2019 ഫെബ്രുവരി 24നാണ് യുവ സംവിധായിക നയന സൂര്യയെ മരിച്ച നിലയില്‍ കണ്ടെത്തിയത്. വെള്ളയമ്പലം ആല്‍ത്തറ ജംഗ്ഷനിലെ ഫ്‌ളാറ്റിലാണ് മരിച്ച നിലയില്‍ കണ്ടെത്തിയത്. 28 വയസ്സായിരുന്നു. സംവിധായകന്‍ ലെനിന്‍ രാജേന്ദ്രന്റെ അസിസ്റ്റന്റായിരുന്നു.

പോസ്റ്റുമോര്‍ട്ടം റിപ്പോര്‍ട്ടിന്റെ അടിസ്ഥാനത്തില്‍ മരണ കാരണം വ്യക്തമാകാന്‍ ദേശീയ തലത്തിലുളള വിദഗ്ധരെ ഉള്‍പ്പെടുത്തി മെഡിക്കല്‍ ബോര്‍ഡ് രൂപീകരിക്കാന്‍ ക്രൈംബ്രാഞ്ച് സര്‍ക്കാരിന് കത്ത് നല്‍കി. മൂന്ന് വ‍ര്‍ഷം മുന്‍പാണ് നയനയെ തിരുവനന്തപുരത്തെ വാടകവീട്ടിനുള്ളില്‍ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയത്. ശരീരത്തില്‍ പരിക്കുകളുണ്ടെങ്കിലും കൃത്യമായ അന്വേഷണം നടത്താതെ തെളിയിക്കപ്പെട്ടാത്ത കേസായി മ്യൂസിയം പൊലീസ് റിപ്പോര്‍ട്ട് നല്‍കിയിരുന്നു.

മതിയായ തെളിവുകള്‍ പോലും ലോക്കല്‍ പോലീസ് ശേഖരിച്ചിട്ടില്ല. രോഗ മൂലമാണ് മരണപ്പെട്ടതെന്ന് യാതൊരുവിധ വിദഗ്‌ധോപദേശവും ഇല്ലാതെ എത്തിയ നിഗമനമാണ്. കുഴഞ്ഞുവീണു മരിച്ച എന്നതിന് യാതൊരു അടിസ്ഥാനവുമില്ല. അടിവയറ്റിലെ പരിക്കും ശരീരത്തിലെ മുറിപ്പാടുകളും അധി ഗുരുതരമാണെന്നാണ് റിപ്പോര്‍ട്ടില്‍ പറയുന്നത്. നയനയുടെ വസ്ത്രം അടക്കം പ്രധാന തെളിവുകളൊന്നും ഫോറന്‍സിക് ടീമിന് അയച്ചിട്ടില്ല.നയനയുടെ മുറിയിലെയും ശരീരഭാഗത്തും ഉണ്ടായിരുന്ന വിരലടയാളങ്ങള്‍ ഒന്നും തന്നെ പോലീസ് ശേഖരിച്ചിട്ടില്ല.

ആനയുടെ മുറി അകത്തുനിന്നും പൂട്ടിയതാണെന്ന പോലീസിന്റെ കണ്ടത്തലും തെറ്റാണ്. യുവതിയുടെ സാമൂഹ്യ പശ്ചാത്തലമോ സാമ്പത്തിക ഇടപാടുകളോ ലോക്കല്‍ പോലീസ് അന്വേഷിച്ചിട്ടില്ല എന്ന് റിപ്പോര്‍ട്ടില്‍ പറയുന്നു. മൂന്നുവര്‍ഷം മുമ്പാണ് നയനയെ തിരുവനന്തപുരത്തെ വാടകവീട്ടില്‍ മരിച്ച നിലയില്‍ കണ്ടെത്തിയത്. ശരീരത്തില്‍ പരിക്കുകള്‍ ഉണ്ടായിരുന്നിട്ടും തെളിയിക്കപ്പെടാത്ത കേസായി മ്യൂസിയം പോലീസ് റിപ്പോര്‍ട്ട് നല്‍കി കേസ് അന്വേഷണം അവസാനിപ്പിക്കുകയായിരുന്നു. മരണകാരണം കഴുത്തിനേറ്റ പരിക്കാണെന്ന് പോസ്റ്റ്‌മോര്‍ട്ടം റിപ്പോര്‍ട്ട് വന്നതിനെ തുടര്‍ന്നാണ് സംഭവത്തില്‍ ദുരൂഹത വര്‍ദ്ധിച്ചത്.