ന്യൂഡല്‍ഹി: സമ്പദ്‌വ്യവസ്ഥയില്‍ പണ ലഭ്യത കുറയുന്നതില്‍ ആശങ്ക പ്രകടിപ്പിച്ച് നിതി ആയോഗ് വൈസ് ചെയര്‍മാന്‍. നിലവിലെ സാമ്പത്തിക മാന്ദ്യം അസാധാരണ സാഹചര്യമാണെന്നും നീതി ആയോഗ് വൈസ് ചെയര്‍മാന്‍ രാജീവ് കുമാര്‍ പറഞ്ഞു. രാജ്യത്തിന്റെ 70 വര്‍ഷത്തെ ചരിത്രത്തിനിടയില്‍ ഇത്തരമൊരു പ്രതിസന്ധിയിലൂടെ നമ്മള്‍ കടന്നുപോയിട്ടില്ലെന്നും അദ്ദേഹം പറഞ്ഞു.

70 വര്‍ഷത്തിനിടെ രാജ്യം ഇതുപോലെ പണലഭ്യത കുറഞ്ഞ സാഹചര്യത്തെ അഭിമുഖീകരിച്ചിട്ടില്ല. സമ്പദ്‌വ്യവസ്ഥയുടെ എല്ലാ മേഖലകളെയും പ്രതിസന്ധി പിടികൂടിയിട്ടുണ്ടെന്നും രാജീവ് കുമാര്‍ പറയുന്നു. വാര്‍ത്താ ഏജന്‍സിയായ എ.എന്‍.ഐ ആണ് രാജീവ് കുമാറിന്റെ പ്രതികരണം റിപ്പോര്‍ട്ട് ചെയ്തത്.

സ്വകാര്യ മേഖലയുടെ ആശങ്ക പരിഹരിക്കാന്‍ ചെയ്യാന്‍ പറ്റുന്നതെല്ലാം ഉടന്‍ തന്നെ ചെയ്യണമെന്നും അദ്ദേഹം സര്‍ക്കാരിനോട് ആവശ്യപ്പെട്ടു. രാജ്യത്തിന്റെ സാമ്പത്തിക വളര്‍ച്ച കഴിഞ്ഞ അഞ്ചുവര്‍ഷത്തിനിടയില്‍ മോശം പ്രകടനം കാഴ്ചവെച്ച സാഹചര്യത്തിലാണ് രാജ്യത്തെ പ്രധാന സാമ്പത്തിക വിദഗ്ധന്‍ കൂടിയായ നിതി ആയോഗ് വൈസ് ചെയര്‍മാന്റെ പരാമര്‍ശമെന്നത് ശ്രദ്ധേയമാണ്.

ന്യൂഡല്‍ഹി: അധികാരത്തിലെത്തുന്നതോടെ നിതി ആയോഗ് പിരിച്ചു വിട്ട് ആസൂത്രണ കമ്മീഷന്‍ പുന:സ്ഥാപിക്കുമെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. നേരത്തെ ആസൂത്രണ കമ്മിഷന്‍ ഒഴിവാക്കിയാണ് നരേന്ദ്ര മോദി സര്‍ക്കാര്‍ നിതി ആയോഗ് കൊണ്ടു വന്നത്. ഇത് കടുത്ത വിമര്‍ശനത്തിനു വിധേയമായിരുന്നു. അധികാരത്തിലെത്തുന്നതോടെ വീണ്ടും ആസൂത്രണ കമ്മിഷന്‍ കൊണ്ടു വരുമെന്നാണ് രാഹുല്‍ വ്യക്തമാക്കുന്നത്.

ഇതേ അഭിപ്രായം ഉന്നയിച്ച് തൃണമൂല്‍ കോണ്‍ഗ്രസ് നേതാവും പശ്ചിമ ബംഗാള്‍ മുഖ്യമന്ത്രിയുമായ മമതാ ബാനര്‍ജിയും രംഗത്തെത്തിയിരുന്നു. ഭരണത്തിലെത്തുന്നതോടെ ആസൂത്രണ കമ്മിഷന്‍ പുന:സ്ഥാപിക്കുമെന്നും നിതി ആയോഗ് ഉപയോഗിക്കാന്‍ കൊള്ളില്ലെന്നും അവര്‍ വ്യക്തമാക്കിയിരുന്നു. പുതിയ ജി.എസ്.ടി പുന:പരിശോധിക്കുമെന്നും മമത പറഞ്ഞു.

കോണ്‍ഗ്രസിന്റെ പ്രകടനപത്രിക അടുത്ത ആഴ്ച പുറത്തിറങ്ങുമെന്നാണ് സൂചന. കോണ്‍ഗ്രസിന്റെ പ്രകടന പത്രിക ഒരു വ്യക്തിയുടെ കാഴ്ചപ്പാടായിരിക്കില്ല, മറിച്ച് ജനങ്ങളുടെ ശബ്ദമായിരിക്കുമെന്നും രാഹുല്‍ പറഞ്ഞു.

നീതി ആയോഗിന് പിന്നില്‍ കല്‍ക്കരി മന്ത്രാലയമാണ്. 84 ശതമാനം പരാതികളാണ് മന്ത്രാലയം പരിഹരിച്ചിട്ടുള്ളത്. ഗോത്ര വകപ്പും ബഹിരാകാശ മന്ത്രായവും 88 ശതമാനം പരാതികള്‍ പരിഹരിച്ചു. ഊര്‍ജ വകുപ്പിന്റെ പരാതി പരിഹാര നിരക്ക് 93 ശതമാനമാണ്.
മന്ത്രാലയങ്ങളുടെ ശരാശരി പരിഹാര നിരക്ക് 97 ശതമാനമാണ്. 2014 ജനുവരി മുതല്‍ വിവിധ മന്ത്രാലയങ്ങളില്‍ 23,87,513 പരാതികലാണ് ലഭിച്ചത്. ഇതില്‍ 23,22,751 എണ്ണവും പരിഹരിക്കപ്പെട്ടു. 4,111 പരാതികള്‍ക്ക് തീര്‍പ്പായില്ല.