നിലവില്‍ ലോകോത്തര താരങ്ങളായ നെയ്മറും, എമ്പാപ്പെയും ഉള്‍ക്കൊള്ളുന്ന ടീമാണ് പിഎസ്ജി. മെസിക്ക് ബാഴ്‌സ വിടണമെങ്കില്‍ 700 ദശലക്ഷം പൗണ്ടിന്റെ റിലീസ് ക്ലോസ് പാലിക്കണമെന്ന റിപ്പോര്‍ട്ട് നിലനില്‍ക്കെ ഇനിയും വന്‍തുക ചെലവഴിക്കാന്‍ ക്ലബിന് ആവില്ലെന്നാണ് റിപ്പോര്‍ട്ടുകള്‍. അറുനൂറിലേറെ ഗോളുകളും 33 ട്രോഫികളും സ്വന്തമാക്കിയ മുപ്പത്തിമൂന്നുകാരന് ബാഴ്സയുമായി ഇനി ഒരു വര്‍ഷം കൂടി കരാറുള്ളതിനാല്‍ മെസിക്കായി റെക്കോര്‍ഡ് തുക തന്നെയാവും ക്ലബ് ആവശ്യപ്പെടുക.

കൂടാതെ, ചാമ്പ്യന്‍സ് ലീഗ് ലക്ഷ്യംവെച്ച് കഴിഞ്ഞ പത്ത് വര്‍ഷത്തിനിടെ മാത്രം 10,000 കോടിയോളം രൂപ ഒഴുക്കിയ ടീമാണ് പിഎസ്ജി. നേരത്തെ ബാഴ്‌സയില്‍ നിന്നും 1900 കോടിയോളം മുടക്കിയാണ് പിഎസ്ജി നെയ്മറെ പാരീസിലേക്ക് കൊണ്ടുവന്നത്. ഫ്രാന്‍സ് ലോകകപ്പ് ജേതാക്കളായതോടെ വന്‍ വിലപിടിപ്പുള്ള താരമായി മാറിയ എമ്പാപ്പെക്കും ക്ലബ് വലിയ രീതില്‍ ചെലവാക്കുന്നുണ്ട്. എന്നാല്‍, ചരിത്രത്തിലാദ്യമായി ചാമ്പ്യന്‍സ് ലീഗിന്റെ ഫൈനലിലെത്തിയശേഷം കിരീടമില്ലാതെ മടങ്ങേണ്ടിവന്നതിന്റെ നിരാശയിലാണിപ്പോള്‍ പിഎസ്ജി. ഇന്നേവരെ സെമിയില്‍ പോലും എത്താന്‍ കഴിയാതിരുന്ന ടീമിന് ഇക്കുറി സുവര്‍ണാവസരമായിരുന്നു. എന്നാല്‍, നെയ്മര്‍ക്ക് കൊടുക്കുന്ന പ്രതിഫലത്തിന്റെ പകുതി മാത്രമുള്ള ബയേണ്‍ മ്യൂണിക്ക് താരങ്ങള്‍ക്കെതിരെ അവസരങ്ങള്‍ തുലച്ച ഫ്രഞ്ച് ടീമിന് കപ്പ് അടിയറവ് വക്കേണ്ട അവസ്ഥായാണുണ്ടായത്.

2019-20ലെ ഫ്രഞ്ച് ലിഗ് സീസണ്‍ മാര്‍ച്ചില്‍ റദ്ദാക്കിയിരുന്നു. കോവിഡ്-19 മഹാ മാരിയും സാമ്പത്തിക മാന്ദ്യവും നിലനില്‍ക്കെ കഴിഞ്ഞ വാരാന്ത്യത്തിലാണ് പുതിയ സീസണ്‍ ആരംഭിച്ചിരിക്കുന്നത്.

എന്നാല്‍ ഈ വര്‍ഷത്തോടെ മെസി ക്ലബിനോട് ഗുഡ്ബൈ പറയുന്ന സാഹചര്യം മുന്നില്‍ കണ്ട് ബാഴ്സലോണ മറ്റൊരു നീക്കം നടത്തുന്നുണ്ടെന്നാണ് പുതിയ റിപ്പോട്ടുകള്‍ വ്യക്തമാക്കുന്നത്. 2021 വരെയാണ് മെസി ബാഴ്‌സയില്‍ കരാറിലേര്‍പ്പെട്ടിട്ടുണ്ട്. ഒരുപക്ഷേ ഇതിനുമുമ്പേ പത്താം നമ്പര്‍ താരം ക്ലബ് വിടാനുള്ള പദ്ധതിയുമുണ്ടെന്ന് സ്പാനിഷ് മാധ്യമമായ എസ്പോര്‍ട്ട് ഇന്ററാറ്റിവോ റിപ്പോര്‍ട്ട് ചെയ്യുന്നു. മെസി ബാഴ്‌സ വിടുന്ന സാഹചര്യത്തില്‍ ബ്രസീല്‍ സൂപ്പര്‍ താരം നെയ്മറെ തിരിച്ചെത്തിക്കാനുള്ള ലക്ഷ്യത്തിലാണ് സ്പാനിഷ് ക്ലബ്.

എന്നാല്‍, ബാഴ്സലോണയില്‍ നിന്ന് റെക്കോര്‍ഡ് തുകക്ക് ഫ്രഞ്ച് ലീഗ് വണ്‍ ക്ലബ് പാരിസ് സെന്റ് ജെര്‍മെയ്നിലേക്ക് പോയ നെയ്മറെ തിരികെ ടീമിലെത്തിക്കുക എന്നതും ക്ലബിന് വെല്ലുവിളിയുയര്‍ത്തുന്നുണ്ട്. കഴിഞ്ഞ സീസണിലും ബാഴ്സലോണ നെയ്മറെ തിരികെയെത്തിക്കാനുള്ള ശ്രമം നടത്തിയിരുന്നു. എന്നാല്‍ അത് വിജയിച്ചില്ല. തുടര്‍ന്ന് അത്ലറ്റിക്കോ മാഡ്രിഡില്‍ നിന്നും ഫ്രഞ്ച് സൂപ്പര്‍ താരം അന്റോയിന്‍ ഗ്രിസ്മാനെ സ്വന്തമാക്കുകയാണ് ബാഴ്‌സ ചെയ്തത്. എന്നാല്‍ ഗിസ്മാന്‍ വേണ്ട പോലെ തിളങ്ങാതെ പോയതും ക്ലബിന്റെ കണക്കുകൂട്ടലുകളെ തെറ്റിച്ചിരുന്നു. പുതിയ സീസണിലേക്ക് നെയ്മറെ എത്തിക്കാന്‍ പകരം ഗ്രിസ്മാനെ പിഎസ്ജിക്ക് നല്‍കുകയെന്ന ആലോചനയും ബാഴ്‌സ നടത്തുന്നതായും റിപ്പോര്‍ട്ടുകള്‍ വ്യക്തമാക്കുന്നു. ഇതിനായുള്ള നീക്കങ്ങള്‍ ക്യാമ്പ് നൗവില്‍ നടക്കുന്നതായും നെയ്മറിനായി ബാഴ്‌സലോണ ഗ്രിസ്മാന് പുറമെ 60 മില്യണ്‍ ഡോളറും വാഗ്ദാനം ചെയ്യാന്‍ തയ്യാറാണെന്നും സ്‌പോര്‍ട്ട് റിപ്പോര്‍ട്ടു ചെയ്തു.

അതേസമയം, നിലവില്‍ ബാഴ്സലോണ പുറത്തായ ചാമ്പ്യന്‍സ് ലീഗിന്റെ സെമി കളിക്കുന്ന പിഎസ്ജി നെയ്മറിനെ പുതിയ സീസണില്‍ വിട്ടുകൊടുക്കുമോ എന്നതും ബാഴ്‌സ ആരാധകര്‍ കാത്തിരുന്നു കാണേണ്ടതാണ്.

കഴിഞ്ഞ 16 വര്‍ഷമായി ബാഴ്സലോണയില്‍ കളിക്കുന്ന മെസി കരിയറില്‍ മറ്റൊരു ക്ലബിന് വേണ്ടിയും കളത്തിലിറങ്ങിയിട്ടില്ല. ബാഴ്സലോണയില്‍ നിന്ന് തന്നെ വിരമിക്കണമെന്നാണ് തന്റെ ആഗ്രഹമെന്ന് മെസി പലപ്പോഴായി തുറന്നു പറഞ്ഞിട്ടുണ്ട്. എന്നാല്‍ ചാമ്പ്യന്‍സ് ലീഗില്‍ ബയേണ്‍ മ്യൂണിക്കിനോട് 8-2ന്റെ നാണംകെട്ട തോല്‍വി ഏറ്റുവാങ്ങിയതിന് പിന്നാലെ ക്ലബിനോട് വിട പറയാനുള്ള തീരുമാനം താരം എടുത്തതായാണ് മെസിയോടടുത്ത വൃത്തങ്ങള്‍ സൂചിപ്പിക്കുന്നത്.

അര്‍ജന്റീനയും ബ്രസീലും ചിരവൈരികളായ ഫുട്‌ബോള്‍ രാജാക്കന്മാരാണ്. രണ്ടു രാജ്യങ്ങളുടെയും ആരാധകരും അതുപോലെ തന്നെ. ഈ രണ്ട് രാജ്യങ്ങളെ പിന്തുണക്കുന്നവരുടെ കൊമ്പുകോര്‍ക്കലിലാണ് ഫുട്‌ബോള്‍ ഇത്ര കണ്ട് ജനകീയമായതും സൗന്ദര്യാത്മകമായതും. അര്‍ജന്റീനയുടെയും ബ്രസീലിന്റെയും സ്‌പോര്‍ട്‌സ്മാന്‍ സ്പിരിറ്റ് പോരിന് പതിറ്റാണ്ടുകളുടെ പഴക്കമുണ്ട്.

എന്നാല്‍ പോരടിച്ചു നീങ്ങുന്ന രണ്ട് ഫുട്‌ബോള്‍ ധ്രുവങ്ങള്‍ എന്നതിനപ്പുറത്ത് ഒരു യാഥാര്‍ഥ്യത്തെ അംഗീകരിക്കുകയാണ് ബ്രസീല്‍ ഇതിഹാസം നെയ്മര്‍. താന്‍ കണ്ട ഏറ്റവും മികച്ച കളിക്കാരന്‍ അര്‍ജന്റീനന്‍ താരം മെസിയാണെന്ന് നെയ്മര്‍ പറഞ്ഞു. ഇതിനു മുമ്പും നെയ്മര്‍ നിരവധി തവണ മെസിയെ വാഴ്ത്തിപ്പറഞ്ഞിട്ടുണ്ട്. മെസിക്കൊപ്പം ഒരു മാജിക്കല്‍ കൂട്ടുകെട്ട് ഉണ്ടാക്കാന്‍ തനിക്ക് കഴിഞ്ഞിരുന്നുവെന്നും നെയ്മര്‍ വ്യക്തമാക്കി. ബാഴ്‌സലോണയില്‍ മെസിക്കൊപ്പം കളിച്ചതിന്റെ ഓര്‍മ അയവിറക്കുകയായിരുന്നു നെയ്മര്‍. മെസിയുടെ കൂടെ കളിക്കാന്‍ കഴിഞ്ഞതില്‍ അഭിമാനവും ആനന്ദവും ഉണ്ടെന്നു പറഞ്ഞ നെയ്മര്‍, മെസി തന്റെ ഏറ്റവും നല്ല സുഹൃത്താണെന്നും പറഞ്ഞു.

ക്ലബ്ബ് ഫുട്‌ബോളില്‍ നിലവില്‍ പി.എസ്.ജി താരമായ നെയ്മര്‍ പഴയ തട്ടകമായ ബാഴ്‌സലോണയിലേക്ക് തന്നെ വരാന്‍ ഉദ്ദേശിക്കുന്നുണ്ട്. നെയ്മറിനായി ബാഴ്‌സ ഔദ്യോഗികമായി തന്നെ ഇപ്പോള്‍ പി.എസ്.ജിയെ സമീപിച്ചിരിക്കുകയാണ്. എന്നാല്‍ പി.എസ്.ജി ക്ലബുമായുള്ള ചര്‍ച്ച വിജയത്തിലെത്തിയിട്ടില്ല. ഇതിനിടെ നെയ്മര്‍ യുവന്റസിലേക്ക് ചേക്കേറുമെന്ന അഭ്യൂഹവും പരന്നിരുന്നു.

ലണയല്‍ മെസിയും നെയ്മറും തമ്മിലുളള മാറ്റമെന്താണ്…? അഥവാ അര്‍ജന്റീനയും ബ്രസീലും തമ്മിലുള്ള അന്തരം എന്താണ്…? രണ്ട് ടീമുകളും അടുത്ത ദിവസങ്ങളില്‍ കളിച്ചല്ലോ… അര്‍ജന്റീന മൂന്ന് ഗോളിന് തോറ്റപ്പോള്‍ ബ്രസീല്‍ രണ്ട് ഗോളിന് ജയിക്കുകയായിരുന്നു. ഇന്നലെ ബ്രസീല്‍ കോസ്റ്റാറിക്കക്കെതിരെ നേടിയ രണ്ട് ഗോളുകള്‍ നോക്കുക- നിശ്ചിത സമയമായ 90 മിനുട്ടും കഴിഞ്ഞ് അനുവദിക്കപ്പെട്ട ആറ് മിനുട്ട് ഇഞ്ച്വറി സമയത്തായിരുന്നു ഗോളുകള്‍. മല്‍സരം ഇവിടെ പൊരിവെയിലിലായിരുന്നുവെന്നോര്‍ക്കണം.

ആ സമയത്ത് രണ്ട് ഗോളുകള്‍ എന്നത് വലിയ നേട്ടമാണ്. അതിന് കാരണം മറ്റൊന്നുമല്ല-ബ്രസീല്‍ താരങ്ങളുടെ മനസ്സ് നിറയെ ഗോളുകളായിരുന്നു, വിജയമായിരുന്നു. നെയ്മറും ജീസസും വില്ലിയനും കൂട്ടീന്യോയുമെല്ലാം ഓടിക്കയറുന്നതും അവസരങ്ങള്‍ പാഴാവുമ്പോള്‍ സ്വയം ശപിക്കുന്നതും നിരാശ പ്രകടിപ്പിക്കാതെ വീണ്ടും ബോക്‌സിലേക്ക് ഓടിക്കയറുന്നതുമെല്ലാം അടങ്ങാത്ത ഗോള്‍ തൃഷ്ണയിലായിരുന്നു. അതിന്റെ റിസല്‍ട്ടാണ് അവര്‍ക്ക് രണ്ട് ഗോളുകള്‍ സ്‌ക്കോര്‍ ചെയ്യാനായാത്. അര്‍ജന്റീനക്ക് ക്രോട്ടുകാര്‍ക്കെതിരെ അതുണ്ടായിരുന്നില്ല. ഗോള്‍ക്കീപ്പര്‍ വില്ലിയുടെ പിഴവില്‍ ആദ്യ ഗോള്‍ വീണപ്പോള്‍ തന്നെ മെസിയും സംഘവും തല താഴ്ത്തി.

കോസ്റ്റാറിക്ക മികച്ച ടീമാണ്. പ്രതിരോധം ശക്തമാണ്. ഗോള്‍ക്കീപ്പര്‍ കൈലര്‍ നവാസാവട്ടെ ലോകത്തിലെ മികച്ച കാവല്‍ക്കാരില്‍ ഒരാള്‍. അവര്‍ക്കെതിരെ ഗോള്‍ സ്‌ക്കോര്‍ ചെയ്യണമെങ്കില്‍ നിരന്തര ആക്രമണത്തിലൂടെ ലഭിക്കുന്ന അവസരങ്ങളെ പ്രയോജനപ്പെടുത്തുക മാത്രമായിരുന്നു ബ്രസീലിന് മുന്നിലുളള പോംവഴി. ഈ വ്യക്തമായ ഗെയിം പ്ലാനിലാണ് പിന്‍നിരയില്‍ നിന്നും പതിവ് പോലെ കാസിമിറോയും മാര്‍സിലോയുമെല്ലാം വിംഗുകളിലുടെ പറന്ന് കളിച്ചത്. 96 മിനുട്ടും ഇവരാരും വിശ്രമത്തിന് പോയില്ല. കോസ്റ്റാറിക്കയാണ് പ്രതിയോഗികള്‍ എന്ന് കരുതി കളിയിലെ വേഗത കുറച്ചില്ല. കാലുകളാണ് മൈതാനത്ത് പന്തിനെ നിയന്ത്രിക്കുന്നതെങ്കിലും മനസ്സാണ് കാലുകളെ നയിക്കുന്നത് എന്ന സത്യത്തിന് വലിയ ഉദാഹരണമല്ലേ നെയ്മര്‍… അദ്ദേഹത്തിന് പരുക്കുണ്ട്. സര്‍ജറിയില്‍ നിന്നും മുക്തനായി വരുന്ന താരം. പഴയ വേഗതയില്‍ കളിക്കാനാവില്ല എന്നതും ഉറപ്പ്. എന്നിട്ടും കോച്ചിനോട് നിരന്തരം അദ്ദേഹം ആവശ്യപ്പെടുന്നു എനിക്ക് കളിക്കണമെന്ന്-തന്നെ പൂര്‍ണസമയം കളിക്കാന്‍ അനുവദിക്കണമെന്ന്… മനസ്സിന്റെ ആ ആവേശമാണ് അദ്ദേഹത്തിന്റെ കാലുകളെ ചലിപ്പിക്കുന്നത്. പെനാല്‍ട്ടി ബോക്‌സില്‍ ചില അഭിനയങ്ങള്‍ അദ്ദേഹം നടത്തിയത് പോലും ഗോളിന് വേണ്ടിയായിരുന്നില്ലേ…

നവാസ് മന: സാന്നിദ്ധ്യം വിടാതെ സൂക്ഷിക്കുന്ന ഗോള്‍ക്കീപ്പറാണ്. അദ്ദേഹത്ത അഭിനന്ദിക്കേണ്ടിയിരിക്കുന്നു. 90 മിനുട്ടും ആ ഗോള്‍ക്കീപ്പര്‍ വിശ്രമരഹിതനായിരുന്നു ബ്രസീലിന്റെ പത്ത് പേരും പറന്നിറങ്ങുമ്പോള്‍ ഒരു വേള പോലും കണ്ണ് പൂട്ടിയില്ല നവാസ്. പക്ഷേ ആ ഗോള്‍ക്കീപ്പര്‍ക്ക് പോലും അവസാനത്തിലെ ആ മിനുട്ടുകളില്‍ പിഴച്ചുവെങ്കില്‍ അവിടെയാണ് ഫുട്‌ബോളിലെ മനസ്സിന്റെ വിജയം. പ്രതിരോധിക്കുക എന്നതാണല്ലോ നവാസിന്റെ ജോലി. ലക്ഷ്യം നേടുക എന്നതാണ് ബ്രസീലുകാരുടെ ആവശ്യവും. ലക്ഷ്യത്തിലേക്കുള്ള യാത്രയില്‍ നിങ്ങള്‍ക്ക്് പതറാതിരുന്നാല്‍ വിജയിക്കാം.

നൈജീരിയക്കാരുടെ വിജയം നോക്കുക. ഐസ്‌ലാന്‍ഡുകാര്‍ അര്‍ജന്റീനക്കാരെ വിറപ്പിച്ച് നിര്‍ത്തിയ ടീമാണ്. അതേ ഐസ്‌ലാന്‍ഡുകാര്‍ ഇന്നലെ നൈജീരിയക്കാരെ കായബലത്തില്‍ പിറകിലാക്കി. പക്ഷേ നൈജീരിയക്കാരെ നോക്കുക-അവര്‍ അതിലൊന്നും പതറിയില്ല. തലയില്‍ കൈവെച്ച് നിരാശ പ്രകടിപ്പിച്ചില്ല. അവസരങ്ങള്‍ മുന്നിലേക്ക് വരുമെന്ന വിശ്വാസത്തിലായിരുന്നില്ലേ മൂസയുടെ രണ്ട് ഗോളുകള്‍. ആദ്യ മല്‍സരത്തില്‍ ക്രോട്ടുകാര്‍ക്ക് മുന്നില്‍ പരാജയപ്പെട്ട ടീമാണ് നൈജീരിയക്കാര്‍. പക്ഷേ രണ്ടാം മല്‍സരത്തിന് വന്നപ്പോള്‍ ആ നിരാശയൊന്നും അവരില്‍ കണ്ടില്ല. അടിമുടി പോസിറ്റീവ് ഫുട്‌ബോള്‍. അവര്‍ വ്യക്തമായ മാര്‍ജിനില്‍ ജയിച്ചു. ഈ ജയം അര്‍ജന്റീനക്ക് തണലാണ്. അവസാന മല്‍സരത്തില്‍ ചൊവാഴ്ച്ച നൈജീരിയക്കാരെ വ്യക്തമായ മാര്‍ജിനില്‍ തോല്‍പ്പിച്ചാല്‍ കണക്കിന്റെ കളിയിലുടെ രക്ഷ നേടാനായേക്കാം. പക്ഷേ അവിടെയും മെസിയിലെ താരം എന്തെങ്കിലും ചെയ്യേണ്ടിയിരിക്കുന്നു. ഒരു പക്ഷേ ലോകകപ്പില്‍ മെസിയുടെ അവസാന മല്‍സരമായിരിക്കാം അത്. ലോകം മുഴുവന്‍ തന്നെ കുറ്റപ്പെടുത്തുമ്പോള്‍ ഒരു മാജിക് മഹാനായ ആ താരത്തില്‍ നിന്നുണ്ടാവില്ലേ-ഉണ്ടാവും.

നിലവിലെ ചാമ്പ്യന്‍സ് ലീഗ് ജേതാക്കളും സ്പാനിഷ് വമ്പന്‍മാരുമായ റയല്‍ മാഡ്രിഡിനെ പ്രീക്വാര്‍ട്ടറില്‍ തുരത്തുമെന്ന ഉറപ്പ് നല്‍കിയതിനു പുറമേ ചെല്‍സിയെ ബാര്‍സിലോണ തോല്‍പിക്കുമെന്ന് കരുതുന്നുവെന്നും നെയ്മര്‍ പറഞ്ഞു. ഫൈനലില്‍ ബാഴ്‌സലോണയുമായി ഏറ്റു മുട്ടാനാണ് തന്റെ ആഗ്രഹമെന്നും നെയ്മര്‍ മെസിക്കയച്ച സന്ദേശത്തില്‍ പറയുന്നു. സ്പാനിഷ് മാധ്യമമായ ഡിയരിയോ ഗോളാണ് നെയ്മര്‍ മെസിക്കയച്ചുവെന്നു പറയപ്പെടുന്ന സന്ദേശത്തിന്റെ വിശദാംശങ്ങള്‍ പുറത്തുവിട്ടത്.

കഴിഞ്ഞ താരകൈമാറ്റ ജാലകത്തിലാണ് ലോക ചരിത്രത്തിലെ റെക്കോര്‍ഡ് തുകക്ക് ബാര്‍സിലോണ വിട്ട് ബ്രസീലിയന്‍ സൂപ്പര്‍താരം നെയ്യ്മര്‍ ഫ്രഞ്ച് ക്ലബ് പി.എസ്.ജിയിലേക്ക് ചേക്കേറിയത്. പിന്നാലെ പുതിയ ടീമില്‍ നെയ്യ്മര്‍ തൃപ്തനല്ലെന്നും ഉടനെ തന്നെ താരം റയല്‍ മാഡ്രിഡിലേക്ക് ചേക്കേറുമെന്ന വാര്‍ത്ത പരുക്കുന്നതിനിടയിലാണ് പുതിയ വാര്‍ത്ത.

ചാമ്പ്യന്‍സ് ലീഗ് ഗ്രൂപ്പ് ഘട്ടത്തില്‍ ജര്‍മ്മന്‍ ക്ലബ് ബയേണ്‍ മ്യൂണിച്ചുമായി ഗ്രൂപ്പ് ബിയില്‍ മത്സരിച്ച പി.എസ്.ജി ഗ്രൂപ്പ് ചാമ്പ്യന്‍മാരായാണ് അവസാന പതിനാറില്‍ ഇടം നേടിയത്. അതേസമയം ചാമ്പ്യന്‍സ് ലീഗില്‍ ഹാട്രിക് കിരീടം ലക്ഷ്യം വെക്കുന്ന റയല്‍ മാഡ്രിഡ് ഗ്രൂപ്പ് എച്ചില്‍ റണ്ണേഴ്‌സ് അപ്പായാണ് നോക്കൗട്ടിലെത്തിയത്. ഫിബ്രുവരി 15നാണ് റയല്‍-പി.എസ്.ജി മത്സരത്തിന്റെ ആദ്യപാദം അരങ്ങേറുക. മാര്‍ച്ച് ഏഴിന് പി.എസ്.ജിയുടെ തട്ടകത്തില്‍ രണ്ടാം പാദം നടക്കും.

കഴിഞ്ഞ ദിവസം റയല്‍ മാഡ്രിഡിനോട് ബാഴ്‌സ തോറ്റതോടെ ടീം മാനേജ്‌മെന്റിനു മുന്നില്‍ മെസി പുതിയ നിബന്ധനകള്‍ വെച്ചതായാണ് വിവരം. എയ്ഞ്ചല്‍ ഡി മരിയ, അന്റോയിന്‍ ഗ്രീസ്മാന്‍, പൗലോ ഡിബാല എന്നിവരിലൊരാളെ നെയ്മറിന്റെ സ്ഥാനത്തേക്ക് കൊണ്ടു വരണമെന്ന് മെസി ടീം മാനേജ്‌മെന്റിനോട് ആവശ്യപ്പെട്ടതായി സ്പാനിഷ് പത്രങ്ങള്‍ റിപ്പോര്‍ട്ട് ചെയ്യുന്നു. ഇവരില്‍ ആരെയെങ്കിലും ടീമിലെത്തിച്ചില്ലെങ്കില്‍ ടീം വിടുമെന്ന സൂചന മെസി നല്‍കിയതായും റിപ്പോര്‍ട്ടുകളുണ്ട്. എയ്ഞ്ചല്‍ ഡി മരിയ, ഡിബാല എന്നിവരാണ് മെസിയുടെ ഫേവറിറ്റ്. ഇവരെ ലഭ്യമല്ലാത്ത സാഹചര്യത്തില്‍ ഗ്രീസ്മാനെയെങ്കിലും എത്തിക്കണമെന്നാണ് മെസിയുടെ ആവശ്യം.
അതേ സമയം മെസ്സിക്കായി ഇംഗ്ലീഷ് ക്ലബുകളായ മാഞ്ചസ്റ്റര്‍ സിറ്റിയും ചെല്‍സിയും രംഗത്തുണ്ട്. ബാഴ്‌സയുമായുളള പുതിയ കരാറില്‍ മെസി ഒപ്പിടാത്തതാണ് സംശയങ്ങള്‍ വര്‍ധിക്കാന്‍ കാരണം. ബാഴ്‌സയുമായി ഈ ജൂലൈയില്‍ ആഴ്ച്ചയില്‍ അഞ്ച് ലക്ഷം യൂറോ പ്രതിഫലത്തില്‍ അഞ്ച് വര്‍ഷത്തേയ്ക്ക് മെസി കരാര്‍ ഒപ്പിട്ടതായി നേരത്തെ വാര്‍ത്തകളുണ്ടായിരുന്നു. എന്നാല്‍ മെസി ഇതുവരെ ആ കരാറില്‍ ഒപ്പിട്ടിട്ടില്ലെന്ന് ബാഴ്‌സലോണ വൈസ് പ്രസിഡന്റ് ജോര്‍ദി മെസ്‌ട്രോ സ്ഥിരീകരിച്ചതോടെയാണ് താരത്തിനായി ചെല്‍സിയും സിറ്റിയും വീണ്ടും ശ്രമം ആരംഭിച്ചത്.

‘ഞങ്ങളെല്ലാം അതിനായി കാത്തിരിക്കുകയാണ്. ഇക്കാര്യത്തില്‍ എല്ലാവരും യോജിപ്പില്‍ എത്തിയതുമാണ് എന്നാല്‍ ആ ഒപ്പ് മാത്രം മെസി ഇതുവരെ ഇട്ടിട്ടില്ല’ മെസ്‌ട്രോ പറയുന്നു. മെസ്സിയുടെ ജോലിഭാരമാണ് ഒപ്പിടാന്‍ സമയം ലഭിക്കാത്തതെന്നാണ് മെസ്‌ട്രോ നല്‍കുന്ന വിശദീകരണം. എല്ലാവരും ഇക്കാര്യം ഉറ്റ് നോക്കുകയാണെന്നും ബാഴ്‌സലോണ വൈസ് പ്രസിഡന്റ് പറയുന്നു.

അതെസമയം മാഞ്ചസ്റ്റര്‍ സിറ്റി ഉടമ ശൈഖ് മന്‍സൂറിന്റെ ട്വീറ്റും ഫുട്‌ബോള്‍ ലോകത്ത് ചര്‍ച്ചയാകുന്നുണ്ട്. ഫുട്‌ബോള്‍ ചരിത്രത്തിലെ തന്നെ ഏറ്റവും വലിയ ട്രാന്‍സ്ഫര്‍ ഉടനുണ്ടാകും എന്നാണ് ശൈഖ് മന്‍സൂര്‍ അവകാശപ്പെടുന്നത്. ഇത് ലയണല്‍ മെസ്സിയെ ചുറ്റിപറ്റിയാണെന്ന ചര്‍ച്ച സജീവമാണ്. ഖത്തര്‍ ഉടമസ്ഥതയിലുളള പിഎസ്ജി റെക്കോര്‍ഡ് തുകയ്ക്ക് നെയ്മറെ സ്വന്തമാക്കിയത് നിലവില്‍ അവരുടെ ബദ്ധശത്രുക്കളായ യുഎഇയെ ചൊടിപ്പിച്ചിരിക്കുകയാണെന്നും അതിന് പകരമായാണ് മെസിയെ തന്നെ പണമെറിഞ്ഞ് പിടിക്കാന്‍ സിറ്റി ശ്രമിക്കുന്നതെന്നും ചില റിപ്പോര്‍ട്ടുകളുണ്ട്. അതേസമയം മെസിയ്ക്ക് പിന്നാലെ ചെല്‍സിയും ഉണ്ടെന്ന വാര്‍ത്തകളും ചില ഇംഗ്ലീഷ് മാധ്യമങ്ങള്‍ റിപ്പോര്‍ട്ട് ചെയ്യുന്നു. ഓസ്‌കറിനെ വിറ്റ തുകയും കോസ്റ്റയെ വില്‍ക്കുന്ന തുകയും ചേര്‍ത്ത് മെസിയെ സ്വന്തം നിരയിലെത്തിക്കാമെന്നാണ് ചെല്‍സി കണക്ക് കൂട്ടുന്നത്. നേരത്തെ 222 മില്യണ്‍ യൂറോ എന്ന റെക്കോര്‍ഡ് തുകയ്ക്കാണ് നെയ്മര്‍ ബാഴ്‌സയില്‍ നിന്ന് പിഎസ്ജിയിലേക്ക് കൂറുമാറിയത്.

pic.twitter.com/TJ0h5fCC6o

— PSG English (@PSG_English) August 16, 2017

ഇതിനു താഴെ ബാഴ്‌സക്ക് പി.എസ്.ജിയില്‍ നിന്നേറ്റ തോല്‍വിയുടെ കണക്കുകളും ഫ്രഞ്ച് ആരാധകര്‍ നിരത്തിയിട്ടുണ്ട്. അതേ സമയം ചാമ്പ്യന്‍സ് ലീഗില്‍ പിഎസ്ജിയെ 6-1ന് തകര്‍ത്ത ബാഴ്‌സയുടെ ചിത്രങ്ങള്‍ പങ്കുവെച്ചാണ് ആരാധകര്‍ പിഎസ്ജിയോട് കണക്ക് ചോദിക്കുന്നത്. നെയ്മര്‍ പോയതിന് ശേഷം കളിച്ച മൂന്നില്‍ രണ്ട് മത്സരവും ബാഴ്‌സലോണ തോല്‍ക്കുകയായിരുന്നു. അതേ സമയം പി.എസ്.ജിക്കു വേണ്ടി കളത്തിലിറങ്ങിയ നെയ്മര്‍ ആദ്യ മത്സരത്തില്‍ ഒരു ഗോള്‍ നേടുകയും ഒരു ഗോളിന് വഴിയൊരുക്കുകയും ചെയ്തു. സീസണ്‍ ഏറെ ദൈര്‍ഘ്യമുള്ളതാണ്, അതിനാല്‍ ഇനിയും പുരോഗമിക്കാന്‍ സമയമുണ്ട്. പക്ഷേ കഴിഞ്ഞ ഒമ്പത് വര്‍ഷമായി ബാഴ്‌സയില്‍ തുടരുന്ന തനിക്ക് ഇതാദ്യമായി റയലിനേക്കാളും താഴ്ന്നവരാണ് തങ്ങളെന്ന തോന്നലുണ്ടായെന്നായിരുന്നു മത്സര ശേഷം ബാഴ്‌സ താരം പിക്വേയുടെ പ്രതികരണം.

നെയ്മര്‍ ക്ലബ് വിടുമെന്ന് നേരത്തേ അഭ്യൂഹമുണ്ടായിരുന്നെങ്കിലും ഇന്ന് രാവിലെയാണ് സ്ഥിരീകരണമുണ്ടായത്. ബാഴ്‌സലോണ വിടുന്നതായി നെയ്മര്‍ ക്ലബ് അധികൃതരെ അറിയിക്കുകയായിരുന്നു.

ബ്രസീല്‍ ക്ലബ് സാന്റോസില്‍നിന്ന് 2013 മേയില്‍ നെയ്മര്‍ സ്പാനിഷ് ക്ലബ് ബാര്‍സിലോനയില്‍ എത്തിയത് 5.71 കോടി യൂറോയുടെ (ഏകദേശം 427 കോടി രൂപ) കൈമാറ്റക്കരാറിലാണ്. ജൂണ്‍ 2018 വരെ അഞ്ചുവര്‍ഷത്തേക്കുള്ള കരാറിലാണ് നെയ്മര്‍ അന്ന് ഒപ്പുവച്ചത്. റിലീസ് ക്ലോസ് ആയി അന്നു നിശ്ചയിച്ച 1421 കോടി രൂപയാണ് ഇപ്പോള്‍ 1641 കോടി രൂപയായി വര്‍ധിച്ചത്.

ബാഴ്‌സയുടെ മൈതാനമായ ന്യൂകാമ്പിലെത്തി നെയ്മര്‍ സഹതാരങ്ങളോട് യാത്ര പറഞ്ഞിരുന്നു. ഇന്ന് പരിശീലനത്തിന് നെയ്മര്‍ പങ്കെടുത്തിരുന്നില്ല. 222 ബില്യണ്‍ യൂറോയെന്ന റെക്കോഡ് തുകയ്ക്കാണ് നെയ്മര്‍ പി.എസ്.ജിയിലേയ്ക്ക് മാറുന്നത്. നെയ്മര്‍ ബാഴ്‌സ വിടുന്നതോടെ എതിരാളികളുടെ പേടി സ്വപ്‌നമായ എം.എസ്.എന്‍ ത്രയം ഇനി ഓര്‍മ്മ മാത്രമാകും

https://www.instagram.com/p/BXSt62SFYWj/