newZeland – Chandrika Daily

ന്യൂസിലാന്റിനെതിരെ റണ്‍മല ഉയര്‍ത്തി ഇന്ത്യ; കോഹ്‌ലിക്കും അയ്യറിനും സെഞ്ച്വറി, ന്യൂഡീലന്‍ഡിന് 398 റണ്‍സ് വിജയലക്ഷ്യം

webdesk14 — Wed, 15 Nov 2023 12:42:29 +0000

ഏകദിന ലോകകപ്പ് സെമിഫൈനല്‍ മത്സരത്തില്‍ ഇന്ത്യക്ക് കൂറ്റന്‍ സ്‌കോര്‍. വിരാട് കോഹ്ലിയുടെയും ശ്രയസ് അയ്യരുടെയും സെഞ്ച്വറിയുടെ പിന്‍ബലത്തില്‍ ന്യൂസിലന്‍ഡിനെതിരെ 398 റണ്‍സ് നേടി. ടോസ് നേടി ബാറ്റിങ് തെരഞ്ഞെടുത്ത ഇന്ത്യ നിശ്ചിത ഓവറില്‍ 4 വിക്കറ്റ് നഷ്ടത്തില്‍ 397 റണ്‍സാണ് നേടിയത്. കളിയില്‍ വിരാട് കോഹ്ലി ഏകദിന കരിയറിലെ 50-ാം സെഞ്ച്വറി നേടി പുതിയ റെക്കോര്‍ഡ് സൃഷ്ടിക്കുക കൂടി ചെയ്ത മത്സരമാണ് ഇന്നത്തേത്.

കോഹ്ലി അമ്പതാം സെഞ്ചുറി തികയ്ക്കുമ്പോള്‍ അതിന് സാക്ഷ്യം വഹിക്കാന്‍ ഇതിഹാസം സച്ചിന്‍ ടെണ്ടുല്‍ക്കറും സ്‌റ്റേഡിയത്തില്‍ ഉണ്ട്. ഒരിക്കലും ഒരാളും തിരുത്താന്‍ സാധ്യതയില്ലാത്ത റെക്കോഡുകളുടെ ഗണത്തിലേക്ക് വിരാട് കോഹ്ലിയുടെ പ്രകടനം മാറുന്നു. നേരത്തെ ഒരു ലോകകപ്പില്‍ ഏറ്റവുമധികം റണ്‍സ് നേടിയ താരമെന്ന സച്ചിന്റെ റെക്കോഡും കോഹ്ല മറികടന്നിരുന്നു. 2003 ലോകകപ്പില്‍ സച്ചിന്‍ നേടിയ 673 റണ്‍സാണ് ഇപ്പോള്‍ മറികടന്നിരിക്കുന്നത്.

65 പന്തില്‍ 79 റണ്‍സെടുത്തു നില്‍ക്കെ പേശീവലിവിനെ തുടര്‍ന്ന് ഗില്ലിന് മടങ്ങേണ്ടി വന്നപ്പോള്‍ നാലാം നമ്പറിലിറങ്ങിയ ശ്രയസ് അയ്യര്‍ മികച്ച പ്രകടനം കാഴ്ച്ചവച്ചു. 70 പന്തില്‍ 105 റണ്‍സ് നേടി പുറത്തായി.

ലോകകപ്പ് ക്രിക്കറ്റ്: ന്യൂസിലാന്‍ഡിന് തുടര്‍ച്ചയായ രണ്ടാം ജയം, പോയിന്റ് നിലയില്‍ ഒന്നാമത്

webdesk14 — Mon, 09 Oct 2023 16:47:07 +0000

ലോകകപ്പ് ക്രിക്കറ്റില്‍ ന്യൂസിലാന്‍ഡിന് തുടര്‍ച്ചയായ രണ്ടാം ജയം. നെതര്‍ലന്‍ഡ്‌സിനെ 99 റണ്‍സിനാണ് ന്യൂസിലാന്‍ഡ് പരാജയപ്പെടുത്തിയത്. ടോസ് നഷ്ടപ്പെട്ട് ആദ്യം ബാറ്റുചെയ്ത ന്യൂസിലാന്‍ഡ് 50 ഓവറില്‍ 7 വിക്കറ്റ് നഷ്ടത്തില്‍ 322 റണ്‍സെടുത്തു.

രണ്ടാമത് ബാറ്റിങ്ങിനിറങ്ങിയ നെതര്‍ലന്‍ഡ്‌സ് 46.3 ഓവറില്‍ 223 റണ്‍സിന് ഓള്‍ഔട്ടായി. അഞ്ച് വിക്കറ്റ് നേടി തിളങ്ങിയ മിച്ചല്‍ സാന്റ്‌നറാണ് ഡച്ച് പടയെ പിടിച്ചു കെട്ടിയത്. ബാറ്റിങ്ങില്‍ മോശം തുടക്കമാണ് ഡച്ച് പടയ്ക്ക് ലഭിച്ചത്.

ഓപ്പണര്‍ വിക്രംജിത് സിങ്ങിന്റെ വിക്കറ്റ് അഞ്ചാം ഓവറില്‍ തന്നെ നെതര്‍ലന്‍ഡ്‌സിന് നഷ്ടമായി. 20 പന്തില്‍ 12 റണ്‍സ് നേടിയ വിക്രംജിത് സിങ്ങിനെ മാറ്റ് ഹെന്റി പുറത്താക്കി. പത്താം ഓവറിലെ അഞ്ചാം പന്തില്‍ സഹ ഓപ്പണര്‍ മാക്‌സ് ഒഡൗഡും മടങ്ങി. മാക്‌സ് ഒഡൗഡിന് പകരക്കാരനായി ക്രീസിലെത്തിയ വാസ് ഡീ ലീഡെ 25 പന്തില്‍ 18 റണ്‍സുമായി മടങ്ങി. 16ാം ഓവറില്‍ താരത്തെ രച്ചിന്‍ രവീന്ദ്ര ട്രെന്റ് ബോള്‍ട്ടിന്റെ കൈകളിലെത്തിച്ചു. പിന്നാലെയിറങ്ങിയ തേജാ നിഡമാനുരുവിനെ (26 പന്തില്‍ 21 റണ്‍സ്) ലോക്കി ഫെര്‍ഗ്യൂസണ്‍ റണ്ണൗട്ടാക്കുകയായിരുന്നു.

ന്യൂസിലാന്‍ഡ് മന്ത്രിസഭയില്‍ പ്രിയങ്ക രാധാകൃഷ്ണന്‍; ആദ്യ ഇന്ത്യയ്ക്കാരി, മലയാളി

Test User — Mon, 02 Nov 2020 02:36:05 +0000

വെല്ലിങ്ടണ്‍: ന്യൂസിലാന്‍ഡില്‍ ജസീന്‍ഡ ആര്‍ഡെന്റെ നേതൃത്വത്തിലുള്ള രണ്ടാം മന്ത്രിസഭയില്‍ മലയാളി സാന്നിധ്യം. എറണാകുളം പറവൂര്‍ സ്വദേശിനി പ്രിയങ്ക രാധാകൃഷ്ണനാണ് മന്ത്രിസഭയില്‍ ഇടം പിടിച്ചത്. പ്രിയങ്കയ്ക്ക് സാമൂഹിക, യുവജനക്ഷേമം, സന്നദ്ധ മേഖലകളുടെ ചുമതലയാണ് ലഭിച്ചിട്ടുള്ളത്. ഇതാദ്യമായാണ് ന്യൂസീലന്‍ഡില്‍ ഒരു ഇന്ത്യക്കാരി മന്ത്രിയാവുന്നത്.

ഒന്നാം ജസിന്‍ഡ മന്ത്രിസഭയില്‍ ജെന്നി സെയില്‍സയുടെ പേഴ്സണല്‍ സെക്രട്ടറിയായിരുന്നു പ്രിയങ്ക രാധാകൃഷ്ണന്‍. ലേബര്‍ പാര്‍ട്ടി സര്‍ക്കാരിന്റെ രണ്ടാമൂഴത്തില്‍ അസിസ്റ്റന്റ് സ്പീക്കര്‍ പദവിയും വഹിച്ചിരുന്നു.

2006ലാണ് ഇവര്‍ ലേബര്‍ പാര്‍ട്ടിയില്‍ ചേര്‍ന്നു പ്രവര്‍ത്തനം ആരംഭിച്ചത്. കഴിഞ്ഞ മൂന്നു തെരഞ്ഞെടുപ്പുകളില്‍ പാര്‍ട്ടിക്കായുള്ള പ്രചാരണ പ്രവര്‍ത്തനങ്ങളില്‍ സജീവമായിരുന്നു. വിദ്യാര്‍ത്ഥിയായിരിക്കെ മാസെ യൂണിവേഴ്‌സിറ്റി സ്റ്റുഡന്റ്‌സ് അസോസിയേഷനില്‍ ഇന്റര്‍നാഷണല്‍ സ്റ്റുഡന്‍ഡ്‌സ് ഓഫീസറായിരുന്നു.

മൂന്നാമത്തെ മസ്ജിദും ഉന്നമിട്ടിരുന്നു , സാധ്യമാകുന്ന അത്രയും മുസ്‌ലിങ്ങളെ കൊല്ലുകയായിരുന്നു ലക്ഷ്യം; ന്യൂസിലാന്റിലെ കൊലയാളി

Test User — Mon, 24 Aug 2020 13:02:14 +0000

ക്രൈസ്റ്റ്ചര്‍ച്ച്: രണ്ട് മുസ്‌ലിം പള്ളികളില്‍ വെടിവെച്ചതിന് ശേഷം മൂന്നാമത്തെ പള്ളിയും ലക്ഷ്യമിട്ടിരുന്നതായി ന്യൂസിലാന്റിലെ കൊലയാളി കോടതിയില്‍. സാധ്യമാകുന്ന അത്രയും പേരെ കൊല്ലുക എന്നത് മാത്രമായിരുന്നു ലക്ഷ്യമെന്നും അക്രമി പറഞ്ഞു. ഇയാളുടെ ശിക്ഷാ വിചാരണക്കിടെയായിരുന്നു തുറന്ന് പറച്ചില്‍.

51 പേരെ കൊലപ്പെടുത്തിയ കുറ്റവും 40 പേരെ വധിക്കാന്‍ ശ്രമിച്ചതും ഭീകരവാദക്കുറ്റവുമാണ് 29 കാരനായ ഓസ്‌ട്രേലിയക്കാരന്‍ ബ്രെന്റന്‍ ടാറന്റിനെതിരെ ചുമത്തിയത്. പരോള്‍ ഇല്ലാതെ ആജീവാനന്ത തടവ് ശിക്ഷയാണ് ഇയാള്‍ക്ക് വിധിച്ചത്. ന്യൂസിലാന്റില്‍ ഈ ശിക്ഷ ആദ്യമായാണ് ഒരു കുറ്റവാളിക്ക് വിധിക്കുന്നത്. ഇയാളുടെ ആക്രമണത്തെ അതിജീവിച്ചവരുടെയും ഇരകളുടെ ബന്ധുക്കളുടെയും മുന്നില്‍ ഭാവ വ്യത്യാസമോ കുറ്റബോധമോ ഇല്ലാതെയാണ് കുറ്റവാളി എത്തിയത്.

2019ലാണ് ലോകത്തെ നടുക്കി ന്യൂസിലാന്റില്‍ മുസ്‌ലിം പള്ളികള്‍ക്കു നേരെ ആക്രമണമുണ്ടായത്. ആയുധധാരിയായ കൊലയാളി ഫേസ്ബുക്ക് ലൈവ് ഓണാക്കിയ ശേഷമാണ് പ്രാര്‍ത്ഥിച്ചുകൊണ്ടിരിക്കുന്നവര്‍ക്ക് നേരെ വെടിവെച്ചത്. ആദ്യം അല്‍നൂര്‍ മോസ്‌ക്കിലും പിന്നീട് ലിന്‍വുഡ് മോസ്‌ക്കിലുമാണ് ആക്രമണം നടത്തിയത്. ആകെ 51 പേര്‍ മരിച്ചു. മുസ്‌ലിങ്ങളോടുള്ള വിദ്വേഷമാണ് ആക്രമണത്തിന്റെ കാരണമെന്ന് കൊലയാളി പറഞ്ഞിരുന്നു. ആക്രമണ ശേഷം പള്ളി കത്തിക്കാനും ഇയാള്‍ക്ക് പദ്ധതിയുണ്ടായിരുന്നു.

കോവിഡ്; ന്യൂസിലാന്റിലെ പൊതുതെരഞ്ഞെടുപ്പ് നീട്ടിവെച്ചതായി പ്രധാനമന്ത്രി ജസീന്ദ ആര്‍ഡെന്‍

Test User — Mon, 17 Aug 2020 14:44:23 +0000

ഓക്ക്‌ലാന്റ്: കഴിഞ്ഞയാഴ്ച രാജ്യത്ത് ഒരാള്‍ക്ക് കോവിഡ് സ്ഥിരീകരിച്ച സാഹചര്യത്തില്‍ രാജ്യത്തെ പൊതുതെരഞ്ഞെടുപ്പ് നീട്ടിവെച്ചതായി ന്യൂസിലന്‍ഡ് പ്രധാനമന്ത്രി ജസീന്ദ ആര്‍ഡെന്‍. സെപ്തംബര്‍ 19 നായിരുന്നു തെരഞ്ഞെടുപ്പ് നടക്കേണ്ടിയിരുന്നത്. എന്നാല്‍ ഈ സാഹചര്യത്തില്‍ ഒക്ടോബര്‍ 17 ലേക്ക് തെരഞ്ഞെടുപ്പ് നടക്കാന്‍ സാധിക്കുമെന്നാണ് പ്രതീക്ഷയെന്നും ജസീന്ദ പറഞ്ഞു. പുതുതായി കോവിഡ് സ്ഥിരീകരിച്ച പ്രദേശത്ത് കര്‍ശന നിയന്ത്രണങ്ങളാണ് നിലവിലുള്ളത്.

പുതിയ തീയതിയില്‍ സുരക്ഷിതമായി തിരഞ്ഞെടുപ്പ് നടത്താന്‍ സാധ്യമാകുമെന്ന് ന്യൂസിലാന്റിലെ തിരഞ്ഞെടുപ്പ് കമ്മീഷന്‍ ഉറപ്പുനല്‍കിയിട്ടുണ്ട്. ന്യൂസിലാന്റില്‍ നീണ്ട 100 ദിവസങ്ങള്‍ പിന്നിട്ടതിന് ശേഷമാണ് വീണ്ടും ഒരു കോവിഡ് കേസ് റിപ്പോര്‍ട്ട് ചെയ്തത്. ആദ്യ കോവിഡ് കേസ് റിപ്പോര്‍ട്ട് ചെയ്തത് മുതല്‍ രാജ്യത്ത് പ്രധാനമന്ത്രി ജസീന്ദ ആര്‍ഡെന്‍ നടപ്പിലാക്കിയ കര്‍ശന നിര്‍ദേശങ്ങള്‍ ലോക ശ്രദ്ധ പിടിച്ച് പറ്റിയിരുന്നു.

ലോകകപ്പ് ക്രിക്കറ്റ് ഫൈനല്‍ നിര്‍ണായക വഴിത്തിരിവിലേക്ക് ; ഓവര്‍ത്രോ വിവാദം പരിശോധിക്കാനൊരുങ്ങി എം.സി.സി

Test User — Tue, 13 Aug 2019 10:21:57 +0000

ലോകകപ്പ് ക്രിക്കറ്റ് ഫൈനലിലെ അവസാന ഓവറിലെ ഓവര്‍ത്രോ സംഭവം പുനഃപരിശോധിക്കാനൊരുങ്ങി മെറില്‍ബോണ്‍ ക്രിക്കറ്റ് ക്ലബ്ബ്.

ക്രിക്കറ്റ് നിയമങ്ങള്‍ രൂപീകരിക്കുന്ന എം.സി.സിയുടെ വേള്‍ഡ് ക്രിക്കറ്റ് കമ്മിറ്റി കഴിഞ്ഞ ദിവസം ചേര്‍ന്ന യോഗത്തിലാണ് വിവാദ സംഭവം വീണ്ടും പരിശോധിക്കാന്‍ തീരുമാനമായത്.

ലോകകപ്പ് ഫൈനലിലെ സംഭവവുമായി ബന്ധപ്പെട്ട് ഓവര്‍ത്രോയുമായി ബന്ധപ്പെട്ട ഐ.സി.സിയുടെ നിയമത്തിന്റെ 19.8 വകുപ്പ് ഡബ്ല്യു.സി.സി ചര്‍ച്ച ചെയ്തിരുന്നു. ഇതിലുള്‍പ്പെട്ട കാര്യങ്ങള്‍ ഈ നിയമത്തില്‍ വ്യക്തമായി പറയുന്നുണ്ടെങ്കിലും ഉണ്ടായ സംഭവം വരുന്ന സെപ്റ്റംബറില്‍ നിയമ ഉപസമിതി പരിശോധിക്കുമെന്നും എം.സി.സി ഔദ്യോഗിക പത്രക്കുറിപ്പില്‍ വ്യക്തമാക്കി.

ഫൈനലില്‍ ന്യൂസീലന്‍ഡിനെതിരേ ഓവര്‍ ത്രോയിലൂടെ ഇംഗ്ലണ്ടിന് ആറുറണ്‍സ് അനുവദിച്ചത് വിവാദമായിരുന്നു.നിശ്ചിത ഓവറിലും സൂപ്പര്‍ ഓവറിലും മത്സരം ടൈ ആയതോടെ കൂടുതല്‍ ബൗണ്ടറികള്‍ നേടിയ ടീം എന്ന ആനുകൂല്യത്തില്‍ ഇംഗ്ലണ്ടിനെ വിജയികളായി പ്രഖ്യാപിക്കുകയായിരുന്നു. പിന്നീട് ഇക്കാര്യത്തില്‍ തെറ്റ് സംഭവിച്ചെന്ന് സമ്മതിച്ച് അമ്പയര്‍ കുമാര്‍ ധര്‍മസേനയും രംഗത്തെത്തി.

അവരും മനുഷ്യരല്ലേ, ഓവര്‍ ത്രോ വിധിയിലെ അമ്പയര്‍മാരുടെ തെറ്റിനെ കുറ്റപ്പെടുത്താതെ വില്യംസണ്‍

Test User — Wed, 17 Jul 2019 06:32:04 +0000

തന്റെ പ്രവര്‍ത്തികൊണ്ട് ക്രിക്കറ്റിനെ മാന്യമാരുടെ കളിയാക്കി മാറ്റുകയാണ് വില്യംസണ്‍. തുടര്‍ച്ചയായ രണ്ടാം തവണയും ലോകകപ്പ് ക്രിക്കറ്റിന്റെ ഫൈനലില്‍ തോല്‍വി രുചിക്കേണ്ടി വന്നെങ്കിലും ഇത്തവണ ആരാധകര്‍ക്കിടയില്‍ വിജയിച്ചത് ന്യൂസിലാന്റായിരുന്നു. ഇംഗ്ലണ്ട് കിരീടെ ഉയര്‍ത്തിയത് പൂജ്യം റണ്‍സിന്റെ വിജയത്തിനായിരുന്നു. അതായത് അമ്പയര്‍മാരുടെ തെറ്റ് കാരണം ന്യൂസിലാന്റിന് നഷ്ടമായത് ലോകകിരീടം.

അവസാന ഓവറിലായിരുന്നു വിവാദമായ ഓവര്‍ ത്രോ. ഇംഗ്ലണ്ടിന് മൂന്ന് പന്തില്‍ ഒമ്പത് റണ്‍സ് വേണമെന്നിരിക്കെയാണ് സ്‌റ്റോക്‌സിന്റെ ബാറ്റില്‍ കൊണ്ട് പന്ത് ബൗണ്ടറി ലൈന്‍ കടന്നു പോകുന്നത്. ഇതോടെ ഇംഗ്ലണ്ടിന് ആറ് റണ്‍സ് ലഭിച്ചു. ഐസിസിയുടെ നിയമപ്രകാരം അഞ്ച് റണ്‍സ് മാത്രമാണ് നല്‍കാന്‍ കഴിയുമായിരുന്നത്.

നമ്മള്‍ എന്തായാലും അമ്പയര്‍മാരെ വിശ്വസിക്കുന്നവരാണ്. അവര്‍ നീതിപരമായാണ് വിധി പറയുകയെന്നാണ് വിശ്വാസം. എന്നാല്‍ അവരും മനുഷ്യന്മാരാണ്. മറ്റുളളവരെ പോലെ അവര്‍ക്കും പിഴവ് പറ്റാം. അതുകൊണ്ട് തന്നെ ആ പിഴവിനെ അത്രമേല്‍ കുറ്റപ്പെടുത്താന്‍ ഞാനില്ല,’ വില്യംസണ്‍ വ്യക്തമാക്കി.

ഫൈനലിലെ അമ്പയറിങ്ങിനെതിരെ വിമര്‍ശനവുമായി അമ്പയറിങ്ങിലെ ഇതിഹാസമായ സൈമണ്‍ ടോഫല്‍ രംഗത്തെത്തിയിരുന്നു. വിവാദമായ ഓവര്‍ ത്രോയില്‍ ആറ് റണ്‍സ് ഇംഗ്ലണ്ടിന് നല്‍കിയത് വലിയ പിഴവാണെന്നാണ് മുന്‍ അമ്പയറായ ടോഫല്‍ ആരോപിക്കുന്നത്.

ഐസിസിയുടെ നിയമപ്രകാരം അഞ്ച് റണ്‍സ് മാത്രമാണ് നല്‍കാന്‍ കഴിയുമായിരുന്നത് എന്നും അങ്ങനെയെങ്കില്‍ ആറ് റണ്‍സ് നല്‍കാന്‍ എങ്ങനെയാണ് അമ്പയര്‍മാര്‍ തീരുമാനിച്ചതെന്നും വിമര്‍ശനം ശക്തമാകുന്നതിനിടെയാണ് ടോഫലും രംഗത്തെത്തിയത.്‌

“അല്ലാഹു ഞങ്ങള്‍ക്കൊപ്പമായിരുന്നു”; വിജയ രഹസ്യം പങ്കുവച്ച് ഇംഗ്ലീഷ് നായകന്‍

chandrika — Mon, 15 Jul 2019 14:05:51 +0000

2019 ക്രിക്കറ്റ് ലോകകപ്പ് ഫൈനലില്‍ ന്യൂസിലന്‍ഡിനെ തകര്‍ത്ത് കന്നി കിരീടം നേടിയ ഇംഗ്ലണ്ട് നായകന്‍ വിജയ രഹസ്യമായി പ്രതികരിച്ചത് ‘ഞങ്ങളുടെ കൂടെ അല്ലാഹു ഉണ്ടായിരുന്നു’ എന്ന്. ഭാഗ്യത്തിന്റെ സാന്നിധ്യം ആവോളമുണ്ടായിരുന്ന കലാശപ്പോരാട്ടത്തിലെ വിജയത്തിന് ശേഷം മാധ്യമങ്ങളോട് പ്രതികരിക്കവെയാണ് ഇംഗ്ലണ്ട് ക്യാപ്റ്റന്‍ ഓയിന്‍ മോര്‍ഗന്‍ ‘അല്ലാഹു ഞങ്ങള്‍ക്കൊപ്പമുണ്ടായിരുന്നു’ എന്ന് പറഞ്ഞത്. ‘ഈ ടൂര്‍ണമെന്റില്‍ ന്യൂസിലന്‍ഡ് ഞങ്ങളേക്കാള്‍ നന്നായി കളിച്ച് വരികയായിരുന്നു. എന്നാല്‍ അല്ലാഹു ഞങ്ങള്‍ക്കൊപ്പമായിരുന്നെന്നും മോര്‍ഗന്‍ പറഞ്ഞു.

#CWCFinal #CWC19 #ENGvsNZ

"We had Allah with us as well. I spoke to Adil (Rashid), he said Allah was definitely with us. I said we had the rub of the green (smiling)," says #EnglandCricketTeam captain Eoin Morgan after historic win

More:https://t.co/DF6zMHdH59
— Express Sports (@IExpressSports) July 15, 2019

Eoin Morgan “We had Allah with us” #CWC19Final pic.twitter.com/Rfb6JdwScI— Saj Sadiq (@Saj_PakPassion) July 14, 2019

മത്സരശേഷം നടന്ന വാര്‍ത്താസമ്മേളനത്തിനിടെ ലോകകപ്പ് വിജയത്തില്‍ ഐറിഷ് ഭാഗ്യം തുണച്ചോ എന്ന മാധ്യമപ്രവര്‍ത്തകന്റെ ചോദ്യത്തിന് മറുപടി നല്‍കുകയായിരുന്നു ഇംഗ്ലീഷ് നായകന്‍. അയര്‍ലന്‍ഡ് വംശജനായ മോര്‍ഗനടക്കം ലോകകപ്പ് ഫൈനല്‍ കളിച്ച ഇംഗ്ലണ്ട് ടീമിലെ ആറു താരങ്ങള്‍ മറ്റ് രാജ്യങ്ങളില്‍ നിന്നുള്ളവരാണ്. ഇതാണ് മോര്‍ഗനോട് ഐറിഷ് ഭാഗ്യത്തെ കുറിച്ച് മാധ്യമപ്രവര്‍ത്തകരില്‍ ഒരാള്‍ ചോദിക്കാന്‍ കാരണം. എന്നാല്‍ ടീമിലെ സാംസ്‌കാരിക വൈവിധ്യം തുറന്നുകാട്ടിയായിരുന്നു മോര്‍ഗന്റെ മറുപടി.

ഇംഗ്ലണ്ട് ടീമിലെ താരങ്ങളില്‍ പലരും വ്യത്യസ്ത പശ്ചാത്തലത്തില്‍ നിന്നുള്ളവരാണ്, വ്യത്യസ്ത സംസ്‌കാരത്തില്‍ നിന്നുള്ളവരും. ഇത്തരത്തിലുള്ള ഒരു ടീമിനെ ലഭിച്ചത് തന്റെ ഭാഗ്യമാണ്. താന്‍ ആദില്‍ റഷീദിനോട് സംസാരിച്ചിരുന്നുവെന്നും അവനാണ് ഇംഗ്ലണ്ട് ടീമിനൊപ്പം തീര്‍ച്ചയായും അല്ലാഹു ഉണ്ടെന്ന് പറഞ്ഞതെന്നും മോര്‍ഗന്‍ കൂട്ടിച്ചേര്‍ത്തു.

Has it sunk in yet Eoin Morgan?#CWC19 pic.twitter.com/uQqiIAFoyA
— ICC (@ICC) July 15, 2019

‘ഈ ടൂര്‍ണമെന്റില്‍ ന്യൂസിലന്‍ഡ് ഞങ്ങളേക്കാള്‍ നന്നായി കളിച്ച് വരികയായിരുന്നു. പക്ഷെ ഞങ്ങള്‍ക്ക് എന്തോ ഭാഗ്യം കൂടെ ഉണ്ടായിരുന്നു. ഗ്രൂപ്പ് മത്സരങ്ങളിലൊക്കെ ന്യൂസിലന്‍ഡ് മികച്ച രീതിയില്‍ കളിച്ചു. ഇന്ത്യക്കെതിരായ സെമി ഫൈനലിലും ഗംഭീര പോരാട്ടം നടത്തി. ഇന്ത്യ വളരെ ശക്തമായ ടീമാണ് എന്നത് ഓര്‍ക്കണം,’ മോര്‍ഗന്‍ പറഞ്ഞു.

ഇംഗ്ലണ്ട് ടീമിനൊപ്പം ഭാഗ്യത്തിന്റെ സാന്നിധ്യം ആവോളമുണ്ടായിരുന്നു. തോല്‍വി മുന്നില്‍ കണ്ട പല ഘട്ടങ്ങളിലും ഭാഗ്യം ഇംഗ്ലണ്ടിന്റെ രക്ഷയ്ക്കെത്തി. ന്യൂസിലന്‍ഡ് ഉയര്‍ത്തിയ 241 വിജയലക്ഷ്യം പിന്തുടര്‍ന്ന ഇംഗ്ലണ്ട് 50 ഓവറില്‍ 241 റണ്‍സിന് ഏവരും പുറത്താവുകയായിരുന്നു. അതിന് ശേഷമാണ് മത്സരം സൂപ്പര്‍ ഓവറിലേക്ക് കടന്നത്. സൂപ്പര്‍ ഓവറിലും ടൈ പിടിച്ചെങ്കിലും ബൗണ്ടറിയുടെ എണ്ണത്തിലാണ് ഇംഗ്ലണ്ട് വിജയക്കൊടി പാറിച്ചത്.

അയര്‍ലന്‍ഡില്‍ ജനിച്ചയാളാണ് മോര്‍ഗന്‍. ഇംഗ്ലണ്ടിലെത്തും മുന്‍പ് അയര്‍ലന്‍ഡ് ദേശീയ ടീമിനു വേണ്ടി കളിച്ചിട്ടുമുണ്ട് താരം. ഫൈനലിലെ താരമായി തെരഞ്ഞെടുക്കപ്പെട്ട ബെന്‍ സ്റ്റോക്ക്സ് ആണെങ്കില്‍ ന്യൂസിലന്‍ഡുകാരനാണ്. ഇംഗ്ലണ്ടിന്റെ വെടിക്കെട്ട് ഓപ്പണര്‍ ജൈസണ്‍ റോയ് ജനിച്ചതാകട്ടെ ദക്ഷിണാഫ്രിക്കയിലും. മോയിന്‍ അലിയും, ആദില്‍ റഷീദും പാക് വംശജരാണ്. പേസ് ബൗളര്‍ ജോഫ്ര ആര്‍ച്ചര്‍ വെസ്റ്റിന്‍ഡീസ് വംശജനും.

അമ്പയര്‍മാര്‍ക്ക് പിഴവ് പറ്റി ; അവസാന ഓവറിലെ ഓവര്‍ത്രോയില്‍ അനുവദിക്കേണ്ടത് അഞ്ച് റണ്‍സ്

Test User — Mon, 15 Jul 2019 13:42:30 +0000

ലോകകപ്പ് ക്രിക്കറ്റിലെ ഫൈനല്‍ മത്സരത്തിലെ അമ്പയറിങ്ങില്‍ പിഴവ് പറ്റിയതായി മുന്‍ അമ്പയര്‍ സൈമണ്‍ ടഫല്‍. അവസാന ഓവറിലെ നാലാമത്തെ പന്തില്‍ രണ്ട് റണ്‍സിനായി ഓടിയ സ്റ്റോക്‌സിന്റെ ബാറ്റില്‍ ഗുപ്റ്റിലിന്റെ ത്രോ കൊള്ളുകയും അത് ഫോറാവുകയും ചെയ്തു.

എന്നാല്‍ ഐ.സി.സി നിയമപ്രകാരം അഞ്ച് റണ്‍സ് മാത്രമേ അനുവദിക്കാന്‍ പാടുള്ളൂ. കാരണം സ്റ്റോക്‌സ് ക്രീസില്‍ എത്തിയില്ലായിരുന്നു. എന്നാല്‍ അമ്പയറായ കുമാര്‍ ധര്‍മ്മസേന ആറ് റണ്‍സ് അനുവദിച്ചു.

ഐ.സി.സി നിയമത്തിന്റെ പാളിച്ചകളെ കുറിച്ച് ചര്‍ച്ച ചെയ്യപ്പെടുമ്പോഴും നിലവില്‍ ഉണ്ടായിരുന്ന നിയമത്തെ കാറ്റില്‍ പറത്തിയ തീരുമാനമാണ് ഇന്നലെ അമ്പയര്‍മാര്‍ സ്വീകരിച്ചതെന്നാണ് ടഫലിന്റെ അഭിപ്രായം.

ഭേദപ്പെട്ട തുടക്കവുമായി ന്യൂസിലാന്റ് ; വില്യംസണ്‍ പുറത്ത്

Test User — Sun, 14 Jul 2019 11:54:40 +0000

ലോകകപ്പ് ഫൈനലില്‍ ആദ്യം ബാറ്റ് ചെയ്യുന്ന ന്യൂസിലന്റിന് ഭേദപ്പെട്ട തുടക്കം. 19 റണ്‍സെടുത്ത മാര്‍ട്ടിന്‍ ഗപ്ടിലിനെ പെട്ടെന്ന് നഷ്ടമായെങ്കിലും ക്യാപ്റ്റന്‍ കെയ്ന്‍ വില്യംസണും ഓപ്പണര്‍ ഹെന്റി നിക്കോള്‍സും ചേര്‍ന്ന് ടീമിനെ മികച്ച രീതിയിലാണ് മുന്നോട്ട് നയിച്ചത്. 23 ാം ഓവറില്‍ ന്യൂസിലന്റ് ക്യാപ്റ്റന്റെ വിക്കറ്റ് നഷ്ടമായി. ഒടുവില്‍ വിവരം കിട്ടുമ്പോള്‍ 26 ഓവറില്‍ രണ്ട് വിക്കറ്റ് നഷ്ടത്തില്‍ ന്യൂസിലാന്റ് 114 റണ്‍സെടുത്തിട്ടുണ്ട്.

ആദ്യം ബാറ്റ് ചെയ്യുന്ന ടീമിന് മത്സരത്തില്‍ ചെറിയ മേല്‍ക്കെ ഉണ്ട്. സെമിഫൈനലില്‍ ഇന്ത്യക്കെതിരെ കളിച്ച ടീമില്‍ നിന്ന് യാതൊരു മാറ്റവുമില്ലാതെയാണ് ന്യൂസിലന്റ് ഇറങ്ങുന്നത്. ഓസ്‌ട്രേലിയക്കെതിരെ കളിച്ച ഇംഗ്ലണ്ട് ടീം തന്നെയാണ് ഇന്ന് ഫൈനലിലും ഇറങ്ങുന്നത്