വാര്‍ഷിക പൊതുയോഗത്തില്‍ വിവിധ പ്രമേയങ്ങള്‍ക്കൊപ്പം ശരത് കുമാറിനെയും രാധാരവിയെയും സംഘടനയില്‍ നിന്ന് പുറത്താക്കണമെന്ന പ്രമേയവും അവതരിപ്പിക്കുകയായിരുന്നു. ബഹളത്തിനിടെ ഇതും അംഗീകരിച്ചതായി പ്രഖ്യാപിച്ചു. ഇതോടെ ശരത്കുമാര്‍ വിഭാഗം അക്രമം അഴിച്ചുവിടുകയായിരുന്നു. വിക്രം, വിജയ് സേതുപതി, ശിവ കാര്‍ത്തികേയന്‍ തുടങ്ങി അഞ്ഞൂറിലധികം പേര്‍ യോഗത്തില്‍ പങ്കെടുത്തിരുന്നു. കമല്‍ഹാസന്‍ യോഗത്തിനെത്തിയില്ലെങ്കിലും വീഡിയോ കോണ്‍ഫറന്‍സ് വഴി യോഗത്തെ അഭിസംബോധന ചെയ്തു.