പാർട്ടി ജനറൽ സെക്രട്ടറിക്കെതിരായി അത്തരത്തിൽ യാതൊരു ചർച്ചയും യോഗത്തിൽ ഉണ്ടായിട്ടില്ല. വാസ്തവ വിരുദ്ധമായ വാർത്തകൾ പ്രസിദ്ധീകരിക്കുന്നതിൽ നിന്നും മാധ്യമങ്ങൾ പിൻമാറണമെന്നഭ്യർത്ഥിക്കുന്നു.

‘എല്ലാ നിയമങ്ങളും പാലിച്ചും എല്ലാ ആക്ഷേപങ്ങളും പരിഹരിച്ചുമാണ് ഫ്രഷ് കട്ട് സ്ഥാപനം മുന്നോട്ടുപോകുന്നത് എന്നാണ് തദ്ദേശ സ്വയംഭരണ വകുപ്പ് മന്ത്രി എം.ബി രാജേഷ് പറഞ്ഞത്. എന്നാൽ നാല് പഞ്ചായത്തുകളിലെ സെക്രട്ടറിമാർ തയ്യാറാക്കിയ റിപ്പോർട്ടുകളിൽ ഈ അറവുമാലിന്യ കേന്ദ്രത്തിൽ നിന്നുള്ള രൂക്ഷമായ ഗന്ധം അവിടെയുള്ള ജനങ്ങൾ അനുഭവിക്കുന്നുണ്ടെന്നും സ്ഥാപനത്തോട് ചേർന്ന് നിൽക്കുന്ന ഇരുതുള്ളി പുഴയിലേക്ക് മാലിന്യങ്ങൾ ഒഴുക്കുന്നുണ്ടെന്നും ഫ്രീസർ ഇല്ലാത്ത വാഹനങ്ങളിൽ സ്ഥാപനത്തിലെ മാലിന്യങ്ങൾ കൊണ്ടുപോവുന്നുണ്ടെന്നും പറയുന്നു.’ ഫിറോസ് പറഞ്ഞു.

ജില്ലാ ശുചിത്വ മിഷനും തഹസിൽദാറും എല്ലാം തയ്യാറാക്കിയ റിപ്പോർട്ടുകളിലും ഈ സ്ഥാപനം നിയമാനുസൃതമായല്ല പ്രവർത്തിക്കുന്നതെന്നും പറയുന്നതായി ഫിറോസ് മാധ്യമങ്ങളോട് പറഞ്ഞു. ‘സമരവുമായി ബന്ധപ്പെട്ടു നടത്തിയ അക്രമങ്ങളെ ഒരു നിലക്കും അംഗീകരിക്കാം കഴിയില്ല എന്നാണ് മന്ത്രി പറഞ്ഞത്. എന്നാൽ കണ്ണൂർ ഡിഐജി യതീഷ് ചന്ദ്രയും വടകര എസ്പി ബെജുവും നേരിട്ടെത്തി ആക്രമണങ്ങൾക്ക് നേത്രത്വം കൊടുക്കുകയാണ് എന്നുള്ളത് ദൃശ്യങ്ങളിൽ നിന്ന് തന്നെ വ്യക്തമാണ്.’ ഫിറോസ് കൂട്ടിച്ചേർത്തു.

മെസിയെ കൊണ്ട് വരുന്നതിനായി മന്ത്രിയും സംഘവും സ്പെയിനിൽ പോയതിന് പതിമൂന്ന് ലക്ഷം രൂപയാണ് ചിലവഴിച്ചത്. മാത്രവുമല്ല ഈ മൽസരത്തിൻ്റെ സ്പോൺസറായി റിപ്പോർട്ടർ ടി.വി യെയാണ് സർക്കാർ തെരഞ്ഞെടുത്തത്. നിരവധി കേസുകളിൽ പ്രതികളായവരുടെ ഉടമസ്ഥതയിലുള്ള റിപ്പോർട്ടർ ടി.വി യെ എന്ത് മാനദണ്ഡത്തിൻ്റെ അടിസ്ഥാനത്തിലാണ് ഒരു സർക്കാർ പരിപാടിയുടെ സ്പോൺസറായി ചുമതലപ്പെടുത്തിയതെന്നും ഫിറോസ് ചോദിച്ചു.

മൂന്ന് ദിവസം വരെ ചാർജ് നിലനിൽക്കുന്ന മാംഗോ ഫോൺ വിപണിയിലറക്കുമെന്ന് പറഞ്ഞ് കബളിപ്പിച്ച ഇവർ എറണാകുളം ബാങ്ക് ഓഫ് ബറോഡയിൽ നിന്നും 2 കോടി 68 ലക്ഷം രൂപയും സ്റ്റേറ്റ് ബാങ്ക് ഓഫ് ട്രാവൻകൂറിൽ നിന്നും 13 കോടി രൂപയും വ്യാജ രേഖ ചമച്ച് തട്ടിയ കേസിൽ പ്രതികളാണ്. മുട്ടിൽ മരം മുറി കേസിലും പ്രതികളായ ഇവർക്ക് മീനങ്ങാടി പോലീസ് സ്റ്റേഷനിൽ മാത്രം 11 കേസ് നിലനിൽക്കുകയും പൊലീസ് റിപ്പോർട്ട് പ്രകാരം റൗഡി ലിസ്റ്റിൽ ഉൾപ്പെടുന്നവരുമാണ്. കൂടാതെ വയനാട് ദുരന്തത്തെ തുടർന്ന് 150 കുടുംബങ്ങൾക്ക് ടൗൺഷിപ്പെന്ന കള്ള പ്രഖ്യാപനവും നടത്തിയവരാണെന്നും ഫിറോസ് വ്യക്തമാക്കി.

മെസിയുടെ വരവുമായി ബന്ധപ്പെട്ട് കലൂർ സ്റ്റേഡിയത്തിൽ ദിവസേന 2000 പേർ പണിയെടുക്കുന്നുണ്ടെന്നായിരുന്നു പ്രചാരണം. എന്നാൽ നൂറിൽ താഴെയുള്ളവരാണ് ഈ ദിവസങ്ങളിൽ സ്റ്റേഡിയത്തിനകത്തും പുറത്തുമായി പണിയെടുത്തത്. മെസി വരുമെന്ന് ഉറപ്പുണ്ടായിരുന്നെങ്കിൽ ഈ രീതിയിലായിരുന്നോ പണികൾ നടക്കേണ്ടിയിരുന്നതെന്നും ഫിറോസ് അഭിപ്രായപ്പെട്ടു.

സർക്കാർ പരിപാടിയുടെ പേരിൽ നിരവധി കേസിൽ പ്രതികളായവർക്ക് ഉന്നത പൊലീസ് ഉദ്യോഗസ്ഥരോടൊപ്പം മീറ്റിങ്ങ് കൂടാൻ അവസരം നൽകിയതിനും സർക്കാർ മറുപടി പറയണം. ഇതുമായി ബന്ധപ്പെട്ട് 139 കോടി രൂപയാണ് അർജൻ്റീന ഫുട്ബോൾ അസോസിയേഷന് അയച്ചതെന്നായിരുന്നു റിപ്പോർട്ടർ ടി.വി ഉടമകളുടെ അവകാവാദം. കേരള സർക്കാറിന് വേണ്ടി ചെയ്തതിനാൽ ഇതുമായി ബന്ധപ്പെട്ട രേഖകൾ പുറത്ത് വിടാൻ മുഖ്യമന്ത്രിയും കായിക മന്ത്രിയും തയ്യാറുണ്ടോയെന്നും ഫിറോസ് വെല്ലുവിളിച്ചു. ഉണ്ണികൃഷ്ണൻ പോറ്റിയെ ശബരിമല സ്വർണ്ണം ഏൽപ്പിച്ചത് പോലെയാണ് സർക്കാറിൻ്റെ പ്രൊജക്റ്റ് ചാനൽ ഉടമകളെ ഏൽപ്പിച്ചതെന്നും അദ്ദേഹം പരിഹസിച്ചു.

കോടികളുടെ ഇടപാട് നടന്ന ഈ വിഷയത്തിൽ കേന്ദ്ര ഏജൻസിയെ കൊണ്ട് അന്വേഷണം നടത്തി ദുരൂഹത പുറത്ത് കൊണ്ടുവരണമെന്നും അദ്ദേഹം ആവശ്യപ്പെട്ടു. ഈ വിഷയത്തിൽ നടത്തിയ വ്യാജ പ്രചാരണത്തിന് പിന്നിൽ വലിയ നിഗൂഢതകളുണ്ട്. വരുന്ന നിയമസഭാ തെരഞ്ഞെടുപ്പിന് ചിലവഴിക്കേണ്ട കള്ളപ്പണം വെളുപ്പിക്കലാണോ ഇതിൻ്റെ പിന്നിലെന്നും ന്യായമായും സംശയിക്കേണ്ടിയിരിക്കുന്നുവെന്നും ഫിറോസ് ആരോപിച്ചു. പി എം ശ്രീ പദ്ധതി ആർ.എസ് എസിൻ്റെ അജണ്ടയാണ്. ഇത് നടപ്പിക്കാൻ കേരളത്തിൽ വേദിയൊരുക്കുകയാണ് പിണറായി സർക്കാർ ചെയ്തത്. ഭരണത്തിൻ്റെ അവസാനഘട്ടത്തിൽ ഒപ്പിട്ടത് ആർ.എസ്.എസ്സുമായുള്ള കൃത്യമായ ധാരണയുടെ ഭാഗമാണെന്നും ഇത് കേരള ജനത പൊറുക്കില്ലെന്നും ഫിറോസ് കൂട്ടിച്ചേർത്തു.

മുസ്‌ലിംലീഗ് രാഷ്ട്രീയത്തിന്റെ അനിവാര്യത സംബന്ധിച്ച സംവാദത്തിൽ മുസ്ലിംലീഗ് ദേശീയ ഓർഗനൈസിംഗ് സെക്രട്ടറി ഇ.ടി മുഹമ്മദ് ബഷീർ എം.പി മുഖ്യാതിഥിയായി സംബന്ധിച്ചു. അഡ്വ. അസ്ഹറുദ്ദീൻ ചൗധരി ഹരിയാന സ്വാഗതം പറഞ്ഞ സെഷനിൽ അതീബ് ഖാൻ അധ്യക്ഷത വഹിച്ചു. സയ്യിദ് സിദ്ദീഖ് തങ്ങൾ, അഡ്വ. സലീം ഹുസൈൻ, ദഹറുദ്ദീൻ അസം, ഫൈസൽ ബാഫഖി തങ്ങൾ, കെ.എ മാഹിൻ പ്രസീഡിയം നിയന്ത്രിച്ചു. സി.കെ സുബൈർ, പി.കെ ഫിറോസ്, ആസിഫ് അൻസാരി, അഡ്വ. ഫൈസൽ ബാബു എന്നിവർ ഒരു പതിറ്റാണ്ട് നീണ്ട മുസ്ലിം യൂത്ത് ലീഗ് ദേശീയ കമ്മിറ്റിയുടെ പ്രയാണപഥങ്ങളെ സംബന്ധിച്ച അനുഭവങ്ങളും പ്രതീക്ഷകളും പങ്കുവെച്ചു.

മുസ്ലിം ലീഗ് ദേശീയ വൈസ്പ്രസിഡന്റ് കൗസർ ഹയാത് ഖാൻ, അസിസ്റ്റന്റ് സെക്രട്ടറിമാരായ ആസിഫ് അൻസാരി, അഡ്വ.ഫൈസൽ ബാബു, യു.പി സംസ്ഥാന മുസ്ലിം ലീഗ് പ്രസിഡന്റ് ഡോ.മതീൻ ഖാൻ, യൂത്ത് ലീഗ് കേരള സംസ്ഥാന ജനറൽ സെക്രട്ടറി പി.കെ ഫിറോസ്, എം എസ് എഫ് ദേശീയ പ്രസിഡന്റ് പിവി അഹമ്മദ് സാജു തുടങ്ങിയവർ സംബന്ധിച്ചു. ദേശീയ ജനറൽ സെക്രട്ടറി ടിപി അഷ്റഫലി, ഭാരവഹികളായ സികെ ശാക്കിർ, ആശിഖ് ചെലവുർ, പിപി അൻവർ സാദത്, അസ്ഹറുദ്ധീൻ ചൗദരി, സാജിദ് നടുവണ്ണൂർ, നജ്മ തബ്ഷീറ നേതൃത്വം നൽകി. പാണക്കാട് സയ്യിദ് സാദിഖലി ശിഹാബ് തങ്ങൾ നാളെ പ്രതിനിധി സമ്മേളനത്തിന്റെ ഔപചാരിക ഉദ്ഘാടനം നിർവ്വഹിക്കും.

ഗാന്ധിയുടെ നിലപാട് ഓർമിപ്പിക്കുക കൂടിയാണ്പരിപാടി നടത്തുന്നതിന്റെ പ്രസക്തി.ലോകത്തിന്റെ മുഴുവൻ എതിർപ്പുകളെയും അവഗണിച്ച് സ്ത്രീകളെയും കുട്ടികളെയും ഉൾപ്പടെ കുരുതി നടത്തുന്ന ഇസ്രായേലിന്റെ കിരാത ആക്രമണത്തിനെതിരെ ലോക മനസ്സ് ഒന്നിക്കുക എന്ന സന്ദേശം ഈ റാലിയിൽ ഉയർത്തപ്പെടും. വംശഹത്യ രാഷ്ട്രമായ ഇസ്രായേൽ ഉൽപന്നം ബഹിഷ്കരിക്കാൻ റാലിയിൽ പ്രവർത്തരോട് ആഹ്വാനം ചെയ്യും. ഇസ്രായേലിന്റെ ക്രൂരതകളെ വരച്ചുകാട്ടുന്ന ചിത്രങ്ങളും പ്ലോട്ടുകളുമായി റാലി കോഴിക്കോട് സ്റ്റേഡിയം പരിസരത്തു നിന്ന് ആരംഭിച്ച് മുതലക്കുളം ഗാന്ധി സ്ക്വയറിൽ സമാപിക്കും.

സമൂഹത്തിൻ്റെ വിവിധ തുറകളിൽ നിന്ന് പ്രതിനിധികൾ പങ്കെടുക്കും. ഇതു സംബന്ധമായ പ്രവർത്തനങ്ങൾക്ക് ജില്ലാ പ്രവർത്തക സമിതി യോഗം അന്തിമ രൂപം നൽകി. സംസ്ഥാന ജനറൽ സെക്രട്ടറിപി.കെ ഫിറോസ് ഉൽഘാടനം ചെയ്തു.

പ്രസിഡണ്ട് മിസ്ഹബ കീഴരിയൂർ അദ്ധ്യക്ഷത വഹിച്ചു. ജനറൽ സെക്രട്ടറി ടി.മൊയ്തീൻ കോയ സ്വാഗതവും ട്രഷറർ കെ എം എ റഷീദ് നന്ദിയും പറഞ്ഞു. ദേശീയ ഭാരവാഹികളായ ആഷിക് ചെലവൂർ, സാജിദ് നടുവണ്ണൂർ,സംസ്ഥാന ഭാരവാഹികളായ ടി.പി.എം ജിഷാൻ, അഡ്വ ഫാത്തിമ തഹ്‌ലിയ,ജില്ലാ ഭാരവാഹികളായ സി.ജാഫർ സാദിക്ക്, എ.ഷിജിത്ത് ഖാൻ,സയ്യിദലി തങ്ങൾ, ഷഫീക്ക് അരക്കിണർ, എസ് വി ഷൗലീക്ക്, എം.ടി സെയ്ദ് ഫസൽ, എം.പി ഷാജഹാൻ, വി.അബ്ദുൽ ജലീൽ,ഹാരിസ് കൊത്തിക്കുടി,സുനീർ കെ.പി, സിറാജ് ചിറ്റേടത്ത്, ഒ.എം നൗഷാദ്, സമദ് നടേരി, ശുഐബ് കുന്നത്ത്,റഫീഖ് കൂടത്തായി,ജില്ലാ കമ്മറ്റി അംഗങ്ങളായ വി.പി.എ ജലീൽ, ഷംസീർ പോത്താറ്റിൽ, ഒ.കെ ഇസ്മായിൽ,എം നസീഫ്, ഐ സൽമാൻ, കെ.കുഞ്ഞിമരക്കാർ, പി വി അൻവർ ഷാഫി, അനീസ് തോട്ടുങ്ങൽ, മൻസൂർ മാങ്കാവ്, സിറാജ് കിണാശ്ശേരി, റിഷാദ് പുതിയങ്ങാടി, ഷൗക്കത്ത് വിരുപ്പിൽ, സലാം ചേളന്നൂർ, നിസാർ പറമ്പിൽ, പി.എച്ച് ഷമീർ, സി.കെ ഷകീർ, കെ.കെ റിയാസ്, ഫാസിൽ നടേരി,പി.കെ. സി അഫ്സൽ, അൻസീർ പനോളി, മൻസൂർ എടവലത്ത്,സി.എ നൗഫൽ, കെ.എം ഹംസ, ഹാരിസ് ഇ, പി.സി.സിറാജ്, ശിഹാബ് കന്നാട്ടി, അഫ്നാസ് ചോറോട്, സ്വാഹിബ് മുഖദാർ തുടങ്ങിയവർ പ്രസംഗിച്ചു.

ഇംദാദ് ഫണ്ട് ക്യാമ്പയിന്‍ വിജയിപ്പിക്കുന്നതിനായി ശാഖാ തലങ്ങളില്‍ ഒക്ടോബര്‍ 1, 2 തിയ്യതികളില്‍ സ്പെഷ്യല്‍ കലക്ഷന്‍ ഡ്രൈവ് നടത്താന്‍ സംസ്ഥാന കമ്മറ്റി തീരുമാനിച്ചു. ഗൃഹസമ്പര്‍ക്കം നടത്തിയും കടകളും കവലകളും കേന്ദ്രീകരിച്ചുമാണ് ഫണ്ട് സമാഹരണം നടത്തേണ്ടത്. സംസ്ഥാന പ്രവര്‍ത്തക സമിതി അംഗങ്ങള്‍ സെപ്തംബര്‍ 28നുള്ളിലും ജില്ലാ പ്രവര്‍ത്തക സമിതി അംഗങ്ങള്‍ സെപ്തംബര്‍ 29നുള്ളിലും മണ്ഡലം പ്രവര്‍ത്തക സമിതി അംഗങ്ങള്‍ സെപ്തംബര്‍ 30നുള്ളിലും ക്യാമ്പയിനില്‍ പങ്കാളികളാവണം. ഇംദാദ് ക്യാമ്പയിനിന്റെ ഇവാലുവേഷന്‍ യോഗം നാളെ (ഞായറാഴ്ച) ജില്ലാ തലങ്ങളില്‍ ഓണ്‍ലൈനായി ചേരും. ജില്ലാ കമ്മറ്റി അംഗങ്ങളും പഞ്ചായത്ത് പ്രസിഡണ്ട് – ജനറല്‍ സെക്രട്ടറിമാരുമാണ് യോഗത്തില്‍ പങ്കെടുക്കേണ്ടത്. യോഗത്തില്‍ ദേശീയ, സംസ്ഥാന കമ്മറ്റി നിരീക്ഷകന്‍മാര്‍ പങ്കെടുക്കും. ദേശീയ തലത്തില്‍ യൂത്ത് ലീഗിന്റെ പ്രവര്‍ത്തനം വ്യാപിപ്പിക്കുന്നതിനായി വിവിധ പദ്ധതികളാണ് ദേശീയ കമ്മറ്റി ആസൂത്രണം ചെയ്തിട്ടുള്ളത് ഇതിന് കരുത്ത് പകരാനും ഉത്തരേന്ത്യയിലെ സംഘടന മുന്നേറ്റത്തിന് ഊര്‍ജ്ജം നല്‍കാനും ക്യാമ്പയിന്‍ പൂര്‍ണ്ണാര്‍ത്ഥത്തില്‍ ഏറ്റെടുക്കാന്‍ യോഗം കീഴ്ഘടകങ്ങളോട് അഭ്യര്‍ത്ഥിച്ചു. സംസ്ഥാന ഭാരവാഹികളായ മുജീബ് കാടേരി, ഫൈസല്‍ ബാഫഖി തങ്ങള്‍, അഷറഫ് എടനീര്‍, കെ.എ മാഹീന്‍, സി.കെ മുഹമ്മദലി, അഡ്വ. കാര്യറ നസീര്‍, ഗഫൂര്‍ കോല്‍ക്കളത്തില്‍, ടി.പി.എം ജിഷാന്‍, അഡ്വ. ഫാത്തിമ തെഹ്ലിയ, ദേശീയ ഭാരവാഹികളായ അഡ്വ. ഷിബു മീരാന്‍, സാജിദ് നടുവണ്ണൂര്‍, സി.കെ ശാക്കിര്‍ ചര്‍ച്ചയില്‍ പങ്കെടുത്തു.

യു.ഡി.എഫി ൻ്റെ കാലത്താണ് വില നിശ്ചയിച്ചതെന്ന വാദമാണ് കെ.ടി ജലീൽ മുന്നോട്ട് വെച്ചിരുന്നത്. എന്നാൽ യു.ഡി.എഫ് ഭരണത്തിൻ്റെ അവസാന കാലത്ത് മലപ്പുറം ജില്ലാ കളക്ടർ നൽകിയ പ്രൊപോസൽ സർക്കാറിന് ലഭിച്ചത് ഇടത്പക്ഷം ഭരിച്ച 2016 ജൂൺ 23നാണെന്നും ഫിറോസ് പറഞ്ഞു. ഭൂമിയുടെ വില പോലും നിശ്ചയിച്ച് സർക്കാറിലേക്ക് അയക്കുന്നത് ഇടത്പക്ഷ ഭരണകാലത്ത് ആണെന്നിരിക്കേ നേരത്തേ വില നിശ്ചയിച്ചുവെന്ന കെ.ടി ജലീലിൻ്റെ ആരോപണം പച്ച കളവാണെന്നും അദ്ദേഹം കൂട്ടിച്ചേർത്തു. 2015ലെ ഭൂമി ഏറ്റെടുക്കുന്നതുമായി ബന്ധപ്പെട്ട് ചില ചാനലുകൾ യു.ഡി.എഫ് സർക്കാറിനെതിരെ കൊണ്ട് വന്ന വാർത്തയും അടിസ്ഥാനരഹിതമാണ്. യു.ഡി.എഫ് സർക്കാറിൻ്റെ കാലത്ത് ആതവനാട്ടെ ഭൂമിയും വെട്ടം വില്ലേജിലെ മറ്റൊരു ഭൂമിയും ഏറ്റെടുക്കാൻ ആവശ്യമായ നടപടിക്രമങ്ങൾ ആരംഭിക്കുന്നതിന് യു.ഡി.എഫ് സർക്കാർ മുൻകാലത്ത് ഉത്തരവുകൾ ഇറക്കിയിരുന്നു. എന്നാൽ ഒരു ഭൂമിയും യു.ഡി.എഫ് സർക്കാറിൻ്റെ കാലത്ത് വില നിശ്ച്ചയിച്ച് ഏറ്റെടുക്കുന്നതിന് സർക്കാർ തലത്തിൽ തീരുമാനമെടുത്തിരുന്നില്ല.

2018 ൽ കെ.ടി ജലീൽ തദ്ദേശ വകുപ്പ് ഒഴിഞ്ഞ് ഉന്നത വിദ്യാഭ്യാസ വകുപ്പ് ഏറ്റെടുത്തത് തന്നെ ഭൂമി തട്ടിപ്പിന് നേതൃത്വം നൽകാനാണ്. ആതവനാട്ടെ ഭൂ ഉടമകൾ കേരള ഹൈക്കോടതിയിൽ 2019 ജനുവരി 9 ന് അവരുടെ ഭൂമി ഏറ്റെടുക്കണമെന്നാവശ്യപ്പെട്ട് നൽകിയ ഹരജിയിൽ ആറാഴ്ച്ചക്കകം ഹരജിക്കാരുമായി സംസാരിച്ച് തീരുമാനമെടുക്കണമെന്ന് സംസ്ഥാന സർക്കാറിനോട് ഹൈക്കോടതി ഉത്തരവിട്ടിരുന്നു. എന്നാൽ ഉന്നത വിദ്യാഭ്യാസ വകുപ്പ് മന്ത്രിയായിരുന്ന കെ.ടി ജലീൽ അപ്പീൽ പോകാനാണ് തീരുമാനിച്ചത്. വെട്ടത്തെ ഭൂമിക്ക് ആവശ്യമായി വരുന്ന വിലയുടെ പകുതിയിൽ താഴെ വിലക്ക് ഭൂമി തരാൻ ആതവനാട്ടെ ഭൂ ഉടമകൾ തയ്യാറായിട്ടും ഹൈക്കോടതി ഉത്തരവുണ്ടായിട്ടും കെ.ടി ജലീൽ അട്ടിമറിച്ചത് തനിക്കും സ്വന്തക്കാർക്കും കൂടി കോടികളുടെ അഴിമതി നടത്താനായിരുന്നെന്നും ഫിറോസ് വ്യക്തമാക്കി. കെ.ടി ജലീൽ ഇടതുപക്ഷ സ്ഥാനാർത്ഥി ലില്ലീസ് ഗഫൂറിനും സഹോദരങ്ങൾക്കും മന്ത്രി വി.അബ്ദുറഹ്മാൻ്റെ സഹോദര പുത്രൻമാർക്കും പണം അനുവദിക്കാൻ ആവശ്യപ്പെട്ടതിൻ്റെയും ആതവനാട്ടെ ഭൂമി ഏറ്റെടുക്കാനുള്ള ഹൈക്കോടതി നിർദ്ദേശത്തിനെതിരെ അപ്പീൽ പോകാൻ ജലീൽ സ്വന്തം നിലക്ക് ആവശ്യപ്പെട്ടതിൻ്റെയും രേഖകളുടെ പകർപ്പുകൾ ഫിറോസ് പുറത്ത് വിട്ടു. ഈ ഇടപാടിലൂടെ നേടിയത് 15 കോടിയോളം രൂപയാണ്. ഈ കൊള്ളയിൽ നിന്ന് കിട്ടിയ പണമാണ് 2021 ലെ നിയമസഭാ തെരഞ്ഞെടുപ്പിൽ താനൂർ, തിരൂർ, തവനൂർ മണ്ഡലങ്ങളിൽ എൽ.ഡി.എഫ് സ്ഥാനാർത്ഥികൾ ഉപയോഗിച്ചതെന്നും ഫിറോസ് ആരോപിച്ചു.

2016 ഫിബ്രുവരിയിൽ യു.ഡി.എഫ് ഭരിക്കുന്ന സമയത്ത് മൂന്ന് പ്രൊപോസലുകളാണ് കളക്ടർ ഇത് സംബന്ധമായി സർക്കാറിന് സമർപ്പിച്ചത്. ഭൂ ഉടമകൾ പറഞ്ഞ 1,70,000 രൂപ വിലയിട്ട ഇപ്പോൾ ഏറ്റെടുത്ത ഭൂമി, 1,20,000 രൂപ പറയപ്പെട്ട ബെഞ്ചുമാർക്ക്, ആതവനാട് 100 ഏക്കർ ഭൂമി. ഇവയായിരുന്നു മലപ്പുറം ജില്ലാ കളക്ടറുടെ നേതൃത്വത്തിൽ സർക്കാറിന് സമർപ്പിച്ച പ്രൊപോസൽ. എന്നാൽ ഇത് സംബന്ധമായി ഒരു തീരുമാനവും കാലാവധി കഴിയാറായ യു.ഡി.എഫ് സർക്കാർ എടുത്തിരുന്നില്ലെന്നും ഫിറോസ് കൂട്ടിച്ചേർത്തു.

അക്കാലത്തെ തിരൂർ എം.എൽ.എ ആയിരുന്ന സി. മമ്മൂട്ടിയുടെ താൽപര്യ പ്രകാരമാണ് ഭൂമി ഏറ്റെടുത്തത് എന്ന ജലീലിൻ്റെ വാദവും അടിസ്ഥാനരഹിതമാണ്. ഈ ഭൂമി ഏറ്റെടുക്കുന്നതിലെ ക്രമക്കേടുകൾ ചൂണ്ടിക്കാട്ടി സി. മമ്മുട്ടി നൽകിയ അപേക്ഷക്ക് 2017 ജനുവരി 31ന് മുഖ്യമന്ത്രി പിണറായി വിജയൻ മറുപടി നൽകിയിരുന്നു.

മലയാളം സർവ്വകലാശാലക്ക് രണ്ടാഴ്ച്ചക്കകം സ്ഥലം ഏറ്റെടുക്കുമെന്നുള്ള മനോരമ പത്രത്തിൽ വന്ന തൻ്റെ പ്രസ്താവന 2019 ഫിബ്രുവരി 21ന് കെ.ടി ജലീൽ തൻ്റെ ഫേസ്ബുക്ക് പേജിൽ പോസ്റ്റ് ചെയ്തിരുന്നെന്നും ഫിറോസ് വ്യക്തമാക്കി. മുല്ലപ്പള്ളി മനക്കൽ നാരായണൻ നമ്പൂതിരി മകൻ പരമേശ്വരൻ, അഷ്ടമൂർത്തി നമ്പൂതിരി, മുല്ലപ്പള്ളി മൊയ്തീൻകുട്ടി ഹാജി, അഹമ്മദ് കുട്ടി പാറുക്കുട്ടി അമ്മ തുടങ്ങിയവരായിരുന്നു 2016 ൽ ഇടത്പക്ഷം അധികാരത്തിൽ വന്നതിന് ശേഷം കിട്ടിയ വിവരാവകാശ രേഖ പ്രകാരം ഭൂമിയുടെ ഉടമകൾ. എന്നാൽ 2017 ജൂൺ 6 ന് ഭൂമി ഇടപാടുമായി ബന്ധപ്പെട്ട് ഉടമകളുമായി സർക്കാർ നടത്തിയ ചർച്ചയിൽ മന്ത്രി വി. അബ്ദുറഹ്മാൻ്റെ സഹോദര പുത്രൻമാരായ ഹബീബ് റഹ്മാൻ, മുഹമ്മദ് കാസിം, ഇടത്പക്ഷ സ്ഥാനാർഥി ആയിരുന്ന ലില്ലീസ് ഗഫൂർ, സഹോദരൻമാരായ അബ്ദുൽ ജലീൽ, ജംഷീദ്, അബ്ദുൽ സലാം, യാസർ കെ.പി തുടങ്ങിയവരാണ് പങ്കെടുത്തത്.

2016 ഇടത്പക്ഷ സർക്കാർ വന്നതിന് ശേഷം ധാരണയുണ്ടാക്കി ചെറിയ വിലക്ക് സ്ഥലം വാങ്ങി കൊള്ള വിലക്ക് സർക്കാറിന് മറിച്ച് വിറ്റ കൊടും അഴിമതിക്കാണ് കെ.ടി ജലീൽ നേതൃത്വം നൽകിയതെന്നും ഫിറോസ് ആരോപിച്ചു. ഭൂമി ഏറ്റെടുക്കലുമായി ബന്ധപ്പെട്ട് വിശുദ്ധനാണെന്ന് പറയുന്ന കെ.ടി ജലീലിന് ഇതിൻ്റെ നിജസ്ഥിതി പുറത്ത് കൊണ്ടുവരാൻ വിജിലൻസ് അന്വേഷണത്തിന് തയ്യാറുണ്ടോ എന്നും ഫിറോസ് ചോദിച്ചു. അടിസ്ഥാനരഹിതമായ കാര്യങ്ങൾ പറഞ്ഞ് ഈ വലിയ അഴിമതിയിൽ നിന്നും ഇനിയും രക്ഷപ്പെടാനാണ് കെ.ടി ജലീൽ ശ്രമിക്കുന്നതെങ്കിൽ അദ്ദേഹം നേരിട്ട് ഇടപാടിൽ പങ്കെടുത്തതിൻ്റെ തെളിവുകളിൽ വരും ദിവസങ്ങളിൽ പുറത്ത് വിടുമെന്നും ഫിറോസ് വ്യക്തമാക്കി.

സി.മമ്മൂട്ടി അഴിമതി സംബന്ധിച്ച് നൽകിയ പരാതിക്ക് മുഖ്യമന്ത്രി മറുപടി നൽകിയിട്ടുണ്ടെന്നും മുഖ്യമന്ത്രിയുടെ മറുപടിയിൽ മലയാളം സർവകലാശാലക്ക് ഭൂമി ഏറ്റെടുക്കുന്നതിൽ ക്രമക്കേടിനെ സംബന്ധിച്ച അപേക്ഷ പരിശോധിച്ച് റിപ്പോർട്ട് സമർപ്പിക്കുന്നതിനായി വിദ്യാഭ്യാസ മന്ത്രിക്ക് നൽകിയിട്ടുണ്ടെന്ന വിവരം സി.മമ്മൂട്ടിയെ അറിയിച്ചതായും ഫിറോസ് പറഞ്ഞു.

ന്യായമായ വിലക്കല്ല ഭൂമി കച്ചവടം നടന്നത് എന്നത് സീ മമ്മൂട്ടി നിയമസഭയിൽ നടത്തിയ പ്രസംഗത്തിൽ അദ്ദേഹം ആരോപിക്കുന്നുണ്ടെന്നും ഫിറോസ് മാധ്യമങ്ങളോട് പറഞ്ഞു. യുഡിഎഫ് കാലത്ത് ഇതിൽ എന്തെങ്കിലും ക്രമക്കേട് നടന്നിട്ടുണ്ടെങ്കിൽ വിജിലിൻസ് അന്വേഷണത്തിന് ഉത്തരവിടാൻ എന്തിനാണ് മടിക്കുന്നതെന്നും ഫിറോസ് ചോദിച്ചു.

സർക്കാറുമായുള്ള ഇടപാട് നടക്കുന്നതിൻ്റെ കുറച്ച് മുമ്പ് മാത്രമാണ് ഇവർ ചെറിയ വിലക്ക് ഭൂമി വാങ്ങിയത്. നിർമ്മാണം ഒരു തരത്തിലും നടക്കാൻ സാധ്യതയില്ലാത്ത കണ്ടൽക്കാടുകൾ തിങ്ങി നിറഞ്ഞ പരിസ്ഥിതി ദുർബല പ്രദേശമായ സ്ഥലം വാങ്ങിയതിൻ്റെ ഉത്തരവാദിത്തം ഉന്നത വിദ്യാഭ്യാസ വകുപ്പ് മന്ത്രിയായിരുന്ന കെ.ടി ജലീലിനാണ്. തൻ്റെ സ്വന്തക്കാരിൽ നിന്നും ഉപയോഗ ശൂന്യമായ ഭൂമി വാങ്ങിയത് വഴി കോടികളാണ് സർക്കാറിന് കെടി ജലീൽ നഷ്ടപ്പെടുത്തിയതെന്നും പി.കെ ഫിറോസ് കുറ്റപ്പെടുത്തി.

2019ൽ മുഖ്യമന്ത്രി ഓൺലൈനായി തറക്കില്ലിട്ടെങ്കിലും ആറ് വർഷമായിട്ടും ഒരു നിർമ്മാണ പ്രവൃത്തി പോലും തുടങ്ങാൻ സർക്കാറിന് കഴിഞ്ഞിട്ടില്ല, മാത്രവുമല്ല പുതിയ ഭൂമിയുടെ അന്വേഷണത്തിലാണ് സർക്കാറെന്നും ഫിറോസ് കൂട്ടിച്ചേർത്തു. ഈ ഭൂമി നിർമ്മാണ പ്രവൃത്തിക്ക് അനുയോജ്യമായതല്ലെന്ന് പ്രതിപക്ഷ ജനപ്രതിനിധികളും യുവജന സംഘടനകളും നിരന്തരം പറഞ്ഞിട്ടും അധികാരഗർവ്വ് കൊണ്ട് തള്ളിക്കളയുകയാണ് സർക്കാറും കെ.ടി ജലീലും ചെയ്തത്. ചെന്നൈ ഹരിത ട്രൈബ്യൂണൽ വരെ ഇത് സ്ഥീരീകരിച്ചതിനാൽ സർക്കാറിന് ഭൂമി ഏറ്റെടുക്കലുമായി ബന്ധപ്പെട്ട് ചെലവായ 17 കോടി 65 ലക്ഷം രൂപ കെ.ടി ജലീലിൽ നിന്നും ഈടാക്കണമെന്നും വരും ദിവസങ്ങളിൽ ഇതുമായി ബന്ധപ്പെട്ട കൂടുതൽ തെളിവുകൾ പുറത്ത് വിടുമെന്നും ഫിറോസ് വ്യക്തമാക്കി.