തൃശ്ശൂരിലെ വെള്ളേപ്പങ്ങാടിയും പുത്തന്‍ പള്ളിയും പശ്ചാത്തലമാക്കിയ കഥയില്‍ പ്രണയവും വിരഹവും ചേര്‍ന്ന മനോഹരമായ ഒരു കുഞ്ഞു കഥയാണ് അവതരിപ്പിക്കുന്നത്. ചിത്രത്തിന് പശ്ചാത്തല സംഗീതവും ഒരു മനോഹരമായ ഗാനവും ഒരുക്കിയിരിക്കുന്നത് പ്രശസ്ത സംഗീതസംവിധായകന്‍ എസ്.പി. വെങ്കിടേഷാണ്. ഗാനരചന നിര്‍വഹിച്ചിരിക്കുന്നത് ജീവന്‍ ലാല്‍.

ക്യാമറ കൈകാര്യം ചെയ്യുന്നത് ശിഹാബ് ഓങ്ങല്ലൂരാണ്. എറിക് ജോണ്‍സണ്‍, ലീവ എല്‍. ഗിരീഷ് കുട്ടന്‍ എന്നിവര്‍ സംഗീതസംവിധാനം നിര്‍വഹിക്കുന്ന ചിത്രത്തിന്റെ എഡിറ്റിംഗ് രഞ്ചിത് ടച്ച് റിവറും കലാസംവിധാനം ജ്യോതിഷ് ശങ്കറും കൈകാര്യം ചെയ്യുന്നു. എക്‌സിക്യൂട്ടീവ് പ്രൊഡ്യൂസറായി പ്രമോദ് പപ്പന്‍ പ്രവര്‍ത്തിക്കുന്നു. ബറോക് സിനിമാസ് ചിത്രം പ്രദര്‍ശനത്തിന് എത്തിക്കും.