നീരവ് മോദിക്കെതിരെ വെസ്റ്റ് മിനിസ്റ്റര്‍ കോടതിയാണ് ഉത്തരവ് പുറപ്പെടുവിച്ചത്.ഈ ഉത്തരവോടെ ഇനിയുള്ള ഏതു ദിവസവും അറസ്റ്റ് ഉണ്ടായേക്കാമെന്നാണ് വിവരം. കോടതി ഉത്തരവിടുകയാണെങ്കില്‍ നീരവ് മോദിയെ ബ്രിട്ടണ്‍ ഇന്ത്യക്ക് കൈമാറുകയും ചെയ്യും. എന്നാല്‍ ഉത്തരവിനെതിരെ നീരവിന് അപ്പീല്‍ പോകാന്‍ സാധിക്കും.

പഞ്ചാബ് നാഷ്ണല്‍ ബാങ്കില്‍ നിന്ന് 13,578 കോടി രൂപയുടെ തട്ടിപ്പ് നടത്തിയ ശേഷം രാജ്യംവിട്ട നീരവ് മോദി ലണ്ടനില്‍ സ്വതന്ത്രമായി സഞ്ചരിക്കുന്ന വിവരം ടെലഗ്രാഫ് പത്രം ചിത്രങ്ങള്‍ സഹിതം പുറത്തുവിട്ടിരുന്നു. മാധ്യമപ്രവര്‍ത്തകരുടെ ചോദ്യങ്ങള്‍ക്ക് നോ കമന്റ്‌സ് എന്നായിരുന്നു മോദിയുടെ മറുപടി.

ഇന്ത്യയില്‍ സാമ്പത്തിക തട്ടിപ്പ് നടത്തി മുങ്ങി ലണ്ടനില്‍ സുഖജീവിതം നയിക്കുന്ന നീരവ് മോദിയും പ്രധാനമന്ത്രി നരേന്ദ്ര മോദിയും തമ്മില്‍ അസാധാരണമായ സാമ്യമുണ്ട്. രണ്ടു പേരും ഇന്ത്യയെ കൊള്ളയടിച്ചു. രണ്ടു പേരുടെയും പേരില്‍ മോദിയുണ്ട്. രണ്ടു പേരോടും എന്തെങ്കിലും ചോദിച്ചാല്‍ ഉത്തരമില്ല. രണ്ടു പേരും നിയമങ്ങള്‍ക്ക് അതീതരാണെന്ന് സ്വയം വിശ്വസിക്കുന്നു-ഇങ്ങനെയാണ് രാഹുലിന്റെ ട്വീറ്റ്.

ലണ്ടന്‍ നഗരത്തില്‍ ആര്‍ഭാട ജീവിതം നയിക്കുന്ന നീരവ് മോദിയുടെ ചിത്രങ്ങള്‍ നേരത്തെ ബ്രിട്ടീഷ് മാധ്യമമായ ദി ടെലിഗ്രാഫ് പുറത്തുവിട്ടിരുന്നു. നീരവിനോട് മാധ്യമപ്രവര്‍ത്തകര്‍ ചോദ്യങ്ങള്‍ ചോദിച്ചെങ്കിലും അദ്ദേഹം ഒന്നും പ്രതികരിച്ചില്ല.

CBI Jt. Director, A K Sharma, weakened Mallya’s “Look Out” notice, allowing Mallya to escape.

Mr Sharma, a Gujarat cadre officer, is the PM’s blue-eyed-boy in the CBI.

The same officer was in charge of Nirav Modi & Mehul Choksi’s escape plans. Ooops…
investigation!

— Rahul Gandhi (@RahulGandhi) September 15, 2018

ഗുജറാത്ത് കേഡര്‍ ഓഫീസര്‍ ശര്‍മയെ ‘സി.ബി.ഐയിലെ പ്രധാനമന്ത്രിയുടെ ബ്ലൂ ഐഡ് ബോയ്’ എന്നാണ് രാഹുല്‍ ടീറ്റില്‍ വര്‍ണിച്ചത്.

പ്രധാനമന്ത്രി നരേന്ദ്ര മോദിയും ധനകാര്യമന്ത്രി അരുണ്‍ ജെയ്റ്റ്‌ലിയും ബാങ്ക് തട്ടിപ്പുകാരനായ മദ്യ വ്യവസായി വിജയ് മല്യയെ രക്ഷപ്പെടാന്‍ സഹായിച്ചതായി കഴിഞ്ഞ ദിവസം കോണ്‍ഗ്രസ് ആരോപിച്ചിരുന്നു. മല്യയുമായി കൂടിക്കാഴ്ച നടത്തിയ ജെയ്റ്റ്‌ലി രാജിവെക്കണമെന്നും കോണ്‍ഗ്രസ് ആവശ്യപ്പെട്ടിരുന്നു. 2016 മാര്‍ച്ചില്‍ ഇന്ത്യയില്‍ നിന്നും രക്ഷപ്പെടുന്നതിന് മുമ്പ് ജെയ്റ്റിലിയുമായി കൂടിക്കാഴ്ച നടത്തിയതായി കഴിഞ്ഞ ദിവസം ലണ്ടനിലെ കോടതിക്കു പുറത്ത് മാധ്യമങ്ങളോട് സംസാരിക്കവെ മല്യ വെളിപ്പെടുത്തിയിരുന്നു. എന്നാല്‍ ഇക്കാര്യം നിരാകരിച്ച് ധനമന്ത്രി രംഗത്തെത്തുകയും ചെയ്തു. എന്നാല്‍ രാഹുലിന്റെയും കോണ്‍ഗ്രസിന്റേയും ആരോപണങ്ങള്‍ ശരിവെക്കുന്ന തരത്തില്‍ ബി.ജെ.പി എം.പി സുബ്രഹ്മണ്യന്‍ ്‌സ്വാമിയുടെ പ്രതികരണവും പിന്നാലെ വന്നിരുന്നു.

Interpol has issued a red corner notice against Purvi Modi, the sister of PNB scam accused Nirav Modi pic.twitter.com/mqHeIWCIv2

— ANI (@ANI) September 10, 2018

കേസുമായി ബന്ധപ്പെട്ട അന്വേഷണം മുന്നോട്ടു പോകണമെങ്കില്‍ പൂര്‍വി മോദിയെ ചോദ്യം ചെയ്യേണ്ടത് അനിവാര്യമാണെന്നാണ് ഇ.ഡിയുടെ നിലപാട്. കേസുമായി ബന്ധപ്പെട്ട് മാര്‍ച്ചില്‍ സമര്‍പ്പിച്ച ആദ്യ കുറ്റപത്രത്തില്‍ തന്നെ പൂര്‍വി മോദിയെ പ്രതിചേര്‍ത്തിരുന്നു. നീരവ് മോദി, അമ്മാവന്‍ മെഹുല്‍ ചോക്‌സി എന്നിവര്‍ക്കെതിരെ ഇന്റര്‍പോള്‍ നേരത്തെ റെഡ് കോര്‍നര്‍ നോട്ടീസ് പുറപ്പെടുവിച്ചിരുന്നു. മോദിയുടെ ഫയര്‍സ്റ്റാര്‍ ഇന്റര്‍നാഷണല്‍ എന്ന ജ്വല്ലറിയുടെ സി.ഇ.ഒ മിഹിര്‍ ബന്‍സാലിക്കെതിരേയും റെഡ്‌കോര്‍നര്‍ നോട്ടീസ് പുറപ്പെടുവിച്ചിട്ടുണ്ട്.

ന്യൂഡല്‍ഹി: പഞ്ചാബ് നാഷണല്‍ ബാങ്ക് തട്ടിപ്പു കേസില്‍ നീരവ് മോദിക്കെതിരെ ഇന്റര്‍പോള്‍ റെഡ് കോര്‍ണര്‍ നോട്ടീസ് പുറപ്പെടുവിച്ചു. ഇന്റര്‍പോള്‍ റെഡ് കോര്‍ണര്‍ നോട്ടീസ് പുറപ്പെടുവിച്ചാല്‍ അംഗരാജ്യങ്ങളില്‍ അഭയം തേടുന്ന കുറ്റവാളികളെ പിടികൂടാന്‍ അതാതു രാജ്യങ്ങളിലെ അന്വേഷണ ഏജന്‍സികള്‍ക്ക് സാധിക്കും. പ്രതിയെ സംബന്ധിച്ച വിവരങ്ങളും താമസിക്കുന്ന സ്ഥല വിവരങ്ങളും അതാതു രാജ്യങ്ങളുമായി പങ്കുവെക്കുകയും ചെയ്യും.
13,578 കോടിയുടെ തട്ടിപ്പ് നടത്തി വിദേശത്തേക്ക് കടന്ന നീരവ് മോദിക്കെതിരെ റെഡ് കോര്‍ണര്‍ നോട്ടീസ് പുറപ്പെടുവിക്കണമെന്ന് സി.ബി.ഐ നേരത്തെ ഇന്റര്‍പോളിനോട് ആവശ്യപ്പെട്ടിരുന്നു. തട്ടിപ്പ് കേസില്‍ മോദിയുടെ അമ്മാവന്‍ മെഹുല്‍ ചോസ്‌കിക്കെതിരെയും നോട്ടീസ് പുറപ്പെടുവിക്കാന്‍ സി.ബി.ഐ ആവശ്യപ്പെട്ടിട്ടുണ്ട്.
രാജ്യത്ത് നടന്ന ഏറ്റവും വലിയ ബാങ്കിങ് തട്ടിപ്പ് കേസില്‍ നീരവ് മോദി, മെഹുല്‍ ചോസ്‌കി, മോദിയുടെ സഹോദരന്‍ നിഷാല്‍ എന്നിവര്‍ക്കെതിരെ സി.ബി.ഐ മുംബൈയിലെ പ്രത്യേക കോടതിയില്‍ കുറ്റപത്രം സമര്‍പ്പിച്ചിരുന്നു.
കേസില്‍ വിചാരണക്കായി നീരവ് മോദിയേയും മെഹുല്‍ ചോസ്‌കിയേയും ഇന്ത്യക്ക് കൈമാറണമെന്ന് ആവശ്യപ്പെട്ട് ഫെബ്രുവരി 15ന് സി.ബി.ഐ ഡിഫ്യൂഷന്‍ നോട്ടീസ് നല്‍കി. സാമ്പത്തിക കുറ്റവാളികളെ കൈമാറാന്‍ സാദ്ധ്യമായതെല്ലാം ചെയ്യുമെന്ന് ബ്രിട്ടീഷ് അധികൃതര്‍ നേരത്തെ ഇന്ത്യന്‍ ആഭ്യന്തര സഹമന്ത്രി കിരണ്‍ റിജിജുവിനെ അറിയിച്ചിരുന്നു. ഇരുവരും ബ്രിട്ടനില്‍ ഉണ്ടെന്നുള്ള വിവരവും ഇന്ത്യയെ അറിയിച്ചിരുന്നു.
സാമ്പത്തിക കുറ്റകൃത്യത്തിനു ശേഷം കഴിഞ്ഞ ജനുവരിയിലാണ് നീരവ് മോദിയും ബന്ധുക്കളും ഇന്ത്യയില്‍ നിന്ന് കടന്നത്.

ന്യൂഡല്‍ഹി: പഞ്ചാബ് നാഷനല്‍ ബാങ്കില്‍ (പി.എന്‍.ബി) നിന്ന് കോടികളുടെ തട്ടിപ്പു നടത്തി മുങ്ങിയ വജ്രവ്യാപാരി നീരവ് മോദി ബ്രിട്ടനില്‍ അഭയം തേടിയതായി റിപ്പോര്‍ട്ട്.
രാഷ്ട്രീയ അഭയം നല്‍കണമെന്നാവശ്യപ്പെട്ട് നീരവ് യു.കെ കോടതിയെ സമീപിച്ചതായി ഇന്ത്യയിലെയും ബ്രിട്ടനിലെയും ഉദ്യോഗസ്ഥരെ ഉദ്ധരിച്ച് രാജ്യാന്തര വാര്‍ത്ത ഏജന്‍സിയായ റോയിട്ടേഴ്‌സ്് റിപ്പോര്‍ട്ടു ചെയ്തു. അതേസമയം സ്വകാര്യ കേസുകളിലെ വിവരങ്ങള്‍ കൈമാറ്റം ചെയ്യാനാകില്ലെന്ന് ബ്രിട്ടന്‍ ആഭ്യന്തര ഡിപ്പാര്‍ട്ട്‌മെന്റ് അറിയിച്ചു.
വ്യാജരേഖകള്‍ നല്‍കി പി.എന്‍.ബിയുടെ 13,000 കോടി രൂപ വെട്ടിച്ചെന്നാണു നീരവ് മോദിക്കെതിരായ കേസ്. നീരവിനു പുറമെ അമ്മാവന്‍ മെഹുല്‍ ചോക്‌സിയും കേസില്‍ പ്രതിയാണ്. ഇവരെ കണ്ടെത്തി തിരിച്ചു കൊണ്ടുവരാന്‍ റെഡ് കോര്‍ണര്‍ നോട്ടിസ് പുറപ്പെടുവിക്കാന്‍ ഇന്ത്യ ഇന്റര്‍പോളിനോട് ആവശ്യപ്പെട്ടിരുന്നു. ആദ്യം ഹോങ്കോങിലായിരുന്ന നീരവ് ന്യൂയോര്‍ക്കിലേക്കു കടന്നിരുന്നു. ഒരു ടിവി ചാനലിനു ലഭിച്ച സര്‍ക്കാര്‍ രഹസ്യാന്വേഷണ റിപ്പോര്‍ട്ട് പ്രകാരം ജനുവരി ഒന്നിനു നീരവ് ഇന്ത്യയില്‍നിന്നു യു.എ.ഇയിലേക്കാണു പോയത്. യു.എ.ഇയിലെ നിയമങ്ങള്‍ കര്‍ശനമായതിനാല്‍ അവിടുന്നു ഫെബ്രുവരി രണ്ടിനു ഹോങ്കോങിലേക്കു മുങ്ങുകയായിരുന്നു.
കേസില്‍ നീരവ് മോദി, അലഹാബാദ് ബാങ്ക് മാനേജിങ് ഡയറക്ടറും ചീഫ് എക്‌സിക്യൂട്ടീവ് ഓഫിസറുമായ ഉഷ അനന്തസുബ്രഹ്മണ്യന്‍ എന്നിവരുള്‍പ്പെടെ 22 പേര്‍ക്കും മൂന്നു കമ്പനികള്‍ക്കുമെതിരെ കഴിഞ്ഞ മാസം സി.ബി.ഐ മുംബൈയിലെ പ്രത്യേക കോടതിയില്‍ കുറ്റപത്രം സമര്‍പ്പിച്ചിരുന്നു. നീരവിനു വിദേശ ബാങ്കുകളില്‍നിന്നു ഹ്രസ്വകാല വായ്പ തരപ്പെടുത്താന്‍ പി.എന്‍.ബിയില്‍നിന്ന് 2011 17 ല്‍ വ്യാജ ജാമ്യപത്രം (എല്‍.ഒ.യു) നല്‍കിയെന്നതാണു കേസ്. വിദേശ ബാങ്കുകളിലെ വായ്പ തിരിച്ചടവില്‍ വീഴ്ചവരികയും അവര്‍ പി.എന്‍.ബിയോടു പണം ആവശ്യപ്പെടുകയും ചെയ്തപ്പോഴാണു തട്ടിപ്പു പുറത്തുവന്നത്. അതേ സമയം നീരവ് മോദിക്കെതിരെ റെഡ് കോര്‍ണര്‍ നോട്ടീസ് പുറപ്പെടുവിക്കണമെന്ന് സി.ബി.ഐ ഇന്റര്‍പോളിനോട് ആവശ്യപ്പെട്ടു. 13637 കോടിയുടെ പി.എന്‍.ബി തട്ടിപ്പുകേസില്‍ നീരവ് മോദിയേയും അമ്മാവന്‍ മെഹുല്‍ ചോക്‌സിയേയും അറസ്റ്റു ചെയ്യാനുള്ള നീക്കത്തിന്റെ ഭാഗമായാണിത്.
തട്ടിപ്പുമായി ബന്ധപ്പെട്ട് ബാങ്ക് അധികൃതര്‍ പരാതി നല്‍കുന്നതിന് തൊട്ടു മുമ്പാണ് ജനുവരി ആദ്യവാരം നീരവ് മോദി ഇന്ത്യ വിട്ടത്. കേസില്‍ മോദിക്കും ബന്ധുക്കള്‍ക്കുമെതിരെ സി. ബി.ഐ കേസെടുത്ത് അന്വേഷണം തുടരുകയാണ്. സി. ബി.ഐയുടെ അഭ്യര്‍ത്ഥന ഇന്റര്‍പോള്‍ ഉടന്‍ പരിഗണിക്കുമെന്നാണ് സൂ ചന.

നേരത്തെ ഇതു സംബന്ധിച്ച വിവരങ്ങള്‍ പുറത്തുവന്നിരുന്നു. നീരവ് മോദി ഒരു അഭിഭാഷകനുമായി ബന്ധപ്പെട്ടിരുന്നുവെന്നായിരുന്നു റിപ്പോര്‍ട്ട്. വ്യാജ രേഖകള്‍ നല്‍കി പി.എന്‍.ബിയില്‍ നിന്ന് 13,000 കോടിരൂപയുടെ തട്ടിപ്പുനടത്തിയ കേസില്‍ അന്വേഷണം നേരിടുന്നതിനിടെയാണ് ഇയാള്‍ യു.കെയിലേക്ക് കടന്നത്.

കേസില്‍ അറസ്റ്റ് ഭയന്ന് ജനുവരിയിലാണ് നീരവ് മോദി ഇന്ത്യവിട്ടത്. ആദ്യം യു.എ.ഇയിലേക്കും പിന്നീട് ഹോങ്കോംഗിലേക്കും കടന്നതിനു ശേഷമാണ് ഇയാള്‍ ഇപ്പോള്‍ യു.കെയില്‍ അഭയം തേടിയിരിക്കുന്നത്. അതേസമയം, സ്വകാര്യ കേസുകളിലെ വിവരങ്ങള്‍ കൈമാറാന്‍ ആകില്ലെന്ന് ബ്രിട്ടന്‍, ആഭ്യന്തര മന്ത്രാലയം അറിയിച്ചു. അതിനാല്‍ നീരവ് യു.കെയിലെത്തിയെന്നതിന് ഇതുവരെ സ്ഥിരീകരണമായിട്ടില്ല.

പൊതു നിയമങ്ങള്‍ക്കും ജുഡീഷ്യറി സംബന്ധിച്ച പരസ്പര ധാരണയുടെയും ബലത്തില്‍ നീരവ് മോദിയെ അറസ്റ്റ് ചെയ്യാനുള്ള ഇന്ത്യയുടെ അഭ്യര്‍ത്ഥന ഹോങ്കോംഗിന് പരിഗണിക്കാമെന്നാണ് ചൈനീസ് വിദേശകാര്യ വക്താവ് ജെങ് ഷുവാങ് തിങ്കളാഴ്ച വ്യക്തമാക്കിയത്.

ഇന്ത്യയുടെ അറസ്റ്റ് അഭ്യര്‍ത്ഥനയെ സംബന്ധിച്ച മാധ്യമങ്ങളുടെ ചോദ്യത്തോട് പ്രതികരിക്കുകയായിരുന്നു ജെങ് ഷുവാങ്.

ഒരു രാജ്യമാണെങ്കിലും രണ്ടു സംവിധാനത്തിനു കീഴിലുള്ള രാജ്യമാണ് ഹോങ്കോങ്. അതേസമയം ഇത്തരം വിഷയത്തില്‍ ഹോങ്കോങ്ങിലെ ഭരണ സംവിധാനമായ സ്‌പെഷല്‍ അഡ്മിനിസ്‌ട്രേറ്റിവ് റീജ്യന (എച്ച്‌കെഎസ്എആര്‍) മറ്റു രാഷ്ട്രങ്ങളുമായി സഹകരിക്കാമെന്നണ് ചൈനീസ് വക്താവ് വ്യക്തമാക്കിയത്. ചൈനയുടെ നിയന്ത്രണത്തിലുള്ള ഹോങ്കോങ്ങിലെ ഭരണ സംവിധാനമാണു ഹോങ്കോങ് സ്‌പെഷല്‍ അഡ്മിനിസ്‌ട്രേറ്റിവ് റീജ്യന്‍.

നീരവ് മോദിയെ അറസ്റ്റ് ചെയ്യാന്‍ ഹോങ്കോങ്ങ് സ്‌പെഷ്യല്‍ അഡ്മിനിസ്‌ട്രേറ്റീവ് റീജിയണ്‍ന്റെ(എച്ച്.കെ.എസ്.എ.ആര്‍)യും, പീപ്പിള്‍സ് റിപ്പബ്ലിക് ഓഫ് ചൈനയുടെയും സഹായത്തിന് കേന്ദ്ര സര്‍ക്കാര്‍ ശ്രമംനടത്തുന്നതായി, കേന്ദ്ര വിദേശകാര്യ സഹമന്ത്രി വി.കെ.സിങ് കഴിഞ്ഞയാഴ്ച പാര്‍ലമെന്റില്‍ പറഞ്ഞിരുന്നു.