രാഹുല്‍ഗാന്ധിയുടേയും യുവനേതാക്കളായ അല്‍പേഷ് താക്കൂര്‍, ഹാര്‍ദ്ദിക് പട്ടേല്‍, ജിഗ്നേഷ് മേവാനി തുടങ്ങിയവരുടേയും കൂട്ടുകെട്ടില്‍ ഗുജറാത്തില്‍ ശക്തമായ മത്സരമാണ് ഇത്തവണ നടന്നത്. 99 സീറ്റുമായാണ് ബി.ജെ.പി അധികാരം നിലനിര്‍ത്തിയത്. അതേസമയം, സീറ്റ് കുറഞ്ഞത് മുഖ്യമന്ത്രി വിജയ് രൂപാനിയുടെ വീഴ്ച്ചയായി ചിലര്‍ ഉയര്‍ത്തുന്നുണ്ട്. ബി.ജെ.പി ദേശീയ അധ്യക്ഷന്‍ അമിത്ഷാ കൂടി പങ്കെടുക്കുന്ന യോഗത്തില്‍ മുഖ്യമന്ത്രിയെ തീരുമാനിക്കും. പുതിയ സര്‍ക്കാര്‍ അധികാരമേല്‍ക്കുന്നത് വരെ വിജയ് രൂപാനി കാവല്‍ മുഖ്യമന്ത്രിയായി തുടരും. അതേസമയം, നിതിന്‍ പട്ടേലിനെ മുഖ്യമന്ത്രിയായി തെരഞ്ഞെടുക്കണമെന്നും ആവശ്യമുയരുന്നുണ്ട്.

മോദിയുടേയും രാഹുലിന്റേയും റോഡ്‌ഷോ ജനങ്ങള്‍ തിങ്ങിപ്പാര്‍ക്കുന്ന പ്രദേശത്തുകൂടിയാണ് തീരുമാനിച്ചിരുന്നത്. ഏകദേശം ഒരേ സമയത്തായിരുന്നു റോഡ്‌ഷോ തീരുമാനിച്ചിരുന്നത്. ഇത് ക്രമസമാധാന പ്രശ്‌നങ്ങളിലേക്ക് നയിക്കാന്‍ സാധ്യതയുണ്ടെന്ന പോലീസിന്റെ കണ്ടെത്തലാണ് അനുമതി നിഷേധിക്കാന്‍ കാരണമായത്.ധര്‍ണിധര്‍ ദേരാസറില്‍ നിന്ന് തുടങ്ങുന്ന മോദിയുടെ റോഡ്‌ഷോ സബര്‍മതി നദീതീരത്തും ജമാല്‍പൂരില്‍ നിന്ന് തുടങ്ങുന്ന രാഹുലിന്റെ ഷോ നഗരത്തിന് പുറത്തുള്ള മെംകോയിലേക്കുമാണ് സമാപിക്കേണ്ടിയിരുന്നത്. ഇരുനേതാക്കളുടേയും സുരക്ഷയും മറ്റു കാര്യങ്ങളും നിയന്ത്രിക്കാനുള്ള ബുദ്ധിമുട്ടാണ് റോഡ് ഷോ നടത്തുന്നതിനുള്ള അനുമതി നിഷേധിക്കാന്‍ കാരണമായത്. അതേസമയം, ഹാര്‍ദ്ദിക് പട്ടേലിന്റെ റാലിക്ക് ഗുജറാത്ത് പോലീസ് വിലക്കേര്‍പ്പെടുത്തിയിട്ടില്ല. അഹമ്മദാബാദ് നഗരം മുഴുവനായാണ് പട്ടേലിന്റെ റാലി.

രണ്ടു ഘട്ടങ്ങളിലായാണ് ഗുജറാത്ത് തെരഞ്ഞെടുപ്പ്. ആദ്യഘട്ട വോട്ടെടുപ്പ് ഒന്‍പതിനായിരുന്നു. രണ്ടാംഘട്ടം 14ന് നടക്കും. ഡിസംബര്‍ 18ന് ഫലം പുറത്തുവരും.

നാല്‍പ്പത് ശതമാനം ഇന്നും അറുപത് ശതമാനം നാളെയും തരാം. ഇന്ന് തന്നെ മാധ്യമങ്ങളെ കണ്ട് ബി.ജെ.പിയില്‍ ചേരുമെന്ന് പ്രഖ്യാപിക്കണണമെന്ന് ഫോണ്‍ സന്ദേശത്തില്‍ പട്ടേലിനോട് പറയുന്നുണ്ട്. പട്ടേല്‍ സംവരണവുമായി ബന്ധപ്പെട്ട് നടത്തിയ സമരനായകനായ ഹാര്‍ദിക് പട്ടേല്‍ കോണ്‍ഗ്രസ്സിലേക്ക് അടുക്കുന്നത് കണ്ടാണ് ബി.ജെ.പി പണംവാരി നേതാക്കളെ പാര്‍ട്ടിയിലേക്ക് അടുപ്പിക്കുന്നത്. ഡിസംബറിലാണ് ഗുജറാത്തില്‍ തെരഞ്ഞെടുപ്പ് നടക്കുന്നത്.

ബി.ജെ.പിയിലേക്ക് ചേരാന്‍ ഒരു കോടി രൂപ നല്‍കാമെന്ന് ബി.ജെ.പി നേതാക്കള്‍ വാഗ്ദാനം ചെയ്തിരുന്നുവെന്ന് പട്ടേല്‍ പറഞ്ഞിരുന്നു. അഡ്വാന്‍സായി ലഭിച്ച പത്തുലക്ഷം രൂപ മാധ്യമപ്രവവര്‍ത്തകര്‍ക്കു മുന്നില്‍ വെച്ചായിരുന്നു വാര്‍ത്താസമ്മേളനം. അപ്രതീക്ഷിതമായ അടിയില്‍ ഞെട്ടിയ ബി.ജെ.പി തെളിയിക്കാന്‍ പട്ടേലിനെ വെല്ലുവിളിക്കുകയും ചെയ്തു. തുടര്‍ന്നാണ് പണം നല്‍കാമെന്ന് പറയുന്ന ശബ്ദരേഖ പുറത്തുവിടുന്നത്. പട്ടേല്‍ സമര നേതാവായിരുന്ന വരുണ്‍ പട്ടേല്‍ നേരത്തെ തന്നെ ബി.ജെ.പിയിലേക്ക് പോയിരുന്നു. വരുണ്‍ വഴിയാണ് തനിക്ക് ക്ഷണം ലഭിച്ചതെന്നും ബാക്കി 90ലക്ഷം പിറ്റേദിവസവും നല്‍കാമെന്ന് പറഞ്ഞതായും നരേന്ദ്രപട്ടേല്‍ വെളിപ്പെടുത്തിയിരുന്നു.

ബി.ജെ.പി ഒരു കോടി വാഗ്ദാനം ചെയ്തുവെന്ന നരേന്ദ്രപട്ടേലിന്റെ വെളിപ്പെടുത്തല്‍ തന്നെ അസ്വസ്ഥനാക്കിയെന്ന് നിഖില്‍ സവാനി പറഞ്ഞു. ഇന്ന് ബി.ജെ.പി വിടുകയാണ്. പാവപ്പെട്ട കുടുംബത്തില്‍ നിന്ന് വന്നിട്ടുകൂടി ഒരു കോടി രൂപ നിഷേധിച്ച നരേന്ദ്ര പട്ടേലിനെ താന്‍ അഭിനന്ദിക്കുകയാണ്. ബി.ജെ.പി പട്ടീദാര്‍ കുടുംബത്തെ വിലക്കുവാങ്ങാന്‍ ശ്രമിക്കുകയാണെന്നും അദ്ദേഹം കൂട്ടിച്ചേര്‍ത്തു. നല്ല തീരുമാനങ്ങളെടുക്കാന്‍ വേണ്ടിയായിരുന്നു ബി.ജെ.പിയില്‍ ചേര്‍ന്നിരുന്നതെന്നും പക്ഷേ അതൊന്നും നടപ്പിലാക്കാന്‍ കഴിഞ്ഞില്ലെന്നും നിഖില്‍ പറഞ്ഞു. തനിക്ക് യാതൊരു തരത്തിലുള്ള പ്രതിഫലവും അവര്‍ വാഗ്ദാനം ചെയ്തിരുന്നില്ല. എന്നാല്‍ ഉയര്‍ന്ന കോഴ വിവാദത്തിന്റെ പശ്ചാത്തലത്തില്‍ പാര്‍ട്ടി വിടുകയാണെന്ന് വ്യക്തമാക്കിയ അദ്ദേഹം കോണ്‍ഗ്രസിലേക്ക് പോകുമെന്നതിന്റെ സൂചനയും നല്‍കി. കോണ്‍ഗ്രസ് ഉപാധ്യക്ഷന്‍ രാഹുല്‍ഗാന്ധിയുമായി കൂടിക്കാഴ്ച്ചക്ക് തയ്യാറാണെന്ന് അദ്ദേഹം അറിയിച്ചു.

ബി.ജെ.പിയിലേക്ക് ചേരാന്‍ ഒരു കോടി രൂപ വാഗ്ദാനം ചെയ്തുവെന്ന വെളിപ്പെടുത്തലുമായി പട്ടേല്‍ പ്രക്ഷോഭ നേതാവ് നരേന്ദ്രപട്ടേലാണ് കഴിഞ്ഞ രാത്രി രംഗത്തെത്തിയത്. പത്തുലക്ഷം അഡ്വാന്‍സ് തുകയുമായാണ് ബി.ജെ.പിയെ ഞെട്ടിച്ച് നരേന്ദ്രപട്ടേല്‍ വാര്‍ത്താസമ്മേളനം നടത്തിയത്. പത്തുലക്ഷം നല്‍കിയതിനു ശേഷം ബാക്കി 90ലക്ഷം തിങ്കളാഴ്ച്ച നല്‍കാമെന്ന് അറിയിക്കുകയായിരുന്നു. എന്നാല്‍ റിസര്‍വ്വ് ബാങ്ക് മുഴുവനായി തന്നാലും താന്‍ മാറില്ലെന്നായിരുന്നു നരേന്ദ്രപട്ടേലിന്റെ വാക്കുകള്‍. ഇതിനുശേഷമാണ് അപ്രതീക്ഷിതമായി നിഖില്‍ സവാനി പാര്‍ട്ടി വിട്ടതായി പ്രഖ്യാപിക്കുന്നത്.

ഞായറാഴ്ച്ച വൈകുന്നേരം നരേന്ദ്ര പട്ടേല്‍ ബി.ജെ.പിയിലേക്ക് മാറിയിരുന്നു. എന്നാല്‍ ഏറെ നാടകീയമായി രാത്രി നടത്തിയ വാര്‍ത്താസമ്മേളനത്തില്‍ തനിക്ക് ലഭിച്ച പത്തുലക്ഷം രൂപയുമായാണ് നരേന്ദ്രപട്ടേല്‍ വാര്‍ത്താ സമ്മേളനത്തിനെത്തിയത്. ഹാര്‍ദ്ദിക് പട്ടേലിന്റെ അനുയായിരുന്ന വരുണ്‍ പട്ടേല്‍ ബി.ജെ.പിയിലേക്ക് മാറിയിരുന്നു. വരുണ്‍ പട്ടേല്‍ വഴി തനിക്കും ബി.ജെ.പിയിലേക്ക് ക്ഷണമുണ്ടായിരുന്നുവെന്നും പത്തുലക്ഷം രൂപ നല്‍കിയെന്നും നരേന്ദ്രപട്ടേല്‍ പറഞ്ഞു. ഒരു കോടി രൂപയായിരുന്നു വാഗ്ദാനം ചെയ്തിരുന്നതെന്നും പട്ടേല്‍ വ്യക്തമാക്കി. പത്തുലക്ഷം നല്‍കിയതിനു ശേഷം ബാക്കി 90ലക്ഷം തിങ്കളാഴ്ച്ച നല്‍കാമെന്ന് അറിയിക്കുകയായിരുന്നു. എന്നാല്‍ റിസര്‍വ്വ് ബാങ്ക് മുഴുവനായി തന്നാലും താന്‍ മാറില്ലെന്നായിരുന്നു നരേന്ദ്രപട്ടേലിന്റെ വാക്കുകള്‍. പട്ടീദാര്‍ അനാമത് ആന്തോളന്‍(പി.എ.എസ്.എസ്)സിമിതിയില്‍ നിന്ന് വരുണ്‍ പട്ടേലിനൊപ്പം രേഷ്മ പട്ടേലും മറ്റൊരു അംഗവും ബി.ജെ.പിയിലേക്ക് കൂടുമാറിയിരുന്നു.

എന്നാല്‍ തനിക്കെതിരെ ഉയര്‍ന്ന ആരോപണങ്ങളെ വരുണ്‍ പട്ടേല്‍ നിഷേധിച്ചു. ഇത് അടിസ്ഥാന രഹിതമാണെന്ന് വരുണ്‍ പറഞ്ഞു. പട്ടീദാറുമാരുടെ ബി.ജെ.പിയിലേക്കുള്ള പോക്കില്‍ കോണ്‍ഗ്രസ്സിനുള്ള ആശങ്കയാണിതെന്നും വരുണ്‍ കൂട്ടിച്ചേര്‍ത്തു. അതേസമയം, സംഭവം നിഷേധിച്ച് ബി.ജെ.പിയും രംഗത്തെത്തി. ഇതൊരു നാടകമാണെന്നായിരുന്നു ബി.ജെ.പിയുടെ ആരോപണം.