NIPA – Chandrika Daily https://www.chandrikadaily.com Wed, 09 Jul 2025 11:39:33 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg NIPA – Chandrika Daily https://www.chandrikadaily.com 32 32 കോട്ടക്കലില്‍ നിപ സമ്പര്‍ക്ക പട്ടികയില്‍ ഉള്‍പ്പെട്ട സ്ത്രീ മരിച്ചു https://www.chandrikadaily.com/woman-on-nipah-contact-list-dies-in-kottakal.html https://www.chandrikadaily.com/woman-on-nipah-contact-list-dies-in-kottakal.html#respond Wed, 09 Jul 2025 11:39:33 +0000 https://www.chandrikadaily.com/?p=347147 കോട്ടക്കലില്‍ നിപ സമ്പര്‍ക്ക പട്ടികയില്‍ ഉള്‍പ്പെട്ട സ്ത്രീ മരിച്ചു. മലപ്പുറം പരപ്പനങ്ങാടി സ്വദേശിനിയാണ് മരിച്ചത്. മലപ്പുറം മങ്കടയില്‍ നിപ ബാധിച്ചു മരിച്ച പതിനെട്ടുകാരിയുമായി ഇവര്‍ക്ക് സമ്പര്‍ക്കമുണ്ടായിരുന്നു. രണ്ടുപേരും ഒരുമിച്ച് കോട്ടക്കല്‍ സ്വകാര്യ ആശുപത്രിയില്‍ ചികിത്സയിലുണ്ടായിരുന്നു.

ആരോഗ്യവകുപ്പിന്റെ പ്രോട്ടോകോള്‍ പ്രകാരം ഇവര്‍ ഹൈ റിസ്‌ക്ക് സമ്പര്‍ക്കപ്പട്ടികയിലുണ്ടായിരുന്നു. ഇന്ന് ഉച്ചയോടെയാണിവര്‍ മരിച്ചത്. മരിച്ച സ്ത്രീയുടെ സ്രവം പരിശോധിക്കും. അതേ സമയം പരിശോധന ഫലം വരുന്നത് വരെ മൃതദേഹം സംസ്‌കരിക്കുന്നത് ആരോഗ്യ വകുപ്പ് നിര്‍ദ്ദേശം നല്‍കി.

മൃതദേഹം സംസ്‌കരിക്കാനുള്ള ബന്ധുക്കളുടെ നീക്കം ആരോഗ്യ വകുപ്പ് അധികൃതര്‍ തടഞ്ഞു. നിപ പരിശോധനാ ഫലം വരുന്നതുവരെ മൃതതദേഹം സംസ്‌കരിക്കരുതെന്ന് ആരോഗ്യ വകുപ്പ് നിര്‍ദേശം നല്‍കി.

അതേസമയം, മലപ്പുറം ജില്ലയില്‍ നിപ ബാധിച്ച വ്യക്തിയുടെ സമ്പര്‍ക്ക പട്ടികയിലുള്ള 241 പേരാണുള്ളത്. മലപ്പുറത്ത് 12 പേരാണ് ചികിത്സയിലുള്ളത്. ഇതില്‍ അഞ്ചു പേരെ ഐ.സി.യുവിലാണ് പ്രവേശിപ്പിച്ചിട്ടുള്ളത്.

സംസ്ഥാനത്ത് നിലവില്‍ ആകെ 383 പേരാണ് നിപ സമ്പര്‍ക്കപ്പട്ടികയില്‍ ഉള്ളത്. മലപ്പുറം ജില്ലയില്‍ നിപ ബാധിച്ച വ്യക്തിയുടെ സമ്പര്‍ക്ക പട്ടികയില്‍ 241 പേരും പാലക്കാട് നിപ രോഗിയുടെ സമ്പര്‍ക്കപ്പട്ടികയില്‍ 142 പേരും നിരീക്ഷണത്തിലാണ്.

ആകെ സമ്പര്‍ക്ക പട്ടികയിലുള്ളവരില്‍ 94 പേര്‍ കോഴിക്കോട് ജില്ലയിലും രണ്ടുപേര്‍ എറണാകുളം ജില്ലയിലുമാണ് നിരീക്ഷണത്തിലുള്ളത്. പാലക്കാട് നാലു പേര്‍ ഐസൊലേഷനില്‍ ചികിത്സയിലാണ്.

]]> https://www.chandrikadaily.com/woman-on-nipah-contact-list-dies-in-kottakal.html/feed 0 നിപ; സമ്പര്‍ക്കപ്പട്ടികയില്‍ ആകെ 425 പേര്‍ https://www.chandrikadaily.com/nipa-total-425-peoplle-in-coontact-list.html https://www.chandrikadaily.com/nipa-total-425-peoplle-in-coontact-list.html#respond Sat, 05 Jul 2025 15:37:00 +0000 https://www.chandrikadaily.com/?p=346783 സംസ്ഥാനത്ത് നിപ സമ്പര്‍ക്കപ്പട്ടികയില്‍ ആകെ 425 പേരെന്ന് ആരോഗ്യമന്ത്രി വീണാ ജോര്‍ജ്. മലപ്പുറത്ത് 228 പേരും പാലക്കാട് 110 പേരും കോഴിക്കോട് 87 പേരുമാണ് സമ്പര്‍ക്കപ്പട്ടികയിലുള്ളത്.

അതേസമയം മലപ്പുറത്ത് 12 പേരാണ് ചികിത്സയിലുള്ളത്. ഇതില്‍ അഞ്ച് പേര്‍ ഐസിയുവിലാണ്. സമ്പര്‍ക്കപ്പട്ടികയിലുള്ള ഒരാള്‍ നെഗറ്റീവായിട്ടുണ്ട്. പാലക്കാട് ഒരാള്‍ ഐസൊലേഷനില്‍ ചികിത്സയിലാണ്. പാലക്കാട് 61 ആരോഗ്യ പ്രവര്‍ത്തകര്‍ സമ്പര്‍ക്കപ്പട്ടികയിലുണ്ട്. കോഴിക്കോട് ജില്ലയില്‍ സമ്പര്‍ക്കപ്പട്ടികയിലുള്ള 87 പേരും ആരോഗ്യ പ്രവര്‍ത്തകരാണ്.

പ്രദേശത്ത് പനി സര്‍വൈലന്‍സ് നടത്താന്‍ ആരോഗ്യ വകുപ്പ് നിര്‍ദേശം നല്‍കി. നിപ സ്ഥിരീകരിച്ച പാലക്കാട്ടേയും മലപ്പുറത്തേയും വ്യക്തികളുടെ റൂട്ട് മാപ്പ് പ്രസിദ്ധീകരിച്ചു. കനിവ് 108 ഉള്‍പ്പെടെയുള്ള ആംബുലന്‍സുകള്‍ സജ്ജമാണ്. ഉറവിടം കണ്ടെത്താനുള്ള പ്രവര്‍ത്തനങ്ങള്‍ ശക്തമാക്കാനും നിര്‍ദേശം നല്‍കി.

മന്ത്രി വീണാ ജോര്‍ജിന്റെ നേതൃത്വത്തില്‍ ഉന്നതതല യോഗം ചേര്‍ന്നു. ആരോഗ്യ വകുപ്പ് അഡീഷണല്‍ ചീഫ് സെക്രട്ടറി, എന്‍എച്ച്എം സ്റ്റേറ്റ് മിഷന്‍ ഡയറക്ടര്‍, ആരോഗ്യ വകുപ്പ് ഡയറക്ടര്‍, മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍, അഡീഷണല്‍ ഡയറക്ടര്‍മാര്‍, ജില്ലാ കലക്ടര്‍മാര്‍, ജില്ലാ മെഡിക്കല്‍ ഓഫീസര്‍മാര്‍, പൊലീസ് ഉദ്യോഗസ്ഥര്‍, വിവിധ വകുപ്പ് ഉദ്യോഗസ്ഥര്‍ എന്നിവര്‍ യോഗത്തില്‍ പങ്കെടുത്തു.

]]> https://www.chandrikadaily.com/nipa-total-425-peoplle-in-coontact-list.html/feed 0 ചികിത്സയിലിരിക്കെ മരിച്ച മലപ്പുറം സ്വദേശിനിക്ക് നിപ സ്ഥിരീകരിച്ചു https://www.chandrikadaily.com/a-native-of-malappuram-who-died-while-undergoing-treatment-has-been-diagnosed-with-nipah.html https://www.chandrikadaily.com/a-native-of-malappuram-who-died-while-undergoing-treatment-has-been-diagnosed-with-nipah.html#respond Fri, 04 Jul 2025 06:38:35 +0000 https://www.chandrikadaily.com/?p=346657 ചികിത്സയിലിരിക്കെ മരിച്ച മലപ്പുറം ജില്ലയിലെ 18 വയസ്സുകാരിക്ക് പ്രാഥമിക പരിശോധനയില്‍ നിപ സ്ഥിരീകരിച്ചു. അന്തിമ സ്ഥിരീകരണത്തിനായി സാമ്പിള്‍ പൂനെ വൈറോളജി ലാബിലേക്ക് അയച്ചു. രോഗലക്ഷങ്ങളോടെ കോട്ടയ്ക്കലിലെ സ്വകാര്യ ആശുപത്രിയിലെത്തിയ യുവതിയെ കഴിഞ്ഞ മാസം 28-നാണ് കോഴിക്കോട്ടെ സ്വകാര്യ ആശുപത്രിയിലേക്ക് മാറ്റിയത്.

ഈ മാസം ഒന്നിനാണ് പെണ്‍കുട്ടി മരിച്ചത്. പോസ്റ്റ്‌മോര്‍ട്ടം കോഴിക്കോട് മെഡിക്കല്‍ കോളേജ് ആശുപത്രിയില്‍ വെച്ച് നടന്നു. പ്രാഥമിക പരിശോധനയില്‍ നിപ സ്ഥിരീകരിച്ചതിനാല്‍ പോസ്റ്റ്മോര്‍ട്ടം നടത്തിയ ഒരു ഡോക്ടറും രണ്ടു ജീവനക്കാരും ഹോം ക്വാറന്റൈനില്‍ തുടരുകയാണ്.

അതേസമയം, നിപ ലക്ഷണങ്ങളോടെ ആശുപത്രിയില്‍ പ്രവേശിപ്പിച്ച മറ്റൊരു യുവതി ഗുരുതരാവസ്ഥയില്‍ തുടരുകയാണ്.

പെരിന്തല്‍മണ്ണ സ്വകാര്യ ആശുപത്രിയിലാണ് രോഗി ചികിത്സയില്‍ കഴിയുന്നത്. രോഗിയുമായി സമ്പര്‍ക്കമുണ്ടായവരോട് നിരീക്ഷണത്തില്‍ പോകാന്‍ ആരോഗ്യവകുപ്പ് ഉദ്യോഗസ്ഥര്‍ നിര്‍ദേശം നല്‍കിയിട്ടുണ്ട്. ഇവരെ നിരീക്ഷിച്ചുവരികയാണ്. രോഗത്തിന്റെ ഉറവിടം വ്യക്തമല്ലെന്നാണ് വിവരം.

]]> https://www.chandrikadaily.com/a-native-of-malappuram-who-died-while-undergoing-treatment-has-been-diagnosed-with-nipah.html/feed 0 നിപ: ആനക്കയത്തും പാണ്ടിക്കാട്ടും രണ്ടു വാർഡുകളിൽ മാത്രം പ്രത്യേക നിയന്ത്രണം; മറ്റു വാർഡുകളിലെ നിയന്ത്രണങ്ങളിൽ ഇളവ് https://www.chandrikadaily.com/nipa-special-control-only-in-two-wards-anakayam-and-pandikkat-relaxation-of-restrictions-in-other-wards.html https://www.chandrikadaily.com/nipa-special-control-only-in-two-wards-anakayam-and-pandikkat-relaxation-of-restrictions-in-other-wards.html#respond Mon, 29 Jul 2024 09:53:54 +0000 https://www.chandrikadaily.com/?p=304093 ആനക്കയം, പാണ്ടിക്കാട് ഗ്രാമപഞ്ചായത്തുകളിലെ രണ്ടു വാർഡുകൾ ഒഴികെയുള്ള മറ്റു വാർഡുകളിൽ നിപ നിയന്ത്രണങ്ങളിൽ ഇളവ് വരുത്തി ജില്ലാ കളക്ടർ വി ആർ വിനോദ് ഉത്തരവ് പുറപ്പെടുവിച്ചു. നിപ രോഗപ്രതിരോധ പ്രവർത്തനങ്ങളുടെ ഭാഗമായി ഈ ഗ്രാമപഞ്ചായത്തുകളിൽ ഏർപ്പെടുത്തിയ പ്രത്യേക നിയന്ത്രണമാണ് ഒഴിവാക്കിയത്. ആനക്കയം ഗ്രാമപഞ്ചായത്തിലെ പന്ത്രണ്ടാം വാർഡ്, പാണ്ടിക്കാട് ഗ്രാമപഞ്ചായത്തിലെ അഞ്ചാം വാർഡ് എന്നിവ ഒഴികെയുള്ള വാർഡുകളിൽ ആണ് പ്രത്യേക നിയന്ത്രണങ്ങൾ ഒഴിവാക്കിയത്. ഈ രണ്ടു വാർഡുകളിലും നിലവിലുള്ള പ്രത്യേക നിയന്ത്രണങ്ങൾ തുടരും.

ജില്ലയിൽ പൊതുവായി ഏർപ്പെടുത്തിയിട്ടുള്ള പുറത്തിറങ്ങുമ്പോൾ മാസ്ക് ധരിക്കുക, സാമൂഹിക അകലം പാലിക്കുക, അത്യാവശ്യമല്ലാത്ത ആശുപത്രി സന്ദർശനങ്ങൾ ഒഴിവാക്കുക എന്നീ നിയന്ത്രണങ്ങൾ ഇനിയും തുടരും.

നിലവിൽ ഐസലേഷൻ/നിരീക്ഷണത്തിൽ ആയിരിക്കുന്ന എല്ലാവരും നിർബന്ധമായും 21 ദിവസം ഐസലേഷനിൽ തുടരണം. ആരോഗ്യപ്രവർത്തകരുടെ നിർദ്ദേശാനുസരണം മാത്രമേ ഐസലേഷൻ അവസാനിപ്പിക്കാവൂ. ഉത്തരവ് ലംഘിക്കുന്നവർക്കെതിരെ നിയമ നടപടികൾ സ്വീകരിക്കുമെന്നും ജില്ലാ കളക്ടർ അറിയിച്ചു.

]]> https://www.chandrikadaily.com/nipa-special-control-only-in-two-wards-anakayam-and-pandikkat-relaxation-of-restrictions-in-other-wards.html/feed 0 നിപ: ജനങ്ങളുടെ ഭീതി അകറ്റണം; കേന്ദ്ര ആരോഗ്യ മന്ത്രിയുമായി ചര്‍ച്ച നടത്തി ഇ.ടി മുഹമ്മദ് ബഷീര്‍ https://www.chandrikadaily.com/1nipa-peoples-fear-should-be-removed-et-muhammad-basheer-held-a-discussion-with-the-union-health-minister.html https://www.chandrikadaily.com/1nipa-peoples-fear-should-be-removed-et-muhammad-basheer-held-a-discussion-with-the-union-health-minister.html#respond Tue, 23 Jul 2024 04:47:25 +0000 https://www.chandrikadaily.com/?p=303488 മലപ്പുറം ജില്ലയില്‍ നിപ വൈറസ് ബാധിച്ചതിനെ തുടര്‍ന്ന് 14 വയസ്സുകാരന്‍ മരണപ്പെട്ട സംഭവത്തില്‍ സംസ്ഥാനമാകെ തന്നെ മുള്‍മുനയില്‍ ആണെന്നും ഇക്കാര്യത്തില്‍ കേന്ദ്ര-സംസ്ഥാന ഗവണ്‍മെന്റുകള്‍ യോജിച്ച് നിന്നുകൊണ്ടുള്ള പ്രവര്‍ത്തനങ്ങള്‍ നടത്തി ജനങ്ങളുടെ ഭീതി അകറ്റണമെന്നും ഇ. ടി.മുഹമ്മദ് ബഷീര്‍ എംപി ഇന്ന് കേന്ദ്ര ആരോഗ്യമന്ത്രി ജെ.പി നദ്ദയെ കണ്ട് കത്ത് നല്‍കി.

പൂനെ ആസ്ഥാനമായുള്ള വൈറോളജി ഡിപ്പാര്‍ട്ട്‌മെന്റ് നിപ വൈറസിന്റെ സാന്നിധ്യം സ്ഥിരീകരിച്ച ചെയ്ത സാഹചര്യത്തില്‍ ജനങ്ങള്‍ക്ക് ഈ കാര്യത്തില്‍ വലിയ പരിഭ്രാന്തിയുണ്ട്. ഇത്തരം വൈറസിന്റെ സാന്നിധ്യം സംസ്ഥാനത്ത് നേരത്തെ ഉണ്ടായ സന്ദര്‍ഭങ്ങളില്‍ നടന്ന മുന്‍കരുതലുകളും പ്രതിരോധ പ്രവര്‍ത്തനങ്ങളും സൂചിപ്പിച്ചു.ജില്ലക്ക് അനുവദിച്ച വൈറോളജി ലാബ് ഉടന്‍ യാഥാര്‍ഥ്യമാക്കാന്‍ നടപടി സ്വീകരിക്കണമെന്നും എം. പി ആവശ്യപ്പെട്ടു.

നിലവിലെ സാഹചര്യത്തില്‍ ജനങ്ങളുടെ ഭീതി അകറ്റാനും രോഗ വ്യാപനം തടയാനുമുള്ള പരിശ്രമങ്ങള്‍ക്ക് കൂടുതല്‍ വിദഗ്ദരുടെ സേവനം ആവശ്യമാണെങ്കില്‍ കേന്ദ്ര ഗവണ്‍മെന്റ് യുദ്ധകാല അടിസ്ഥാനത്തില്‍ തന്നെ നല്‍കണമെന്നും എംപി കത്തില്‍ ആവശ്യപ്പെട്ടു. ഇക്കാര്യത്തില്‍ എല്ലാവിധ സഹകരണവും ഉണ്ടാകുമെന്നും ഏത് വിധത്തിലും സഹായിക്കുമെന്നും മന്ത്രി എം പിക്ക് ഉറപ്പ് നല്‍കി. വി കെ ഹാരിസ് ബീരാന്‍ എം. പി യും കൂടിക്കാഴ്ചയില്‍ പങ്കെടുത്തു.

 

]]> https://www.chandrikadaily.com/1nipa-peoples-fear-should-be-removed-et-muhammad-basheer-held-a-discussion-with-the-union-health-minister.html/feed 0 നിപ്പയെ തോല്‍പ്പിച്ച ആരോഗ്യപ്രവര്‍ത്തകക്ക് സ്വര്‍ണമെഡലും ഇന്‍ക്രിമെന്റും https://www.chandrikadaily.com/nipa-virus-health-news.html https://www.chandrikadaily.com/nipa-virus-health-news.html#respond Wed, 27 Jun 2018 08:56:49 +0000 http://www.chandrikadaily.com/?p=91935 തിരുവനന്തപുരം: കോഴിക്കോട്ട് നിപ്പ ബാധിതരെ ചികിത്സിച്ച ഡോക്ടര്‍മാര്‍ ഉള്‍പ്പെടെയുള്ള സര്‍ക്കാര്‍ ജീവനക്കാര്‍ക്ക് സ്വര്‍ണ്ണമെഡലും ഇന്‍ക്രിമെന്റും. നിപ്പ രോഗം നിയന്ത്രിക്കുന്നതിന് ജീവഭയമില്ലാതെ പ്രവര്‍ത്തിച്ചവരെ അംഗീകരിക്കുന്നതിന്റെ ഭാഗമായാണ് ഇന്‍ക്രിമെന്റ് നടകാന്‍ ഇന്നു ചേര്‍ന്ന മന്ത്രിസഭാ യോഗത്തില്‍ തീരുമാനിച്ചത്.

നാല് അസിസ്റ്റന്റ് പ്രൊഫസര്‍മാര്‍ക്കും 19 സ്റ്റാഫ് നഴ്‌സുമാര്‍ക്കും ഏഴ് നഴ്‌സിംഗ് അസിസ്റ്റന്റുമാര്‍ക്കും 17 ക്ലീനിംഗ് സ്റ്റാഫുകള്‍ക്കും നാല് ഹോസ്പിറ്റല്‍ അറ്റന്റര്‍മാര്‍ക്കും രണ്ട് ഹെല്‍ത്ത് ഇന്‍സ്‌പെക്ടര്‍മാര്‍ക്കും ഉള്‍പ്പെടെ 61 പേര്‍ക്കാണ് ഇന്‍ക്രിമെന്റ് അനുവദിക്കുന്നത്. ഇതിനു പുറമേ 12 ജൂനിയര്‍ റസിഡന്റുമാര്‍ക്കും മൂന്ന് സീനിയര്‍ റസിഡന്റുമാര്‍ക്കും ഓരോ പവന്റെ സ്വര്‍ണ്ണമെഡല്‍ നല്‍കി ആദരിക്കും.

നിപ്പ ബാധിതരെ ചികിത്സിക്കുന്നതിനിടെ രോഗം ബാധിച്ച് മരിച്ച നഴ്‌സ് ലിനിയുടെ സ്മരണാര്‍ത്ഥം സര്‍ക്കാര്‍ മേഖലയില്‍ പ്രവര്‍ത്തിക്കുന്ന മികച്ച നഴ്‌സിനുള്ള അവാര്‍ജ് ഏര്‍പ്പെടുത്താനും മന്ത്രിസഭാ യോഗം തീരുമാനിച്ചു.

]]> https://www.chandrikadaily.com/nipa-virus-health-news.html/feed 0 നിപ്പ: നിരീക്ഷണ പട്ടികയില്‍ ആരുമില്ല; ജാഗ്രത തുടരും https://www.chandrikadaily.com/nipa.html https://www.chandrikadaily.com/nipa.html#respond Tue, 26 Jun 2018 19:08:51 +0000 http://www.chandrikadaily.com/?p=91847  

കോഴിക്കോട്: നിപ്പ വൈറസ് പൂര്‍ണമായും പിന്‍വാങ്ങിയെന്ന് നിഗമനം. നിരീക്ഷണപ്പട്ടികയില്‍ നിലവില്‍ ആരുമില്ല. അതേസമയം, ജാഗ്രതാ പ്രവര്‍ത്തനം ഈ മാസം 30 വരെ തുടരും. നിപ്പ വൈറസ് ബാധയില്‍ നിന്ന് രക്ഷപ്പെട്ട നഴ്‌സിങ് വിദ്യാര്‍ത്ഥി അജന്യയും മലപ്പുറം സ്വദേശി ഉബീഷും ഈ മാസം 11നും 14നും ആസ്പത്രി വിട്ടു. അജന്യ ക്ലാസില്‍ പോയിത്തുടങ്ങി. ഉബീഷ് ജോലിയില്‍ സജീവമായി. കഴിഞ്ഞ ദിവസം ചികിത്സ തേടിയ കോഴിക്കോട്, പാലക്കാട് സ്വദേശികള്‍ക്കും നിപ്പ ബാധിച്ചിട്ടില്ലെന്ന് പരിശോധനയില്‍ കണ്ടെത്തി.
18 പേര്‍ക്കാണ് നിപ്പ വൈറസ് ബാധിച്ചതായി സ്ഥിരീകരിച്ചിരുന്നത്. ഇതില്‍ 16 പേര്‍ മരിച്ചു. പേരാമ്പ്ര ചങ്ങരോത്ത് സ്വദേശി മുഹമ്മദ് സാബിത്ത് ആണ് നിപ്പ സംശയത്താല്‍ മെയ് അഞ്ചിന് മരിച്ചത്. സാബിത്തിന്റെ രക്തസാമ്പിളും മറ്റും പരിശോധിക്കാന്‍ സാധിച്ചിരുന്നില്ല.
രോഗികളുമായി അടുത്ത് ഇടപഴകിയവരെ പ്രത്യേകം നിരീക്ഷിച്ചിരുന്നു. 2649 പേരാണ് നിരീക്ഷണപ്പട്ടികയില്‍ നേരത്തെ ഉണ്ടായിരുന്നത്. ഇന്‍ക്യുബേഷന്‍ പിരിയഡ് കഴിയുന്ന മുറക്ക് നിരീക്ഷണപ്പട്ടികയില്‍ ആളുകള്‍ കുറഞ്ഞു വന്നു. ഈ മാസം 15ഓടെ അത് 892 ആയി കുറഞ്ഞിരുന്നു. ഇപ്പോള്‍ ആരുമില്ലെന്നാണ് ജില്ലാ മെഡിക്കല്‍ ഓഫീസര്‍ ഡോ. ജയശ്രീ പറയുന്നത്. 320 സാമ്പിളുകള്‍ ഇതിനകം പരിശോധിക്കുകയുണ്ടായി.
രോഗം ഭീതി പരത്തിയ സാഹചര്യത്തില്‍ വെസ്റ്റ്ഹില്‍ അതിഥി മന്ദിരത്തില്‍ സെല്‍ പ്രവര്‍ത്തിച്ചിരുന്നു. ഈ മാസം 15ഓടെ സെല്ലിന്റെ പ്രവര്‍ത്തനം ജില്ലാ മെഡിക്കല്‍ ഓഫീസിലേക്ക്് മാറ്റി. അതേസമയം, നിപ്പ വൈറസിന്റെ ഉറവിടം ഇനിയും കണ്ടെത്താനായിട്ടില്ല. എന്‍.സി.ഡി.സി ഉള്‍പ്പെടെ വിവിധ ഏജന്‍സികള്‍ ഇക്കാര്യത്തില്‍ പഠനം തുടരുകയാണ്. സംയുക്തപഠനം എന്ന ആവശ്യവും ഉയര്‍ന്നിട്ടുണ്ട്. നിപ്പ ബോധവല്‍ക്കരണത്തിനും രോഗികളെ ശുശ്രൂഷിക്കുന്നതിനും മുന്‍പന്തിയില്‍ പ്രവര്‍ത്തിച്ച ആരോഗ്യ പ്രവര്‍ത്തകരെയും സന്നദ്ധ സംഘടനാ പ്രവര്‍ത്തകരെയും മറ്റും ജൂലൈ ഒന്നിന് ആദരിക്കുന്നുണ്ട്. മുഖ്യമന്ത്രി പിണറായി വിജയന്‍ യോഗത്തില്‍ പങ്കെടുക്കും. നിപ്പ ഉള്‍പ്പെടെയുള്ള പകര്‍ച്ചവ്യാധികള്‍ തടയുന്നതിന് ഭാവിയില്‍ സ്വീകരിക്കേണ്ട നടപടികള്‍ സംബന്ധിച്ച് മുഖ്യമന്ത്രിയുടെ അധ്യക്ഷതയിലുള്ള സമിതി ചര്‍ച്ച ചെയ്യും.

]]> https://www.chandrikadaily.com/nipa.html/feed 0 നിപ്പ വൈറസ് ബാധിച്ച് മരിച്ച നഴ്‌സിന് ആദരവുമായി ലോകാരോഗ്യ സംഘടന https://www.chandrikadaily.com/nipa-virus.html https://www.chandrikadaily.com/nipa-virus.html#respond Tue, 05 Jun 2018 17:18:20 +0000 http://www.chandrikadaily.com/?p=88644 ന്യൂയോര്‍ക്ക്: നിപ്പ രോഗിയെ ചികിത്സിച്ചതിനെതുടര്‍ന്ന് വൈറസ് ബാധിച്ച് മരിച്ച മലയാളി നഴ്‌സ് ലിനി പുതുശ്ശേരിക്ക് ആദരവുമായി ലോകാരോഗ്യ സംഘടന. ഡബ്ല്യു.എച്ച്.ഒ വര്‍ക്‌ഫോഴ്‌സ് ഡയരക്ടര്‍ ജിം കാംപല്‍ ആണ്് ട്വിറ്ററിലൂടെ ലിനിയുടെ സേവനത്തെ പ്രശംസിച്ച് രംഗത്തെത്തിയത്. അവരെ നമ്മള്‍ ഓര്‍ക്കണം, അല്ലെങ്കില്‍ മറന്നു പോകും: റസാന്‍ അല്‍ നജ്ജാര്‍ (ഗസ്സ), ലിനി പുതുശ്ശേരി (ഇന്ത്യ) സാലോം കര്‍വ്വ (ലൈബീരിയ) – വുമണ്‍ ഇന്‍ ഗ്ലോബല്‍ ഹെല്‍ത്ത്, നോട്ട് എ ടാര്‍ഗറ്റ് എന്ന ഹാഷ് ടാഗിലൂടെ കാംപല്‍ അനുസ്മരിച്ചു.
പേരാമ്പ്ര താലൂക്ക് ആസ്പത്രിയില്‍ നഴ്‌സ് ആയിരുന്ന ലിനിക്ക്, ഇവിടെ നിപ്പ ബാധിതരെ പരിചരിച്ചതു വഴിയാണ് വൈറസ് ബാധയുണ്ടായത്. മെയ് 21ന് കോഴിക്കോട് മെഡിക്കല്‍ കോളജ് ആസ്പത്രിയിലായിരുന്നു ലിനിയുടെ മരണം. അവസാന നിമിഷങ്ങളില്‍ ലിനി ഭര്‍ത്താവിന് അയച്ച സന്ദേശങ്ങള്‍ ആഗോള തലത്തില്‍ ശ്രദ്ധിക്കപ്പെട്ടിരുന്നു.
ഗസ്സയിലെ ഇസ്രാഈല്‍ ആക്രമണങ്ങള്‍ക്കിടയില്‍ പരിക്കേറ്റവരെ ചികിത്സിക്കാന്‍ ജീവിതം ഉഴിഞ്ഞുവെച്ചാണ് റസാന്‍ അല്‍ നജ്ജാര്‍ ലോകത്തിന്റെ ഹൃദയം കീഴടക്കിയത്. ഇസ്രാഈല്‍ സൈന്യത്തിന്റെ വെടിയേറ്റ് ജൂണ്‍ മൂന്നിനാണ് അവര്‍ മരിച്ചത്. ഫലസ്തീനി ജനതയോട് ഇസ്രാഈല്‍ കാണിക്കുന്ന ക്രൂരത ലോകത്തിന് മുമ്പില്‍ ഒരിക്കല്‍കൂടി തുറന്നിടുന്നതായിരുന്നു റസാന്‍ അല്‍ നജ്ജാറിന്റെ ജീവിതവും മരണവും. വികാര ഭരിതമായിരുന്നു റസാന്റെ വിലാപയാത്ര പോലും.
പശ്ചിമ ആഫ്രിക്കയില്‍ മാരക രോഗമായ എബോള പടര്‍ന്നു പിടിച്ചപ്പോള്‍ തുല്യതയില്ലാത്ത സേവന മനസ്സുമായി ആതുര രംഗത്ത് നിലയുറപ്പിച്ച വനിതയായിരുന്നു ലൈബീരിയന്‍ സ്വദേശിനിയായ സാലോം കര്‍വ്വ. ഒരിക്കല്‍ എബോളയെ അതീജീവിച്ച അവര്‍ പിന്നീടുള്ള തന്റെ ജീവിതം എബോള ബാധിതരെ പരിചരിക്കുന്നതിനായി മാറ്റിവെച്ചു. 2014ല്‍ അവരെ ടൈം മാഗസിന്‍ പേഴ്‌സണ്‍ ഓഫ് ദ ഇയര്‍ ആയി തെരഞ്ഞെടുത്തിരുന്നു. രണ്ടു വര്‍ഷം മുമ്പ് പ്രസവ സമയത്തെ സങ്കീര്‍ണതയെതുടര്‍ന്ന് ചികിത്സ കിട്ടാതെ കര്‍വ്വ മരണത്തിനു കീഴടങ്ങി. എബോള പടരുമെന്ന ഭീതി കാരണം ഇവര്‍ക്ക് ചികിത്സ നല്‍കാന്‍ ആരും തയ്യാറായിരുന്നില്ല.

]]> https://www.chandrikadaily.com/nipa-virus.html/feed 0 നിപ: ഭീതിയൊഴിഞ്ഞ് കോഴിക്കോട്; നാലാം ദിവസവും പുതിയ റിപ്പോര്‍ട്ടില്ല https://www.chandrikadaily.com/nipa-virus-fourth-day-negative-result-news.html https://www.chandrikadaily.com/nipa-virus-fourth-day-negative-result-news.html#respond Tue, 05 Jun 2018 05:54:49 +0000 http://www.chandrikadaily.com/?p=88558 കോഴിക്കോട്: തുടര്‍ച്ചയായ നാലാം ദിവസവും നിപ വൈറസ് പുതിയ കേസുകള്‍ സ്ഥിരീകരിച്ചിട്ടില്ലെന്ന ആശ്വാസത്തില്‍ കോഴിക്കോട്. ഇതുവരെ 240 സാമ്പിളുകള്‍ പരിശോധിച്ചതില്‍ നേരത്തെ ഉള്ള 18 കേസുകള്‍ മാത്രമാണ് സ്ഥിരീകരിച്ചത്. അതേസമയം, ആരോഗ്യവകുപ്പിന്റെ നിരീക്ഷണത്തിലുള്ളവരുടെ എണ്ണം 2379 ആയി.

ഇന്നലെ പ്രവേശിപ്പിച്ച അഞ്ച് പേര്‍ ഉള്‍പ്പെടെ 24 പേരാണ് മെഡിക്കല്‍ കോളേജില്‍ നിപ രോഗലക്ഷണങ്ങളോടെ ചികിത്സയിലുള്ളത്. വിവിധ വകുപ്പുകളിലായുള്ള കേന്ദ്രസംഘം കോഴിക്കോട് ക്യാമ്പ് ചെയ്യുന്നുണ്ട്. നിപ വൈറസിന്റെ ഉറവിടം കണ്ടെത്താനായി എന്‍.സി.ഡി.സി, മൃഗസംരക്ഷണവകുപ്പ് എന്നിവ സംയുക്ത പരിശോധന നടത്തും. ഉറവിടം കണ്ടെത്താനുള്ള എല്ലാ സാധ്യതകളും പരിശോധിക്കുമെന്ന് എന്‍.സി.ഡി.സി ഡപ്യൂട്ടി ഡയറക്ടര്‍ ജയ്കിരണ്‍ പറഞ്ഞു.

കഴിഞ്ഞ ദിവസം ഓസ്‌ട്രേലിയയില്‍ നിന്നെത്തിയ ഹ്യൂമനണ്‍ മോണോ ക്ലോണല്‍ ആന്റിബോഡി മരുന്ന് ഉപയോഗിക്കുന്നത് സംബന്ധിച്ച് മെഡിക്കല്‍ കോളേജ് ആസ്പത്രിയിലെ ഡോക്ടര്‍മാര്‍ക്ക് പരിശീലനം നല്കിയിട്ടുണ്ട്.

]]> https://www.chandrikadaily.com/nipa-virus-fourth-day-negative-result-news.html/feed 0 നിപ്പ വൈറസ്: ഹയര്‍ സെക്കന്ററി സേ/ ഇംപ്രൂവ്‌മെന്റ് പരീക്ഷകള്‍ മാറ്റി https://www.chandrikadaily.com/nipa-exam.html https://www.chandrikadaily.com/nipa-exam.html#respond Mon, 04 Jun 2018 04:06:08 +0000 http://www.chandrikadaily.com/?p=88445  

നിപ വൈറസ് ബാധയെ തുടര്‍ന്ന് ഹയര്‍ സെക്കന്ററി സേ/ ഇംപ്രൂവ്‌മെന്റ് പരീക്ഷകള്‍ മാറ്റി. ജൂണ്‍ അഞ്ചിന് ആരംഭിക്കാനിരുന്ന രണ്ടാം വര്‍ഷ ഹയര്‍സെക്കന്ററി സേ/ഇംപ്രൂവ്‌മെന്റ് പരീക്ഷകളാണ് മാറ്റിയത്.

ഈ പരീക്ഷകള്‍ ജൂണ്‍ 12 ന് മാത്രമേ ആരംഭിക്കുകയുള്ളുവെന്ന് ഹയര്‍സെക്കന്ററി വകുപ്പ് അറിയിച്ചു. പരീക്ഷയുടെ പുതുക്കിയ ടൈംടേബിള്‍ ഹയര്‍സെക്കന്ററി പോര്‍ട്ടലില്‍ ലഭ്യമാകുമെന്നും അറിയിച്ചു.

നിപ്പയെ തുടര്‍ന്ന് നേരത്തെ കാലിക്കറ്റ് യൂണിവേഴ്സിറ്റി എന്‍ട്രന്‍സ് പരീക്ഷകള്‍ ഉള്‍പ്പെടെ എല്ലാ പരീക്ഷകളും മാറ്റിവച്ചിരുന്നു. പിഎസ്സി വുമണ്‍ പോലീസ് പരീക്ഷയും മറ്റു പരീക്ഷകളും മാറ്റിവെച്ചിട്ടുണ്ട്. ഇവയുടെ പുതുക്കിയ തിയ്യതി പിന്നീട് അറിയിക്കും.

തിരുവനന്തപുരം എപിജെ അബ്ദുള്‍ കലാം സാങ്കേതിക സര്‍വകലാശാല ജൂണ്‍ ആറ് മുതല്‍ 13 വരെ നടത്താനിരുന്ന എല്ലാ പരീക്ഷകളും മാറ്റിവച്ചു. പുതുക്കിയ തിയ്യതി പിന്നീട് അറിയിക്കും.

അതേസമയം, കോഴിക്കോട്, മലപ്പുറം ജില്ലകളില്‍ സ്‌കൂള്‍ തുറക്കുന്നത് ജൂണ്‍ 12 ലേക്ക് മാറ്റിയിട്ടുണ്ട്. തലശ്ശേരി വിദ്യാഭ്യാസ ജില്ലയിലും സ്‌കൂളുകള്‍ തുറക്കുന്നത് ജൂണ്‍ 12 ലേക്ക് മാറ്റിയിട്ടുണ്ട്. വയനാട് ജൂണ്‍ 5 ന് സ്‌കൂളുകള്‍ തുറക്കും. സംസ്ഥാനത്ത് മറ്റിടത്തെല്ലാം സ്‌കൂളുകള്‍ ജൂണ്‍ ഒന്നിന് തന്നെ പ്രവര്‍ത്തനമാരംഭിച്ചിരുന്നു

]]> https://www.chandrikadaily.com/nipa-exam.html/feed 0