ബഹിരാകാശ രംഗത്ത് ഏഷ്യന്‍ രാജ്യങ്ങള്‍ ഒത്തുപ്രവര്‍ത്തിക്കേണ്ട സമയമാണിത്. ചന്ദ്രന്റെ ഉപരിതലത്തില്‍ സോഫ്റ്റ് ലാന്‍ഡിംഗ് നടത്തുക എന്നതായിരുന്നു ചന്ദ്രയാന്‍ 2വിന്റെ ലക്ഷ്യമെന്നും എന്നാല്‍ ആ ലക്ഷ്യമാണ് പരാജയപ്പെട്ടതെന്നും നമ്പി നാരായണന്‍ പറയുന്നു. എന്നാല്‍ ഈ പരാജയം 98 ശതമാനം വിജയമെന്ന് ജനങ്ങള്‍ക്ക് മുന്‍പില്‍വിളിച്ചുപറയാന്‍ ഐ.എസ്.ആര്‍ ഒക്ക് എങ്ങനെയാണ് ധൈര്യം വന്നതെന്നും അദ്ദേഹം ചോദിച്ചു.

പദ്ധതി നൂറ് ശതമാനവും പരാജയമായിരുന്നുവെന്ന് ഐ .എസ്.ആര്‍.ഒ സമ്മതിക്കുന്നതാണ് ഔചിത്യം. യൂറോപ്യന്‍ സ്‌പേസ് ഏജന്‍സിയുടേത് പോലെ ബഹിരാകാശ രംഗത്ത് ഏഷ്യന്‍ രാജ്യങ്ങളുടെ ഒരു കൂട്ടായ്മ ആവശ്യമാണെന്നും അദ്ദേഹം അഭിപ്രായപ്പെട്ടു. ബഹിരാകാശ രംഗത്ത് സഹകരണം വരികയാണെങ്കില്‍ ഏഷ്യന്‍ രാജ്യങ്ങള്‍ക്ക് മൊത്തത്തില്‍ അത് ഗുണമായി ഭവിക്കുമെന്നും അദ്ദേഹം പറഞ്ഞു.

സംസ്ഥാന സര്‍ക്കാരിന്റെ ചാരക്കേസില്‍നിന്നും കുറ്റ വിമുക്തനാക്കപ്പെട്ട ശാസ്ത്രജ്ഞന്‍ നമ്പി നാരായണന് നഷ്ടപരിഹാരം ആദ്യം സംസ്ഥാന സര്‍ക്കാര്‍ നല്‍കണം. കുറ്റക്കാരെന്ന് കണ്ടെത്തുന്ന ഉദ്യോഗസ്ഥരില്‍നിന്ന് പിന്നീട് ഈ തുക ഈടാക്കണമെന്നും കോടതി നിര്‍ദേശിച്ചു. നമ്പി നാരായണനെ പ്രതിയാക്കിയ അന്വേഷണ ഉദ്യോഗസ്ഥര്‍ അവരുടെ വീട് വിറ്റാണെങ്കിലും നഷ്ടപരിഹാരം നല്‍കണമെന്ന് കോടതി അഭിപ്രായപ്പെട്ടു.

നമ്പി നാരായണനെ കേസില്‍ കുടുക്കിയവരെ കുറിച്ച് കൂടുതല്‍ അന്വേഷണം വേണം. ഈ അന്വേഷണം നടത്താന്‍ തയ്യാറാണെന്നും സി.ബി.ഐ സുപ്രിം കോടതിയില്‍ അറിയിച്ചു. ചാരക്കേസില്‍ കുടുക്കിയ ഉദ്യോഗസ്ഥരെ കണ്ടെത്താന്‍ അന്വേഷണം വേണമെന്ന നമ്പി നാരായണന്റെ ഹര്‍ജിയില്‍ സി.ബി.ഐ നിലപാട് അറിയിച്ചത്.

കേസില്‍ തനിക്ക് നഷ്ടപരിഹാരമല്ല വേണ്ടതെന്നും കുറ്റക്കാര്‍ക്കെതിരെ ശക്തമായ നടപടിയാണ് വേണ്ടതെന്നു നമ്പി നാരായണന്‍ ഇന്നലെ മാധ്യമ പ്രവര്‍ത്തകരോട് പറഞ്ഞിരുന്നു. ചീഫ്ജസ്റ്റിസ് ദീപക് മിശ്ര അദ്ധ്യക്ഷനായ മൂന്നംഗ ബെഞ്ചാണ് നമ്പി നാരായണന്റെ ഹര്‍ജി പരിഗണിച്ചത്.