ഇക്കാര്യത്തില്‍ അന്തിമ തീരുമാനം എടുക്കേണ്ടത് കേന്ദ്ര ആഭ്യന്തര മന്ത്രാലയമാണ്. തുടര്‍ നടപടികളുടെ ഭാഗമായി ട്രാന്‍സ്‌പോര്‍ട്ട് സെക്രട്ടറി ആഭ്യന്തരമന്ത്രാലയത്തിന് കത്ത് നല്‍കി.

നേമം റെയില്‍വേ സ്‌റ്റേഷനെ തിരുവനന്തപുരം സൗത്ത് എന്നാക്കാനും കൊച്ചുവേളി സ്റ്റേഷന്റെ പേര് തിരുവനന്തപുരം നോര്‍ത്ത് എന്നാക്കാനുമാണ് സംസ്ഥാന സര്‍ക്കാര്‍ തീരുമാനിച്ചത്. ഇക്കാര്യത്തില്‍ നേരത്തെ തന്നെ ആലോചനകള്‍ നടന്നിരുന്നു. റെയില്‍വേ ബോര്‍ഡ് അടക്കം പേര് മാറ്റുന്നതിന് അനുകൂലമായ നിലപാടാണ് സ്വീകരിച്ചത്.

തുടര്‍ന്ന് പേരുമാറ്റത്തിന് സംസ്ഥാന സര്‍ക്കാര്‍ ഔദ്യോഗികമായി അനുമതി നല്‍കി കൊണ്ടാണ് ട്രാന്‍സ്‌പോര്‍ട്ട് സെക്രട്ടറി ആഭ്യന്തരമന്ത്രാലയത്തിന് കത്ത് നല്‍കിയത്. ഇനി ഇക്കാര്യത്തില്‍ ആഭ്യന്തരമന്ത്രാലയത്തിന്റെ അന്തിമ അനുമതി ലഭിക്കുന്നതോടെ പേരുമാറ്റം യാഥാര്‍ഥ്യമാകും.

വിവാഹം കഴിഞ്ഞ് ഒരു വര്‍ഷം തികയും മുന്‍പാണ് ആത്മഹത്യ.മരണത്തില്‍ ഗോപീകൃഷ്ണന് പങ്കുണ്ടെന്ന് വ്യക്തമായതോടെയാണ് ഇയാളുടെ അറസ്റ്റ് രേഖപ്പെടുത്തിയത്. തിരുവനന്തപുരം ശ്രീചിത്രയില്‍ താല്‍ക്കാലിക അടിസ്ഥാനത്തില്‍ ജോലി ചെയ്തു വരുന്നയാളാണ് അറസ്റ്റിലായ പ്രതി. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു.

കോണ്‍ഗ്രസ് സ്ഥാനാര്‍ത്ഥി പട്ടികയില്‍ ഏറ്റവും ശ്രദ്ധേയമായത് മുരളീധരന്റെ സ്ഥാനാര്‍ത്ഥിത്വമായിരുന്നു. കേരളത്തില്‍ ബിജെപി വിജയിച്ച ഏക സീറ്റ് തിരിച്ചുപിടിക്കാന്‍ കേരള രാഷ്ട്രീയത്തിലെ ഏറ്റവും ശക്തനായ നേതാവിനെ തന്നെയാണ് കോണ്‍ഗ്രസ് കളത്തിലിറക്കുന്നത്.

കുമ്മനം രാജശേഖരനാണ് നേമത്ത് ബിജെപി സ്ഥാനാര്‍ത്ഥി. വി. ശിവന്‍കുട്ടിയാണ് സിപിഎമ്മിന് വേണ്ടി മത്സരിക്കുന്നത്. മുരളീധരന്റെ വരവോടെ നേമത്ത് യുഡിഎഫ് പ്രവര്‍ത്തകര്‍ ആവേശത്തിലാണ്.

നേമം മണ്ഡലം ഇത്തവണ യു.ഡി.എഫ് തിരിച്ചുപിടിക്കും. അതിനുള്ള കൃത്യമായ പ്രവര്‍ത്തനുമായാണ് മുന്നോട്ട് പോകുന്നത്. നേമത്ത് തികഞ്ഞ വിജയപ്രതീക്ഷയാണ് യു.ഡി.എഫിനുള്ളതെന്നും ഈ തെരഞ്ഞെടുപ്പില്‍ അതു വ്യക്തമാകുമെന്നും അദ്ദേഹം പറഞ്ഞു.

മണ്ഡലത്തില്‍ പാര്‍ട്ടിയുടെ അടിത്തറ ശക്തിപ്പെടുത്തിയില്ലെങ്കില്‍ എന്നെന്നേക്കുമായി ബി.ജെ.പി നേമത്തെ കൈപ്പിടിയിലൊതുക്കും. സംഘടനാ ദൗര്‍ബല്യവും പ്രവര്‍ത്തന രാഹിത്യവും തോല്‍വിക്ക് കാരണമായി. രാജഗോപാലിനെ നിയമസഭക്ക് സംഭാവന ചെയ്തത് യു.ഡി.എഫ് ആണെന്ന് സഭയ്ക്കുള്ളിലും പുറത്തും ആക്ഷേപമുന്നയിച്ച നേതാക്കളെ ഖണ്ഡിച്ചുകൊണ്ടാണ് ജില്ലാ സമ്മേളന റിപ്പോര്‍ട്ട് നേമത്തെ തോല്‍വിയെ വിശകലനം ചെയ്യുന്നത്. നേമത്തെ പാര്‍ട്ടി കോട്ടകള്‍ ബി.ജെ.പി പിടിച്ചടക്കിയതാണ് തോല്‍വിക്ക് കാരണമെന്ന് റിപ്പോര്‍ട്ട് വ്യക്തമാക്കുന്നു.

തലസ്ഥാനത്തെ ബി.ജെ.പിയുടെ അതിശയകരമായ വളര്‍ച്ചക്ക് കാരണം സി.പി.എമ്മിന്റെ സംഘടനാ ദൗര്‍ബല്യമാണ്. തിരുവനന്തപുരം കോര്‍പറേഷനില്‍ ബി.ജെ.പി പ്രതിപക്ഷത്തിരിക്കുന്ന സാഹചര്യം ഗൗരവമുള്ളതാണ്. ബി.ജെ.പിയുടെ മുന്നേറ്റം ഗൗരവമായി കാണണം. ഹിന്ദുത്വ രാഷട്രീയത്തില്‍ സി.പി.എം സ്വാധീനമേഖലയില്‍ പോലും വോട്ടു നഷ്ടപ്പെടുന്ന സാഹചര്യമാണുള്ളത്. വര്‍ഗ ബഹുജന സംഘടനകളിലും ഈ പ്രവണതയുണ്ടെന്നും റിപ്പോര്‍ട്ട് പറയുന്നു. സര്‍ക്കാരിന്റെ നിലപാടുകളെ പരസ്യമായി ചോദ്യം ചെയ്യുന്ന സി.പി.ഐക്കെതിരെ രൂക്ഷവിമര്‍ശനമാണ് റിപ്പോര്‍ട്ടിലുള്ളത്. സി.പി.ഐ അണികളില്ലാത്ത പാര്‍ട്ടിയാണ്. മാധ്യമങ്ങളുടെ സഹായത്തോടെ വിവാദമുണ്ടാക്കി അവര്‍ ഊര്‍ജം കണ്ടെത്തുകയാണ്.

ഓഖി ചുഴലിക്കാറ്റ് ദുരന്തത്തില്‍ സര്‍ക്കാരിനെയും പാര്‍ട്ടിയെയും തെറ്റായി ചിത്രീകരിക്കാന്‍ ലത്തിന്‍ അതിരൂപത ശ്രമിച്ചു. പാര്‍ട്ടിയെ ഇകഴ്ത്തുന്ന രീതിയില്‍ ലത്തിന്‍ സഭയിലെ വികാരിമാര്‍ ഇടപെട്ടതായും റിപ്പോര്‍ട്ട് കുറ്റപ്പെടുത്തുന്നു. ജില്ലാ സെക്രട്ടറിയായി ആനാവൂര്‍ നാഗപ്പന്‍ തുടരാനാണ് സാധ്യത. സമ്മേളനം നാളെ സമാപിക്കും.