നാറ്റാ രാജ്യങ്ങളുടെ പ്രതിനിധി സമ്മേളനത്തിലാണ് യുഎസ് ജര്‍മനിക്കെതിരെ ആഞ്ഞടിച്ചത്. ജര്‍മനി-റഷ്യ ബന്ധത്തില്‍ യുഎസിന് ഉത്കണ്ഠയും ആശങ്കയും ഉണ്ടെന്ന് യുഎസ് പ്രസിഡന്റ് ഡൊണാള്‍ഡ്് ട്രംപ് ആരോപിച്ചു. കഴിഞ്ഞയിടെ നടന്ന ജി-7 ഉച്ചകോടിയില്‍ ഇരു രാജ്യങ്ങളുടെയും തലവന്മാര്‍ വാക് പോര് നടത്തിയിരുന്നു. ഇതിനു പിന്നാലെയാണ് നാറ്റോ നേതൃയോഗത്തില്‍ ജര്‍മനിക്കെതിരെ ട്രംപിന്റെ വിമര്‍ശനം. റഷ്യയില്‍ നിന്ന് ജര്‍മനിയിലേക്കുള്ള പ്രകൃതി വാതക ഇറക്കുമതിയില്‍ യുഎസിന് ആശങ്കയുണ്ടെന്നും എന്ത് സുരക്ഷയാണ് ഇക്കാര്യത്തിലുള്ളതെന്നും ട്രംപ് വിമര്‍ശിച്ചു.ബ്രസല്‍സില്‍ നടന്ന നാറ്റോ യോഗത്തിലാണ് ട്രംപിന്റെ വിമര്‍ശനം.

ജര്‍മനയിക്കെതിരെ ഗുരുതര ആരോപണങ്ങളാണ് യുഎസ് യോഗത്തില്‍ അഴിച്ചു വിട്ടത്. നാറ്റോ സഖ്യത്തിന് ഏറെ ദുഷ്‌പേര് നല്‍കുന്ന കാര്യമാണ് ജര്‍മനി ചെയ്യുന്നത്. റഷ്യയുടെ പൂര്‍ണ നിയന്ത്രണത്തിലാണ് ജര്‍മനിയെന്നും നാറ്റോ അധ്യക്ഷന്‍ ജീന്‍സ് സ്‌റ്റോള്‍ട്ടന്‍ബര്‍ഗ് ആരോപിച്ചു. ജര്‍മനിക്ക് ആവശ്യമായ വാതകത്തില്‍ 70 ശതമാനവും വാങ്ങുന്നത് റഷ്യയില്‍ നിന്നാണ്. റഷ്യയുടെ പൂര്‍ണ വരുതിയിലാണ് ജര്‍മനി പ്രവര്‍ത്തിക്കുന്നതെന്നും ആരോപിച്ചു. നാറ്റോ ഓപ്പറേഷനുകള്‍ക്ക് പണം ചിലവഴിക്കുന്നതില്‍ ജര്‍മനി വീഴ്ച വരുത്തിയതായും ട്രംപ് കുറ്റപ്പെടുത്തി. യുഎസ് നാറ്റോ സഖ്യത്തിന്റെ പ്രതിരോധ പ്രവര്‍ത്തനങ്ങള്‍ക്കായി 4.2 ശതമാനം തുക നല്‍കുമ്പോള്‍ ജര്‍മനി നല്‍കുന്നത് ഒരു ശതമാനം മാത്രമാണ്. ജര്‍മനി 1.24 ശതമാനവും യുഎസ് 3.5ശതമാനവും തുകയാണ് പുതിയ എസ്റ്റിമേറ്റ് പ്രകാരം ചിലവഴിക്കേണ്ടത്.

അതേസമയം, നാറ്റോ സഖ്യത്തെക്കാളുപരി ജര്‍മനി ഒരു രാജ്യമാണെന്ന് ജര്‍മന്‍ ചാന്‍സിലര്‍ ആംഗല മെര്‍ക്കല്‍ തിരിച്ചടിച്ചു. യുഎസ് പ്രസിഡന്റ് ഡൊണാള്‍ഡ് ട്രംപിന്റെ ആരോപണങ്ങളെ തള്ളികളയുന്നതായി ജര്‍മന്‍ പ്രതിരോധ മന്ത്രി ഉര്‍സുല വോന്‍ ഡിര്‍ ലെയ്ന്‍ വ്യക്തമാക്കി.

നാറ്റോ സഖ്യത്തില്‍ ഉള്‍പ്പെട്ട 50 രാജ്യങ്ങളില്‍ നിന്ന് 130000 സൈനികരാണ് അഫ്ഗാനിസ്താനിലുള്ളത്. ബ്രിട്ടന്റെ 9500 സൈനികരും 137 സൈനിക താവളങ്ങളും അഫ്ഗാനിലുണ്ട്. സുരക്ഷയുടെ ഭാഗമായി കാബൂളില്‍ സൈനികരുടെ എണ്ണം കഴിഞ്ഞ മാസം നാറ്റോ ഉയര്‍ത്തിയിരുന്നു. 39 രാജ്യങ്ങളില്‍ നിന്നായി 16000 സൈനികരെയാണ് വിന്യസിച്ചത്. അഫ്ഗാന്‍ സൈന്യത്തെയും പൊലീസിനെയും സഹായിക്കുന്നതിനായാണ് അധികം സൈനികരെ കാബൂളില്‍ വിന്യസിച്ചത്. കഴിഞ്ഞ സെപ്റ്റംബറില്‍ 3000 സൈനികരെയാണ് യുഎസ് അധികമായി വിന്യസിച്ചത്.

ദോഹ: നോര്‍ത്ത് അറ്റ്‌ലാന്റിക് ട്രീറ്റി ഓര്‍ഗനൈസേഷനു(നാറ്റോ)മായി ഖത്തര്‍ സൈനിക സഹകരണ കരാറില്‍ ഒപ്പുവച്ചു. അമീര്‍ ശൈഖ് തമീം ബിന്‍ ഹമദ് അല്‍താനിയുടെ ബ്രസല്‍സ് സന്ദര്‍ശനത്തോടനുബന്ധിച്ചാണ് സൈനിക സഹകരണത്തിലേര്‍പ്പെട്ടത്.
അമീര്‍ കഴിഞ്ഞദിവസം നാറ്റോ സെക്രട്ടറി ജനറല്‍ ജെന്‍സ് സ്‌റ്റോള്‍ട്ടന്‍ബര്‍ഗുമായും മുതിര്‍ന്ന നാറ്റോ ഉദ്യോഗസ്ഥരുമായും കൂടിക്കാഴ്ചകള്‍ നടത്തിയിരുന്നു. ഖത്തറും നാറ്റോയും തമ്മിലുള്ള സഹകരണം യോഗത്തില്‍ വിലയിരുത്തി. സൈനിക, സുരക്ഷാമേഖലകളിലെ തുടര്‍സഹകരണം സംബന്ധിച്ച് വിശദമായ ചര്‍ച്ചകളും വിലയിരുത്തലുകളും നടന്നു. നിലവിലെ രാഷ്ട്രീയ സംഭവവികാസങ്ങളിലെ അഭിപ്രായങ്ങളും കാഴ്ചപ്പാടുകളും ഇരുവരും പങ്കുവച്ചു. മേഖലയും ലോകവും നേരിടുന്ന വെല്ലുവിളികള്‍, രാജ്യാന്തര സുരക്ഷയും സമാധാനവും പ്രോത്സാഹിപ്പിക്കുന്നതിനുള്ള കാര്യങ്ങളും ചര്‍ച്ചയായി. തീവ്രവാദത്തിനെതിരായ ഖത്തറിന്റെ പോരാട്ടങ്ങള്‍, രാജ്യം വഹിക്കുന്ന പങ്കാളിത്തം, നാറ്റോയുമായുള്ള സഹകരണം എന്നിവയുടെ കാര്യത്തില്‍ ഖത്തറിന് നന്ദി അറിയിക്കുന്നതായി നാറ്റോ സെക്രട്ടറി ജനറല്‍ അറിയിച്ചു.
അല്‍ഉദൈദ് എയര്‍ബേസ് മുഖേനയാണ് തീവ്രവാദവിരുദ്ധ പോരാട്ടത്തില്‍ ഖത്തറിന്റെ നാറ്റോയുമായുള്ള സഹകരണം. ഇതിന്റെ തുടര്‍ച്ചയായാണ് സൈനിക,സുരക്ഷാമേഖലകളില്‍ സഹകരണം ശക്തിപ്പെടുത്തുന്നതിനായി ഖത്തര്‍ സായുധസേനയും നാറ്റോയുമാണ് കരാറിലേര്‍പ്പെട്ടത്. അമീറിന്റെയും സെക്രട്ടറി ജനറലിന്റെയും സാന്നിധ്യത്തില്‍ ബ്രസല്‍സിലെ നാറ്റോ ആസ്ഥാനത്ത് നടന്ന ചടങ്ങളില്‍ ഡെപ്യൂട്ടി പ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിന്‍ അബ്ദുല്‍റഹ്മാന്‍ അല്‍താനിയും നാറ്റോ ഡെപ്യൂട്ടി സെക്രട്ടറി ജനറല്‍ റോസ്് ഗോട്ടിമുള്ളറുമാണ് കരാറില്‍ ഒപ്പുവച്ചത്. ഖത്തറും നാറ്റോയും സൈനികസഹകരണത്തിന്റെ അടിത്തറ പാകിയിരിക്കുകയാണെന്നും രണ്ടുപക്ഷവും ഒപ്പുവച്ച കരാര്‍ ഏറെ തന്ത്രപ്രാധാന്യമുള്ളതാണ്.
മേഖലാതലത്തിലും രാജ്യാന്തരതലത്തിലും സുരക്ഷാവെല്ലുവിളികളോടു പ്രതികരിക്കുന്നതിലും സമാധാനം സാധ്യമാക്കുന്നതിലും കരാര്‍ സഹായകമാകുമെന്നും അമീര്‍ ട്വിറ്ററില്‍ കുറിച്ചു.
യൂറോപ്യന്‍ കമ്മീഷന്‍ ജീന്‍ ക്ലൗഡ് ജന്‍കറുമായും അമീര്‍ ബ്രസല്‍സില്‍ കൂടിക്കാഴ്ച നടത്തി. ഖത്തറും യൂറോപ്യന്‍ കമ്മീഷനുമായുള്ള സഹകരണം ചര്‍ച്ച ചെയ്ത ഇരുവരും സഹകരണം കൂടുതല്‍ വിപുലീകരിക്കുന്നതും ചര്‍ച്ചയായി. യൂറോപ്യന്‍ യൂണിയന്‍ ഫോര്‍ ഫോറിന്‍ അഫയേഴ്‌സ് ആന്റ് സെക്യൂരിറ്റി പോളിസി ഹൈ റപ്രസന്റേറ്റീവ് ഫെഡറിക മോഗെറിനിയുമായും അമീര്‍ ചര്‍ച്ച നടത്തി.
ഖത്തറും യൂറോപ്യന്‍ യൂണിയനും തമ്മിലുള്ള സഹകരണമാണ് പ്രധാനമായും ചര്‍ച്ചയായത്.
ഖത്തര്‍ വിദേശകാര്യമന്ത്രാലയവും യൂറോപ്യന്‍ യൂണിയന്റെ യൂറോപ്യന്‍ എക്‌സ്റ്റേണല്‍ ആക്ഷനും സഹകരണകരാറില്‍ ഒപ്പുവച്ചു.

കാഢഹാറിലെ ദാമന്‍ പ്രവിശ്യയിലെ ബോംബുമായി വന്ന കാറാണ് വിദേശ സുരക്ഷാ സൈനികര്‍ക്ക് നേരെ ആക്രമണം നടത്തിയത്.

എന്നാല്‍ ഏത് വിദേശ സൈനിക വ്യൂഹമാണ് അക്രമിക്കപ്പെട്ടതെന്നും അപ്പോഴും തരിച്ചറിഞ്ഞിട്ടില്ല. അതോടൊപ്പം അക്രമിക്കപ്പെട്ടവര്‍ക്ക് പരിക്കാണോ മരണപ്പെട്ടന്നോ എന്നും സ്ഥിരീകരിച്ചിട്ടില്ല. നിലവില്‍ അഫ്ഗാനിസ്ഥാനില്‍ നാറ്റോയുടെയും അമേരിക്കയുടേതുമടക്കം 13,500 ഓളം സൈനികരുണ്ട്.