ഏകദിന ടീമില്‍ സ്ഥാനം അരക്കിട്ടുറപ്പിക്കാന്‍ നായകന്‍ രോഹിത് ശര്‍മ്മയ്ക്ക് വിജയവും കിരീടവും അനിവാര്യമാണ്. നിലവിലെ ഫോമില്‍ ഇന്ത്യയ്ക്ക് നേരിയ മേല്‍ക്കൈയുണ്ട്. അതേസമയം ഐസിസി നോക്കൗട്ട് മത്സരങ്ങളിലെ ബലാബലത്തില്‍ ന്യൂസിലന്‍ഡാണ് മുന്നില്‍. നാല് മത്സരങ്ങളില്‍ മൂന്നിലും കിവീസിനൊപ്പമായിരുന്നു ജയം.

2000-ത്തില്‍ നെയ്‌റോബിയില്‍ നടന്ന ഫൈനലില്‍ ഇന്ത്യയെ തോല്‍പ്പിച്ച് അന്ന് കിവീസ് ജേതാക്കളായ ചരിത്രമുണ്ട്. 25 വര്‍ഷംമുമ്പ് ഫൈനലില്‍ കിവീസിനോട് തോറ്റതിന്റെ കടം ഇന്ത്യയ്ക്ക് വീട്ടാനുണ്ട്.

ഇരുടീമുകളും 119 തവണ മുഖാമുഖം കണ്ടപ്പോള്‍ ഇന്ത്യ 61 കളി ജയിച്ചു. കിവീസ് 50 എണ്ണത്തിലും വിജയിച്ചു. അവസാന പത്തു കളിയില്‍ 6-4ന് ഇന്ത്യക്കാണ് മുന്‍തൂക്കം.

ഇത്തവണ ഗ്രൂപ്പ് ഘട്ടത്തില്‍ ഒരു മത്സരവും തോല്‍ക്കാതെയാണ് ഇന്ത്യ ഫൈനലില്‍ പ്രവേശിച്ചിട്ടുള്ളത്. വിരാട് കോഹ് ലിയാണ് ബാറ്റര്‍മാരില്‍ റണ്ണടിയില്‍ മുന്നില്‍. നാലു കളിയില്‍ 217 റണ്‍സ്. ശ്രേയസ് അയ്യര്‍ 195 റണ്ണെടുത്തിട്ടുണ്ട്. ശുഭ്മാന്‍ ഗില്ലും (157) ഫോമിലാണ്.

ഗ്രൂപ്പ് മല്‍സരങ്ങള്‍ എല്ലാം വിജയിച്ച് ഗ്രൂപ്പ് ചാമ്പ്യന്മാരായിട്ടാണ് ഇന്ത്യയുടെ ഫൈനല്‍ കുതിപ്പ്. എന്നാല്‍, ഇന്ത്യയോടല്ലാതെ മറ്റെല്ലാ മല്‍സരങ്ങളും വിജയിച്ച് തന്നെയാണ് ന്യൂസിലന്‍ഡും നാളെ പോരാട്ടത്തിനിറങ്ങുന്നത്. രണ്ട് ടീമുകളും ഗ്രൂപ്പ് എയില്‍ ഒന്നും രണ്ടും സ്ഥാനങ്ങള്‍ നേടിയവരാണ്. അതിനാല്‍ ശക്തരായ രണ്ട് ടീമുകളുടെ പോരാട്ടം തന്നെയാണ് നാളെ നടക്കുന്നത്.

ചരിത്രം പരിശോധിച്ചാല്‍ ഇന്ത്യയ്ക്ക് പലപ്പോഴും ഫൈനല്‍ മല്‍സരങ്ങളില്‍ വിലങ്ങു തടിയായി നിന്നിട്ടുള്ള ടീമാണ് കിവീസ്. നാളെ ജയിക്കാനായാല്‍ ഇന്ത്യക്ക് അതൊരു മധുര പ്രതികാരം കൂടിയാണ്. അത്തരം ഒരു പ്രതികാരത്തില്‍ നിന്ന് വിജയം കണ്ടാണ് ഇന്ത്യ സെമിയില്‍ നിന്നും കയറിയത്. ഓസീസിനോടുള്ള കടം വീട്ടി ഇന്ത്യ ഫൈനലില്‍ കയറി.

നാളെയും അത്തരമൊരു ശുഭപ്രതീക്ഷ ഇന്ത്യന്‍ ആരാധകര്‍ക്ക് ഉണ്ടാകും. ഇന്ത്യന്‍ ടീമിന്റെ പ്ലേയിങ് ഇലവനെ സംബന്ധിച്ച് ഇന്ത്യക്ക് ആശ്വസിക്കാമെങ്കിലും അങ്ങനെ തള്ളിക്കളയാവുന്ന ടീമല്ല കിവീസിന്റേത്. വില്ല്യംസണ്‍ അടങ്ങുന്ന ബാറ്റിംഗ് നിരയും സ്പിന്നര്‍മാരുടെ ബൗളിങ് നിരയും അത്യുഗ്രന്‍ ഫീല്‍ഡിങും എല്ലാംകൂടി ചേരുന്ന കിവീസിനെ ഇന്ത്യ ഭയക്കുക തന്നെ ചെയ്യണം.

നാളെ മല്‍സരത്തിനിറങ്ങുമ്പോള്‍ ഒരു മാറ്റത്തിന് ഇന്ത്യന്‍ ടീമില്‍ സാധ്യത കുറവാണെങ്കിലും ബൗളിങ് നിരയിലാണ് പിന്നെയും സാധ്യത കാണുന്നത്. പേസര്‍മാരായ ആര്‍ഷ്ദീപിനോ ഹര്‍ഷിത് റാണയ്‌ക്കോ ടീമില്‍ ഇടം നേടാന്‍ കഴിഞ്ഞേക്കും. ഇന്ത്യന്‍ ഓപ്പണര്‍ ശുഭ്മാന്‍ ഗില്‍ ഫോമില്‍ അല്ലാത്തത് ടീമിനെ തളര്‍ത്തുമെങ്കിലും വിരാട് കോഹ്ലി നല്ലൊരു ഇന്നിങ്‌സിന് കാത്തിരിക്കുകയാണ് ക്രിക്കറ്റ് ആരാധകര്‍.

67 പന്തില്‍ സെഞ്ച്വറി തികച്ച ഡേവിഡ് മില്ലറാണ് ദക്ഷിണാഫ്രിക്കയുടെ ടോപ്‌സ്‌കോറര്‍. 71 പന്തില്‍ 56 റണ്‍സ് നേടിയ ടെമ്പ ബാവുമ, 66 പന്തില്‍ 69 റണ്‍സ് നേടിയ റാസി വാന്‍ ഡെര്‍ ടസന്‍ എന്നിവരും മികച്ച ഇന്നിങ്സ് കാഴ്ചവെച്ചു.

മറുപടി ബാറ്റിങ്ങില്‍ 20 റണ്‍സെടുക്കുന്നതിനിടെ ആദ്യ വിക്ക് വീണെങ്കിലും രണ്ടാം വിക്കറ്റ് 105 റണ്‍സിന്റെ കൂട്ടുക്കെട്ടുണ്ടാക്കി ബവുമ- വാന്‍ഡര്‍ ഡസന്‍ മികച്ച തുടക്കമാണ് നല്‍കിയത്. ബവുമയും വാന്‍ഡറും പുറത്തായതോടെ ദക്ഷിണാഫ്രിക്ക പരാജയത്തിലേക്ക് കൂപ്പുക്കുത്തുകയായിരുന്നു.

ടോസ് നേടി ബാറ്റിങ് തെരഞ്ഞെടുത്ത ന്യൂസിലന്‍ഡ് നിശ്ചിത 50 ഓവറില്‍ ആറു വിക്കറ്റ് നഷ്ടത്തില്‍ 362 റണ്‍സ് വിജയലക്ഷ്യമുയര്‍ത്തിയത്. രചിന്‍ രവീന്ദ്രയുടെയും കെയ്ന്‍ വില്യംസന്റെയും സെഞ്ച്വറികളും ഡാരില്‍ മിച്ചലിന്റെയും ഗ്ലെന്‍ ഫിലിപ്സിന്റെയും ഇന്നിങ്സുകളുമാണ് ന്യൂസിലന്‍ഡിന് തുണയായത്.

നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ബംഗ്ലദേശ് 50 ഓവറില്‍ ഒന്‍പതു വിക്കറ്റ് നഷ്ടത്തില്‍ 236 റണ്‍സാണ് എടുത്തത്. അര്‍ധ സെഞ്ച്വറി
നേടിയ ക്യാപ്റ്റന്‍ നജ്മുല്‍ ഹുസെയ്ന്‍ ഷന്റോയുടെ ഇന്നിങ്‌സാണ് ബംഗ്ലദേശിനെ നല്ല സ്‌കോറിലേക്കെത്തിച്ചത്. 110 പന്തുകള്‍ നേരിട്ട ബംഗ്ലദേശ് ക്യാപ്റ്റന്‍ 77 റണ്‍സെടുത്തു പുറത്തായി. ജേക്കര്‍ അലി 55 പന്തില്‍ 45 റണ്‍സ് നേടി.

ഫിലിപ്‌സും ബ്രേസ്വെല്ലും ടീമിനെ വിജയത്തിലെത്തിക്കുകയായിരുന്നു.

29.1 ഓവറില്‍ 121 റണ്‍സെടുക്കുന്നതിനിടെ ഇന്ത്യ ഓള്‍ ഔട്ടായി. മൂന്നു മത്സരങ്ങളടങ്ങിയ പരമ്പരയിലെ ആദ്യ രണ്ടു മത്സരങ്ങളും ന്യൂസിലന്‍ഡ് തന്നെ വിജയം കണ്ടിരുന്നു.

സ്‌കോര്‍ -ന്യൂസിലന്‍ഡ് 235, 174. ഇന്ത്യ -263, 121.

വിക്കറ്റ് കീപ്പര്‍ ഋഷഭ് പന്ത് ഇന്ത്യയ്ക്കു വേണ്ടി പൊരുതിയെങ്കിലും കാര്യമുണ്ടായില്ല. അജാസ് പട്ടേലിന്റെ ആറു വിക്കറ്റ് പ്രകടനമാണ് ഇന്ത്യയെ പരാജയപ്പെടുത്തിയത്. രണ്ടു ഇന്നിങ്‌സുകളിലുമായി 11 വിക്കറ്റ് താരം സ്വന്തമാക്കിയിരുന്നു. 57 പന്തില്‍ 64 റണ്‍സെടുത്ത പന്താണ് ഇന്ത്യയുടെ ടോപ് സ്‌കോറര്‍.

29 റണ്‍സെടുക്കുന്നതിനിടെ അഞ്ചു വിക്കറ്റുകളാണ് ആതിഥേയര്‍ക്ക് നഷ്ടമായത്. ഓപ്പണര്‍മായ യശസ്വി ജയ്‌സ്വാള്‍ (16 പന്തില്‍ അഞ്ച്), രോഹിത് ശര്‍മ (11 പന്തില്‍ 11), ശുഭ്മന്‍ ഗില്‍ (നാലു പന്തില്‍ ഒന്ന്), വിരാട് കോഹ്ലി (ഏഴു പന്തില്‍ ഒന്ന്), സര്‍ഫറാസ് ഖാന്‍ (രണ്ടു പന്തില്‍ ഒന്ന്) എന്നിവരാണ് പുറത്തായത്. ഒരറ്റത് പന്ത് ചെറുത്തുനിന്നത് ഇന്ത്യക്ക് ഒരുഘട്ടത്തില്‍ വിജയപ്രതീക്ഷ നല്‍കിയെങ്കിലും താരം പുറത്തായതാണ് തിരിച്ചടിയായത്. രവീന്ദ്ര ജദേജ (22 പന്തില്‍ ആറ്), വാഷിങ്ടണ്‍ സുന്ദര്‍(25 പന്തില്‍ 12), ആര്‍. അശ്വിന്‍ (29 പന്തില്‍ എട്ട്), ആകാശ് ദീപ് (പൂജ്യം) എന്നിവരാണ് പുറത്തായ മറ്റു താരങ്ങള്‍.

രണ്ടാം ഇന്നിങ്‌സില്‍ ന്യൂസിലന്‍ഡിനെ 174 റണ്‍സില്‍ ഒതുക്കിയ ഇന്ത്യ വാങ്കഡെയില്‍ ആശ്വാസ ജയം നേടുമെന്ന് പ്രതീക്ഷകള്‍ നല്‍കിയിരുന്നു. എന്നാല്‍ ഇന്ത്യയുടെ രണ്ടാം ഇന്നിങ്‌സിന്റെ മൂന്നാമത്തെ ഓവറില്‍ തന്നെ ക്യാപ്റ്റന്‍ രോഹിത് ശര്‍മയെ മാറ്റ് ഹെന്റി ഗ്ലെന്‍ ഫിലിപ്‌സിന്റെ കൈകളിലെത്തിച്ചു. 11 പന്തില്‍ നിന്ന് 11 റണ്‍സ് മാത്രമാണ് രോഹിത് എടുത്തത്. നാലാം ഓവറിലെ അവസാന പന്തില്‍ ശുഭ്മാന്‍ ഗില്ലിനെ മടക്കി അജാസ് പട്ടേല്‍ തന്റെ വിക്കറ്റ് വേട്ടയ്ക്ക് തുടക്കമിട്ടു. നാല് പന്തില്‍ നിന്ന് ഒരു റണ്‍സ് മാത്രമെടുത്താണ് ഗില്‍ മടങ്ങിയത്. അജാസിന്റെ ഡെലിവറി ലീവ് ചെയ്യാന്‍ ശ്രമിച്ച ഗില്ലിന്റെ കണക്കുകൂട്ടല്‍ തെറ്റുകയായിരുന്നു. പന്ത് സ്റ്റംപ് ഇളക്കിയതോടെ ഇന്ത്യ 16-2 എന്ന നിലയിലേക്ക് വീണു.

ഏഴ് പന്തില്‍ നിന്ന് ഒരു റണ്‍സ് എടുത്ത് മടങ്ങിയ വിരാട് കോലിയും നിരാശപ്പെടുത്തി. വാഷിങ്ടണ്‍ സുന്ദര്‍ 12 റണ്‍സും അശ്വിന്‍ 29 പന്തില്‍ നിന്ന് 8 റണ്‍സ് എടുത്തും മടങ്ങി.

ആകാശ് ദീപ് നേരിട്ട ആദ്യ പന്തില്‍ ഡക്കായതോടെ ഇന്ത്യന്‍ ഇന്നിങ്‌സിന് തിരശീല വീണു. ആറ് വിക്കറ്റാണ് അജാസ് പട്ടേല്‍ വീഴ്ത്തിയത്. ഗ്ലെന്‍ ഫിലിപ്‌സ് മൂന്ന് വിക്കറ്റും പിഴുതു.

ഇന്ത്യന്‍ സ്പിന്നര്‍മാരുടെ വരുതിയില്‍ വീണതോടെ ന്യൂസിലന്‍ഡിന് കഴിഞ്ഞ മത്സരങ്ങളിലെ മുന്‍തൂക്കം കണ്ടെത്താനായില്ല. മിച്ചലിന് പുറമെ വില്‍ യങ് (71) മാത്രമാണ് ഭേദപ്പട്ട പ്രകടനം പുറത്തെടുത്ത്. വാഷിങ്ടണ്‍ സുന്ദര്‍ നാലും ആകാശ് ദീപ് ഒരുവിക്കറ്റും നേടി. ടോസ് നേടി ന്യൂസിലന്‍ഡ് ക്യാപ്റ്റന്‍ ടോം ലാഥം ബാറ്റിങ് തെരഞ്ഞെടുക്കുകയായിരുന്നു.

മൂന്ന് മത്സര പരമ്പരയിലെ ആദ്യ മത്സരത്തിലും ന്യൂസിലൻഡ് ജയിച്ചിരുന്നു. 359 റൺസ് വിജയലക്ഷ്യത്തിലേക്ക് ബാറ്റേന്തിയ ഇന്ത്യയുടെ ബാറ്റിങ് 245ൽ അവസാനിച്ചു. 113 റൺസിനാണ് കിവികളുടെ ജയം. സ്കോർ: ന്യൂസിലൻഡ് – 259 & 255, ഇന്ത്യ – 156 & 245.

77 റൺസ് നേടിയ യശസ്വി ജയ്സ്വാളും 42 റൺസ് നേടിയ രവീന്ദ്ര ജദേജയും മാത്രമാണ് ഇന്ത്യൻ നിരയിൽ ഭേദപ്പെട്ട പ്രകടനം കാഴ്ചവെച്ചത്. ക്യാപ്റ്റൻ രോഹിത് ശർമ (എട്ട്), സൂപ്പർ താരം വിരാട് കോഹ്ലി (17) എന്നിവർ രണ്ടാം ഇന്നിങ്സിലും പരാജയപ്പെട്ടു. ശുഭ്മൻ ഗിൽ (23), ഋഷഭ് പന്ത് (പൂജ്യം), വാഷിങ്ടൺ സുന്ദർ (21), സർഫറാസ് ഖാൻ (ഒമ്പത്), ആർ. അശ്വിൻ (18), ആകാശ് ദീപ് (ഒന്ന്), ജസ്പ്രീത് ബുംറ (10*) എന്നിങ്ങനെയാണ് മറ്റുള്ളവരുടെ സ്കോർ.

ആദ്യ ഇന്നിങ്സിൽ ഏഴ് വിക്കറ്റ് നേടിയ സാന്റ്നർ രണ്ടാം ഇന്നിങ്സിൽ ആറ് വിക്കറ്റുകളാണ് പിഴുതത്. അജാസ് പട്ടേൽ രണ്ടും ഗ്ലെൻ ഫിലിപ്സ് ഒരു വിക്കറ്റും നേടി. സ്വന്തം നാട്ടിൽ 18 പരമ്പരകളിലായി തുടരുന്നുവന്ന വിജയഗാഥയാണ്, ന്യൂസീലൻഡിനെതിരായ പരമ്പര നഷ്ടത്തോടെ ഇന്ത്യക്ക് നഷ്ടപ്പെട്ടത്. പരമ്പരയിലെ മൂന്നാം മത്സരം നവംബർ ഒന്നു മുതൽ മുംബൈ വാങ്കഡെ സ്റ്റേഡിയത്തിൽ നടക്കും.

ഒന്നാം ഇന്നിങ്സില്‍ 259 റണ്‍സിനു പുറത്തായ കിവികള്‍ ഇന്ത്യയെ 156 റണ്‍സില്‍ പുറത്താക്കി 103 റണ്‍സ് ലീഡുമായാണ് രണ്ടാം ഇന്നിങ്സ് ബാറ്റിങ് തുടങ്ങിയത്. ക്യാപ്റ്റന്‍ ടോം ലാതം ഫോമിലേക്ക് മടങ്ങിയെത്തി ടീമിനെ മുന്നില്‍ നിന്നു നയിച്ചു. താരത്തിനു അര്‍ഹിച്ച സെഞ്ച്വറി നഷ്ടമായി.

ലാതം 86 റണ്‍സുമായി മടങ്ങി. കൃത്യമായ ഇടവേളകളില്‍ വിക്കറ്റുകള്‍ വീണപ്പോഴും ഒരറ്റം കാത്ത് നിര്‍ണായക ബാറ്റിങുമായി ലാതം കളം വാണു. 133 പന്തുകള്‍ നേരിട്ട് താരം 10 ഫോറുകളും തൂക്കിയാണ് 86ല്‍ എത്തിയത്. കിവികള്‍ക്ക് ഡെവോണ്‍ ലാതത്തിനു പുറമെ ഡെവോണ്‍ കോണ്‍വെ (17), വില്‍ യങ് (23), രചിന്‍ രവീന്ദ്ര (9), ഡാരില്‍ മിച്ചല്‍ (18) എന്നിവരാണ് പുറത്തായത്.

ഇനിയും മൂന്ന് ദിനം ശേഷിക്കെ നാളെ ആദ്യ സെഷനില്‍ കിവികളുടെ ബാക്കിയുള്ള 5 വിക്കറ്റുകള്‍ വീഴ്ത്താനായിരിക്കും ഇന്ത്യന്‍ ശ്രമം. 400നു മുകളില്‍ ലക്ഷ്യം ഇന്ത്യയ്ക്കു മുന്നില്‍ വയ്ക്കുകയാണ് ന്യൂസിലന്‍ഡ് കാണുന്നത്.

ഇന്ത്യക്കായി ഒന്നാം ഇന്നിങ്സില്‍ മിന്നും ബൗളിങ് പുറത്തെടുത്ത വാഷിങ്ടന്‍ സുന്ദര്‍ രണ്ടാം ഇന്നിങ്സിലും ന്യൂസിലന്‍ഡിനെ കുഴക്കി. ഇന്ന് നഷ്ടമായ അഞ്ചില്‍ നാല് വിക്കറ്റുകളും വാഷിങ്ടന്‍ സുന്ദര്‍ നേടി. ആര്‍ അശ്വിനാണ് ഒരു വിക്കറ്റ്.

നേരത്തെ 33 റണ്‍സ് വഴങ്ങി ഏഴ് വിക്കറ്റ് വീഴ്ത്തിയ മിച്ചല്‍ സാന്റ്‌നര്‍ ആണ് ഒന്നാം ഇന്നിങ്സില്‍ ഇന്ത്യയുടെ അന്തകനായത്. 38 റണ്‍സ് എടുത്ത രവീന്ദ്ര ജഡേജയാണ് ഇന്ത്യയുടെ ടോപ് സ്‌കോറര്‍. 30 റണ്‍സ് വീതം എടുത്ത യശ്വസി ജയ്സ്വാളും ശുഭ്മാന്‍ ഗില്ലുമാണ് ഭേദപ്പെട്ട പ്രകടനം പുറത്തടുത്ത മറ്റു രണ്ട് പേര്‍.

രണ്ടാം ദിനം ആദ്യം ഇന്ത്യക്ക് ശുഭ്മാന്‍ ഗില്ലിനെയാണ് ആദ്യം നഷ്ടമായത്. 72 പന്തുകള്‍ നേരിട്ടാണ് ഗില്‍ 30 റണ്‍സ് എടുത്തത്. പിന്നീട് എത്തിയ വിരാട് കോഹ്ലിയും അതിവേഗം മടങ്ങി. ഒരു റണ്‍സ് മാത്രം നേടിയ വിരാടിനെ സാന്റ്നര്‍ തന്നെ മടക്കി. ഋഷഭ് പന്ത് (18) സര്‍ഫറാസ് ഖാന്‍ (11) അശ്വിന്‍ (4) രവീന്ദ്ര ജഡേജ (38) ആകാശ് ദീപ് (6) എന്നിവരെല്ലാം അധികം ക്രീസില്‍ നില്‍ക്കാതെ മടങ്ങി.

വാഷിങ്ടന്‍ സുന്ദര്‍ പുറത്താകാതെ 18 റണ്‍സ് നേടി. ന്യൂസിലന്‍ഡിനായി ഗ്ലെന്‍ ഫിലിപ്സ് രണ്ട് വിക്കറ്റും സൗത്തി ഒരു വിക്കറ്റും നേടി.

ആദ്യ ഇന്നിങ്സില്‍ ന്യൂസിലന്‍ഡ് 259 റണ്‍സിനു പുറത്തായിരുന്നു. വാഷിങ്ടന്‍ സുന്ദര്‍ ആദ്യ ഇന്നിങ്സില്‍ ഏഴ് വിക്കറ്റുകള്‍ വീഴ്ത്തി. ആര്‍ അശ്വിന്‍ മൂന്ന് വിക്കറ്റുകളും സ്വന്തമാക്കി.

141 പന്തില്‍ 76 റണ്‍സെടുത്ത ഡെവോണ്‍ കോണ്‍വെയാണ് കിവീസിന്റെ ടോപ് സ്‌കോറര്‍. രചിന്‍ രവീന്ദ്രയും ന്യൂസിലന്‍ഡിനായി അര്‍ധ സെഞ്ച്വറി നേടി. 105 പന്തുകള്‍ നേരിട്ട താരം 65 റണ്‍സെടുത്തു പുറത്തായി. മിച്ചല്‍ സാന്റ്നര്‍ (33), വില്‍ യങ് (18), ഡാരില്‍ മിച്ചല്‍ (18), ടോം ലാതം (15) എന്നിവരാണ് ന്യൂസിലന്‍ഡിന്റെ മറ്റു പ്രധാന സ്‌കോറര്‍മാര്‍.

ആദ്യ ടെസ്റ്റില്‍ ഇന്ത്യക്ക് വന്‍ പരാജയമായിരുന്നു. എന്നാല്‍ ബംഗലൂരുവില്‍ തകര്‍ന്നടിഞ്ഞ ഇന്ത്യ തിരിച്ചടി നല്‍കാനുള്ള ലക്ഷ്യത്തോടെയാണ് ഇന്ന് കളത്തിലിറങ്ങുന്നത്. സ്പിന്നര്‍മാരെ സഹായിക്കുന്ന പിച്ചാണ് പൂനെയില്‍ തയ്യാറാക്കിയിരിക്കുന്നതെന്നാണ് റിപ്പോര്‍ട്ട്.

ലോക ടെസ്റ്റ് ചാംപ്യന്‍ഷിപ്പ് പോയിന്റ് പട്ടികയില്‍ ഒന്നാം സ്ഥാനേക്ക്് ലീഡ് ഉയര്‍ത്തണമെങ്കില്‍ ഇന്ത്യക്ക് ശേഷിക്കുന്ന് രണ്ട് മത്സരങ്ങള്‍ വിജയിക്കണം. ന്യൂസിലന്‍ഡ് ടീമില്‍ പരിക്കേറ്റ കയ്ന്‍ വില്യംസണ്‍ രണ്ടാം ടെസ്റ്റില്‍ കളിത്തിലിറങ്ങുന്നില്ല.

ബംഗ്ലാദേശിനെതിരായ പരമ്പര ഏകപക്ഷിയമായി സ്വന്തമാക്കിയതിന് ശേഷം ഇന്ത്യന്‍ സംഘം ഓസ്‌ട്രേലിയന്‍ പര്യടനത്തിനുള്ള ഒരുക്കത്തിലാണ്. ബോര്‍ഡര്‍-ഗവാസ്‌ക്കര്‍ ട്രോഫി ക്രിക്കറ്റില്‍ ആധിപത്യം നേടാനുള്ള ഒരുക്കത്തില്‍ ഇവിടെ നിന്നും കരുത്തോടെ തന്നെ ഇന്ത്യക്ക് പോവണം. ഇന്ത്യന്‍ സംഘത്തിന് പൂനെ അപരിചിതമല്ല. സ്‌പോര്‍ട്ടിംഗ് ട്രാക്കാണ് പൂനെയിലേത്. തുടക്കത്തില്‍ ബാറ്റിംഗിനെ തുണക്കുമ്പോഴും അവസാനത്തില്‍ സിപിന്നര്‍മാര്‍ക്ക് പിന്തുണ ലഭിക്കും. ഇന്ത്യന്‍ യുവ തലമുറക്ക് പിറകില്‍ നിന്നും ടെസ്റ്റ് പരമ്പര തുടങ്ങിയ അനുഭവമില്ല. ഇന്ത്യയില്‍ നടക്കുന്ന പരമ്പരയാവുമ്പോള്‍ എപ്പോഴും വലിയ വിജയത്തിലാണ് തുടങ്ങാറ്. 2017 ല്‍ ഓസ്‌ട്രേലിയക്കാര്‍ ഇന്ത്യയില്‍ വന്നപ്പോള്‍ തോല്‍വിയില്‍ നിന്നാണ് ഇന്ത്യ ആരംഭിച്ചത്.

2021 ലും 2024 ലും ഇംഗ്ലണ്ടുകാരും ഇന്ത്യയില്‍ ജയിച്ചാണ് തുടങ്ങിയത്. എന്നാല്‍ ആ പരമ്പരകളില്ലെല്ലാം നാല് മല്‍സരങ്ങളുണ്ടായിരുന്നു. ന്യൂസിലന്‍ഡിനെതിരെ മുന്ന് മല്‍സരങ്ങള്‍ മാത്രമാണ്. അതിനാല്‍ പരമ്പരയില്‍ ഒപ്പമെത്തുക എന്നതാണ് പൂനെ യില്‍ ഇന്ത്യയുടെ ലക്ഷ്യം. മുംബൈയില്‍ നടക്കുന്ന അവസാന മല്‍സരം ജയിച്ച് പരമ്പരയും സ്വന്തമാക്കണം. ഇന്ത്യന്‍ സംഘത്തില്‍ മാറ്റത്തിന് സാധ്യതയുണ്ട്. ശുഭ് മാന്‍ ഗില്‍ പരുക്കില്‍ നിന്നും മുക്തനായി മുന്നാം നമ്പറില്‍ വരുമ്പോള്‍ വിരാത് കോഹ്ലി നാലാം നമ്പറിലേക്ക് മാറും. കെ.എല്‍ രാഹുലിനാവും സ്ഥാനം നഷ്ടമാവും. ആ നമ്പറിലേക്ക് സര്‍ഫ്രാസ് ഖാന്‍ വരും. ബൗളിംഗിലും ചിലപ്പോള്‍ മാറ്റം വന്നേക്കാം. പുതിയ പന്തില്‍ ജസപ്രിത് ബുംറക്കൊപ്പം ആകാശ ദീപിനെ പരീക്ഷിച്ചാല്‍ അല്‍ഭുതപ്പെടാനില്ല. ചിന്നസ്വാമിയില്‍ മുഹമ്മദ് സിറാജ് പരാജയമായിരുന്നു. മല്‍സരം രാവിലെ 9-30 മുതല്‍.