കല്യാശേരി മുതല്‍ നവകേരള സദസ് സമാപിച്ച വട്ടിയൂര്‍ക്കാവ് വരെ പൊലീസിനെതിരെ അതിരൂക്ഷ വിമര്‍ശനങ്ങളാണ് ഉയര്‍ന്നത്. ഇതിനിടെയാണ് ഗുഡ് സര്‍വീസ് എന്‍ട്രി അംഗീകാരം നല്‍കാനുള്ള നിര്‍ദേശം. കല്യാശേരിയില്‍ ഡിവൈഎഫ്‌ഐ പ്രവര്‍ത്തകര്‍ യൂത്ത് കോണ്‍ഗ്രസുകാരെ മര്‍ദിച്ചപ്പോള്‍ നടപടിയെടുക്കാത്ത പൊലീസ്, ആലപ്പുഴയില്‍ മുഖ്യമന്ത്രിയുടെ ഗണ്‍മാന്‍ അനില്‍ കല്ലിയൂര്‍ യൂത്ത് കോണ്‍ഗ്രസുകന്റെ തലയടിച്ചുപൊട്ടിച്ച സംഭവം, ഡിവൈഎഫ്‌ഐയുടെ അതിക്രമങ്ങളില്‍ പൊലീസ് കാണിച്ച മൗനം തുടങ്ങി നിരവധി വിഷയങ്ങളില്‍ നവകേരള സദസുമായി ബന്ധപ്പെട്ട് പ്രതിസന്ധിയിലാണ് കേരള പൊലീസ്. പ്രതിപക്ഷം ഒന്നടങ്കം പൊലീസിനെ വിമര്‍ശിക്കുകയും ചെയ്യുന്നുണ്ട്.

ക്രമസമാധാന പാലനത്തില്‍ മികച്ച പ്രവര്‍ത്തനം കാഴ്ചവച്ചവര്‍ക്കാണ് ഗുഡ് സര്‍വീസ് എന്‍ട്രി നല്‍കുക. സിവില്‍ പൊലീസ് ഓഫീസര്‍മാര്‍ മുതല്‍ ഐജി വരെയുള്ള പൊലീസുകാരെ അംഗീകാരത്തിനായി പരിഗണിക്കും.

നവകേരള സദസ് സമാപനത്തോടടുക്കുമ്പോള്‍ കോണ്‍ഗ്രസ് നടത്തിയ മാര്‍ച്ചിനിടെ മുതിര്‍ന്ന നേതാക്കള്‍ക്ക് നേരെയും പൊലീസ് ഗ്രനേഡ് പ്രയോഗിച്ചിരുന്നു. കെപിസിസി അധ്യക്ഷന്‍ കെ സുധാകരന് ശാരീരിക അസ്വസ്ഥതകള്‍ അനുഭവപ്പെടുകയും ചെയ്തു. ഈ വിഷയത്തിലടക്കം അതിരൂക്ഷ വിമര്‍ശനമാണ് പ്രതിപക്ഷം പൊലീസിന് എതിരെ ഉന്നയിക്കുന്നത്.

നവകേരള സദസ്സ് നടക്കുന്ന നൂറ് മീറ്റർ ചുറ്റളവിലുള്ള പ്രദേശങ്ങളും നവകേരള സദസ് കടന്നു പോകുന്ന റൂട്ടുകളിലെ നൂറ് മീറ്റർ ചുറ്റളവിലുള്ള പ്രദേശങ്ങളുമാണ് താത്കാലിക റെഡ് സോണിൽ ഉൾപ്പെടുത്തിയിരിക്കുന്നത്.

മലപ്പുറം ജില്ലയിലെ പൂക്കോട്ടൂർ പഞ്ചായത്ത് പ്രസിഡൻ്റും ലോക്കൽ ഗവൺമെൻ്റ് മെസേഴ്സ് ലീഗ് (LGML) സംസ്ഥാന പ്രസിഡൻ്റുമായ കെ ഇസ്മായിൽ, കോഴിക്കോട് ജില്ലയിലെ പെരുവയൽ പഞ്ചായത്ത് വൈസ് പ്രസിഡൻ്റും LGML സംസ്ഥാന ജനറൽ സെക്രട്ടറിയുമായ പി കെ ഷറഫുദ്ദീൻ, മലപ്പുറം ബ്ലോക്ക് പഞ്ചായത്ത് പ്രസിഡൻ്റ് അബ്ദുറഹ്മാൻ കാരാട്ട് എന്നിവർ അഡ്വ മുഹമ്മദ് ഷാ മുഖാന്തിരം നൽകിയ റിട്ട് ഹർജിയിലാണ് ജസ്റ്റിസ് ബെച്ചു കുര്യൻ തോമസിൻ്റെ ഇടക്കാല ഉത്തരവ്.

കേസിലെ ഉൾപ്പെട്ടിരിക്കുന്ന പഞ്ചായത്തിൻ്റെ സെക്രട്ടറിമാർക്ക് പ്രത്യേക ദൂതൻ മുഖാന്തിരം നോട്ടീസ് നൽകാൻ ഉത്തരവിട്ട ഹൈക്കോടതി നവകേരള സദസ്സിനായി പണം നൽകുന്നതിൽ നിന്ന് മേൽ സെക്രട്ടറിമാരെ താൽക്കാലികമായി വിലക്കിയിട്ടുണ്ട്. കേസ് വിശദമായ വാദത്തിനായി 7.12.2023ലേക്ക് മാറ്റിവെച്ചു.

നവകേരള സദസ്സുമായി ബന്ധപ്പെട്ട് വിദ്യാര്‍ത്ഥികളെ പങ്കെടുപ്പിക്കരുതെന്ന നിര്‍ദ്ദേശം പാലിച്ചില്ലെന്നും വിദ്യാര്‍ത്ഥികളെ റോഡിലിറക്കിയത് ഗുരുതരമായ അച്ചടക്കലംഘനവും കൃത്യവിലോപനവുമാണെന്നും നോട്ടീസിലുണ്ട്. ഇതുമായി ബന്ധപ്പെട്ട് ഏഴു ദിവസത്തിനകം മറുപടി നല്‍കണമെന്നാണ് മലപ്പുറം ഡിഡിഇ പുറത്തിറക്കിയ കാരണം കാണിക്കല്‍ നോട്ടീസില്‍ വ്യക്തമാക്കുന്നത്. സ്‌കൂള്‍ കുട്ടികളെ നവകേരളാ സദസില്‍ പങ്കെടുപ്പിക്കണമെന്ന് മലപ്പുറം ഡി ഡി ഇയുടെ ഉത്തരവ് പിന്‍വലിച്ചതായി സര്‍ക്കാര്‍ ഇന്ന് രാവിലെ ഹൈക്കോടതിയെ അറിയിച്ചിരുന്നു.

അതേസമയം നവകേരള സദസില്‍ പങ്കെടുത്തില്ലെന്ന് ആരോപിച്ച് കണ്ണൂരില്‍ തൊഴിലുറപ്പ് തൊഴിലാളികള്‍ക്ക് ജോലി നിഷേധിച്ച സാഹചര്യവും ഉണ്ടായി. പടിയൂര്‍ പഞ്ചായത്ത് പെരുമണ്ണ് വാര്‍ഡിലാണ് സംഭവം.

നഗരസഭയുടെ ഉടമസ്ഥതയിലുള്ള സ്‌കൂളിന്റെ മതില്‍ പൊളിക്കുന്നത് നഗരസഭാ ഭരണസമിതി അറിഞ്ഞിട്ടില്ലെന്ന് തിരൂര്‍ നഗരസഭ ചെയര്‍പേഴ്‌സണ്‍. മതിലിനു സമീപത്തുള്ള അഴുക്കുചാല്‍ നികത്തിയാണ് ബസ് കയറാന്‍ പ്രത്യേക വഴിയൊരുക്കിയിട്ടുള്ളത്.

അതേസമയം, സുരക്ഷാ ക്രമീകരണങ്ങളുടെ ഭാഗമായി മുഖ്യമന്ത്രിക്കും മന്ത്രിമാര്‍ക്കും സ്‌കൂളിനകത്തേക്ക് പ്രവേശിക്കാനാണ് മതില്‍ പൊളിച്ചതെന്നും പരിപാടി കഴിഞ്ഞാല്‍ ഉടന്‍തന്നെ പൂര്‍ണ്ണമായ രീതിയില്‍ മതില്‍ നിര്‍മ്മിച്ചു നല്‍കുമെന്നുമാണ് സംഘാടകസമിതിയുടെ വാദം.

പല വിദ്യാര്‍ത്ഥികള്‍ക്കും അധ്യാപകരുടെ നിര്‍ബന്ധ പ്രകാരമാണ് പഠനം ഒഴിവാക്കി പരിപാടിയില്‍ പങ്കെടുത്തത്. 9, 10 ,11, 12, ക്ലാസില്‍ പഠിക്കുന്ന വിദ്യാര്‍ത്ഥികളെയാണ് പരിപാടിയില്‍ പങ്കെടുപ്പിച്ചത്. നഗരസഭ ചെയര്‍മാനും, ജില്ലാ പട്ടികവര്‍ഗ ഓഫിസില്‍ നിന്നും കുട്ടികളെ വിട്ടു നല്‍കണമെന്ന് അറിയിച്ചതായി പ്രധാന അധ്യാപകന്‍ പറയുന്നത്. ഇതില്‍ തന്നെ പല വിദ്യാര്‍ത്ഥികള്‍ക്കും ശാരീരിക അസ്വസ്ഥതകളും ഉണ്ടായിട്ടുണ്ട്.

നൂറുകണക്കിന് വിദ്യാര്‍ത്ഥികള്‍ ആയിരുന്നു പങ്കെടുത്തത് രക്ഷിതാക്കളുടെ അനുവാദം കൂടാതെ ആയിരുന്നു പരിപാടി സംഘടിപ്പിച്ചത്. സംസ്ഥാന സര്‍ക്കാറിന്റെ നേട്ടങ്ങള്‍ ഉയര്‍ത്തി കാണിക്കുന്ന പ്ലകാര്‍ഡുകള്‍ ഉയര്‍ത്തിയായിരുന്നു വിദ്യാര്‍ത്ഥികള്‍ പങ്കാളിയായത്. ഇതുമായി ബന്ധപ്പെട്ട് കഴിഞ്ഞദിവസം മലപ്പുറം കോഡൂര്‍ സ്വദേശി മുഹമ്മദ് മുര്‍ഷിദ് എം.ടി നല്‍കിയ പരാതിയുടെ അടിസ്ഥാനത്തില്‍ ബാലാവകാശ കമ്മീഷന്‍ കേസെടുത്തു.