ഉമ്മന്‍ചാണ്ടിയുടെ ട്വിറ്റര്‍ സന്ദേശം പകര്‍ത്തി എഴുതി കൊണ്ടുവന്നു വായിച്ചപ്പോഴാണ് രാധാകൃഷ്ണന്റെ ആദ്യ മണ്ടത്തരം വെളിപ്പെട്ടത്. അഭിനന്ദന്റെ മോചനവുമായി ബന്ധപ്പെട്ട ട്വിറ്റര്‍ സന്ദേശത്തില്‍ ഉമ്മന്‍ചാണ്ടി താങ്ക്സ് റ്റു സിദ്ധു എന്ന് കുറിച്ചിരുന്നു. സിദ്ധുവിനു ഇതിലെന്ത് കാര്യമെന്നും കോഴിക്കോട് ഡിസിസി പ്രസിഡന്റ് എന്തെങ്കിലും പറഞ്ഞാല്‍ പാകിസ്താന്‍ കേള്‍ക്കണമെന്നുണ്ടോ എന്നുമായിരുന്നു ട്വിറ്റര്‍ വായിച്ച ശേഷം പ്രതികരിക്കവെ രാധാകൃഷ്ണന്റെ പരാമര്‍ശം. സിദ്ധു കോണ്‍ഗ്രസ് നേതാവും പഞ്ചാബ് മന്ത്രിയുമാണെന്നറിയാതെ കോഴിക്കോട് ഡിസിസി പ്രസിഡന്റ് ടി.സിദ്ധിഖ് ആണെന്ന് തെറ്റിദ്ധരിച്ചായിരുന്നു രാധാകൃഷ്ണന്‍ പരിഹാസ്യനായത്.

#WelcomeHomeAbhinandan – Thanks to genuine efforts of @sherryontopp and the goodwill gesture from @ImranKhanPTI. Yes, courage is contagious and I hope peace will ensue on both sides of the border. pic.twitter.com/S3g2pC7TvH

— Oommen Chandy (@Oommen_Chandy) March 1, 2019

ബിജെപി നേതാവിന്റെ മണ്ടത്തരം കേട്ട് മാധ്യമപ്രവര്‍ത്തകര്‍ ചിരിയടക്കാന്‍ പാട് പെടുമ്പോഴേക്കും അടുത്ത ചിരിക്കുള്ള വകയെത്തി. തൃപ്പൂണിത്തുറ ചോറ്റാനിക്കര ക്ഷേത്രത്തില്‍ ഗുരുതി പൂജയ്ക്ക് ചുണ്ണാമ്പിന് പകരം ബ്ലീച്ചിങ് പൗഡര്‍ ഉപയോഗിച്ച വിഷയം പരാമര്‍ശിക്കവെ, ചോറ്റാനിക്കര ക്ഷേത്രത്തില്‍ ബ്ലീച്ചിങ് പൗഡര്‍ കലക്കിയ വെള്ളമാണ് പ്രസാദം തയാറാക്കാനും പൂജയ്ക്കും ഉപയോഗിക്കുന്നതെന്നായിരുന്നു രാധാകൃഷ്ണന്റെ പരാമര്‍ശം. മാധ്യമപ്രവര്‍ത്തകര്‍ പരസ്പരം അടക്കിപ്പിടിച്ചു സംസാരിക്കുകയും ചിരിക്കുകയും ചെയ്യുന്നത് കണ്ടതോടെ അധികം വൈകാടെ രാധാകൃഷ്ണന്‍ വാര്‍ത്താസമ്മേളനം അവസാനിപ്പിച്ച് സ്ഥലം വിടുകയും ചെയ്തു.

ചണ്ഡീഗഡ്: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ നിര്‍ദേശപ്രകാരമാണു പാകിസ്താനിലേക്ക് പോയതെന്ന ആരോപണം നിഷേധിച്ച് പഞ്ചാബ് മന്ത്രി നവജ്യോത് സിങ് സിദ്ദു. ലോകം മുഴുവന്‍ അറിയാവുന്നതു പോലെ പാക് പ്രധാനമന്ത്രിയും സുഹൃത്തുമായ ഇമ്രാന്‍ ഖാന്‍ വ്യക്തിപരമായി ക്ഷണിച്ചതിനാലാണ് കര്‍താര്‍പുര്‍ സിഖ് ഇടനാഴിയുടെ ശിലാസ്ഥാപനത്തില്‍ പങ്കെടുത്തതെന്ന് സിദ്ദു ട്വിറ്ററില്‍ വ്യക്തമാക്കി.
രാഹുല്‍ ഗാന്ധിയാണു തന്റെ ക്യാപ്റ്റന്‍, അദ്ദേഹത്തിന്റെ നിര്‍ദേശപ്രകാരമാണ് എല്ലായിടത്തും പോകുന്നതെന്നു വെള്ളിയാഴ്ച സിദ്ദു പറഞ്ഞതു വിവാദമായിരുന്നു. പാകിസ്താന്‍ സന്ദര്‍ശന വേളയില്‍ ഇമ്രാന്‍ ഖാനെ പുകഴ്ത്തിയതും ഖലിസ്ഥാന്‍ നേതാവിനൊപ്പം ചിത്രമെടുത്തതും പ്രതിഷേധത്തിനിടയാക്കി. മുഖ്യമന്ത്രി ക്യാപ്റ്റന്‍ അമരീന്ദര്‍ സിങിന്റെ നിര്‍ദേശങ്ങള്‍ എന്തുകൊണ്ടു പാലിക്കുന്നില്ലെന്ന മാധ്യമപ്രവര്‍ത്തകരുടെ ചേദ്യത്തിന്, അദ്ദേഹം ആര്‍മി ക്യാപ്റ്റനാണ്, അദ്ദേഹത്തിന്റെയും ക്യാപ്റ്റനാണ് രാഹുല്‍ ഗാന്ധിയെന്നായിരുന്നു സിദ്ദുവിന്റെ പ്രതികരണം. അമരീന്ദര്‍ സിങ് തനിക്ക് അച്ഛനെ പോലെയാണ്. ഇതാദ്യമായല്ല അദ്ദേഹത്തെ അറിയിക്കാതെ പോകുന്നത്. കഴിഞ്ഞ തവണ മടങ്ങിവരുമ്പോള്‍ വീണ്ടും കാണാമെന്നു പറഞ്ഞിട്ടാണ് പാകിസ്താനില്‍നിന്നു പോന്നത് സിദ്ദു പറഞ്ഞു.