NARCOTIC – Chandrika Daily

ആറ്റിങ്ങലിൽ വില്പനയ്ക്കായി എത്തിച്ച 53.5 ഗ്രാം എം ഡി എം എയുമായി രണ്ടു യുവാക്കൾ പിടിയിലായി

webdesk15 — Tue, 11 Jul 2023 09:14:29 +0000

ആറ്റിങ്ങലിൽ വില്പനയ്ക്കായി എത്തിച്ച 53.5 ഗ്രാം എം ഡി എം എയുമായി രണ്ടു യുവാക്കൾ പിടിയിലായി.
ആറ്റിങ്ങൽ കുറക്കട പുകയിലത്തോപ്പിൽ അപ്പുക്കുട്ടൻ , പുതുവൽവിള പുത്തൻ വീട്ടിൽ സനീത് എന്നിവരാണ് പിടിയിലായത്.ആറ്റിങ്ങലിലെ വിദ്യാഭ്യാസ സ്ഥാപനങ്ങൾ കേന്ദ്രീകരിച്ചു ലഹരി മരുന്ന് വിൽപ്പന നടത്തി വന്ന സംഘത്തിലെ പ്രധാനികൾ ആണിവരെന്ന് പോലീസ് പറഞ്ഞു.

ബൈക്കിൽ വിദ്യാഭ്യാസ സ്ഥാപനങ്ങളുടെ പരിസരങ്ങളിൽ കറങ്ങി നടന്നു വിൽപ്പന നടത്തുന്ന ഇവരെ ബൈക്ക് സഹിതം ആറ്റിങ്ങൽ മാമം പാലത്തിനു അടുത്തുള്ള ടർഫിനു സമീപത്തു നിന്നും ആണ് 53.5ഗ്രാം എം ഡി എം എ യും തൂക്കി വിൽക്കാൻ ഉപയോഗിക്കുന്ന ഇലക്ട്രിക് ത്രാസും സഹിതം അറസ്റ്റ് ചെയ്തത്.

തിരുവനന്തപുരം റൂറൽ എസ് പി ശില്പ ദേവയ്യ ഐ പി എസ് നു ലഭിച്ച രഹസ്യ വിവരത്തിന്റെ അടിസ്ഥാനത്തിൽ ആറ്റിങ്ങൽ ഡി വൈ എസ് പി ജയകുമാർ നർകോട്ടിക് സെൽ ഡി വൈ എസ് പി വി ടി രാസിത് എന്നിവരുടെ നിർദ്ദേശ പ്രകാരം ആറ്റിങ്ങൽ ഐ എസ് എച്ച് ഒ തൻസീം അബ്ദുൽ സമദിന്റെ നേതൃത്വത്തിൽ എസ് ഐ അഭിലാഷ്, അഡിഷണൽ എസ് ഐ നുജൂo എസ് സി പി ഒ മാരായ അനിൽകുമാർ, ദിനു പ്രകാശ്, സി പി ഒ മഹി റൂറൽ ഡാൻസഫ് ടീമിലെ എസ് ഐ ബിജു ഹക്ക്, എ എസ് ഐ ബിജുകുമാർ, എസ് സി പി ഒ വിനീഷ്, സി പി ഒ സുനിൽരാജ് എന്നിവർ ചേർന്നാണ് പരിശോധന നടത്തി എം ഡി എം എ യും പ്രതികളെയും പിടികൂടിയത്.

നഗരങ്ങളിൽ വ്യാപിച്ചു കിടക്കുന്ന ലഹരി സംഘം ; 15,000 എൽഎസ്ഡി ബ്ലോട്ടുകൾ പിടിച്ചെടുത്തു. 6 പേരെ അറസ്റ്റ് ചെയ്തു

webdesk15 — Tue, 06 Jun 2023 10:05:58 +0000

രാജ്യത്തെ രണ്ടു പതിറ്റാണ്ടിനിടെയുള്ള ഏറ്റവും വലിയ എൽഎസ്ഡി വേട്ടയുമായി നർകോട്ടിക്സ് കൺട്രോൾ ബ്യൂറോ.ഇന്ത്യയിലെ വിവിധ നഗരങ്ങളിൽ നിന്നായി ഇതുമായി ബന്ധപ്പെട്ട 6 പേരെ അറസ്റ്റ് ചെയ്തു.15,000 എൽഎസ്ഡി ബ്ലോട്ടുകളും 2.5 കിലോ ഇറക്കുമതി ചെയ്ത മരിജുവാനയും 4.65 ലക്ഷം രൂപയും എൻസിബി പിടിച്ചെടുത്തു.വിവിധ അക്കൗണ്ടുകളിലായി നിക്ഷേപിച്ച 20 ലക്ഷം രൂപയും കണ്ടെത്തി. ഈ ശൃംഗലക്ക് കേരളത്തിലും വേരുകൾ ഉള്ളതായി സൂചനയുണ്ട്.പിടിച്ചെടുത്ത എൽഎസ്ഡിക്കു മാത്രം 10 കോടിയിലധികം രൂപ വില വരും.ഡാർക് നെറ്റ് ഉപയോഗിച്ചായിരുന്നു ഇവരുടെ ഇടപാടുകൾ. ഓൺലൈനായുള്ള ഇടപാടുകളിൽ പണം അടച്ചിരുന്നത്.സംശയകരമായി കണ്ട ചില സമൂഹമാധ്യമങ്ങൾ അക്കൗണ്ടുകൾ പരിശോധിച്ചപ്പോൾ ലഭിച്ച വിവരം അനുസരിച്ചാണ് ഈ ലഹരി സംഘത്തെ വലയിലാക്കിയത്.

കണ്ണൂര്‍ വിമാനത്താവളത്തില്‍ ഹാഷിഷുമായി യുവാവ് പിടിയില്‍; കടത്താന്‍ ശ്രമിച്ചത് ചെരുപ്പില്‍ ഒളിപ്പിച്ച്

chandrika — Sat, 13 Jul 2019 15:50:04 +0000

കണ്ണൂര്‍ രാജ്യാന്തര വിമാനത്താവളം വഴി കടത്താന്‍ ശ്രമിച്ച 950 ഗ്രാം ഹാഷിഷ് ഓയിലുമായി യുവാവിനെ പിടികൂടി. ദോഹയിലേക്ക് കടക്കാന്‍ ശ്രമിച്ച കണ്ണൂര്‍ തായത്തെരു സ്വദേശി വലിയബല്ലത്ത് അജാസില്‍ നിന്നാണ് സിഐഎസ്എഫ് ഉദ്യോഗസ്ഥര്‍ ഹാഷിഷ് പിടികൂടിയത്. ചെരുപ്പിന്റെ അടിയിലും ശരീരത്തില്‍ വിവിധഭാഗങ്ങളിലും ഒളിപ്പിച്ചു വെച്ചാണ് ഇയാള്‍ ഹാഷിഷ് ഓയില്‍ കടത്താന്‍ ശ്രമിച്ചത്. വെള്ളിയാഴ്ച രാത്രി 8.20ന് എയര്‍ ഇന്ത്യ എക്‌സ്പ്രസ്സില്‍ ദോഹയിലേക്ക് പോകുന്നതിനായുള്ള സുരക്ഷാ പരിശോധനയിക്കിടയിലാണ് അജാസ് പിടിയിലായത്. പ്രതിയെയും പിടിച്ചെടുത്ത ഹാഷിഷ് ഓയിലും നാര്‍ക്കോട്ടിക് കണ്‍ട്രോള്‍ ബ്യുറോയ്ക്ക് കൈമാറി. അജാസിനെ ചോദ്യം ചെയ്തുവരികയാണ്.

27 കോടിയുടെ മയക്കുമരുന്നുമായി ബി.ജെ.പി നേതാവ് പിടിയില്‍

chandrika — Fri, 22 Jun 2018 08:49:33 +0000

ഇംഫാല്‍: 21 കോടി വിലമതിക്കുന്ന ലഹരി വസ്തുകളുമായി മണിപ്പൂരിലെ ബി.ജെ.പി നേതാവ് പിടിയില്‍. ബി.ജെ.പി നേതാവും മണിപ്പൂരിലെ ജില്ലാ കൗണ്‍സില്‍ ചെയര്‍മാനുമായ ലട്ട്‌ഖോസി സുവിനെയാണ് നര്‍ക്കോട്ടിക്‌സ് വിഭാഗം അറസ്റ്റ് ചെയ്തത്. സുവുള്‍പ്പടെ ഏഴു പേരാണ് മണിപ്പൂര്‍ പൊലീസിന്റെ പിടിയിലായത്.
27 കോടി രൂപ വിലമതിക്കുന്ന നിരോധിത മയക്കുമരുന്നുകളായ 4.59 കിലോഗ്രാം തൂക്കമുളള ഹെറോയിന്‍, 28 കിലോഗ്രാം മയക്കുമരുന്നു ഗുളികളുമാണ് പിടികൂടിയത്. ഇതിനുപുറമെ 95,000 രൂപ വിലമതിക്കുന്ന നിരോധിച്ച നോട്ടുകള്‍, 57.18 ലക്ഷം രൂപ, രണ്ട് തോക്കുകള്‍, എട്ട് ബാങ്ക് പാസ്ബുക്ക്, രണ്ട് തോക്ക് ലൈസന്‍സ് ബുക്ക് എന്നിവയും പൊലീസ് പിടിച്ചെടുത്തതായി നര്‍ക്കോട്ടിക്‌സ് വിഭാഗം അറിയിച്ചു.

ചണ്ടേല്‍ ജില്ലാ കൗണ്‍സിലിലേക്ക് കോണ്‍ഗ്രസ് പാര്‍ട്ടി പ്രതിനിധിയായി തെരഞ്ഞെടുക്കപ്പെട്ട ലട്ട്‌ഖോസി സു കഴിഞ്ഞ വര്‍ഷമാണ് ബി.ജെ.പിയില്‍ ചേര്‍ന്നത്. തുടര്‍ന്ന് ബിജെപിയുടെ നേതൃത്വത്തില്‍ കൗണ്‍സില്‍ രൂപീകരിക്കുന്നതിലും അദ്ദേഹം നിര്‍ണായക പങ്കു വഹിച്ചിരുന്നു. പൊലീസിനു രഹസ്യ വിവരം ലഭിച്ചതിനെ തുടര്‍ന്നാണ് ലങ്കോള്‍ ഗെയിം ഗ്രാമത്തിലുള്ള ബിജെപി നേതാവിന്റെ വീട്ടില്‍ തെരച്ചില്‍ നടത്തിയത്. രണ്ട് സ്യൂട്ട് കേസുകളിലായാണ് നിരോധിത മയക്കുമരുന്നുകള്‍ ബിജെപി നേതാവ് സൂക്ഷിച്ചിരുന്നതെന്നാണ് വിവരം. വിവിധ സമയങ്ങളില്‍ പലയിടങ്ങളിലായി നടത്തിയ റെയ്ഡിലാണ് ലഹരി ഉല്‍പ്പന്നങ്ങള്‍ പിടിച്ചെടുത്തത്.

ഡിവൈഡറില്‍ ഇടിച്ച് അപകടം; കാര്‍ പറന്ന് നിന്നത് കെട്ടിടത്തിന്റെ രണ്ടാം നിലയില്‍

chandrika — Mon, 15 Jan 2018 12:02:58 +0000

കാലിഫോര്‍ണിയ: നിയന്ത്രണം വിട്ടകാര്‍ ഡിവൈഡറില്‍ ഇടിച്ച് നടന്ന അപകടം അതിശയമായി. റോഡ് നിയമങ്ങള്‍ തെറ്റിച്ച് കുതിച്ചുപാഞ്ഞ കാര്‍ ഡിവൈഡറില്‍ തട്ടി ഉയര്‍ന്നു പറന്നാണ് അപകടമുണ്ടയാത്. ഇടിയുടെ അഘാതത്തില്‍ പറന്നുയര്‍ന്ന കാര്‍ റോഡരികിലെ കെട്ടിടത്തിന്റെ രണ്ടാം നിലയിലേക്ക് ഇടിച്ചുകയറുകയായിരുന്നു.

Unbelievable new surveillance video shows a car hitting a median and launching into the second story of a Santa Ana dentist office. Driver and passenger transported with minor injuries. @NBCLA @ChristineNBCLA pic.twitter.com/Yw4poZXUNR

— Kenny Holmes (@KHOLMESlive) January 15, 2018

അതേസമയം, ഇത്രവലിയ അപകടമുണ്ടായിട്ടും കാറിലെ യാത്രക്കാരായ രണ്ടുപേരും പരിക്കുകളോടെ രക്ഷപ്പെട്ടു. നിസാര പരിക്കുകളേറ്റ ഇവരെ പൊലീസ് അറസ്റ്റ് ചെയ്തു. അപകട കാരണം അമിത വേഗമാണെന്നും ഡ്രൈവര്‍ മയക്കുമരുന്ന് ഉപയോഗിച്ചിരുന്നുവെന്നും പോലീസ് വ്യക്തമാക്കി.

അപകടമുണ്ടായ സമയത്ത് കാര്‍ തെറ്റായദിശയിലായിരുന്നു. അമിത വേഗത്തില്‍ ഓടിയിരുന്ന കാര്‍ നിയന്ത്രണം നഷ്ടപ്പെട്ട് റോഡിന്റെ മധ്യത്തില്‍ സ്ഥാപിച്ചിരുന്ന ഡിവൈഡറില്‍ ഇടിക്കുകയായിരുന്നു. ഇടിയുടെ ആഘാതത്തില്‍ നിലം തൊടാതെ പറന്നുയര്‍ന്ന കാര്‍, എതിര്‍ ദിശയില്‍ വന്ന ഒരു ബസിനെ മറികടന്നാണ് കെട്ടിടത്തിന് മുകളില്‍ എത്തിയത്.

അപകടത്തിന്റെ സിസിടിവി ദൃശ്യം പുറത്തുവന്നപ്പോയാണ് കാര്‍ കെട്ടിടത്തിന്റെ രണ്ടാം നിലയില്‍ എത്തിയതിന്റെ കാരണം വ്യക്തമായത്. അപകടത്തെത്തുടര്‍ന്ന് കെട്ടിടത്തില്‍ തീപിടിത്തവുമുണ്ടായി.

ലോസ് ഏഞ്ചല്‍സിലെ സാന്താ ആന്ത കെട്ടിടത്തിലാണ് വെളുത്ത സെഡാന്‍ കാര്‍ ഇടിച്ചു കയറിയത്. അപകടത്തെ തുടര്‍ന്ന് കെട്ടിടത്തിലെ രണ്ടാം നിലയിലുള്ള ദന്തഡോക്ടറുടെ ഓഫീസ് ഭാഗികമായി തകര്‍ന്നു.