‍ണ്ണ സാക്ഷരത നേടിയ മനോഹരമായ കേരളത്തിന്റെ യശ്ശസ് കമ്മ്യൂണിസ്റ്റുകള്‍ തകര്‍ക്കുകയാണെന്ന് മഹിളാ കോണ്‍ഗ്രസ് ദേശീയ അധ്യക്ഷത സുസ്മിത ദേവ്. ദൈവത്തിന്റെ സ്വന്തം നാടായ കേരളത്തെ കമ്മ്യൂസ്റ്റ് സര്‍ക്കാര്‍ അക്രമത്തിലേക്ക് തള്ളിയിട്ടു. യുവജന യാത്രക്ക് കൊല്ലത്തു നല്‍കിയ സ്വീകരണ സമ്മേളനം ഉദ്ഘാടനം ചെയ്യുകയായിരുന്നു അവര്‍.
സാക്ഷര കേരളത്തില്‍ നിന്ന് പലപ്പോഴും കേള്‍ക്കുന്ന വാര്‍ത്തകള്‍ രാഷ്ട്രീയത്തിന്റെ പേരിലുള്ള അറും കൊലയാണ്. ഭരണത്തിന്റെ ബലത്തിലാണ് ഈ അറുംകൊല. ഷുഹൈബ് വധം നടന്നപ്പോള്‍ കണ്ണൂരിലെത്തിയ തനിക്ക് ഇക്കാര്യത്തെ കുറിച്ച് വ്യക്തമായറിയാം. 32 ശതമാനം മുസ്്‌ലിംകള്‍ അധിവസിക്കുന്ന ആസ്സാമില്‍ നിന്നാണ് വരുന്നത്. വര്‍ഗീയതയും സംഘര്‍ഷവും തലപൊക്കുമ്പോള്‍ പലപ്പോഴും ഇടപെടാറുണ്ട്.
ഭരണഘടനയുടെ ആത്മാവ് മതേതരമാണ്. ബി.ജെ.പി ഭരണഘടന സ്ഥാപനങ്ങളെ തകര്‍ത്ത് മൂല്ല്യങ്ങളെ ഇല്ലാതാക്കുന്നു. ബി.ജെ.പി അധികാരത്തിലെത്തിയതോടെ ഹിന്ദുവിന്റെ പേരിലുള്ള വര്‍ഗീയത പ്രചരിപ്പിക്കുന്നു. മോഹന്‍ ഭാഗവത്തിന്റെ ഹിന്ദുത്വവും ഹൈന്ദവതയും തമ്മില്‍ ബന്ധമില്ല. ഫ്രിഡ്ജില്‍ ബീഫ് സൂക്ഷിച്ചെന്ന് ആരോപിച്ച് ആളുകളെ തല്ലിക്കൊല്ലുകയാണ്.
സ്വാതന്ത്ര്യ സമരത്തിലും രാഷ്ട്ര പുനര്‍ നിര്‍മ്മാണത്തിലും സംഘ്പരിവാറിന് ഉയര്‍ത്തിക്കാണിക്കാന്‍ ഒരു നേതാവു പോലുമില്ല. ഉപപ്രധാനമന്ത്രിയായിരുന്ന വല്ലഭായ് പട്ടേല്‍ നിരോധിച്ച ആര്‍.എസ്.എസുകാരുടെ ഭരണം അദ്ദേഹത്തിന്റെ പേരില്‍ പ്രതിമ നിര്‍മ്മിക്കുന്ന കാലമാണ്.
മോദി വന്ന ശേഷം, നോട്ടു നിരോധനവും ജി.എസ്.ടിയും തുടങ്ങിയ തലതിരിഞ്ഞ നയത്തിലൂടെ രാജ്യത്തെ യുവാക്കളുടെ ജോലി ഇല്ലാതാക്കി. കുട്ടിക്കള്‍, സ്ത്രീകള്‍, കര്‍ഷകര്‍, ചെറുകിട വ്യവസായികള്‍ എല്ലാം ദുരിതക്കയത്തിലാണ്. ദാരിദ്ര്യം ഇല്ലാതാക്കുന്നതിന് പകരം സംഘര്‍ഷം പടര്‍ത്തി മുതലെടുക്കാമെന്ന ബി.ജെ.പിയുടെ വ്യാമോഹത്തിനാണ് അഞ്ചു സംസ്ഥാനങ്ങളിലേക്ക് തെരഞ്ഞെടുപ്പില്‍ ലഭിച്ച പ്രഹരം ലഭിച്ചത്.
രാഹുല്‍ ഗാന്ധിയുടെ നേതൃത്വത്തില്‍ നടത്തുന്ന വര്‍ഗീയ മുക്ത ഭാരതം സാക്ഷാത്കരിക്കാന്‍ കലവറയില്ലാത്ത പിന്തുണയാണ് മുസ്്‌ലിം ലീഗ് നല്‍കുന്നത്. കേന്ദ്രത്തിലെയും കേരളത്തിലെയും ജനദ്രോഹ ഭരണകൂടങ്ങളെ താഴെയിറക്കും വരെ യുവാക്കള്‍ വിശ്രമിക്കില്ലെന്നും സുസ്മിത ദേവ് കൂട്ടിച്ചേര്‍ത്തു.

‘വര്‍ഗീയ മുക്ത ഭാരതം, അക്രമ രഹിത കേരളം , ജനവിരുദ്ധ സര്‍ക്കാറുകള്‍ക്കെതിരെ’ എന്ന പ്രമേയത്തോടെ കഴിഞ്ഞ 24ന് മഞ്ചേശ്വരത്ത് നിന്നാരംഭിച്ച യാത്ര 600 കിലോമീറ്റര്‍ പദയ്രയായി സഞ്ചരിച്ച് നാളെ തിരുവനന്തപുരത്ത് സമാപിക്കും.

യുവജന യാത്ര; ആലപ്പുഴയും കീഴടക്കി ജൈത്രയാത്ര തുടരുന്നു…

chandrika — Fri, 21 Dec 2018 12:34:42 +0000

ഗുജറാത്തില്‍ ബിജെപിക്കെതിരെ പോരാട്ടം നടത്തിയ ഫാസിസ്റ്റ് വിരുദ്ധ സമരനായകന്‍ ജിഗ്‌നേഷ് മേവാനിയും മറ്റു പ്രമുഖരും പങ്കെടുത്ത മികച്ച സ്വീകരണങ്ങള്‍ …വീഡിയോ കാണാം

https://www.chandrikadaily.com/wp-content/uploads/2018/12/10000000_308299693352317_7341659310746348655_n.mp4

കോര്‍പ്പറേറ്റ് ആജ്ഞക്കനുസരിച്ച് പ്രവര്‍ത്തിച്ചു രാജ്യത്തെ ഭൂരിപക്ഷത്തിന്റെ സ്വപ്‌നങ്ങളെ തകര്‍ക്കുന്ന നരേന്ദ്രമോദിയുടെ ഭരണത്തിന്റെ തിരശ്ശീലവീഴാന്‍ അധിക കാലമില്ലെന്ന് ഗുജറാത്തില്‍ നിന്നുള്ള ദളിത് നേതാവു ജിഹ്നേഷ് മേവാനി എം.എല്‍.എ. രാജ്യത്തെ രക്ഷിക്കാന്‍ ബി.ജെ.പിയെയും ആര്‍.എസ്.എസിനെയും എതിര്‍ക്കുകയെന്ന ഒരൊറ്റലക്ഷ്യത്തോടെ യോജിപ്പോടെ മുന്നോട്ടു പോകാനാവണം. മുസ്‌ലിം യൂത്ത് ലീഗ് യുവജന യാത്രക്ക് കായംകുളത്തു നല്‍കിയ സ്വീകരണ മഹാസമ്മേളനത്തില്‍ മുഖ്യാതിഥിയായി സംസാരിക്കുകയായികരുന്നു അദ്ദേഹം.

പിഞ്ചു കുഞ്ഞിന്റെ നിഷ്കളങ്കതയോടെ കിടക്കുന്ന ആ മുഖത്ത് അവസാനമായി നല്‍കാന്‍ സാധിച്ച ചുംബനം ഞാനെന്റെ സൗഭാഗ്യമായി കരുതുകയാണ്: മുനവ്വറലി തങ്ങള്‍

chandrika — Fri, 21 Dec 2018 10:09:22 +0000

ഒരു വിശ്വാസി എങ്ങനെ ആയിരിക്കണമെന്നതിന്റെ ഏറ്റവും ഉദാത്തമായ മാതൃകയായിരുന്നു മഹാനായ അത്തിപ്പറ്റ മൊയ്തീൻകുട്ടി മുസ്ല്യാർ എന്ന അത്തിപ്പറ്റ ഉസ്താദ്. മറ്റുള്ളവർക്ക് സ്വാന്ത്വനവും സന്തോഷവും നൽകുന്ന അനുഗ്രഹീത സാന്നിധ്യമാണ് അദ്ദേഹത്തിന്റേത്.ഭൗതിക താല്പര്യങ്ങളോട് സന്ധി ചെയ്യാത്ത,സമ്പൂർണമായും ശരീഅ,ത്തിനു വേണ്ടി നിലകൊണ്ട പ്രശോഭിത വ്യക്തിത്വമായിരുന്നു അദ്ദേഹം.ഭൗതികമായ താല്പര്യങ്ങളും മറ്റും പണ്ഡിതന്മാരെ പോലും സ്വാധീനിക്കുന്ന ഇക്കാലത്ത് തീർത്തും വ്യത്യസ്തനായി,ജീവിതത്തിൽ അങ്ങേയറ്റം ലാളിത്യം കൈമുതലാക്കി തന്റെ കൂടെയുള്ളവരെ അള്ളാഹുവിലേക്ക് അടുപ്പിച്ചു നിർത്താൻ അഹോരാത്രം പരിശ്രമിക്കുകയായിരുന്നു ആ മഹാനായ സൂഫിവര്യൻ.

അദ്ദേഹം ഉലമാഇനെ, ഉമറാഇനെ,അഹ്ലുൽ ബൈത്തിനെ, അതിലെ കുഞ്ഞുങ്ങളെ പോലും ആദരവോടെ നോക്കി കണ്ടു.ഞങ്ങളുടെയൊക്കെ കുഞ്ഞുനാളിൽ ഞങ്ങളെ കണ്ടാൽ എഴുന്നേറ്റ് നിൽക്കുന്ന,ഞങ്ങളുടെ കൈപിടിച്ചു മുത്തുന്ന ഉസ്താദിനെ കണ്ട് അമ്പരന്നിട്ടുണ്ട്.പട്ടിക്കാട് ജാമി’അന്നൂരിയ പോലുള്ള സമസ്തയുടെ വലിയ സമ്മേളനങ്ങളിൽ,സ്റ്റേജിന്റെ ഏറ്റവും പിറകുവശത്ത് ദിക്റുകളിൽ മാത്രം ബദ്ധശ്രദ്ധനായിരിക്കുന്ന ഉസ്താദിനെയായിരുന്നു എന്നും കാണാൻ കഴിഞ്ഞിരുന്നത്.എന്റെ പിതാവ്,കുടുംബാംഗങ്ങൾ,പിതൃസഹോദന്മാർ തുടങ്ങി എല്ലാവരുമായും ആഴത്തിലുള്ള ആത്മീയബന്ധം അദ്ദേഹം സ്ഥാപിച്ചിരുന്നു.

2006 കാലത്ത്,മുസ്ലിം ലീഗിന് രാഷ്ട്രീയപരമായ പരാജയം സംഭവിച്ച ഘട്ടത്തിൽ,കോട്ടക്കലിൽ വെച്ച് പാർട്ടിയുടെ വർക്കിംഗ് കമ്മിറ്റി കൂടി രണ്ടു ദിവസങ്ങളിലായി നടന്ന ചർച്ചയുടെ സന്ദർഭം.അന്ന് ഉസ്താദിനെ പാണക്കാട്ടെക്ക്‌ ക്ഷണിച്ചു ദു’ആ ചെയ്യാനഭ്യർത്ഥിച്ചു.’സമുദായം ഞങ്ങളുടെ കൂടെയുണ്ട്.പക്ഷെ ഞങ്ങൾക്ക് തോൽവി സംഭവിച്ചു പോയി.അത് കൊണ്ട് വിജയത്തിന് വേണ്ടി ദു’ആ ചെയ്യണം.ഈ ദു’ആയിൽ അതിനുള്ള ഫത്ഹ് ഉണ്ടാവണം’.എന്നായിരുന്നു വസിയ്യത്ത്.അത് കേട്ട അദ്ദേഹം നിർബന്ധബുദ്ധ്യാ ആദ്യം പിതാവ് സയ്യിദ് മുഹമ്മദലി ശിഹാബ് തങ്ങളോട് ദു’ആ ചെയ്യാനഭ്യർത്ഥിക്കുകയും ശേഷം അദ്ദേഹം ദു’ആ ചെയ്യുകയും ചെയ്യുകയുണ്ടായി. അത്രമേൽ അവർ പരസ്പര ബഹുമാനം വെച്ച് പുലർത്തിയവരായിരുന്നു എന്ന് സാരം.അത് കണ്ടാണ് ഞങ്ങളും വളർന്നത്.

ആ ജീവിതം തന്നെ ആത്മീയമായ ഔന്നത്യത്തിന്റേതായിരുന്നു. ഒപ്പം അതുല്യമായ വിദ്യദ്യാഭ്യാസ പ്രവർത്തനങ്ങളും അദ്ദേഹം സാധ്യമാക്കി എന്നതാണ് ആ ജീവിതത്തിന്റെ വ്യതിരക്തത.ചെന്നെത്തിയ ഇടങ്ങളിലെല്ലാം നിശബ്ദമായ ഒരു വിദ്യാഭ്യാസ വിപ്ലവം തന്നെ അദ്ദേഹത്തിലൂടെ നമുക്ക് കാണാൻ സാധിച്ചു.
അൽ ഐനിലെ സ്‌കൂളും,കാടാമ്പുഴയിലെ ഗ്രേസ് വാലി അടക്കമുള്ള സ്ഥാപനങ്ങളും,അവസാനമായി തുടങ്ങിയ ഫത്’ഹുൽ ഫത്ഹ് (ഇൻസ്റ്റിറ്റ്യൂട്ട് ഓഫ് സ്പിരിച്ച്വൽ എഡ്യൂക്കേഷൻ) തുടങ്ങി ഉദാഹരണങ്ങളേറെ.ഫത്ഹുൽ ഫത്ഹിന്റെ ചുമതല വിനീതനായ എന്നെ ഏൽപ്പിക്കുമ്പോൾ അത് ഉസ്താദ് ഏല്പിച്ച മഹത്തായ ഒരു ദൗത്യമായാണ് ഞാൻ കണ്ടത്.പക്ഷെ ഇന്നുവരെ അതിന്റെ ആവശ്യങ്ങൾക്കായി ആരെയെങ്കിലും വിളിക്കാനോ വിളിപ്പിക്കാനോ അദ്ദേഹം ആവശ്യപ്പെടുകയോ നിർബന്ധിക്കുകയോ ചെയ്തില്ല.ഉസ്താദിന്റെ ‘മുഹിബ്ബീങ്ങൾ’തന്നെ അതിനു ധാരാളമായിരുന്നു.ഫത്ഹുൽ ഫത്ഹിന്റെ ചുമതല അദ്ദേഹം എന്നെ ഏല്പിച്ചത് ചാരിദാർത്ഥ്യജനകമായ സാമൂഹിക ഉത്തരവാദിത്വമായി കാണുകയാണ്.

യുവജന യാത്രയുടെ അവസാന ദിനങ്ങളിലേക്ക് കടക്കുമ്പോൾ, ആലപ്പുഴയിലൂടെയുള്ള യാത്രാമധ്യെയാണ് ആ വിയോഗ വാർത്ത കേൾക്കുന്നത്. മറ്റൊന്നും ആലോചിച്ചില്ല. ഉടനെ തന്നെ യാത്ര നിർത്തി വെക്കുകയും ആ പരലോക മോക്ഷത്തിനായി ദുആ ചെയ്യുകയും ചെയ്തു. സഹപ്രവർത്തകരായ പി കെ ഫിറോസ്, ഫൈസൽ ബാഫഖി തങ്ങൾ, അഹമ്മദ് സാജു, സൈനുൽ ആബിദ് എന്നിവർക്കൊപ്പം ജനാസ സന്ദർശിക്കുകയും മയ്യത്ത് നമസ്കരിക്കുകയും ചെയ്തു.
കാലത്തിന്റെ മറുതീരത്തേക്ക് ആ അനർഘ ജീവിതവും യാത്രയായിരിക്കുന്നു..

യാത്ര പെട്ടൊന്ന് നിർത്തിവെച്ചത് മൂലം പ്രവർത്തകർക്ക് ചില വിഷമങ്ങൾ നേരിട്ടിരിക്കാം. പക്ഷേ, നമ്മെ സംബന്ധിച്ചിടത്തോളം അങ്ങനെയൊരാൾ ഇനി നമുക്കിടയിൽ ഇല്ല എന്നതാണ്. അത്രയേറെ ബഹുമാന്യനും, ജനങ്ങൾക്ക് സ്വീകാര്യനും നിസ്വാർത്ഥനുമായിരുന്നു അദ്ദേഹം. അള്ളാഹുവിലേക്ക് കൂടുതൽ കൂടുതൽ തന്റെ ജീവിതത്തെ കേന്ദ്രീകരിക്കുക എന്ന ലക്ഷ്യം മാത്രം ഭൗതിക ജീവിതത്തിന്റെ പൊരുളായി കണ്ടിരുന്ന ഒരു അത്ഭുത പ്രതിഭയായിരുന്നു അവർ. ഒരു പിഞ്ചു കുഞ്ഞിന്റെ നിഷ്കളങ്കതയോടെ കിടക്കുന്ന ആ മുഖത്ത് അവസാനമായി എനിക്ക് നൽകാൻ സാധിച്ച ആ ചുംബനം ഞാനെന്റെ സൗഭാഗ്യമായി കരുതുകയാണ്. അതിലൂടെ എനിക്ക് ലഭ്യമായ ആത്മീയനിർവൃതി, ഈ ജീവിതാന്ത്യം വരെ നില നിൽക്കട്ടെയെന്ന് സർവ്വശക്ത നോട് പ്രാർത്ഥിക്കുകയാണ്.

മോദിയെ ജനം തൂത്തെറിയും: ജിഗ്നേഷ് മേവാനി

ചന്ദ്രിക വെബ് ഡെസ്‌ക്‌ — Fri, 21 Dec 2018 03:29:44 +0000

കായംകുളം: കോര്‍പ്പറേറ്റ് ആജ്ഞക്കനുസരിച്ച് പ്രവര്‍ത്തിച്ചു രാജ്യത്തെ ഭൂരിപക്ഷത്തിന്റെ സ്വപ്‌നങ്ങളെ തകര്‍ക്കുന്ന നരേന്ദ്രമോദിയുടെ ഭരണത്തിന്റെ തിരശ്ശീലവീഴാന്‍ അധിക കാലമില്ലെന്ന് ഗുജറാത്തില്‍ നിന്നുള്ള ദളിത് നേതാവു ജിഹ്നേഷ് മേവാനി എം.എല്‍.എ. രാജ്യത്തെ രക്ഷിക്കാന്‍ ബി.ജെ.പിയെയും ആര്‍.എസ്.എസിനെയും എതിര്‍ക്കുകയെന്ന ഒരൊറ്റലക്ഷ്യത്തോടെ യോജിപ്പോടെ മുന്നോട്ടു പോകാനാവണം. മുസ്‌ലിം യൂത്ത് ലീഗ് യുവജന യാത്രക്ക് കായംകുളത്തു നല്‍കിയ സ്വീകരണ മഹാസമ്മേളനത്തില്‍ മുഖ്യാതിഥിയായി സംസാരിക്കുകയായികരുന്നു അദ്ദേഹം.
കോര്‍പ്പറേറ്റുകള്‍ക്ക് രാജ്യത്തെ കൊള്ള ചെയ്യാന്‍ അവസരം നല്‍കുന്ന മോദി ഭരണത്തില്‍ കര്‍ഷകര്‍ക്കും സാധാരണക്കാര്‍ക്കും ഒരു സ്ഥാനവുമില്ല. നോട്ടു നിരോധനം ജി.എസ്.ടി തുടങ്ങിയവയെല്ലാം സാധാരണക്കാരെയാണ് ബാധിച്ചത്. വൈകാരികതയും വിഭാഗീയതയും മുഖമുദ്രയാക്കി ജനദ്രോഹത്തെ മറച്ചുപിടാക്കാനാണ് ശ്രമം. അഖ്‌ലാക്ക് ഉള്‍പ്പെടെ ദളിതരും മുസ്‌ലിംകളുമായ 30 പേരെ പശുവിന്റെ പേരില്‍ രാജ്യത്ത് കൊന്നു. ഭരണഘടന തകര്‍ക്കുകയാണ് അവരുടെ ലക്ഷ്യം. കോടതികളിലെ വഴിവിട്ട ഇടപെടലുകള്‍ അതിന്റെ ഭാഗമാണ്. അക്രമം മുഖമുദ്രയാക്കിയ മോദിക്കും സംഘപരിവാറിനുമെതിരെ സമാധാനം ഉയര്‍ത്തിപ്പിടിച്ചു മുന്നോട്ടു പോകണം. അക്രമമാണ് സംഘ്പരിവാര്‍ ആഗ്രഹിക്കുന്നത്. അതിലൂടെ മുതലെടുപ്പു നടത്താമെന്നതാണ് തന്ത്രം. സ്‌നേഹത്തിന്റെ സന്ദേശം ഉയര്‍ത്തിപ്പിടിച്ച് ദളിതരും മുസ്‌ലിംകളും അടിസ്ഥാന വിഭാഗങ്ങളും ഉണര്‍ന്നു യോജിക്കണം. മോദിക്ക് ഗുജറാത്ത ഹിന്ദുത്വത്തിന്റെ പരീക്ഷണ ശാലയാണെങ്കില്‍ മതേതര ജനാധിപത്യ വിശ്വാസികള്‍ക്ക് സമാധാനത്തിന്റെ ഭൂമികയാണ്. ഹിന്ദുത്വമല്ല, രാജ്യം മതേതരമാണ്. ഒരു ദിനം നമ്മുടെ പോരാട്ടം വിജയിക്കും. അതിനു അധിക സമയം കാത്തിരിക്കേണ്ടിവരില്ലെന്നും ജിഗ്നേഷ് കൂട്ടിച്ചേര്‍ത്തു. സമ്മേളനം അഡ്വ.കെ.എന്‍.എ ഖാദര്‍ എം.എല്‍.എ ഉദ്ഘാടനം ചെയ്തു. സ്വാഗതസംഘം ചെയര്‍മാന്‍ കെ മുഹമ്മദ് കുഞ്ഞ് അധ്യക്ഷത വഹിച്ചു. മുസ്‌ലിം ലീഗ് ദേശീയ വൈസ് പ്രസിഡന്റ് ഖുറം അനീസ് ഉമര്‍ മുഖ്യപ്രഭാഷണം നടത്തി. പി.കെ അബ്ദുറബ്ബ് എം.എല്‍.എ, മുസ്‌ലിം യൂത്ത് ലീഗ് ദേശീയ ജനറല്‍ സെക്രട്ടറി സി.കെ സുബൈര്‍, ശബരീനാഥ് എം.എല്‍.എ, ഡി.സി.സി പ്രസിഡണ്ട് എം ലിജു, ചാണ്ടി ഉമ്മന്‍, കര്‍ഷകസംഘം സംസ്ഥാന ജനറല്‍ സെക്രട്ടറി ശ്യാംസുന്ദര്‍, മുസ്‌ലിം ലീഗ് ജില്ലാ പ്രസിഡണ്ട് എ.എം നസീര്‍, അഡ്വ.എച്ച് ബഷീര്‍ കുട്ടി, എ.എം നസീര്‍, പി.ബിജു പ്രസംഗിച്ചു.

യുവജന യാത്രയില്‍ ജിഗ്നേശ് മേവാനി സംസാരിക്കുന്നു…തല്‍സമയം കാണാം

ചന്ദ്രിക വെബ് ഡെസ്‌ക്‌ — Thu, 20 Dec 2018 13:55:16 +0000