സഞ്ചാരികളുടെ സുരക്ഷ മുന്‍ നിര്‍ത്തി ഏപ്രില്‍ ഒന്ന് മുതല്‍ രാജ്യത്ത് ട്രക്കിങ്ങിന് ഗൈഡിനെ നിര്‍ബന്ധമാക്കി. നേപ്പാള്‍ ടൂറിസം ബോര്‍ഡിന്റേതാണ് തീരുമാനം. ഏപ്രില്‍ ഒന്ന് മുതല്‍ പുതിയ തീരുമാനം പ്രാബല്യത്തില്‍ വരുമെന്ന് നേപ്പാള്‍ ടൂറിസം ബോര്‍ഡ് ഡയറക്ടര്‍ മണിരാജ് ലാമിച്ചനെ അറിയിച്ചു. വിനോദ സഞ്ചാരികള്‍ തനിച്ച് ട്രക്കിങ് നടത്തുമ്പോള്‍, പലപ്പോഴും വഴിതെറ്റുകയും സുരക്ഷിതമല്ലാത്ത സാഹചര്യങ്ങളില്‍ എത്തിപ്പെടുകയും ചെയ്യും. ആ സാഹര്യത്തിലാണ് സോളോ ട്രക്കിങുകള്‍ നിരോധിക്കാനുള്ള തീരുമാനത്തില്‍ ഞങ്ങള്‍ എത്തിയിരിക്കുന്നത്. ഏപ്രില്‍ 1 മുതല്‍, സാഹസിക വിനോദ സഞ്ചാരത്തിന് ഗൈഡുകള്‍ നിര്‍ബന്ധമാണ് ലാമിച്ചനെ പറഞ്ഞു. നേപ്പാള്‍ ടൂറിസം ബോര്‍ഡിന്റെ കണക്ക് പ്രകാരം 2019ല്‍ നേപ്പാളില്‍ 50,000 വിനോദസഞ്ചാരികളാണ് ഗൈഡിന്റയോ മറ്റോ സഹായമില്ലാതെ ട്രെക്കിങ് നടത്തിയത്. റൂട്ട് പെര്‍മിറ്റും ട്രെക്കേഴ്‌സ് ഇന്‍ഫര്‍മേഷന്‍ മാനേജ്‌മെന്റ് സിസ്റ്റം കാര്‍ഡും നേടിയാണ് ഈ വിനോദ സഞ്ചാരികള്‍ ട്രക്കിങ് നടത്തിയത്.

ട്രക്കേഴ്‌സ് ഇന്‍ഫര്‍മേഷന്‍ മനേജ്‌മെന്റ് സിസ്റ്റം കാര്‍ഡായിരുന്നു സാഹസിക സഞ്ചാരികള്‍ക്ക് ആവശ്യമായ ബേസിക് ട്രക്കിങ്ങ് പെര്‍മിറ്റ്. എന്നാല്‍ പുതിയ തീരുമാന പ്രകാരം ഗൈഡ് ഇല്ലാത്ത പെര്‍മിറ്റ് കാര്‍ഡുകള്‍ ടൂറിസം വകുപ്പ് നിരോധിച്ചിരിക്കുകയാണ്. ട്രക്കേഴ്‌സ് ഇന്‍ഫര്‍മേഷന്‍ മനേജ്‌മെന്റ് സിസ്റ്റം കാര്‍ഡിന്റെ തുകയും ടൂറിസം ബോര്‍ഡ് ഉയര്‍ത്തി. പെര്‍മിറ്റിനായി ഒരു വ്യക്തി 2000 രൂപ നല്‍കണം.

https://twitter.com/Pravintime/status/1614716564590452737

ഒരു ദുരന്തത്തിന്റെ തത്സ്മയ ദൃശ്യങ്ങള്‍ ആളുകള്‍ കണ്ടിരിക്കുക ഒരുപക്ഷെ ഇതാദ്യമായിട്ടായിരിക്കും. കുറഞ്ഞത് 68 പേരെങ്കിലും മരിച്ച നേപ്പാളിലെ വിമന അപകടത്തിന്റെ അവസാന നിമിഷങ്ങള്‍ യാത്രക്കാരില്‍ ഒരാള്‍ ഫേസ്‌ബുക്കില്‍ ലൈവ് ആയി സംപ്രേഷണം ചെയ്തിരുന്നു എന്നാണ് ഇപ്പോള്‍ പുറത്തുവരുന്ന റിപ്പോര്‍ട്ടുകള്‍ സൂചിപ്പിക്കുന്നത്.

നേപ്പാള്‍ തലസ്ഥാനമായ കഠ്മണ്ഡുവില്‍ നിന്നും പൊഖാറയിലേക്കുള്ള അരമണിക്കൂര്‍ സര്‍വ്വീസ് നടത്തിയിരുന്ന യതി എയര്‍ലിന്‍സിന്റെ ഇരട്ട എഞ്ചിന്‍ എ ടി ആര്‍ 72 വിമാനമായിരുന്നു അപകടത്തില്‍ പെട്ടത്. മൊത്തം 72 പേരായിരുന്നു ആ വിമാനത്തില്‍ ഉണ്ടായിരുന്നത്. അതില്‍ 15 പേര്‍ വിദേശികളായിരുന്നു. ചുരുങ്ങിയത് 68 പേരെങ്കിലും മരണമടഞ്ഞതായി സ്ഥിരീകരിച്ചിട്ടുണ്ട്. അപകട കാരണം ഇതുവരെ കണ്ടെത്താനായിട്ടില്ല എന്നാണ് നേപ്പാള്‍ സിവില്‍ ഏവിയേഷന്‍ അഥൊറിറ്റി പറയുന്നത്. താഴ്ന്നു വന്ന വിമാനം അന്തരീക്ഷത്തില്‍ ഇളകിയാടുന്നത് വീടിന്റെ ടെറസിന്മേല്‍ ഇരുന്ന കണ്ടതായി ഒരു ദൃക്സാക്ഷി പറഞ്ഞു. അപകടം നടന്ന സ്ഥലത്ത് കനത്ത പുകയുയര്‍ന്നത് രക്ഷാപ്രവര്‍ത്തനങ്ങള്‍ക്ക് ആദ്യഘട്ടത്തില്‍ പ്രതിബന്ധം സൃഷ്ടിച്ചതായി സംഭവസ്ഥലത്തേക്ക് എത്തിയ മറ്റൊരു പ്രദേശവാസിയും പറഞ്ഞു. വിമാനത്തിന്റെ ഒരു ഭാഗംകുന്നിന്‍ ചരുവിലണ്. മറ്റൊരുബ് ഭാഗ്മ് സേതി നദിയുടെ ഇടുക്കിലേക്ക് പതിക്കുകയായിരുന്നു. പല മൃതദേഹങ്ങളും തിരിച്ചറിയാന്‍ ആകാത്ത വിധം കരിഞ്ഞിരുന്നു. പ്രമുഖ റഷ്യന്‍ ട്രാവല്‍ ബ്ലോഗറായ എലെന ബാന്‍ഡുറുവും മരണമടഞ്ഞവരില്‍ ഉള്‍പ്പെടുന്നു. മറ്റു മൂന്ന് റഷ്യക്കാരും മരണമടഞ്ഞവരില്‍ ഉള്‍പ്പെടുന്നു. അഞ്ച് ഇന്ത്യാക്കാര്‍ ഉള്‍പ്പടെ 15 വിദേശികളായിരുന്നു വിമാനത്തില്‍ ഉണ്ടായിരുന്നത്.

45 വര്‍ഷത്തോളം നേപ്പാളില്‍ സുവിശേഷ പ്രവര്‍ത്തകനായിരുന്ന ആനിക്കാട് സ്വദേശി മാത്യു ഫിലിപ്പിന്റെ സംസ്‌ക്കാരച്ചടങ്ങുകള്‍ക്ക് എത്തിയതായിരുന്നു. ചടങ്ങുകള്‍ക്ക് ശേഷം മടങ്ങിപോകവെയാണ് സംഘത്തിലെ മൂന്നുപേര്‍ വിമാനാപകടത്തില്‍പ്പെട്ടത്. അപകടത്തിന് തൊട്ടുമുമ്പ് സംഘത്തിലെ ദീപക്ക് തമാങ്, സരണ്‍ എന്നിവര്‍ കാഠ്മണ്ഡു വിമാനത്താവളത്തില്‍ ഇറങ്ങിയതിനാല്‍ അവര്‍ ഇരുവരും അപകടത്തില്‍ നിന്ന് രക്ഷപ്പെട്ടു.

നോപ്പാളിലെ കാഠ്മഢുവില്‍ ദൈവമായി തൃഷ്ണ ഷാക്യാ എന്ന മൂന്ന് വയസുകാരിയെ തെരെഞ്ഞെടുത്തു.

അച്ഛനമ്മമാരില്‍ നിന്നും സമൂഹത്തില്‍ നിന്നും അകന്ന് വയസറിയിക്കുന്നതുവരെ ദൈവമായി ഇനി ഇവള്‍ ജീവിക്കുക പ്രത്യേക ദര്‍ബാറില്‍. നേപ്പാളിലെ കാഠ്മണ്ഡുവിലെ ഉയര്‍ന്ന പുരോഹിതരാണ് കഴിഞ്ഞ ദിവസം തൃഷ്ണ ഷാക്യായെ അടുത്ത ദൈവമായി തെരഞ്ഞെടുത്ത്.

പ്രായപൂര്‍ത്തിയാകുന്നതുവരെ ഇനി ഇവള്‍ പ്രത്യേക ദര്‍ബാറിലാണ് കഴിയുക. ഇപ്പോള്‍ ദൈവമായി സ്ഥാനാരോഹിതയായിരുന്ന 12 വയസുകാരി മാറ്റിനാ ഷാക്യ പ്രായപൂര്‍ത്തിയയതിനെ തുടര്‍ന്നാണ് 21 ദിവസങ്ങള്‍ കൊണ്ട് മൂന്ന് പേരില്‍ നിന്നും തൃഷ്ണയെ തെരഞ്ഞെടുത്തത്. പ്രത്യേക പ്രാര്‍ത്ഥനകള്‍ക്കും പൂജാ വിധികള്‍ക്കും ശേഷമാകും തൃഷ്ണയുടെ സ്ഥാനാരോഹണം. ഇതിനായി അവളെ കാഠ്മണ്ഡുവിലെ പൗരാണിക ദര്‍ബാറിലേക്ക് കൊണ്ട് പോകുകയും ചെയ്തു. പ്രായപൂര്‍ത്തിയാകുന്നതുവരെ ഇനി ഇവള്‍ ഇവിടെയാണ് കഴിയുക.

ദൈവമായി തെരഞ്ഞെടുത്ത തൃഷ്ണയ്ക്ക് ഇനി ഒരു വര്‍ഷത്തില്‍ 13 പ്രത്യേക ദിവസങ്ങളില്‍ മാത്രമാണ് പുറത്തിറങ്ങാന്‍ അനുവാദമുള്ളത്. 2008ല്‍ ഹിന്ദു മൊണാര്‍ക്കി അവസാനിച്ചപ്പോള്‍ ഈ ആചാരത്തിനെതിരെ നിരവധി പ്രതിഷേധങ്ങളാണ് ഉയര്‍ന്നു വന്നിട്ടുള്ളത്. ഒരു കുട്ടിയുടെ കുട്ടികാലമാണ് ഇല്ലാതാക്കുന്നതെന്നും പഠിക്കാനുള്ള അവകാശവും നിഷേധിക്കപ്പെടുന്നു തുടങ്ങി നിരവധി ആരോപണങ്ങളാണ് ഉയര്‍ന്നു വരുന്നത്.

ഇതിനെ തുടര്‍ന്ന് കുട്ടികളുടെ പഠിക്കാനുള്ള അവകാശം നിഷേധിക്കരുതെന്ന് നേപ്പാള്‍ സുപ്രീംകോടതി ഉത്തരവിടുകയും ചെയ്തിരുന്നു, പ്രായപൂര്‍ത്തിയയതോടെ സ്ഥാനത്തുനിന്നും മാറ്റപ്പെട്ട കുട്ടികള്‍ അവര്‍ക്ക് പിന്നീട് പെട്ടെന്ന് ഒരു ദിവസം അകറ്റി നിര്‍ത്തപ്പെട്ട സമൂഹത്തിലേക്കിറങ്ങുമ്പോള്‍ നേരിടേണ്ടി വന്ന പ്രശ്‌നങ്ങളെ കുറിച്ച് തുറന്നു പറയുകയും ചെയ്യുന്നുണ്ട്. എന്നിരുന്നാലും ആചാരങ്ങള്‍ ഇപ്പോഴും തുടര്‍ന്നുകൊണ്ടേ ഇരിക്കുന്നു.

കനത്ത മഴയെത്തുടര്‍ന്ന് കഴിഞ്ഞ ഇരുപത്തിനാല് മണിക്കൂറിനുള്ളില്‍ പ്രളയത്തില്‍പെട്ട് ഇരുപതിലധികം പേര്‍ മരണപ്പെടുകയും 50 ഓളം പേരെ കാണാതാവുകയും ചെയ്തു. എന്നാല്‍ ദുരന്തത്തില്‍ അമ്പതിലധികം പേരെ സുന്‍സാരി ഗ്രാമത്തില്‍ നിന്നു മാത്രം കാണാതായതായി പ്രാദേശിക മാധ്യമം റിപ്പോര്‍ട്ട് ചെയ്തിട്ടുമുണ്ട്. ബാങ്കെ ഗ്രാമത്തില്‍ നിന്നു നാലു പേരാണ് മരണപ്പെട്ടതായി റിപ്പോര്‍ട്ട് ചെയ്തിരിക്കുന്നത്. മുന്ന കുട്ടികള്‍ പ്രളയത്തില്‍ വീട് തകര്‍ന്ന് മരിച്ചു. അതോടൊപ്പം വെള്ളത്തില്‍ നിന്ന് കണ്ടെടുക്കപ്പെട്ട പല ശവശരീരങ്ങളേയും ഇതുവരെ തിരിച്ചറിയാത്തതുമുണ്ട്.