ട്രയിനില്‍ യാത്ര ചെയ്യവെ ഒരു രാഷ്ട്രീയ നേതാവിന്റെ മകന്‍ തന്നെ കടന്നുപിടിക്കാന്‍ ശ്രമിച്ചുവെന്ന് നിഷ ജോസ് തന്റെ പുസ്തകത്തില്‍ വ്യക്തമാക്കിയിരുന്നു. ഇതിനു ചുവടുപിടിച്ച് സമൂഹമാധ്യമങ്ങളില്‍ പലതരത്തിലുള്ള ചര്‍ച്ച ഉയര്‍ന്നിരുന്നു.

പൂഞ്ഞാര്‍ എംഎല്‍എ പി.സി ജോര്‍ജ്ജിന്റെ മകന്‍ ഷോണ്‍ ജോര്‍ജ്ജാണ് നിഷയെ അപമാനിക്കാന്‍ ശ്രമിച്ചതെന്നായിരുന്നു റിപ്പോര്‍ട്ടുകള്‍. ഇതേത്തുടര്‍ന്ന് ഷോണ്‍ ജോര്‍ജ്ജ് ഡി.ജി.പിക്കും കോട്ടയം എസ്.പിക്കും പരാതി നല്‍കിയത്. പേര് വെളിപ്പെടുത്താതെ നിഷ തന്റെ പുസ്തകമായ ദ അതര്‍ സൈഡ് ഓഫ് ദിസ് ലൈഫിലൂടെയാണ് വെളിപ്പെടുത്തല്‍ നടത്തിയത്.

പേര് വെളിപ്പെടുത്താതെ നിഷ ഉന്നയിച്ച ആരോപണത്തില്‍ തനിക്കെതിരെ വ്യാപക പ്രചാരണം നടക്കുന്നുണ്ടെന്നും ഇത് പൊലീസ് അന്വേഷിക്കണമെന്നുമായിരുന്നു ഷോണിന്റെ പരാതി. എന്നാല്‍ നിഷ പരാതി നല്‍കാത്ത സാഹചര്യത്തില്‍ കേസെടുക്കാന്‍ സാധിക്കില്ലെന്ന് ഉന്നത ഉദ്യോഗസ്ഥന്‍ അറിയിച്ചു.

കോട്ടയം: കേരളാ കോണ്‍ഗ്രസിന്റെ മുന്നണി പ്രവേശനം സംബന്ധിച്ച രാഷ്ട്രീയ ചര്‍ച്ചകള്‍ തുടരുന്നതിനിടെ സോളാറും ബാര്‍കോഴയുമെല്ലാം പരാമര്‍ശിച്ച് കെ.എം. മാണിയുടെ മരുമകളും ജോസ് കെ. മാണി എംപിയുടെ ഭാര്യയുമായ നിഷ ജോസ് കെ. മാണിയുടെ പുസ്തകം പുറത്തിറങ്ങി.
ഒരു രാഷ്ട്രീയക്കാരന്റെ ഭാര്യയുടെ ആഗ്രഹങ്ങളും ആവലാതികളും അന്വേഷണങ്ങളും വിലയിരുത്തലുകളും വിവാദ വിഷയങ്ങളിലുള്ള പ്രതികരണവുമൊക്കെ പ്രതിപാദിക്കുന്ന ‘ദ അദര്‍ സൈഡ് ഒഫ് ദിസ് ലൈഫ്’ എന്ന് പേരിട്ടിരിക്കുന്ന പുസ്തകം ഇന്നലെ കോട്ടയത്ത് പ്രകാശനം ചെയ്തു.

224 പേജുള്ള പുസ്തകത്തില്‍ സോളാറും ബാര്‍കോഴയുമൊക്കെ കടന്നുവരുന്നുണ്ട്. വ്യക്തിപരമായ അനുഭവങ്ങളുടെ ദുരന്തങ്ങളെപ്പറ്റിയും പ്രതിബാധിക്കുന്നു. വ്യക്തിപരമായി തന്നെയും കുടുംബത്തെയും ആക്ഷേപിക്കുന്നതിനെപ്പറ്റി യും വിവരിച്ചിട്ടുണ്ട്.
ഓരോ വ്യക്തികളെയും മനസിലാക്കാവുന്ന സൂചനകള്‍ പുസ്തകം നല്‍കുന്നുണ്ട്. സോളാര്‍, സരിത, ബാര്‍ കോഴവിവാദം തുടങ്ങിയ കുടുംബത്തില്‍ നേരിട്ട ബുദ്ധിമുട്ടുകളെപ്പറ്റിയും പറയുന്നുണ്ട്. മകളുടെ സുഹൃത്ത് മകളോട് നിന്റെ അപ്പന് സരിതയെ അറിയാമല്ലേയെന്ന് ചോദിച്ചപ്പോള്‍ മകള്‍ കരഞ്ഞുകൊണ്ടു വീട്ടിലെത്തിയതും പറയുന്നു.
അശ്ലീല വാര്‍ത്തകള്‍ കാണിക്കാതെ കുട്ടികളെ മാറ്റിയതും നിഷ വിവരിക്കുന്നുണ്ട്. സോളാര്‍ കേസില്‍ പുതിയ ലിസ്റ്റുമായി ശത്രുവായ അയല്‍വാസി രംഗത്തെത്തിയപ്പോള്‍ ഞങ്ങള്‍ എല്ലാവരും കുട്ടികളോടൊപ്പം ടിവി കണ്ടുകൊണ്ടിരിക്കുകയായിരുന്നു. ലിസ്റ്റില്‍ ഭര്‍ത്താവിന്റെ പേര് ഉണ്ടെന്നു ശത്രുവായ അയല്‍വാസി പറയുമ്പോള്‍ കുട്ടികളെ മാറ്റുകയും ടിവി ഓഫ് ചെയ്യുകയും ചെയ്തു.

പിന്നീട് ഒരാഴ്ചത്തേക്ക് കുട്ടികളെ ടിവി കാണിച്ചില്ല. ശത്രുവാകുന്ന അയല്‍ക്കാരന്‍ കുടുബത്തെ തകര്‍ക്കാന്‍ ശ്രമിക്കുകയാണെന്നു ബോധ്യമായപ്പോഴാണു ഫേ്സ്ബുക്കില്‍ പോസ്റ്റ് ഇടാന്‍ നിര്‍ബദ്ധിതനായത്.
കുടുംബത്തിനെതിരെ പലരും രംഗത്തുവരുമ്പോള്‍ ഇതെപ്പറ്റി അച്ചാച്ചനോട് സംസാരിച്ചപ്പോള്‍ കുരയുടെ ശബ്ദം ഉയരും തോറും സിംഹത്തിന്റെ പേടി കുറയുകയുള്ളുവെന്നും മറുപടി പറഞ്ഞതായും വിവരിക്കുന്നു. മകള്‍ സ്‌കൂളില്‍ പുതിയ ചെരുപ്പുമായി പോയപ്പോള്‍ വല്യപ്പച്ചന്‍ ബജറ്റ് വിറ്റ് ലഭിച്ചതുകൊണ്ടാണോ ചെരുപ്പ് വാങ്ങിയതെന്ന് കുട്ടിയോട് ചോദിച്ചപ്പോള്‍ ഏറെ വേദനയുണ്ടാക്കിയെന്നും ഓര്‍മ്മപ്പെടുത്തുന്നു.

രാഷ്ട്രീയക്കാരന്റെ ഭാര്യ ആയതിനുശേഷമുള്ള കൊച്ചു കൊച്ച് അനുഭവങ്ങളുടെ സമാഹരമാണ് പുസ്തകമെന്ന് നിഷ പറഞ്ഞു. 1993 നവംബര്‍ 14നായിരുന്നു വിവാഹം ഉറപ്പിച്ചത്. അന്നു മുതല്‍ കുത്തിക്കുറിച്ചതൊക്കെയാണ് പുസ്തകത്തിലുള്ളത്. 59 അധ്യായങ്ങളിലായി ഇംഗ്ളീഷിലാണു പുസ്തകം. മലയാളം പതിപ്പും ഉടന്‍ പുറത്തിറക്കും. 2015ലാണ് ആദ്യ പുസ്തകമിറങ്ങിയത്.
കോളജ് കാലത്തെ അനുഭവങ്ങളും പുസ്തകത്തിലുണ്ട്. കയാക്കിംഗ്, നീന്തല്‍ തുടങ്ങി പാഠ്യേതര വിഷയങ്ങളില്‍ അക്കാലത്ത് സജീവമായിരുന്നു. ഇതെല്ലാം അന്നു മുതലേ പുസ്തകത്തില്‍ കുറിച്ചു വയ്ക്കുമായിരുന്നു. രണ്ടര പതിറ്റാണ്ട് നീണ്ട ജീവിതത്തിലെ എല്ലാ പ്രധാന സംഭവങ്ങളും പുസ്തകത്തിലുണ്ട്. രണ്ട് വര്‍ഷമായി പുസ്തകത്തിന്റെ പണിപ്പുരയിലായിരുന്നു. രാഷ്ട്രീയത്തിലേക്കിറങ്ങാനാണോ പുസ്തകം എഴുന്നതെന്ന് പലരും ചോദിക്കുന്നുണ്ട്. എന്നാല്‍ അതുമായി ഒരു ബന്ധവുമില്ല. ബാര്‍ കോഴയും സോളാര്‍ വിഷയുമായി ബന്ധപ്പെട്ട് വിട്ടിനുള്ളില്‍ നടന്നതും പുസ്തകത്തില്‍ രണ്ട് അധ്യായങ്ങളായി ഉള്‍പ്പെടുത്തിയിട്ടുണ്ട്.

കോട്ടയത്തെ പ്രമുഖനായ രാഷ്ട്രീയ നേതാവിന്റെ മകനാണ് തന്നെ അപമാനിക്കാന്‍ ശ്രമിച്ചതെന്ന് നിഷ ഒരു സ്വകാര്യ മാധ്യമത്തിനു നല്‍കിയ അഭിമുഖത്തില്‍ പറഞ്ഞു. പ്രമുഖനായ നേതാവിന്റെ മെലിഞ്ഞ ശരീര പ്രകൃതിയുള്ള മകനാണ് തന്നോട് അപമര്യാദയായി പെരുമാറിയതെന്നാണ് നിഷ പറയുന്നത്. ഇയാളുടെ പിതാവ് മുമ്പ് തങ്ങളുടെ മുന്നണിയിലായിരുന്നുവെന്നും കെ.എം മാണിയുടെ മരുമകള്‍ കൂടിയായ നിഷ പറഞ്ഞു.

വിവാദങ്ങളില്‍ താല്‍പര്യമില്ലാത്തതിനാല്‍ താന്‍ കൂടുതല്‍ വെളിപ്പെടുത്തലുകള്‍ നടത്തുന്നില്ല. മാധ്യമങ്ങള്‍ പലവിധത്തിലുള്ള കഥകള്‍ മെനയുകയാണ്. ആരെയും വ്യക്തിഹത്യ ചെയ്യാനോ വിവാദത്തിനോ താന്‍ തയ്യാറല്ല. എന്നാല്‍ സംഭവം സത്യമാണ്. ഒരു സ്ത്രീയെന്ന നിലയില്‍ തനിക്കും ദുരനുഭവമുണ്ടായിട്ടുണ്ടെന്നും അറിയിക്കുകയാണ് തന്റെ ലക്ഷ്യം.

പുറത്തിറങ്ങാനിരിക്കുന്ന ദി അതര്‍ സൈഡ് ഓഫ് ദിസ് ലൈഫ് എന്ന പുസ്തകത്തിലാണ് നിഷ ഇക്കാര്യം വെളിപ്പെടുത്തിയത്.

അപകടത്തെത്തുടര്‍ന്ന് ആസ്പത്രിയില്‍ ചികിത്സയിലായിരുന്ന ഭാര്യാ പിതാവിനെ സന്ദര്‍ശിക്കുന്നതിനാണ് അന്ന് അയാള്‍ ട്രെയിനില്‍ യാത്ര ചെയ്തിരുന്നതെന്നും ഇതിനിടെ തന്നെ കടന്നുപിടിക്കാന്‍ ശ്രമിച്ചുവെന്നുമാണ് നിഷ പുസ്തകത്തില്‍ പറഞ്ഞിരുന്നത്. അയാള്‍ക്ക് താക്കീത് നല്‍കിയെങ്കിലും അത് അവഗണിച്ച് അപമാനിക്കാന്‍ ശ്രമിക്കുകയായിരുന്നുവെന്നും നിഷ ജോസ് പുസ്തകത്തില്‍ പറയുന്നു.

Also Read: ‘പ്രമുഖ രാഷ്ട്രീയ നേതാവിന്റെ മകന്‍ കടന്നുപിടിക്കാന്‍ ശ്രമിച്ചു’; വിവാദ വെളിപ്പെടുത്തലുമായി ജോസ് കെ മാണിയുടെ ഭാര്യ

ട്രെയിന്‍ യാത്രക്കിടെ രാഷ്ട്രീയ നേതാവിന്റെ മകന്‍ തന്നെ കടന്നുപിടിക്കാന്‍ ശ്രമിച്ചുവെന്നാണ് കെ.എം മാണിയുടെ മരുമകള്‍ കൂടിയായ നിഷ ആരോപിക്കുന്നത്.

പുറത്തിറങ്ങാനിരിക്കുന്ന ദി അതര്‍ സൈഡ് ഓഫ് ദിസ് ലൈഫ് എന്ന തന്റെ പുസ്തകത്തിലാണ് ഇതുസംബന്ധിച്ച് നിഷ രേഖപ്പെടുത്തിയിരിക്കുന്നതെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്തു. എന്നാല്‍ ഇക്കാര്യം ഭര്‍ത്താവിനോടോ ഭര്‍തൃപിതാവായ കെ.എം മാണിയോടോ ഇക്കാര്യം പറഞ്ഞതായി വ്യക്തമാക്കിയിട്ടില്ല.

പൊലീസില്‍ പരാതി നല്‍കിയതായോ പുസ്തകത്തില്‍ പറയുന്നില്ല.
അപകടത്തെത്തുടര്‍ന്ന് ആസ്പത്രിയില്‍ ചികിത്സയിലായിരുന്ന ഭാര്യാ പിതാവിനെ സന്ദര്‍ശിക്കുന്നതിനാണ് അയാള്‍ ട്രെയിനില്‍ യാത്ര ചെയ്തിരുന്നത്. ഇതിനിടെയാണ് അയാള്‍ തന്നെ കടന്നുപിടിക്കാന്‍ ശ്രമിച്ചതെന്ന് നിഷ പുസ്തകത്തില്‍ പറയുന്നു. അയാള്‍ക്ക് താക്കീത് നല്‍കിയെങ്കിലും അത് അവഗണിച്ച് അപമാനിക്കാന്‍ ശ്രമിക്കുകയായിരുന്നു. ടി.ടി.ആറിനോട് ഇക്കാര്യം പരാതിപ്പെട്ടെങ്കിലും ഇടപെടാന്‍ ധൈര്യമില്ലെന്ന് കാണിച്ച് തന്നെ അവഗണിച്ചതായി നിഷ ആരോപിക്കുന്നു.

സോളാര്‍ വിഷയത്തില്‍ ജോസ് കെ മാണിയുടെ പേര് വലിച്ചിഴതു ശത്രുവായ അല്‍ക്കാരനാണെന്നും പുസ്തകത്തില്‍ നിഷ ജോസ് വെളിപ്പെടുത്തുന്നു. സോളാര്‍, ബാര്‍കോഴ വിവാദങ്ങളില്‍ വീട് അസ്വസ്ഥമായിരുന്നപ്പോള്‍ തന്റെ മക്കള്‍ അനുഭവിച്ച മനോവിഷമവും അവര്‍ പുസ്തകത്തിലൂടെ വിവരിക്കുന്നുണ്ട്.