60 അംഗ നിയമസഭയില്‍ 27 അംഗങ്ങളുടെ പിന്തുണയുള്ള നാഗാലാന്റ് പീപ്പിള്‍സ് ഫ്രണ്ട് (എന്‍.പി.എഫ്) ആണ് ഏറ്റവും വലിയ ഒറ്റകക്ഷി. റിയോയുടെ നേതൃത്വത്തിലുള്ള എന്‍.ഡി.പി.പി.ക്ക് 18 അംഗങ്ങളാണുള്ളത്. അതേസമയം സഖ്യ കക്ഷിയായ ബി.ജെ.പിക്ക് 12 സീറ്റുണ്ട്. ഇതോടെ എന്‍.ഡി.പി.പി-ബി.ജെ.പി സഖ്യത്തിന് 30 അംഗങ്ങളുടെ പിന്‍ബലമായി. ജെ.ഡി.യുവിന്റെ ഏക അംഗം ജി കെയ്‌തോ സ്വതന്ത്ര അംഗം തോങ്പാങ് ഒസുകും എന്നിവര്‍ സഖ്യത്തിന് പിന്തുണ അറിയിച്ചിട്ടുണ്ടെന്നും ഇതോടെ 32 പേരുടെ പിന്തുണ തങ്ങള്‍ക്കുണ്ടെന്നും എന്‍.ഡി.പി.പി ജനറല്‍ സെക്ര്ട്ടറി അബു മേത്ത അവകാശപ്പെട്ടു.
എന്‍.ഡി.പി.പി പ്രസിഡണ്ട് ചെയ്ങ വാങ് കോയന്‍ക്, ബി.ജെ.പി സംസ്ഥാന പ്രസിഡണ്ട് വിസസോളി ലോങ്കു എന്നിവര്‍ക്കൊപ്പം ജെ.ഡി.യു, സ്വതന്ത്ര അംഗങ്ങളെയും കൂട്ടിയാണ് നെയ്ഫ്യൂ റിയോ ഗവര്‍ണറെ കണ്ടത്.

എന്നാല്‍ തെരഞ്ഞെടുപ്പ് നടന്ന മൂന്നും 60 നിയമസഭാ മണ്ഡലങ്ങള്‍ വീതം മാത്രമുള്ള ചെറിയ സംസ്ഥാനങ്ങളാണ്. ചെറിയൊരു ഓളം സൃഷ്ടിക്കാമെന്നതിനപ്പുറം 2019ലെ പൊതുതെരഞ്ഞെടുപ്പിനെ സ്വാധീനിക്കാനുള്ള ശക്തി ഈ സംസ്ഥാനങ്ങള്‍ക്കില്ല.

ഗുജറാത്ത് നിയമസഭാ തെരഞ്ഞെടുപ്പില്‍ കാഴ്ച വെച്ച ശക്തമായ മുന്നേറ്റത്തോടെ രാഹുല്‍ ഗാന്ധിക്കു കീഴില്‍ കോണ്‍ഗ്രസ് തിരിച്ചുവരവിന്റെ പ്രതീതി സൃഷ്ടിച്ചിരുന്നു. ഇത് ശരിവെക്കുന്നതായിരുന്നു ബി.ജെ.പി ഭരിക്കുന്ന സംസ്ഥാനങ്ങളായ മധ്യപ്രദേശിലെയും രാജസ്ഥാനിലെയും ലോക്‌സഭാ, നിയമസഭാ സീറ്റുകളിലേക്ക് നടന്ന ഉപതെരഞ്ഞെടുപ്പു ഫലങ്ങള്‍. കനത്ത തോല്‍വിയാണ് ഇവിടെ ബി.ജെ.പിയെ കാത്തിരുന്നത്. ഇതിനിടെ ലഭിച്ച വിജയം എന്ന നിലയിലാണ് ത്രിപുര, നാഗാലാന്റ്, മേഘാലയ ഫലങ്ങള്‍ ബി.ജെ.പിക്ക് ആശ്വാസം പകരുന്നത്.

ഇതില്‍ തന്നെ നാഗാലാന്റില്‍ നിലവില്‍ ബി.ജെ.പി ഉള്‍പ്പെടുന്ന നാഗാലാന്റ് പീപ്പിള്‍സ് ഫ്രണ്ടിന്റെ(എന്‍.പി.എഫ്) നേതൃത്വത്തിലുള്ള എന്‍.ഡി.എ സഖ്യമാണ് ഭരണത്തിലുള്ളത്. എന്‍.പി.എഫുമായി തെറ്റിപ്പിരിഞ്ഞ് മുന്‍ മുഖ്യമന്ത്രി ടി.ആര്‍ സെലിയാങ് രൂപീകരിച്ച എന്‍.ഡി.പി.പിയെ കൂട്ടുപിടിച്ചാണ് ബി.ജെ.പി തെരഞ്ഞെടുപ്പിനെ നേരിട്ടത്. തനിച്ചു മത്സരിച്ച എന്‍.പി.എഫ് 27 സീറ്റ് നേടിയപ്പോള്‍ ബി.ജെ.പിയും എന്‍.ഡി.പി.പിയും ചേര്‍ന്ന് നേടിയതും 27 സീറ്റാണ്. ചെറു കക്ഷികളെ കൂട്ടുപിടിച്ച് എന്‍.പി.എഫ് സര്‍ക്കാര്‍ രൂപീകരിച്ചാല്‍ ഫലത്തില്‍ നാഗാലാന്റില്‍ ബി.ജെ.പി പ്രതിപക്ഷത്തിരിക്കേണ്ടി വരും.

മേഘാലയയില്‍ ശക്തമായ വെല്ലുവിളി നേരിട്ടെങ്കിലും ഏറ്റവും വലിയ ഒറ്റകക്ഷിയാകാന്‍ കഴിഞ്ഞത് കോണ്‍ഗ്രസിന് ആത്മവിശ്വാസം നല്‍കുന്നതാണ്. മുകുള്‍ സാങ്മയില്‍ ഹിമാലയന്‍ ജനത ഒരിക്കല്‍കൂടി വിശ്വാസമര്‍പ്പിച്ചതിന്റെ തെളിവാണ് തെരഞ്ഞെടുപ്പ് ഫലം. എന്നാല്‍ മറ്റു കക്ഷികളുടേയും സ്വതന്ത്രരുടേയും പിന്തുണ ഉറപ്പാക്കി സര്‍ക്കാര്‍ രൂപീകരിക്കാന്‍ കഴിഞ്ഞെങ്കില്‍ മാത്രമേ കോണ്‍ഗ്രസിന് ഇതിന്റെ നേട്ടം സ്വന്തമാക്കാനാകൂ.

പാര്‍ട്ടി ഭരണത്തിലുള്ള സംസ്ഥാനങ്ങളുടെ എണ്ണം ഉയര്‍ത്താന്‍ കഴിഞ്ഞുവെന്നതില്‍ ബി.ജെ.പിക്ക് സന്തോഷിക്കാന്‍ വകയുണ്ട്. കോണ്‍ഗ്രസ് മുക്ത ഭാരതത്തിലേക്കുള്ള ചവിട്ടുപടി എന്നാണ് തെരഞ്ഞെടുപ്പ് ഫലത്തെ കേന്ദ്രമന്ത്രി രവിശങ്കര്‍ പ്രസാദ് വിശേഷിപ്പിച്ചത്. നാലു സംസ്ഥാനങ്ങളില്‍ മാത്രമാണ് നിലവില്‍ കോണ്‍ഗ്രസ് അധികാരത്തിലുള്ളത്. ബി.ജെ.പി 20ലധികം സംസ്ഥാനങ്ങളിലും. എന്നാല്‍ ഈ വര്‍ഷം നടക്കാനിരിക്കുന്ന ശേഷിക്കുന്ന നിയമസഭാ തെരഞ്ഞെടുപ്പുകള്‍ കൂടി പൂര്‍ത്തിയായാലേ ഇക്കാര്യത്തില്‍ ബി.ജെ.പിക്കും സന്തോഷത്തിന് വകയുള്ളൂ.

കര്‍ണാടകയില്‍ 2018 പകുതിയോടെ തെരഞ്ഞെടുപ്പ് നടക്കും. ഇപ്പോള്‍ ഫലം പുറത്തുവന്ന മൂന്നു സംസ്ഥാനങ്ങളിലെയും മൊത്തം നിയമസഭാ മണ്ഡലങ്ങള്‍ കൂട്ടിയാല്‍ 180 സീറ്റേ ആകുന്നുള്ളൂ. എന്നാല്‍ കര്‍ണാടകയില്‍ മാത്രം 244 സീറ്റുണ്ട്. ഇവിടെ തെരഞ്ഞെടുപ്പ് പ്രചാരണങ്ങള്‍ക്ക് ഇരു പക്ഷവും മൂര്‍ച്ച കൂട്ടിക്കഴിഞ്ഞു. 2018 അവസാനത്തോടെ മധ്യപ്രദേശിലും രാജസ്ഥാനിലും തെരഞ്ഞെടുപ്പ് നടക്കുന്നുണ്ട്. രണ്ടും ബി.ജെ.പി ഭരിക്കുന്ന സംസ്ഥാനങ്ങളാണ്. നവംബര്‍-ഡിസംബര്‍ മാസങ്ങളിലായിരിക്കും ഇവിടെ തെരഞ്ഞെടുപ്പ്. മധ്യപ്രദേശില്‍ 230ഉം രാജസ്ഥാനില്‍ 200ഉം നിയമസഭാ സീറ്റുകളുണ്ട്. രണ്ടും ബി.ജെ.പി ഭരിക്കുന്ന സംസ്ഥാനങ്ങളാണ്. അടുത്തിടെ നടന്ന ഉപതെരഞ്ഞെടുപ്പുകളില്‍ അതിദയനീയ തോല്‍വിയാണ് രണ്ട് സംസ്ഥാനങ്ങളിലും ബി.ജെ.പി നേരിട്ടത്. അതുകൊണ്ടുതന്നെ ഈ സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫലം എന്താവുമെന്നത് നിര്‍ണായകമാണ്.

രാജസ്ഥാന്‍, മധ്യപ്രദേശ് നിയസമഭാ തെരഞ്ഞെടുപ്പുകള്‍ക്കൊപ്പം ലോക്‌സഭയിലേക്കുള്ള പൊതുതെരഞ്ഞെടുപ്പ് കൂടി നടത്താന്‍ ബി.ജെ.പി ശ്രമിക്കുന്നതായി വാര്‍ത്തകള്‍ പുറത്തുവരുന്നുണ്ട്. എന്നാല്‍ അടിസ്ഥാന സൗകര്യങ്ങളിലെ പരിമിതി ചൂണ്ടിക്കാട്ടി തെരഞ്ഞെടുപ്പ് കമ്മീഷന്‍ ഇതിനോട് യോജിച്ചിട്ടില്ല. നിയമസഭാ തെരഞ്ഞെടുപ്പില്‍ തിരിച്ചടി നേരിട്ടാല്‍ തൊട്ടു പിന്നാലെ വരുന്ന പൊതുതെരഞ്ഞെടുപ്പിനെയും അത് ബാധിക്കുമെന്ന തിരിച്ചറിവാണ് തെരഞ്ഞെടുപ്പ് നേരത്തെയാക്കാന്‍ കേന്ദ്ര സര്‍ക്കാറിനെ പ്രേരിപ്പിക്കുന്നത്.

Visuals from inside a counting centre in Agartala #TripuraElection2018 pic.twitter.com/bl6vg5nErc

— ANI (@ANI) March 3, 2018

പോസ്റ്റല്‍ ബാലറ്റ് വോട്ടുകള്‍ എണ്ണിതുടങ്ങിയപ്പോള്‍ മൂന്ന് സംസ്ഥാനങ്ങളിലും വ്യത്യസ്തമായ തരംഗമാണ് കാണുന്നത്.
വോട്ടെണ്ണല്‍ പുരോഗമിക്കുമ്പോള്‍ മാണിക് സര്‍ക്കാറിന്റെ സി.പി.എം സംസ്ഥാനമായ ത്രിപുരയിലേക്കാണാണ് രാഷ്ട്രീയ നിരീക്ഷകര്‍ ഉറ്റുനോക്കുന്നത്. എക്‌സിറ്റ് പോള്‍ ഫലങ്ങളെ തള്ളി ത്രിപുരയില്‍ മാണിക് സര്‍ക്കാര്‍ പിടിച്ചുനില്‍ക്കുന്ന കാഴ്ചയാണ് കാണുന്നത്. എന്നാല്‍ കമ്മ്യൂണിസ്റ്റ് സര്‍ക്കാറിനെ വെല്ലുവിളിച്ച് കടുത്ത പോരാട്ടമാണ് സംസ്ഥാനത്ത് ഫലത്തില്‍ ബിജെപി നടത്തുന്നത്. പോസ്റ്റല്‍ ബാലറ്റുകള്‍ എണ്ണി തീരുമ്പോള്‍ ആകെയുള്ള 59 സീറ്റില്‍ 25 നെതിരെ 31 ഇടത്താണ് ബി.ജെ.പി സഖ്യം മുന്നേറുന്നത്. അതേസമയം ത്രിപുരയില്‍ കോണ്‍ഗ്രസിന് സീറ്റൊന്നുമില്ലാത്ത നിലയാണ്‌.

#WATCH: Huge crowd at Shillong Polo ground where people can see counting trends through a projector #MeghalayaElection2018 pic.twitter.com/iBHVpy2pvl

— ANI (@ANI) March 3, 2018

അതേസമയം മേഘാലയയില്‍ ഭരണം നിലനിര്‍ത്താന്‍ കോണ്‍ഗ്രസിനാകുമോ എന്നാണ് വോട്ടെണ്ണല്‍ കേന്ദ്രത്തില്‍ നിന്നും വരുന്ന വിവരങ്ങളില്‍ നോക്കുന്നത്. എന്നാല്‍ മോദി നേതൃത്വം ഇത്തവണയുണ്ടാക്കിയ രാഷ്ട്രീയ സഖ്യങ്ങള്‍ ബി.ജെ.പി തിരിച്ചടിയായന്നാണ് റിപ്പോര്‍ട്ട്. ആകെയുള്ള 59 സീറ്റില്‍ 23 എണ്ണത്തില്‍ കോണ്‍ഗ്രസ് മുന്നേറുമ്പോള്‍ 14 ഇടത്ത് എന്‍.പി.പി മുന്നേറുന്ന കാഴ്ചയാണ് കാണുന്നത്. ബിജെപി 5 സീറ്റില്‍ മുന്നേറി മൂന്നാം സ്ഥാനത്താണ്.

Seeing the earlier trends:, I feel that in Tripura BJP is going to do very well In Nagaland too, our alliance is doing very well and Congress is trailing in Meghalaya. The three results of North East are going to be very good for BJP: Ram Madhav, BJP pic.twitter.com/66V7BPCXDn

— ANI (@ANI) March 3, 2018

ഇലക്ഷന്‍ കമ്മീഷന്‍ പുറത്തു വിടുന്ന റിസല്‍റ്റ് കാണാം…

http://eciresults.nic.in/

കടുത്ത പോരാട്ടം നടന്ന നാഗാലാന്റില്‍ 75 ശതമാനം പോളിങ് രേഖപ്പെടുത്തി. സംസ്ഥാനത്തെ ഉയര്‍ന്ന പോളിങ് ശതമാനമാണിത്. മേഘാലയയിലും റെക്കോര്‍ഡ് പോളിങാണ് രേഖപ്പെടുത്തിയത്. 67 ശതമാനത്തിന് മുകളിലാണ് മേഘാലയയിലെ പോളിങ്. ഇരു സംസ്ഥാനത്തെയും പോളിങ് ശതമാനം ഇനിയും ഉയരാന്‍ സാധ്യതയുണ്ടെന്ന് തെരഞ്ഞെടുപ്പ് കമ്മീഷന്‍ വക്താക്കള്‍ അറിയിച്ചു.

60 മണ്ഡലങ്ങളിയായി ഇരു സംസ്ഥാനത്തും 59 സീറ്റുകളിലേക്കാണ് തെരഞ്ഞെടുപ്പ്. മേഘാലയയിലും നാഗാലാന്‍ഡിലും വാശിയേറിയ മത്സരമാണ് ഇത്തവണ നടക്കുന്നത്. മേഘാലയയില്‍ കഴിഞ്ഞ 15 വര്‍ഷമായി ഭരണത്തിലിരിക്കുന്ന കോണ്‍ഗ്രസിന് ശക്തമായ വെല്ലുവിളിയുയര്‍ത്തുകയാണ് ബിജെപിയും ഗോത്ര വര്‍ഗ പാര്‍ട്ടികളുടെ സഖ്യവും. മേഘാലയയില്‍ മത്സര രംഗത്തുള്ള 370 സ്ഥാനാര്‍ത്ഥികളുടെ വിധി നിര്‍ണയിക്കുക 18.4 ലക്ഷം വോട്ടര്‍മാരാണ്. ക്രൈസ്തവ വോട്ടര്‍മാരുടെ സാന്നിധ്യം കൂടുതലുള്ളതിനാല്‍ ഇവരുടെ പിന്തുണലക്ഷ്യമിട്ടായിരുന്നു ബിജെപിയുടേയും കോണ്‍ഗ്രസിന്റേയും പ്രചാരണം.

കേരളത്തില്‍ നിന്ന് ഉമ്മന്‍ ചാണ്ടി അടക്കമുള്ള നേതാക്കളെ ഇതിനായി കോണ്‍ഗ്രസ് രംഗത്തിറക്കിയപ്പോള്‍ ബിജെപി പ്രചാരണത്തിന്റെ ചുമതല കേന്ദ്രമന്ത്രി അല്‍ഫോണ്‍സ് കണ്ണന്താനത്തിനായിരുന്നു. മേഘാലയയിലും നാഗാലാന്‍ഡിലും സ്വാധീനമുണ്ടാക്കാനുള്ള ശ്രമത്തിലാണ് ബിജെപി. ഫലപ്രഖ്യാപനം മാര്‍ച്ച് മൂന്നിനാണ്.

നാഗാലാന്റില്‍ 59 സീറ്റുകളിലേക്കാണ് തെരഞ്ഞെടുപ്പ് നടക്കുന്നത്. രാവിലെ ഏഴിനാണ് വോട്ടെടുപ്പ് ആരംഭിച്ചത്. എന്നാല്‍ ചിലയിടങ്ങളില്‍ വോട്ടിംങ് മെഷീനുകള്‍ തകരാറിലായതിനാല്‍ വോട്ടെടുപ്പ് വൈകിയിരുന്നു.

We expect that polling will finish smoothly & we will get absolute majority as per voice of the people. We hope peace will prevail in the state & we will move for Naga political solution: Nagaland CM TR Zeliang #NagalandElection2018 pic.twitter.com/SssyvKQP3J

— ANI (@ANI) February 27, 2018

അതേസമയം ഒറ്റപ്പെട്ട ഈ അക്രമം ഒഴിച്ചു നിര്‍ത്തിയാല്‍ തെരഞ്ഞെടുപ്പ് സമാധാനപരമായാണ് പുരോഗമിക്കുന്നത്. 60 നിയമസഭാ സീറ്റുകളാണ് ഇരു സംസ്ഥാനങ്ങളിലും ഉള്ളത്. ഇതില്‍ 59 വീതം സീറ്റുകളിലാണ് ഇന്ന് വോട്ടെടുപ്പ് നടക്കുന്നത്. എന്‍.സി.പി സ്ഥാനാര്‍ത്ഥി ജൊനാഥന്‍ എന്‍ സാങ്മയെ നക്‌സലുകള്‍ കൊലപ്പെടുത്തിയതിനെതുടര്‍ന്നാണ് മേഘാലയയിലെ വില്ല്യംനഗര്‍ മണ്ഡലത്തില്‍ വോട്ടെടുപ്പ് മാറ്റിവെച്ചത്.

നാഗാലാന്റില്‍ ഉത്തര അംഗാമി രണ്ട് മണ്ഡലത്തില്‍ എന്‍.ഡി.പി.പി പ്രതിനിധിയും മുന്‍ മുഖ്യമന്ത്രിയുമായ നെപ്യൂ റിയോ എതിരില്ലാതെ തെരഞ്ഞെടുക്കപ്പെട്ടിരുന്നു. ക്രൈസ്തവ ഭൂരിപക്ഷ സംസ്ഥാനങ്ങളില്‍ കേന്ദ്ര സര്‍ക്കാറിന്റെ ന്യൂനപക്ഷ വിരുദ്ധ നിലപാടുകളാണ് ബി.ജെ.പിക്ക് വെല്ലുവിളിയാകുന്നത്. നാഗാലാന്റില്‍ എന്‍.പി.എഫിനെതിരായ ഭരണവിരുദ്ധ വികാരം മുതലെടുക്കാന്‍ കഴിയുമെന്ന പ്രതീക്ഷയിലാണ് ബി.ജെ.പി. മേഘാലയയില്‍ കോണ്‍ഗ്രസ് തന്നെ അധികാരത്തില്‍ തിരിച്ചെത്തുമെന്നാണ് കണക്കുകൂട്ടല്‍.
ത്രിപുര നിയമസഭാ വോട്ടെടുപ്പ് ഫെബ്രവുരി 18ന് പൂര്‍ത്തിയായിരുന്നു. മാര്‍ച്ച് മൂന്നിനാണ് മൂന്ന് സംസ്ഥാനങ്ങളിലേയും വോട്ടെണ്ണല്‍.

ഇതാദ്യമായാണ് ബാപ്റ്റിസ്റ്റ് കൗണ്‍സില്‍ ബി.ജെ.പിക്കെതിരെ പരസ്യമായി രംഗത്തെത്തുന്നത്.
ഹിന്ദുത്വ ശക്തികളുടെ നീക്കങ്ങളെ കാണാതിരിക്കാനാവില്ല. ആര്‍.എസ്.എസ് പിന്തുണയോടെ ബി.ജെ.പി അധികാരത്തില്‍ എത്തിയ ശേഷം ന്യൂനപക്ഷങ്ങള്‍ നേരിടുന്നത് കൊടിയ പീഡനമാണ്. ക്രിസ്തുവില്‍ വിശ്വാസം അര്‍പ്പിച്ചിട്ടുള്ള സഭാ വിശ്വാസികള്‍ പണത്തിനോ വികസനത്തിനോ വേണ്ടി ക്രൈസ്തവ മൂല്യങ്ങള്‍ അടിയറ വെക്കരുതെന്നും ബാപ്റ്റിസ്റ്റ് കൗണ്‍സില്‍ പുറത്തിറക്കിയ കത്തില്‍ ആഹ്വാനം ചെയ്യുന്നു.

രാഷ്ട്രീയ താല്‍പര്യങ്ങളുടെ പുറത്തല്ല ഇത്തരമൊരു നിലപാട് സ്വീകരിക്കുന്നതെന്ന് സഭാ നേതൃത്വം പിന്നീട് പ്രതികരിച്ചു. അസമില്‍ അടുത്തിടെ നടന്ന ആര്‍.എസ്.എസ് സമ്മേളനം ഉന്നമിടുന്നത് വടക്കുകിഴക്കന്‍ ഇന്ത്യയിലെ ക്രൈസ്തവ മേധാവിത്വമുള്ള സംസ്ഥാനങ്ങളെയാണ്. മേഘാലയ, നാഗാലാന്റ്, മിസോറാം സംസ്ഥാനങ്ങളില്‍ ഇതിന്റെ പ്രകമ്പനങ്ങള്‍ പ്രകടമാണെന്നും സഭാ നേതൃത്വം വ്യക്തമാക്കി. വടക്കുകിഴക്കന്‍ സംസ്ഥാനങ്ങളില്‍ ബി.ജെ.പി ശക്തിയാര്‍ജ്ജിച്ചു വരുന്നതിനിടെയാണ് ക്രൈസ്തവ സഭ പ്രത്യക്ഷ എതിര്‍പ്പുമായി രംഗത്തെത്തിയിരിക്കുന്നത്.