‘മംഗലാപുരത്തെ സ്വകാര്യ ആസ്പത്രിയില്‍ മരണവുമായി മല്ലിട്ടുകൊണ്ടിരിക്കുന്ന പാവപ്പെട്ട മനുഷ്യനുണ്ട്, കരിം മുസ്ലിയാര്‍. അദ്ദേഹം ഹര്‍ത്താല്‍ ദിനത്തില്‍ ഹര്‍ത്താല്‍ അനുകൂലികളുടെ ക്രൂരമായ വെട്ടും കുത്തുമൊക്കെ ഏറ്റ് ഇപ്പോഴും മംഗലാപുരം ആസ്പത്രിയില്‍ ബോധരഹിതനായി കഴിയുകയാണ്. മഞ്ചേശ്വരം കാസര്‍കോട് ഭാഗത്ത് ഹര്‍ത്താല്‍ അനുകൂലികള്‍ ചെയ്ത ക്രൂരത ഞാന്‍ പറയാതെ തന്നെ മുഖ്യമന്ത്രിക്ക് അറിയാമല്ലോ. അങ്ങേക്കെതിരെ ഒരു പെണ്‍കുട്ടിയെക്കൊണ്ട് മുദ്രാവാക്യം വിളിപ്പിച്ചത് ഞങ്ങളൊക്കെ ശക്തമായി എതിര്‍ത്തിരുന്നു. ഈ മൗലവിയുടെ ചികിത്സക്ക് ലക്ഷക്കണക്കിന് രൂപയുടെ ചിലവുണ്ട്. ഇത് അക്രമികളില്‍ നിന്ന് പിടിച്ചെടുത്ത് സര്‍ക്കാര്‍ കൊടുക്കുമോ അല്ലെങ്കില്‍ ചികിത്സാ ചിലവ് സര്‍ക്കാര്‍ ഏറ്റെടുക്കുമോ?’ എന്നായിരുന്നു നെല്ലിക്കുന്നതിന്റെ ചോദ്യം. ഇതിന് മുഖ്യമന്ത്രി മറുപടി നല്‍കുകയും ചെയ്തു.

കരിം മുസ്ലിയാരുമായി ബന്ധപ്പെട്ട സംഭവത്തിന്റെ വിശദാംശങ്ങള്‍ പരിശോധിച്ചശേഷം ആവശ്യമായ നടപടികള്‍ സ്വീകരിക്കുമെന്ന് മുഖ്യമന്ത്രി സഭയില്‍ ഉറപ്പു നല്‍കി. കാസര്‍കോട് മഞ്ചേശ്വരം മേഖലയില്‍ സമാധാന അന്തരീക്ഷം തകര്‍ക്കാനുള്ള ബോധപൂര്‍വ്വമായ ശ്രമങ്ങള്‍ നടക്കുന്നത് ശ്രദ്ധയില്‍പ്പെട്ടുണ്ട്. പൊലീസ് അതീവ ജാഗ്രതയോടെയാണ് ഇതിനെ കാണുന്നതെന്നും മുഖ്യമന്ത്രി പറഞ്ഞു.

ബായാര്‍ പള്ളിയിലെ ഇമാമാണ് കരീം മുസ്ലിയാര്‍. ഹര്‍ത്താല്‍ ദിനത്തില്‍ ബൈക്കില്‍ സഞ്ചരിക്കുമ്പോള്‍ അദ്ദേഹത്തെ ആര്‍.എസ്.എസുകാര്‍ അടിച്ച് താഴെയിടുകയിരുന്നു. തുടര്‍ന്ന് ഇരുമ്പു ദണ്ടുകളും വടികളും ഉപയോഗിച്ച് ക്രൂരമായി ആക്രമിക്കുകയും ചെയ്തു. അദ്ദേഹം ബോധരഹിതനായതോടെയാണ് അക്രമിസംഘം പിന്‍വാങ്ങുകയായിരുന്നു. ഏറെ നേരം റോഡില്‍ കിടന്ന മുസ്ലിയാരെ നാട്ടുകാര്‍ എത്തിയാണ് ആസ്പത്രിയിലെത്തിച്ചത്. ആക്രമണത്തില്‍ തലക്കും നെഞ്ചിനും ഗുരുതരമായി പരുക്കേറ്റ കരിം മുസ്ലിയാര്‍ മംഗലാപുരം യൂണിറ്റി ആസ്പത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണിപ്പോള്‍.

ഹര്‍ത്താലുമായി കോഴിക്കോട് മിഠായി തെരുവില്‍ നടന്ന അക്രമ സംഭവങ്ങളില്‍ എന്ത് നടപടിയെടുത്തുവെന്ന് എം.കെ മുനീര്‍ എം.എല്‍.എ ചോദിച്ചു. ‘വളരെ മതസൗഹാര്‍ദ്ദപരമായി നില്‍ക്കുന്ന ഒരിടമാണ് മിഠായി തെരുവ്. അതില്‍ വിഷം കലര്‍ത്തുന്ന രീതിയില്‍ വലിയൊരു ആക്രമണമുണ്ടായി. വലിയ നാശനഷ്ടങ്ങളുമുണ്ടായിട്ടുണ്ട്. അതില്‍ എത്ര പ്രതികളെ പിടിച്ചു? സാധാരണ അങ്ങനെ അക്രമിക്കുന്നവരില്‍ നിന്നും നാശനഷ്ടത്തിനുള്ള പണം ഈടാക്കാറുണ്ട്. വ്യാപാരികള്‍ക്കുണ്ടായ നഷ്ടം ഈ അക്രമികളില്‍ നിന്ന് ഈടാക്കാനുള്ള നടപടിയെടുത്തിട്ടുണ്ടോ?’ എന്നായിരുന്നു മുനീറിന്റെ ചോദ്യം.

കേസുമായി ബന്ധപ്പെട്ട വിശദാംശങ്ങള്‍ ഇപ്പോള്‍ തന്റെ കൈവശം ഇല്ലെന്നും അക്രമികള്‍ക്കെതിരെ പൊലീസ് ശക്തമായ നടപടികള്‍ കൈക്കൊള്ളുമെന്നും മുഖ്യമന്ത്രി അറിയിച്ചു.

പുതിയതായി സര്‍വീസ് ആരംഭിച്ച കൊച്ചുവേളി- മംഗളൂരു അന്ത്യോദയ എക്സ്പ്രസിന് കാസര്‍കോട്ട് സ്റ്റോപ്പ് അനുവദിക്കാത്തതില്‍ പ്രതിഷേധിച്ച് നേരത്തെ ജില്ലാ യൂത്ത് ലീഗ് കമ്മിറ്റിയുടെ നേതൃത്വത്തില്‍ ട്രെയിന്‍ തടയല്‍ സമരം നടന്നിരുന്നു. കാസര്‍കോട് റെയില്‍വെ സ്റ്റേഷനില്‍ കഴിഞ്ഞ വെള്ളിയാഴ്ച രാവിലെയാണ് ട്രെയിന്‍ തടഞ്ഞത്. തിരുവനന്തപുരത്ത് നിന്നും കാസര്‍കോട്ടേക്ക് വരികയായിരുന്ന എന്‍.എ നെല്ലിക്കുന്ന് എം.എല്‍.എ ചങ്ങല വലിച്ച് ട്രെയിന്‍ നിര്‍ത്തുകയായിരുന്നു. ഈ സമയം മുസ്ലിം ലീഗ് പ്രവത്തകര്‍ ട്രാക്കിലേക്ക് ഇരച്ചുകയറുകയും ട്രെയിന്‍ തടയുകയുമായിരുന്നു.

എന്‍.എ നെല്ലിക്കുന്ന് എം.എല്‍.എ, പി.ബി അബ്ദുല്‍ റസാഖ് എം.എല്‍.എ, മുസ്ലിം ലീഗ് ജില്ലാ ജനറല്‍ സെക്രട്ടറി എ.എ അബ്ദുല്‍ റഹ്മാന്‍, യൂത്ത് ലീഗ് ജില്ലാ പ്രസിഡണ്ട് അഷ്റഫ് എടനീര്‍, ജനറല്‍ സെക്രട്ടറി ടി.ഡി കബീര്‍, അബ്ദുല്ലക്കുഞ്ഞി ചെര്‍ക്കള, മാഹിന്‍ കേളോട്ട്, എ.എ ജലീല്‍, എ.എം കടവത്ത് എന്നിവരുടെ നേതൃത്വത്തിലാണ് ട്രെയിന്‍ തടഞ്ഞത്.

സ്റ്റോപ്പ് അനുവദിക്കണമെന്ന പൊതുജവ ആവശ്യം ഉയര്‍ത്തി ഡി.വൈ.എഫ്.ഐ, യൂത്ത്കോണ്‍ഗ്രസ് അടക്കമുള്ളവരും സമരം നടത്തിയിരുന്നു.

സമരക്കാര്‍ രാജ്യസഭാ എം.പി വി.മുരളീധരന് നിവേദനവും നല്‍കിയിരുന്നു. തുടര്‍ന്നാണ് താത്കാലികായി സ്റ്റോപ്പ് അനുവദിച്ച് കൊണ്ട് റെയില്‍വേ മന്ത്രി പീയൂഷ് ഗോയല്‍ ഉത്തരവിറക്കിയത്.

എന്‍.എ നെല്ലിക്കുന്ന് എം.എല്‍.എ, പി.ബി അബ്ദുല്‍ റസാഖ് എം.എല്‍.എ, മുസ്ലിം ലീഗ് ജില്ലാ ജനറല്‍ സെക്രട്ടറി എ.എ അബ്ദുല്‍ റഹ്മാന്‍, യൂത്ത് ലീഗ് ജില്ലാ പ്രസിഡണ്ട് അഷ്‌റഫ് എടനീര്‍, ജനറല്‍ സെക്രട്ടറി ടി.ഡി കബീര്‍, അബ്ദുല്ലക്കുഞ്ഞി ചെര്‍ക്കള, മാഹിന്‍ കേളോട്ട്, എ.എ ജലീല്‍, എ.എം കടവത്ത് എന്നിവരുടെ നേതൃത്വത്തിലാണ് ട്രെയിന്‍ തടഞ്ഞത്.

അടുത്തിടെ ബോംബൈയില്‍ പോയ തനിക്ക് അവിടുത്തെ കള്ളന്‍മാരെല്ലാം കേരളത്തിലേക്ക് പോയെന്ന് മനസിലാക്കാനായി. കാരണം ചോദിച്ചപ്പോള്‍ കേരളം ഭരിക്കുന്നത് പിണറായി വിജയന്‍ ആണെന്നാണ് മറുപടി കിട്ടിയത്. കേരളം കളളന്‍മാരുടെയും കൊള്ളക്കാരുടെയും കൊലയാളികളുടെയും മോഷ്ടാക്കളുടെയും താവളമായി മാറി. സംസ്ഥാനത്ത് സ്ത്രീകള്‍ വ്യാപകമായി പീഡിപ്പിക്കപ്പെടുന്നു. കുട്ടികള്‍ക്ക് പോലും രക്ഷയില്ല. ഇത്രയുമായിട്ടും സര്‍ക്കാര്‍ നിസംഗമായി നോക്കിയിരിക്കുകയാണ്. ദൈവത്തിന്റെ സ്വന്തം നാടിനെ ദൈവത്തെ ഏല്‍പ്പിച്ച് സ്ഥലം വിടേണ്ട അവസ്ഥയാണ്. രാജ്യത്തെ നഗരങ്ങളില്‍ കുറ്റകൃത്യങ്ങളില്‍ രണ്ടാം സ്ഥാനം കൊച്ചിക്കാണ്. സംസ്ഥാനത്ത് കഴിഞ്ഞ വര്‍ഷം ഏഴു ലക്ഷത്തോളം കേസുകളാണ് റജിസ്റ്റര്‍ ചെയ്തത്. മുന്‍ വര്‍ഷത്തെ അപേക്ഷിച്ച് അമ്പത്തിമൂന്നായിരത്തിലേറെ കേസുകളുടെ വര്‍ധനയാണ് ഉണ്ടായതെന്ന് അദ്ദേഹം ചൂണ്ടിക്കാട്ടി.

വീട്ടമ്മമാരുടെ തുടര്‍ച്ചയായുള്ള കൊലപാതകത്തില്‍ കാസര്‍കോട്ടുകാര്‍ പരിഭ്രാന്തിയിലായിരിക്കുമ്പോള്‍ മുഖ്യമന്ത്രി അതിനെ നിസാരവല്‍ക്കരിക്കുകയാണ്. കാസര്‍കോട് ദേവകിയമ്മയെ കൊന്ന കേസിലെ പ്രതികളെ ഒരു വര്‍ഷമായിട്ടും പിടികൂടിയില്ല. ചീമേനിയിലെ അധ്യാപികയെ കൊന്നവരെ കണ്ടെത്താന്‍ പൊലീസ് സ്ത്രീകളുടെ യോഗം വിളിച്ചു ചേര്‍ക്കുന്നത് അപഹാസ്യമാണ്. ഇങ്ങനെയാണോ പൊലീസ് കേസ് അന്വേഷിക്കുന്നത്. ചെമ്പരിക്ക ഖാസികളുടെ വധത്തിന് ഉത്തരവാദികളായവരെ ഇതേവരെ കണ്ടെത്താന്‍ പിണറായിയുടെ പൊലീസിന് കഴിഞ്ഞില്ലെന്നും നെല്ലിക്കുന്ന് പറഞ്ഞു.

കൊച്ചിയില്‍ ജനക്കൂട്ടം നോക്കിനില്‍ക്കെയാണ് സ്ത്രീകള്‍ മാനസികവൈകല്യമുള്ള വീട്ടമ്മയെ മര്‍ദിച്ചത്. പെരിന്തല്‍മണ്ണയില്‍ മുസ്‌ലിംലീഗ് ഓഫീസിന് നേരെ ആക്രമണം നടത്തിയ കേസിലെ പ്രതികളെ ഇതുവരെ അറസ്റ്റ് ചെയ്തിട്ടില്ല. ഇവിടെ ഭരണമില്ല എന്ന തോന്നല്‍ കൊണ്ടാണ് ഇത്തരം സംഭവങ്ങള്‍ നടക്കുന്നത്. ഇത്രയും സംഭവം ഉണ്ടായിട്ടും ഇന്ത്യാ ടുഡേ കാണിച്ചിട്ട് സര്‍ക്കാര്‍ പറയുകയാണ് സംസ്ഥാനത്ത് ക്രമസമാധനപ്രശ്‌നമില്ലെന്ന്. കേസ് റജിസ്റ്റര്‍ ചെയ്താല്‍ മാത്രം പോര കുറ്റവാളികളെ പിടികൂടുകയും ചെയ്യണം.

ഡി.ജി.പിയെക്കാള്‍ മുകളില്‍ ഇപ്പോള്‍ സി.പി.എം ഏരിയാ സെക്രട്ടറിമാരാണ്. പൊലീസ് സ്റ്റേഷനില്‍ നിന്നും സി.എച്ചിന്റെ കാലത്ത് മാറ്റിയ ഏരിയാ സെക്രട്ടറിയുടെ കസേര തിരിച്ചെത്തിയിരിക്കുകയാണെന്നും അദ്ദേഹം പറഞ്ഞു. കണ്ണൂരില്‍ വളരെ ലാഘവത്തോടെ രാഷ്ട്രീയ എതിരാളികളെ കൊല്ലുന്ന സി.പി.എം സമീപനമാണ് പിണറായി വിജയന്‍ ഭരണത്തില്‍ സ്വീകരിച്ചിരിക്കുന്നതെന്നും മുഖ്യമന്ത്രി ശൈലിയില്‍ മാറ്റം വരുത്തണമെന്നും നെല്ലിക്കുന്ന് നിര്‍ദേശിച്ചു.