കോഴിക്കോട്: പ്രധാനമന്ത്രി നരേന്ദ്ര മോദിയേയും കേന്ദ്ര സര്‍ക്കാറിനെയും രൂക്ഷമായി വിമര്‍ശിച്ച് പഞ്ചാബ് മന്ത്രിയും കോണ്‍ഗ്രസ് നേതാവുമായ നവ്‌ജ്യോത് സിങ് സിദ്ദു. കോഴിക്കോട്ട് യു.ഡി.എഫ് സ്ഥാനാര്‍ഥി എം.കെ രാഘവന്റെ തെരഞ്ഞെടുപ്പ് പര്യടനവുമായി ബന്ധപ്പെട്ട് നടത്തിയ വാഹനജാഥയില്‍ സംസാരിക്കുകയായിരുന്നു സിദ്ദു.

പൊതുമേഖല ബാങ്കുകളെ തകര്‍ക്കുകയാണ് കേന്ദ്രസര്‍ക്കാര്‍. ബാങ്കുകളില്‍ തിരിച്ചു കിട്ടാത്ത കടം പെരുകുകയാണ്. സമ്പന്നര്‍ക്ക് മാനദണ്ഡമില്ലാതെ ബാങ്കുകള്‍ വായ്പ നല്‍കുന്നു. കോടികളാണ് അദാനി സര്‍ക്കാരിന് നല്‍കാന്‍ ഉള്ളത്. അനില്‍ അംബാനിയ്ക്കും കോടികള്‍ നല്‍കുന്നു. എന്നിട്ടും പ്രധാനമന്ത്രി വിമാനയാത്ര നടത്തുകയാണ്-സിദ്ദു കുറ്റപ്പെടുത്തി. ഒരു കര്‍ഷകന്‍ വായ്പ എടുക്കുമ്പോള്‍ സ്‌പെഷ്യല്‍ സ്‌കീമുകള്‍ ഒന്നുമില്ല എന്നാല്‍ അദാനിയെ കേന്ദ്രം വായ്പയെടുക്കാന്‍ സഹായിക്കുന്നു. കര്‍ഷകരുടെ കടം കേന്ദ്രം എഴുതിത്തള്ളുന്നില്ല.
നീ രവ് മോദിയെയും മല്യയെപ്പോലുമുള്ളവര്‍ ഇന്ത്യയിലേക്ക് തിരിച്ച് വരുന്നുമില്ല. ബിഎസ്എന്‍എല്‍ പോലുള്ള പൊതുമേഖല സ്ഥാപനങ്ങള്‍ നഷ്ടത്തിലായി, അനില്‍ അംബാനിയുടെ ജിയോ പോലുളളവ ലാഭത്തിലാവുകയും ചെയ്തു.

പേടി എം ആരുടെതാണ് ? പരസ്യത്തില്‍ പ്രത്യക്ഷപ്പെടുന്നത് പ്രധാനമന്ത്രിയല്ലേ എന്നും സിദ്ധു ചോദിച്ചു. വലിയ ശതമാനം നോട്ടു തിരികെ വന്നതോടെ നോട്ടു നിരോധനം പരാജയമായി. അഞ്ചു വര്‍ഷം കൊണ്ട് ജി.ഡി.പി കുത്തനെ താഴ്ന്നു. തൊഴില്‍ വാഗ്ദാനങ്ങളൊന്നും പാലിക്കപ്പെട്ടില്ലെന്നും സിദ്ദു പറഞ്ഞു.

കോഴിക്കോട് പുഷ്പ ജംക്ഷനില്‍ നിന്ന് കടപ്പുറം വരെയായിരുന്നു വാഹന പ്രചാരണ ജാഥ. ചൗക്കിദാര്‍ ചോര്‍ഹേ എന്ന മുദ്രാവാക്യമാണ് മുന്‍ ക്രിക്കറ്റര്‍ കൂടിയായ സിദ്ധു റോഡ് ഷോയില്‍ ഉയര്‍ത്തിയത്.

തിരുവനന്തപുരം: രാജ്യസഭാ പ്രതിപക്ഷ നേതാവ് ഗുലാംനബി ആസാദ് രണ്ടുദിവസത്തെ തെരഞ്ഞെടുപ്പു പ്രചാരണങ്ങള്‍ക്കായി ഇന്ന് കേരളത്തിലെത്തും. മുന്‍ ഇന്ത്യന്‍ ക്രിക്കറ്റ് താരവും പഞ്ചാബ് മന്ത്രിസഭാംഗവുമായ നവജ്യോത് സിങ് സിദ്ദുവും ഇന്ന് വിവിധ തെരഞ്ഞെടുപ്പ് യോഗങ്ങളില്‍ സംസാരിക്കും. ഗുലാം നബി ആസാദ് എറണാകുളം, തൃശൂര്‍, മലപ്പുറം, പാലക്കാട്, കോഴിക്കോട്, കണ്ണൂര്‍, വയനാട് മണ്ഡലങ്ങളില്‍ പര്യടനം നടത്തും. ഇന്ന് കൊച്ചിയിലെത്തുന്ന അദ്ദേഹം രാവിലെ 11ന് ആലുവ, 3.30ന് ചാവക്കാട്, 4.30ന് പൊന്നാനി, 6.30ന് പട്ടാമ്പി, രാത്രി എട്ടിന് മലപ്പുറം എന്നിവിടങ്ങളില്‍ പ്രസംഗിക്കും. നാളെ രാവിലെ 10.30ന് മട്ടന്നൂര്, 11.30ന് തലശ്ശേരി, 3ന് മാനന്തവാടി, 4.30ന് കമ്പലക്കാട്, 6.30ന് മുക്കം, രാത്രി 8ന് കാവന്നൂരും പ്രസംഗിക്കും. സിദ്ദു ഇന്ന് കോഴിക്കോട്, വടകര, വയനാട് മണ്ഡലങ്ങളില്‍ പര്യടനം നടത്തും. കോഴിക്കോട് രാവിലെ 10നും വടകരയില്‍ രാവിലെ 11.30നും പ്രസംഗിക്കും. ഉച്ചതിരിഞ്ഞ് വയനാട് മണ്ഡലത്തിലെ കല്‍പ്പറ്റ, നിലമ്പൂര്‍, എടവണ്ണ, കൊടിയത്തൂര്‍, മാനന്തവാടി, കൊമ്പലക്കാട്, മുക്കം, കവനൂര്‍ എന്നിവിടങ്ങളിലും പ്രസംഗിക്കും.

മുന്‍ ക്രിക്കറ്റ് താരമായ ഇംറാന്‍ ഖാന്‍ പാക് പ്രധാനമന്ത്രിയായി ചുമതലയേല്‍ക്കുന്ന ചടങ്ങില്‍ പങ്കെടുക്കുന്നതിനാണ് കഴിഞ്ഞ ഞായറാഴ്ച സിധു പാകിസ്താനിലെത്തിയത്. ചടങ്ങിനിടെ ബജ്വ തന്നെ ഇങ്ങോട്ട് ആലിംഗനം ചെയ്യുകയാണുണ്ടായതെന്നും കര്‍താര്‍പൂരിലെ ദര്‍ബാര്‍ സാഹിബ് ഗുരുദ്വാരയിലേക്ക് പഞ്ചാബിലെ സിഖ് വംശജര്‍ക്ക് പ്രവേശനം അനുവദിക്കുമെന്ന് അദ്ദേഹം അറിയിച്ചതായും സിധു പറഞ്ഞു.

മുന്‍ സൈനിക ഉദ്യോഗസ്ഥനായ പഞ്ചാബ് മുഖ്യമന്ത്രി ക്യാപ്ടന്‍ അമരീന്ദര്‍ സിങ്, സിധുവിന്റെ ആലിംഗനത്തെ വിമര്‍ശിച്ചിരുന്നു. നിരവധി ഇന്ത്യന്‍ സൈനികര്‍ പാകിസ്താനുമായുള്ള ഏറ്റുമുട്ടലില്‍ കൊല്ലപ്പെട്ടിട്ടുണ്ടെന്നും അവരുടെ സൈനിക മേധാവിയെ ആലിംഗനം ചെയ്യുന്നതിന് താന്‍ എതിരാണെന്നും അമരീന്ദര്‍ സിങ് പറഞ്ഞു. ഏതാനും മാസങ്ങള്‍ക്കു മുമ്പ് തന്റെ തന്നെ റെജിമെന്റിലെ ഒരു സൈനികന്‍ പാക് വെടിവെപ്പില്‍ കൊല്ലപ്പെട്ട കാര്യവും അമരീന്ദര്‍ സിങ് പറഞ്ഞു.

#WATCH Islamabad: Imran Khan fumbles during his oath taking speech pic.twitter.com/cPsgsjwgnD

— ANI (@ANI) August 18, 2018

ഇടക്കാല പ്രധാനമന്ത്രി നസീറുല്‍ മുല്‍ക്, ദേശീയ അസംബ്ലി സ്പീക്കര്‍ ആസാദ് ഖൈസര്‍, കരസേനാ മേധാവി ഖമര്‍ ജാവേദ് ബജ്‌വ, വ്യോമസേനാ മേധാവി മുജാഹിദ് അന്‍വര്‍ ഖാന്‍, നാവികസേനാ മേധാവി സഫര്‍ മഹ്മൂദ് അബ്ബാസി, 1992ല്‍ ഇമ്രാന്‍ ഖാന്‍ ക്യാപ്റ്റനായിരിക്കെ പാകിസ്താന് ലോകകപ്പ് ക്രിക്കറ്റ് കിരീടം നേടിക്കൊടുത്ത ടീം അംഗങ്ങള്‍ തുടങ്ങി നിരവധി പേര്‍ ചടങ്ങില്‍ പങ്കെടുത്തു. ഇന്ത്യയില്‍നിന്ന് കോണ്‍ഗ്രസ് നേതാവും പഞ്ചാബ് മന്ത്രിയുമായ നവ്‌ജ്യോത് സിങ് സിദ്ധുവും എത്തിയിരുന്നു.

#WATCH: Navjot Singh Sidhu meets Pakistan Army Chief General Qamar Javed Bajwa at #ImranKhan‘s oath-taking ceremony in Islamabad. pic.twitter.com/GU0wsSM56s

— ANI (@ANI) August 18, 2018

ജനങ്ങള്‍ക്ക് നല്‍കിയ വാക്കുകള്‍ പാലിക്കുന്നതില്‍ വിട്ടുവീഴ്ച വരുത്തില്ലെന്ന് പാര്‍ലമെന്റില്‍ നടത്തിയ പ്രസംഗത്തില്‍ അദ്ദേഹം ഉറപ്പുനല്‍കി. അഴിമതിക്കാരെ പിടിച്ചുകെട്ടും. ഏതെങ്കിലും സ്വേച്ഛാധിപതിയുടെ തോളില്‍ ചിവിട്ടിയല്ല ഞാന്‍ ഇവിടെ എത്തിയത്. 22 വര്‍ഷത്തോളം പൊരുതി തന്നെയാണ് ഈ സ്ഥാനത്ത് എത്തിയത്-ഇമ്രാന്‍ഖാന്‍ പറഞ്ഞു.

ജൂലൈ 25ന് നടന്ന പൊതുതെരഞ്ഞെടുപ്പില്‍ പിടിഐ ഏറ്റവും വലിയ ഒറ്റകക്ഷിയായി തെരഞ്ഞെടുക്കപ്പെടുകയായിരുന്നു. പാകിസ്താന്‍ തെഹ്‌രീകെ ഇന്‍സാഫ് പാര്‍ട്ടി(പി.ടി.ഐ) മേധാവിയായ ഇമ്രാന്‍ഖാനെ ദേശീയ അസംബ്ലി അംഗങ്ങള്‍ പ്രധാനമന്ത്രിയായി തെരഞ്ഞെടുത്തിരുന്നു. ക്രിക്കറ്റ് ജീവിതത്തിന് ശേഷം രാഷ്ട്രീയത്തിലെത്തിയ അദ്ദേഹം ഇരുപത് വര്‍ഷത്തോളം മുഖ്യധാരാ രാഷ്ട്രീയ പാര്‍ട്ടികളോട് പോരുതിയാണ് പാകിസ്താന്റെ ഭരണതലപ്പത്ത് എത്തിയത്. പ്രസിഡന്റ് മന്‍മൂന്‍ ഹുസൈനില്‍നിന്ന് സത്യവാചകം ഏറ്റുചൊല്ലുമ്പോള്‍ ഇമ്രാന്‍ഖാന്റെ കണ്ണുകള്‍ ഒരുവേള ആര്‍ദ്രമായി.

ബി.ജെ.പി വിട്ടതിന് ശേഷം സിദ്ദുവിന്റെ കോണ്‍ഗ്രസ് പ്രവേശനവുമായി ബന്ധപ്പെട്ട് നിരവധി വാര്‍ത്തകളാണ് പ്രചരിച്ചിരുന്നത്. ബി.ജെ.പി വിട്ടതിന് ശേഷം സ്വന്തമായി പാര്‍ട്ടി രൂപീകരിച്ചിരുന്നു. എന്നാല്‍ ഈ പാര്‍ട്ടിയുമായി സിദ്ദുവിന് മുന്നോട്ട് പോവാനായില്ല. അതിനിടെ കോണ്‍ഗ്രസിന്റെ മുഖ്യമന്ത്രി സ്ഥാനാര്‍ത്ഥിയാക്കാത്തതില്‍ പ്രതിഷേധമുണ്ടെന്നും തിരിച്ചില്ലെന്നും വാര്‍ത്തകള്‍ പ്രചരിച്ചിരുന്നു. പഞ്ചാബ് പി.സി.സി അദ്ധ്യക്ഷന്‍ അമരീന്ദര്‍ സിങ്ങാണ് കോണ്‍ഗ്രസിന്റെ മുഖ്യമന്ത്രി സ്ഥാനാര്‍ത്ഥി.

സിദ്ദുവിന്റെ കോണ്‍ഗ്രസ് പ്രവേശം ഭരണകക്ഷിയായ അകാലിദളിനും ബി.ജെ.പിക്കും തിരിച്ചടിയാവും. ഫെബ്രുവരി നാലിനാണ് പഞ്ചാബില്‍ തെരഞ്ഞെടുപ്പ്. കഴിഞ്ഞ സെപ്തംബറിലാണ് സിദ്ദു, ബി.ജെ.പി വിട്ടത്. സിദ്ദുവിന്റെ ഭാര്യ നവ്‌ജ്യോത് കൗര്‍ നേരത്തെ കോണ്‍ഗ്രസില്‍ ചേര്‍ന്നിരുന്നു. അരുണ്‍ ജെയ്റ്റ്‌ലിയുമായുള്ള പോരാണ്‌ സിദ്ദുവിനെ ബി.ജെ.പിക്ക് പുറത്ത് എത്തിച്ചത്.