വിഷമദ്യദുരന്തത്തില്‍ മരിച്ചവരുടെ കുടുംബങ്ങള്‍ക്ക് നഷ്ടപരിഹാരം നല്‍കുമോ എന്ന ചോദ്യത്തിനായിരുന്നു നിതീഷ് കുമാറിന്റെ പ്രതികരണം. നഷ്ടപരിഹാരം നല്‍കില്ലെന്ന സൂചനയാണ് അദ്ദേഹത്തിന്റെ വാക്കുകളില്‍ പ്രകടമായത്. സരണ്‍ ജില്ലയിലെ ഛപ്രയില്‍ കഴിഞ്ഞ ദിവസമുണ്ടായ വിഷ മദ്യദുരന്തത്തില്‍ കുറഞ്ഞത് 30 പേരെങ്കിലും മരിച്ചിട്ടുണ്ടെന്നാണ് റിപ്പോര്‍ട്ട്. മദ്യനിരോധനം നടപ്പാക്കിയതില്‍ സര്‍ക്കാരിന് വീഴ്ചപറ്റിയെന്ന് ആരോപിച്ച് പ്രതിപക്ഷമായ ബിജെ.പി നിയമസഭയിലും പുറത്തും പ്രതിഷേധം ശക്തമാക്കിയിരിക്കുകയാണ്.
ഇന്നലെ വിഷയം സഭയില്‍ ഉന്നയിച്ച ബി.ജെ.പി അംഗത്തിനു നേര്‍ക്കും നിതീഷ് കുമാര്‍ പൊട്ടിത്തെറിച്ചു. നിങ്ങള്‍ മദ്യപിച്ചിട്ടുണ്ടെന്നായിരുന്നു അദ്ദേഹത്തിന്റെ പ്രതികരണം. എന്നാല്‍ ഇന്ന് അദ്ദേഹം കുറച്ചുകൂടി മയപ്പെട്ട ഭാഷയിലാണ് സംസാരിച്ചത്. ദുരന്തത്തില്‍ താന്‍ അപലപിക്കുന്നതായും സാമൂഹിക പൊതുബോധം ഉയര്‍ത്തുന്നതിന് വമ്പന്‍ പ്രചാരണ പരിപാടികള്‍ നടത്തുമെന്നും അദ്ദേഹം പറഞ്ഞു.

മഹാത്മഗാന്ധി അടക്കം മദ്യനിരോധനത്തെ അനുകൂലിച്ചിരുന്നു. ലോകമെമ്പാടുമുള്ള സര്‍വേ നോക്കിയാല്‍ നിരവധിയാളുകളാണ് മദ്യത്തിന്റെ ഉപഭോഗം മൂലം മരിക്കുന്നത്. മൂന്‍പും വിഷമദ്യം ഉപയോഗിച്ച് ആളുകള്‍ മരിച്ചിട്ടുണ്ട്.
ഇത് രാജ്യം മുഴുവനുമുണ്ട്. മദ്യ നിരോധനമില്ലായിരുന്നുവെങ്കിലും വിഷമദ്യ ദുരന്തം ഉണ്ടാകുമായിരുന്നു. മറ്റു പല സംസ്ഥാനങ്ങളിലും നിരവധി പേര്‍ വ്യാജമദ്യം ഉപയോഗിച്ച് മരിക്കുന്നുണ്ടെന്നും അദ്ദേഹം പറഞ്ഞു.

്‌

പരിപാടിയിലേക്ക് ബിജെപി നേതാക്കളെയും ക്ഷണിച്ചിരുന്നതായി സംഘാടകര്‍ വ്യക്തമാക്കി. ബിജെപി നേതാക്കള്‍ക്ക് എന്തു സംഭവിച്ചെന്നും എന്തുകൊണ്ടാണ് രാവണവധത്തിന് ആരും എത്താതിരുന്നതെന്നും ജെഡിയു നേതാവ് അജയ് അലോക് ട്വിറ്ററിലൂടെ ചോദിച്ചു. ഇത് ഇരു പാര്‍ട്ടിയിലെ പോര് വ്യക്തമാക്കുന്നതാണ്.

കഴിഞ്ഞ ദിവസം പ്രളയവുമായി ബന്ധപ്പെട്ട് ബിജെപി- ജെഡിയു നേതാക്കള്‍ ഇടഞ്ഞിരുന്നു. ദുരന്ത നിവാരണവുമായി ബന്ധപ്പെട്ടുള്ള സംസ്ഥാനത്തിന്റെ പ്രവര്‍ത്തനങ്ങളില്‍ വീഴ്ചയുണ്ടായെന്ന് ബിജെപി നേതാവ് ഗിരിരാജ് സിംഗ് ആരോപണം ഉന്നയിച്ചിരുന്നു.

സംസ്ഥാനത്തിന് പുറത്തുള്ളതുമായ ഒരു പാര്‍ട്ടിയുമായും സഖ്യത്തിലേര്‍പ്പെടാനില്ല ജെഡിയു നേതാവ് ഗുലാം റസൂല്‍ ബലിയാവി പറഞ്ഞു. ഹരിയാന, ജമ്മു കാശ്മീര്‍, ജാര്‍ഖണ്ഡ്, ഡല്‍ഹി എന്നീ സംസ്ഥാനങ്ങളിലാണ് ജെഡിയു ഒറ്റയ്ക്ക് മത്സരിക്കുന്നത്.
നാല് സംസ്ഥാനങ്ങളിലും തെരഞ്ഞെടുപ്പിനെ നേരിടാനുള്ള പദ്ധതികള്‍ രൂപീകരിച്ചതായി ബലിയാവി പറഞ്ഞു. രണ്ടാം മോദി സര്‍ക്കാരില്‍ ജെഡിയുവിന് പ്രാധാന്യം ലഭിച്ചിരുന്നില്ല. ഇതേത്തുടര്‍ന്നാണ് ബിജെപിയുമായി സഖ്യം വേണ്ടെന്ന് ജെഡിയു തീരുമാനിച്ചിരിക്കുന്നത്.

അതിനിടെ പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള കേന്ദ്ര സര്‍ക്കാറിന്റെ ഭാഗമാകാന്‍ ജെ.ഡി.യു ഇല്ലെന്ന് പാര്‍ട്ടി നേതാവും ബിഹാര്‍ മുഖ്യമന്ത്രിയുമായ നിതീഷ് കുമാര്‍ വ്യക്തമാക്കി. മോദിയുടെ രണ്ടാം മന്ത്രിസഭയില്‍ ജെ.ഡി.യുവിന്റെ ഒരു പ്രതിനിധിയെ മാത്രം ഉള്‍പ്പെടുത്താനുള്ള തീരുമാനത്തില്‍ പ്രതിഷേധിച്ചാണ് ജെ.ഡി.യു മന്ത്രിയഭയില്‍നിന്ന് വിട്ടുനില്‍ക്കുന്നത്. മോദി സര്‍ക്കാറില്‍ പ്രതീകാത്മക പ്രാതിനിധിയാകാന്‍ ആഗ്രഹിക്കുന്നില്ലെന്നും അദ്ദേഹം പറഞ്ഞു.
ഡല്‍ഹിയില്‍ ബി.ജെ.പി അധ്യക്ഷന്‍ അമിത് ഷായുമായി പലവട്ടം ചര്‍ച്ച നടത്തിയ ശേഷം പറ്റ്‌നയില്‍ തിരിച്ചെത്തി നിതീഷ് കുമാര്‍ മാധ്യമപ്രവര്‍ത്തകരോട് സംസാരിക്കവെ തനിക്കുള്ള അമര്‍ഷം തുറന്ന് പ്രകടിപ്പിച്ചു. ‘ഞങ്ങള്‍ക്ക് അതൃപ്തിയില്ല. പക്ഷെ, ലോക്‌സഭയില്‍ ഒരംഗമുള്ള പാര്‍ട്ടിയെയും ലോക്‌സഭയില്‍ പതിനാറും രാജ്യസഭയില്‍ ആറും അംഗങ്ങളുള്ള ജെ.ഡി.യുവിനെപ്പോലുള്ള പാര്‍ട്ടിയെയും ബി.ജെ.പി വ്യത്യസ്തമായി കാണണം’
ഭാവിയിലും മന്ത്രിസഭയില്‍ അംഗമകാന്‍ തങ്ങള്‍ ഉദ്ദേശിക്കുന്നില്ല. മോദിയെ പരോക്ഷമായി വിമര്‍ശിക്കാനും നിതീഷ് കുമാര്‍ മറന്നില്ല. ബിഹാറിലെ 40 ലോക്‌സഭാ സീറ്റുകളില്‍ 39 എണ്ണവും എന്‍.ഡി.എ നേടിയിരുന്നു. ജനങ്ങളുടെ വിജയമാണ് അതെന്നും ഏതെങ്കിലും ഒരു പ്രത്യേക നേതാവിന്റെ നേട്ടമാണ് അതെന്ന മിഥ്യാധാരണ വേണ്ടെന്നും നിതീഷ് കുമാര്‍ ഓര്‍മിപ്പിച്ചു. എന്‍.ഡി.എയുടെ ഭാഗമായി ജെ.ഡി.യു തുടരുമെന്നും മോദി സര്‍ക്കാറിന് പിന്തുണ നല്‍കുമെന്നും അദ്ദേഹം വ്യക്തമാക്കി.

നേരത്തെ ജെ.ഡി.യു ആഭിമുഖ്യം പ്രകടിപ്പിച്ചിരുന്ന ഭീം ആര്‍മിയുടെ ഭീഷണി എന്‍.ഡി.എക്ക് ചെറുതല്ലാത്ത തലവേദനയാണ് ഇപ്പോള്‍ സൃഷ്ടിക്കുന്നത്. ബിജെപിയാണ് സംഘടനയുടെ മുഖ്യശത്രുവെന്ന് ഭീം ആര്‍മി സംസ്ഥാന അധ്യക്ഷന്‍ അമര്‍ അസാദ് വ്യക്തമാക്കിയതോടെയാണ് സംഘടന മുഖ്യമന്ത്രി നിതീഷ് കുമാറിന് ഭീഷണിയായിരിക്കുന്നത്.

ദലിത് വിരുദ്ധ നിലപാടുകള്‍ സ്വീകരിക്കുന്ന പാര്‍ട്ടിയാണ് ബിജെപിയെന്നും അവര്‍ക്ക് വോട്ട് ചെയ്യില്ലെന്നും അമര്‍ അസാദ് കൂട്ടിച്ചേര്‍ത്തു. ദലിത് വിഭാഗങ്ങള്‍ മുഖ്യമന്ത്രി നിതീഷ് കുമാറിനെതിരല്ല. ജെഡിയുവിന് ചെയ്യുന്ന ഓരോ വോട്ടും സഖ്യകക്ഷിയായ ബിജെപിയെ സഹായിക്കും. അതു സംഭവിക്കാന്‍ പാടില്ല. ബിജെപിയുടെ ദലിത് വിരുദ്ധ നിലപാടുകള്‍ മൂലം ജെഡിയു തെരഞ്ഞെടുപ്പില്‍ പരാജയപ്പെടും. 2019ലെ പൊതുതെരഞ്ഞെടുപ്പ് മുന്നില്‍കണ്ട് എല്ലാ വീടുകളിലും ഈ സന്ദേശം എത്തിക്കും. നിതീഷ് കുമാറിനോട് സഹതാപമുണ്ടെങ്കിലും അവര്‍ക്കു വോട്ട് ചെയ്യില്ല അമര്‍ അസാദ് പറഞ്ഞു.

ഉത്തര്‍പ്രദേശില്‍ 2014ല്‍ രൂപംകൊണ്ട ഭീം ആര്‍മിക്ക് ബിഹാറിലും ജനപിന്തുണയുണ്ട്. 2014ലെ ലോക്‌സഭാ തെരെഞ്ഞെടുപ്പില്‍ സംസ്ഥാനത്ത് ആകെയുള്ള 40ല്‍ 22 സീറ്റ് ബിജെപി വിജയിച്ചിരുന്നു. ആകെ ജനസംഖ്യയില്‍ 16 ശതമാനം വരുന്ന ദലിത് വോട്ടുകളില്‍ വലിയ പങ്ക് അന്ന് ബിജെപിയുടെ വിജയത്തില്‍ നിര്‍ണായക പങ്കുവഹിച്ചിരുന്നു.

അതേസമയം ജെ.ഡി.യുവിന്റെ പ്രസ്താവന ബി.ജെ.പിയെ ഞെട്ടിച്ചിട്ടുണ്ട്. ലോക്‌സഭാ തെരഞ്ഞെടുപ്പിന് മുന്നോടിയായി ബി.ജെ.പിക്കെതിരെ പ്രതിപക്ഷ ഐക്യം ശക്തിപ്പെടുമ്പോള്‍ എന്‍.ഡി.എ പാളയത്തില്‍ വിള്ളലുണ്ടെന്ന് വ്യക്തമാക്കുന്നതാണ് ജെ.ഡി.യുവിന്റെ നിലപാട്.

സംസ്ഥാനത്ത് ബി.ജെ.പി നടത്തുന്ന അതിക്രമങ്ങളുടെ തിക്തഫലം അനുഭവിക്കുന്നത് മുഖ്യമന്ത്രിയും പാര്‍ട്ടിയുമാണെന്നും അതിനാല്‍ ബി.ജെ.പിയുമായി യോജിച്ച് പോകാനാവില്ലെന്നുമാണ് ജെ.ഡി.യു നല്‍കുന്ന സൂചന. അടുത്തിടെ നടന്ന ഉപതെരഞ്ഞെടുപ്പ് തോല്‍വികളും ജെ.ഡി.യുവിനെ അസ്വസ്ഥമാക്കിയിട്ടുണ്ട്. ഈ രീതി തുടര്‍ന്നാല്‍ പിന്നെ ബിഹാറില്‍ നിലനില്‍പ്പില്ലെന്ന ഭയമാണ് ബി.ജെ. പിയെ മാറ്റി നിര്‍ത്താന്‍ ജെ.ഡിയുവിനെ പ്രേരിപ്പിക്കുന്നത്. ഇതിന്റെ ഭാഗമായിട്ടാണ് തെരഞ്ഞെടുപ്പിലെ സീറ്റുകളുടെ കാര്യം പോലും ജെ.ഡി.യു ഒറ്റക്ക് തീരുമാനിച്ചിരിക്കുന്നത്.

2009ല്‍ ബി.ജെ.പിയുമായി സഖ്യമുണ്ടായിരുന്നപ്പോള്‍ ലഭിച്ചിരുന്ന സീറ്റുകള്‍ വേണമെന്നാണ് ജെ.ഡി.യുവിന്റെ ആവശ്യം. അതായത് 25 സീറ്റില്‍ അവര്‍ മത്സരിക്കുമെന്ന് ഉറപ്പായിരിക്കുകയാണ്. അങ്ങനെയെങ്കില്‍ ബി.ജെ.പി 15 സീറ്റിലൊതുങ്ങും. ജെ.ഡി.യുവിന് 25 സീറ്റും ലഭിക്കും. 2014ല്‍ 22 സീറ്റുകളാണ് ബിഹാറില്‍ എന്‍.ഡി.എ നേടിയത്. രാംവിലാസ് പാസ്വാന്റെ ലോക്ജനശക്തി പാര്‍ട്ടിയും ഉപേന്ദ്ര കുശ്വാഹയുടെ ആര്‍.എസ്.എല്‍.എസ്.പിയും എന്‍.ഡി.എക്കൊപ്പമുണ്ടായിരുന്നു. എന്നാല്‍ 15 സീറ്റ് ഒരിക്കലും ബി.ജെ.പിക്ക് സ്വീകാര്യമല്ല. മറ്റു സഖ്യകക്ഷികള്‍ക്ക് വീതം വെച്ച് നല്‍കേണ്ട സീറ്റും ബി.ജെ.പിയെ ആശങ്കപ്പെടുത്തുന്നുണ്ട്. മോദിയെ പ്രധാനമന്ത്രി സ്ഥാനാര്‍ഥിയായി ബി.ജെ.പി നിശ്ചയിച്ചതില്‍ പ്രതിഷേധിച്ച് 2013 ലാണ് ജനതാദള്‍ (യു) രണ്ട്് പതിറ്റാണ്ടായുള്ള എന്‍.ഡി.എ സഖ്യം വിച്ഛേദിച്ചത്.

പിന്നീട് 2016 ല്‍ നടന്ന സംസ്ഥാന തെരഞ്ഞെടുപ്പില്‍ ലാലുപ്രസാദ് യാദവിന്റെ ആര്‍.ജെ.ഡിക്കും കോണ്‍ഗ്രസിനും ഒപ്പം മഹാസഖ്യം രൂപീകരിച്ച് ബി.ജെ.പിയെ പരാജയപ്പെടുത്തുകയായിരുന്നു. എന്നാല്‍ ഒരു വര്‍ഷം തികയുമ്പോള്‍ ഏറ്റവും വലിയ ഒറ്റക്കക്ഷിയായ ആര്‍.ജെ.ഡിയുമായി ബന്ധം വിച്ഛേദിച്ച് നിതീഷ് വീണ്ടും ബി.ജെ.പിക്കൊപ്പം ചേര്‍ന്നു. ബിഹാര്‍ നിയമസഭയില്‍ ജനതാദളിന് 70 ഉം ബി.ജെ.പിക്ക് 50 ഉം അംഗങ്ങളാണുള്ളത്.

2000-ലെ സ്‌റ്റേറ്റ് റെക്കഗ്നിഷന്‍ ആക്ട് പ്രകാരം ബീഹാറിന് പ്രത്യേകപദവിക്ക് അര്‍ഹതയുണ്ടെന്നാണ് നിതീഷ് അവകാശപ്പെടുന്നത്. സാമ്പത്തിക, ആരോഗ്യ, വിദ്യാഭ്യാസ മേഖലകളില്‍ ദേശീയ ശരാശരിയെക്കാള്‍ പിന്നോക്കം നില്‍ക്കുന്ന സംസ്ഥാനങ്ങള്‍ക്ക് പ്രത്യേകപദവിക്ക് അര്‍ഹതയുണ്ടെന്നാണ് നിതീഷിന്റെ വാദം. നിതീഷ് കുമാര്‍ മുഖ്യമന്ത്രിയായ ശേഷം ബീഹാറിന് വേണ്ടി ഒന്നും ചെയ്യുന്നില്ലെന്ന് ആര്‍.ജെ.ഡി ആരോപിച്ചിരുന്നു. ഇതിനെ മറികടക്കാന്‍ കൂടിയാണ് പുതിയ ആവശ്യം നിതീഷ് കുമാര്‍ മുന്നോട്ട് വെച്ചിരിക്കുന്നത്.

കഴിഞ്ഞ ദിവസം മോദി സര്‍ക്കാറിന്റെ നോട്ട് നിരോധനത്തിനെതിരെ വിമര്‍ശനവുമായി നിതീഷ് കുമാര്‍ രംഗത്ത് വന്നിരുന്നു. എത്രപേര്‍ക്ക് നോട്ട് നിരോധനം കൊണ്ട് ഗുണമുണ്ടായി എന്ന് ചോദിച്ച നിതീഷ് സമ്പന്നരെ സംരക്ഷിക്കുന്ന ബാങ്കുകള്‍ക്കെതിരെയും രൂക്ഷമായ വിമര്‍ശനമുന്നയിച്ചിരുന്നു. നോട്ട് നിരോധനത്തെ ആദ്യഘട്ടത്തില്‍ പിന്തുണച്ചിരുന്ന നിതീഷ് കുമാറിന്റെ തകിടം മറിച്ചില്‍ ബി.ജെ.പിക്കുള്ള മുന്നറിയിപ്പാണെന്ന് സൂചനയുണ്ടായിരുന്നു.

Shri @arunjaitley
Shri @NKSingh_MP https://t.co/ZXJmk84Jl0

— Nitish Kumar (@NitishKumar) May 29, 2018

Shri @arunjaitley
Shri @NKSingh_MP https://t.co/Jvk7Wy3D1s

— Nitish Kumar (@NitishKumar) May 29, 2018

ചിലരുടെ പണം ഒരു സ്ഥലത്ത് നിന്ന് മറ്റൊരു ഇടങ്ങളിലേക്ക് മാറ്റാന്‍ മാത്രമേ നോട്ട് നിരോധനം കൊണ്ടു സാധിച്ചിട്ടുളളൂ. രാജ്യത്തെ സാധാരണ ജനങ്ങള്‍ക്ക് നോട്ടു നിരോധനം മൂലം ഒരു ഗുണവും ലഭിച്ചില്ലയെന്നും നിതീഷ് കുമാര്‍ പറഞ്ഞു. മോദി സര്‍ക്കാറിന്റെ നാലാം വാര്‍ഷികം ആഘോഷിക്കുന്ന വേളയില്‍ ബി.ജെ.പി നേതൃത്വം നല്‍കുന്ന എന്‍.ഡി.എ ഭാഗമായ നിതീഷ് കുമാര്‍ നിന്നും ഇത്തരം ഒരു വിമര്‍ശനം ഉയര്‍ന്നത് ബി.ജെ.പിക്ക് വലിയ തിരിച്ചടിയായി.

I was a supporter of demonetization,but how many benefited from the move? Some people were able to shift their cash from one place to another: Bihar CM Nitish Kumar (26.5.18) pic.twitter.com/yrLkHRQqAi

— ANI (@ANI) May 27, 2018

രാജ്യത്തെ സാധാരണ ജനങ്ങള്‍ വായ്പയില്‍ കുടിശിക വരുത്തിയാല്‍ ജപ്തിയുള്‍പ്പെടെയുള്ള നടപടികളിലൂടെ അതു തിരിച്ചുപിടിക്കുന്നു. എന്നാല്‍, സ്വാധീനമുള്ളവര്‍ വായ്പ എടുക്കുകയും വിദേശത്തേക്ക് മുങ്ങുകയും ചെയ്യുന്നു. ഇക്കാര്യത്തില്‍ ധനകാര്യ സ്ഥാപനങ്ങളിലെ ഉന്നത ഉദ്യോഗസ്ഥര്‍ക്ക് അറിവില്ലാത്തത് അത്ഭുതകരമാണ്. ബാങ്കിങ് സംവിധാനം പരിഷ്‌കരിക്കേണ്ടതുണ്ട്.  താന്‍ വിമര്‍ശിക്കുകയല്ലെന്നും എന്നാല്‍ ഈ വിഷയത്തില്‍ ഉത്കണ്ഠയുണ്ടെന്നും നിതീഷ് കുമാര്‍ വ്യക്തമാക്കി. സംസ്ഥാനത്തെ ബാങ്കുകളുടെ യോഗത്തില്‍ സംസാരിക്കുകയായിരുന്നു ബിഹാര്‍ മുഖ്യമന്ത്രി.