ഇരുവരും ഒളിവിലാണ്. അതേസമയം, അന്വേഷണത്തെ എസ്.ഡി.പി.ഐ തടസ്സപ്പെടുത്തുന്നുവെന്ന് സര്‍ക്കാര്‍ ഹൈക്കോടതിയില്‍ അറിയിച്ചു.

ഈ മാസം 2-നാണ് അഭിമന്യുവിനെ ക്യാമ്പസ് ഫ്രണ്ട് പ്രവര്‍ത്തകര്‍ കുത്തിക്കൊലപ്പെടുത്തിയത്. കൂടെയുണ്ടായിരുന്ന അര്‍ജ്ജുനെയും കുത്തിയിരുന്നെങ്കിലും ഗുരുതരമായി പരിക്കേറ്റ അര്‍ജ്ജുന്‍ ജീവിതത്തിലേക്ക് തിരിച്ചുവന്നു.

മൂവാറ്റുപുഴയിലെ രഹസ്യകേന്ദ്രത്തില്‍വെച്ച് വെള്ളിയാഴ്ച പുലര്‍ച്ചെ വരെ നാസറിനെ ചോദ്യംചെയ്തു. രക്തസമ്മര്‍ദ്ദം കൂടിയതിനെ തുടര്‍ന്ന് ഇയാളെ ആസ്പത്രിയില്‍ പ്രവേശിപ്പിച്ചു. കൊലപാതകവുമായി ബന്ധപ്പെട്ട് ആലുവയില്‍ അറസ്റ്റുചെയ്തവരില്‍ നിന്ന് ലഭിച്ച വിവരങ്ങളുടെ അടിസ്ഥാനത്തിലായിരുന്നു നാസറിന്റെ വീട്ടില്‍ തെരച്ചില്‍ നടത്തിയത്.

കേസില്‍ ഇതുവരെ 13 എസ്.ഡി.പി.ഐ പ്രവര്‍ത്തകരാണ് അറസ്റ്റിലായിട്ടുള്ളത്. അതേസമയം, കൊലയാളി സംഘം വിദേശത്തേക്ക് കടന്നതായി പൊലീസ് സ്ഥിരീകരിച്ചു.

പാര്‍ട്ടി മുന്നോട്ടുവെക്കുന്ന രാഷ്ട്രീയത്തിനെതിരെ രംഗത്തിറങ്ങുന്നവരെയും അവരുടെ താല്‍പര്യങ്ങളെയും തുറന്നുകാട്ടാന്‍ 20 മുതല്‍ സമ്പര്‍ക്ക സദസ്, വാഹനപ്രചാരണ ജാഥ, കുടുംബ സംഗമം എന്നിവ നടത്താന്‍ സംസ്ഥാന സമിതി യോഗം തീരുമാനിച്ചതായും ഭാരവാഹികള്‍ പറഞ്ഞു.

അതേസമയം, അഭിമന്യുവിനെ കൊലപ്പെടുത്തിയ കേസില്‍ നാലു പോപ്പുലര്‍ഫ്രണ്ട് പ്രവര്‍ത്തകര്‍കൂടി അറസ്റ്റിലായി. ഗൂഢാലോചനയില്‍ പങ്കെടുത്ത വെണ്ണല സ്വദേശി അനൂപ്, പ്രതികള്‍ രക്ഷപ്പെടാന്‍ ഉപയോഗിച്ച കാറിന്റെ ഉടമ നിസാര്‍ കരുവേലിപ്പടി എന്നിവരെ സെന്‍ട്രല്‍ പൊലീസ് അറസ്റ്റ് ചെയ്തു. ഷാജഹാന്‍, ഷിറാസ് സലിം എന്നീ രണ്ടു പ്രതികള്‍ ആലപ്പുഴയില്‍ അറസ്റ്റിലായിരുന്നു.

അതേസമയം, മഹാരാജാസ് കോളേജിലെ എസ്.എഫ്.ഐ നേതാവ് അഭിമന്യുവിന്റെ വധത്തില്‍ രണ്ട് പോപ്പുലര്‍ ഫ്രണ്ട് പ്രവര്‍ത്തകര്‍കൂടി കസ്റ്റഡിയിലായി. ആലപ്പുഴ വടുതലയില്‍നിന്നാണ് ഇവര്‍ പിടിയിലായത്. വടുതല സ്വദേശികളായ ഷിറാസ്, ഷാജഹാന്‍ എന്നിവരെയാണ് അന്വേഷണസംഘം കസ്റ്റഡിയിലെടുത്തത്. ഇവര്‍ക്ക് പ്രതികളെക്കുറിച്ച് അറിയാമെന്ന് സംശയിക്കുന്നതായി പൊലീസ് പറഞ്ഞു. ഇവരുടെ വീടുകളിലും ഉടമസ്ഥതയിലുള്ള സ്ഥാപനങ്ങളിലും പൊലീസ് റെയ്ഡ് നടത്തി.

കഴിഞ്ഞ ദിവസത്തെ അവലോകന ഓഡിയോ കോണ്‍ഫറന്‍സില്‍ കേന്ദ്ര ആഭ്യന്തരമന്ത്രാലയം കേരള പൊലീസിന്റെ രഹസ്യാന്വേഷണ വിഭാഗത്തില്‍ നിന്നും വിശദവിവരങ്ങള്‍ തേടിയിരുന്നു. കേരളപൊലീസ് ഇന്റലിജന്‍സും കേന്ദ്ര ഇന്റലിജന്‍സ് ബ്യൂറോയുടെ കേരളത്തിലെ ഡെപ്യൂട്ടി ഡയറക്ടര്‍ ഐ.ബി. റാണിയും നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് കേന്ദ്രനീക്കം.

അതേസമയം, കേരളത്തില്‍ പോപ്പുലര്‍ ഫ്രണ്ടിന്റെ പ്രവര്‍ത്തനങ്ങളെക്കുറിച്ച് ഗവര്‍ണര്‍ ജസ്റ്റിസ് പി.സദാശിവം സംസ്ഥാന സര്‍ക്കാരിനോട് റിപ്പോര്‍ട്ട് തേടി. ഇന്റലിജന്‍സ് എ.ഡി.ജി.പി ടി.കെ വിനോദ് കുമാറിനെ രാജ്ഭവനില്‍ വിളിച്ചുവരുത്തിയാണ് വിശദീകരണം തേടിയത്. കേന്ദ്ര ഇന്റലിജന്‍സ് ബ്യൂറോയില്‍നിന്നുള്ള റിപ്പോര്‍ട്ടിന്റെ അടിസ്ഥാനത്തിലാണ് ഗവര്‍ണര്‍ റിപ്പോര്‍ട്ട് തേടിയത് എന്നാണ് വിവരം. സമൂഹത്തില്‍ കുഴപ്പങ്ങളുണ്ടാക്കാന്‍ പോപ്പുലര്‍ ഫ്രണ്ട് ആസൂത്രണം ചെയ്യുന്നുവെന്ന് ഇന്റലിജന്‍സ് റിപ്പോര്‍ട്ട് നല്‍കിയിട്ടുണ്ട്.

പോപുലര്‍ ഫ്രണ്ടിനെതിരായ നിരോധനം പിന്‍വലിക്കണമെന്ന് പ്രഫ. കെ സച്ചിദാനന്ദന്‍, കെ ഇ എന്‍ കുഞ്ഞമ്മദ്, ഒ അബ്ദുല്ല, അപ്പുകുട്ടന്‍ വള്ളിക്കുന്ന്, എന്‍ പി ചെക്കുട്ടി, ഡോ. ജെ ദേവിക, കെ കെ കൊച്ച്, ജമാല്‍ കൊച്ചങ്ങാടി, എ വാസു, എ സജീവന്‍, ഗോപാല്‍ മേനോന്‍, കെ കെ ബാബുരാജ്, രൂപേഷ് കുമാര്‍, എ എസ് അജിത്കുമാര്‍, വി ആര്‍ അനൂപ്, ഡോ. വര്‍ഷാബഷീര്‍, എ എ വഹാബ്, ഡോ. ധന്യാ മാധവ്, വി പ്രഭാകരന്‍, റെനി ഐലിന്‍ എന്നിവര്‍ ആവശ്യപ്പെട്ടു.

ഇസ്ലാമിക് സ്‌റ്റേറ്റുമായി പോപുലര്‍ ഫ്രണ്ട് ഓഫ് ഇന്ത്യക്ക് ബന്ധമുണ്ടെന്ന് ആരോപിച്ചാണ് ജാര്‍ഖണ്ഡ് ബിജെപി സര്‍ക്കാര്‍ സംഘടനക്ക് നിരോധനമേര്‍പ്പെടുത്തിയത്. ക്രിമിനല്‍ നിയമ ഭേദഗതി ആക്ട് 1908 പ്രകാരം പോപുലര്‍ ഫ്രണ്ടിെന നിരോധിക്കാന്‍ ആഭ്യന്തര വകുപ്പ് ശിപാര്‍ശ ചെയ്തതിന്റെ അടിസ്ഥാനത്തിലാണ് നടപടിയെന്നാണ് സര്‍ക്കാര്‍ പ്രസ്താവയിറക്കിയത്.

പാകൂര്‍ ജില്ലയില്‍ പോപുലര്‍ ഫ്രണ്ട് വളരെ സജീവമാണ്. കേരളത്തില്‍ രൂപീകരിച്ച പോപുലര്‍ ഫ്രണ്ട് ഐ.എസിന്റെ ആശയങ്ങളില്‍ സ്വാധീനിക്കപ്പെട്ട സംഘടനയാണെന്നാണ് ജാര്‍ഖണ്ഡ് ആഭ്യന്തര വകുപ്പിന്റെ റിപ്പോര്‍ട്ടിലുള്ളത്. ചില പി.എഫ്.ഐ പ്രവര്‍ത്തകര്‍ ഐ.എസിന് വേണ്ടി പ്രവര്‍ത്തിക്കുകയും സിറിയയിലേക്ക് പോകുകയും ചെയ്തിട്ടുണ്ടെന്ന് ബി.ജെ.പി സര്‍ക്കാര്‍ ആരോപിക്കുന്നു.

പാട്ടിനെതിരെ ഹൈദരാബാദിലെ ഒരു കൂട്ടം യുവാക്കളാണ് പരാതിയുമായി രംഗത്തെത്തിയത്. പാട്ടില്‍ പ്രവാചകനിന്ദ ഉണ്ടെന്നായിരുന്നു അവരുടെ ആരോപണം. അതിനിടെ, ഗാനം പിന്‍വലിക്കുകയാണെന്ന് സംവിധായകന്‍ ഒമറും പറഞ്ഞു. എന്നാല്‍ പിന്‍വലിക്കില്ലെന്ന് പിന്നീട് വ്യക്തമാക്കുകയും ചെയ്തു. ചിത്രത്തിലെ മാണിക്യമലരായ പൂവി…. എന്ന ഗാനം പ്രവാചകനെ നിന്ദിക്കുന്ന തരത്തിലുള്ള പരാമര്‍ശങ്ങള്‍ അടങ്ങിയതാണെന്ന് യുവാക്കള്‍ പൊലീസിന് നല്‍കിയ പരാതിയില്‍ പറയുന്നു. ഗാനം ഇംഗ്ലീഷിലേക്ക് തര്‍ജ്ജമ ചെയ്തപ്പോള്‍ ഇതിലെ പ്രവാചക വിരുദ്ധത വ്യക്തമായെന്നും ഇവരുടെ പരാതിയില്‍ പറയുന്നുണ്ട്.

മധ്യപ്രദേശില്‍ നടന്ന ഡി.ജി.പി മാരുടെ യോഗത്തില്‍ ലോക് നാഥ് ബെഹ്‌റ ഇത്തരമൊരു ആവശ്യം മുന്നോട്ടുവെച്ചിട്ടില്ലെന്ന് മുഖ്യമന്ത്രിയുടെ ഓഫീസ് വ്യക്തമാക്കിയതായാണ് റിപ്പോര്‍ട്ട്. പോപ്പുലര്‍ ഫ്രണ്ടിനെ നിരോധിക്കാന്‍ കേരളസര്‍ക്കാര്‍ കേന്ദ്രത്തോട് ആവശ്യപ്പെട്ടിരുന്നുവെന്ന് കേന്ദ്ര ആഭ്യന്തര മന്ത്രി കിരണ്‍ റിജിജു പറഞ്ഞിരുന്നു. കേരള ഡി.ജി.പി ലോക്‌നാഥ് ബെഹ്‌റയാണ് ഇത്തരത്തിലൊരു ആവശ്യം മുന്നോട്ട് വെച്ചതെന്നും അദ്ദേഹം പറഞ്ഞിരുന്നു. തുടര്‍ന്നാണ് മുഖ്യമന്ത്രിയുടെ ഓഫീസ് വിഷയത്തില്‍ പ്രതികരണം നടത്തുന്നത്.

ഒക്ടോബര്‍ 16ന് കാമരാജ റോഡില്‍ വെച്ച് മോട്ടോര്‍ ബൈക്കിലെത്തിയ രണ്ടു പേരാണ് രുദ്രേഷിനെ വെട്ടിക്കൊലപ്പെടുത്തിയത്. സംഘ് മീറ്റിങ് കഴിഞ്ഞ് മടങ്ങുകയായിരുന്നു രുദ്രേഷും സഹായികളും. ഈ കേസില്‍ പ്രതികളെന്ന് സംശയിക്കുന്ന നാലു പേരെ പൊലീസ് അറസ്റ്റു ചെയ്തിരുന്നു. കൊലയാളികള്‍ക്ക് വധശിക്ഷ വേണമെന്ന് ആര്‍എസ്എസ് ക്ഷേത്രീയ സംഘ്ചാലക് വി നാഗരാജ് ആവശ്യപ്പെട്ടു.

അതേസമയം, വ്യക്തി വൈരാഗ്യം മൂലമാണ് രുദ്രേഷ് കൊല്ലപ്പെട്ടതെന്ന വാര്‍ത്ത ആര്‍എസ്എസ് നിഷേധിച്ചു. കര്‍ണാടക സര്‍ക്കാരിന്റെ ടിപ്പു ജയന്തിയെ എതിര്‍ക്കുമെന്നും നാഗരാജ് തുടര്‍ന്നു.