‘രണ്ട് ദിവസം മുമ്പ് ഞാൻ ഇത് ഗഡ്കരിയോട് പറഞ്ഞിരുന്നു, ഞാൻ വീണ്ടും ആവർത്തിക്കുകയാണ്. നിങ്ങൾ അപമാനിക്കപ്പെട്ടെങ്കിൽ, ബി.ജെ.പി വിട്ട് മഹാ വികാസ് അഘാഡിക്കൊപ്പം (സേന (യു.ബി.ടി), എൻ.സി.പി (എസ്.പി), കോൺഗ്രസ് എന്നിവയുടെ സഖ്യം) ചേരുക. നിങ്ങളുടെ വിജയം ഞങ്ങൾ ഉറപ്പാക്കും. ഞങ്ങളുടെ സർക്കാർ അധികാരത്തിലെത്തിയാൽ നിങ്ങളെ മന്ത്രിയാക്കും, അത് അധികാരമുള്ള ഒരു പദവിയാകും’ -ഉദ്ധവ് താക്കറെ പറഞ്ഞു.

കിഴക്കൻ മഹാരാഷ്ട്രയിലെ യവത്മാൽ ജില്ലയിലെ പുസാദിൽ പാർട്ടി റാലിയിൽ സംസാരിക്കുകയായിരുന്നു അദ്ദേഹം. ബി.ജെ.പിയുടെ അഴിമതി ആരോപണം നേരിട്ട മുൻ കോൺഗ്രസ് നേതാവ് ക്രിപാശങ്കർ സിങ് വരെ പ്രധാനമന്ത്രി നരേന്ദ്ര മോദി ഉൾപ്പെടുന്ന ആദ്യഘട്ട ബി.ജെ.പി സ്ഥാനാർഥ പട്ടികയിലുണ്ട്. എന്നിട്ടും നിതിൻ ഗഡ്കരിയുടെ പേരില്ലെന്നും ഉദ്ധവ് ചൂണ്ടിക്കാട്ടി.

തെരുവിൽ കഴിയുന്ന ആൾ താങ്കളെ അമേരിക്കൻ പ്രസിഡന്‍റാക്കാം എന്നു പറയുന്നത് പോലെയാണ് ഉദ്ധവ് താക്കറെയുടെ വാഗ്ദാനമെന്ന് മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫട്‌നാവിസ് പരിഹസിച്ചിരുന്നു.

ബി.ജെ.പിയുടെ പ്രമുഖ നേതാക്കളിലൊരാളാണ് നിതിൻ ഗഡ്കരി. മഹാരാഷ്ട്രയിലെ സീറ്റ് വിഭജനത്തെക്കുറിച്ച് ചർച്ചകൾ പൂർത്തിയായതിനുശേഷമേ സംസ്ഥാനത്തുനിന്നുള്ള സ്ഥാനാർഥികളെ പ്രഖ്യാപിക്കൂ എന്നും അദ്ദേഹം കൂട്ടിച്ചേർത്തു.

അവശത അനുഭവപ്പെട്ടപ്പോൾ ആശുപത്രിയിൽ പോയി നടത്തിയ ചെക്കപ്പിലാണ് രോഗം കണ്ടെത്തിയത്. താനുമായി സമ്പർക്കത്തിൽ വന്ന എല്ലാവരും സ്വയം ഐസൊലേറ്റ് ചെയ്യണമെന്നും മുൻകരുതൽ എടുക്കണമെന്നും നിതിൻ ഗഡ്‍കരി ആവശ്യപ്പെട്ടു.

ക്ഷീണം അനുഭവപ്പെട്ടതിനാൽ ഡോക്ടറെ കാണാനായി പോയിരുന്നു. അവിടെ വച്ച് നടത്തിയ ചെക്കപ്പിൽ കൊവിഡ് പോസിറ്റീവാണെന്ന് കണ്ടെത്തി. അതിനാൽ സ്വയം ഐസൊലേറ്റ് ചെയ്യുന്നു. എല്ലാവരുടെയും അനുഗ്രഹത്താലും പ്രാർത്ഥനകളാലും എന്‍റെ നില തൃപ്തികരമാണ് – എന്ന് ഗഡ്കരി തന്നെയാണ് ട്വിറ്ററിലൂടെ അറിയിച്ചത്.

Yesterday, I was feeling weak and consulted my Doctor. During the course of my check up, I have been tested COVID 19 positive. I am at present doing well with the blessings and good wishes of all. I have isolated myself.

— Nitin Gadkari (@nitin_gadkari) September 16, 2020

ന്യൂഡല്‍ഹി: പ്രധാനമന്ത്രി നരേന്ദ്ര മോദി-അമിത് ഷാ കൂട്ടുകെട്ടിനെ വിമര്‍ശിച്ച് കേന്ദ്ര മന്ത്രിയും ബി.ജെ.പി നേതാവുമായ നിതിന്‍ ഗഡ്കരി. ബി.ജെ.പി എന്നാല്‍ മോദിയും അമിത്ഷായും മാത്രമല്ലെന്ന് ഗഡ്കരി തുറന്നടിച്ചു. ബി.ജെ.പി എന്നത് മോദി കേന്ദ്രീകൃത പാര്‍ട്ടിയാണെന്ന ആരോപണത്തിന് മറുപടി പറയുകയായിരുന്നു അദ്ദേഹം.

‘മോദിയുടെയോ അമിത്ഷായുടെയോ മാത്രം പാര്‍ട്ടിയല്ല ബി.ജെ.പി. ഒരു പ്രത്യയശാസ്ത്രത്തിന്റെ അടിസ്ഥാനത്തില്‍ പ്രവര്‍ത്തിക്കുന്ന പാര്‍ട്ടിയാണിത്. വ്യക്തികേന്ദ്രീകൃത സ്വഭാവമല്ല ഇതിനുള്ളത്’- ഗഡ്കരി പറഞ്ഞു. മോദിയോ അമിത്ഷായോ പാര്‍ട്ടിക്ക് അതീതരല്ലെന്നും ഗഡ്കരി വ്യക്തമാക്കി.

നതിന്‍ ഗഡ്കരി ഇതിനു മുമ്പും മോദി-ഷാ അച്ചുതണ്ടില്‍ ബി.ജെ.പി പരിമിതപ്പെടുന്നതിനെതിരെ രംഗത്തു വന്നിട്ടുണ്ട്. ലോക്‌സഭാ തെരഞ്ഞെടുപ്പിനു മുമ്പുള്ള സെമിഫൈനലെന്നു വിശേഷിപ്പിച്ചിരുന്ന അഞ്ച് സംസ്ഥാനങ്ങളിലെ തെരഞ്ഞെടുപ്പില്‍ ബി.ജെ.പി കനത്ത പരാജയം ഏറ്റുവാങ്ങിയതിനെ തുടര്‍ന്ന് ഇരുവരെയും ഗഡ്കരി പരോക്ഷമായി കുറ്റപ്പെടുത്തിയിരുന്നു. ഇത് പാര്‍ട്ടിക്കുള്ളില്‍ വലിയ വിവാദത്തിന് വഴിവച്ചു.

ന്യൂഡല്‍ഹി: പ്രധാനമന്ത്രി നരേന്ദ്രമോദിക്കെതിരെ വീണ്ടും ഒളിയമ്പുമായി കേന്ദ്രമന്ത്രി നിതിന്‍ ഗഡ്കരി. ആദ്യഘട്ട തെരഞ്ഞെടുപ്പിന് ദിവസങ്ങള്‍ മാത്രം ബാക്കിനില്‍ക്കെ, ”നമ്മുടെ പ്രകടനം നല്ലതല്ലെങ്കില്‍ മറ്റുള്ളവര്‍ക്കാണ് അവസരം ലഭിക്കുക”-യെന്ന ഗഡ്കരിയുടെ പരാമര്‍ശമാണ് പുതിയ വിവാദത്തിന് തിരി കൊളുത്തിയത്. നരേന്ദ്രമോദിക്കെതിരെ പലതവണ ഒളിയമ്പ് പരാമര്‍ശങ്ങളുമായി രംഗത്തെത്തിയിട്ടുള്ള ഗഡ്കരിയുടെ പുതിയ പരാമര്‍ശത്തിനും ദേശീയ മാധ്യമങ്ങള്‍ ഉള്‍പ്പെടെ വലിയ വാര്‍ത്താ പ്രാധാന്യമാണ് നല്‍കിയത്.
വോട്ടര്‍മാര്‍ക്കുള്ള സന്ദേശം എന്ന നിലയിലാണ് ഗഡ്കരിയുടെ വാക്കുകളെങ്കിലും പ്രധാനമന്ത്രി നരേന്ദ്രമോദിയെയാണ് ഇത് ഉന്നം വെക്കുന്നതെന്ന് രാഷ്ട്രീയ വൃത്തങ്ങള്‍ വിലയിരുത്തുന്നു. അഞ്ചു വര്‍ഷത്തെ പ്രവര്‍ത്തനങ്ങളുടെ അടിസ്ഥാനത്തിലായിരിക്കും ജനം സര്‍ക്കാറിനെ വിലയിരുത്തുക. വരാനിരിക്കുന്ന തെരഞ്ഞെടുപ്പ് ബി.ജെ.പി ഭരണത്തിന്റെ വിലയിരുത്തലായിരിക്കും. ഞങ്ങള്‍ പ്രവര്‍ത്തിച്ചത് നല്ല രീതിയിലല്ല എന്ന വിലയിരുത്തലാണ് ജനങ്ങള്‍ക്കുള്ളതെങ്കില്‍ മറ്റൊരു പാര്‍ട്ടിക്കായിരിക്കും അവസരം ലഭിക്കുക- സ്വകാര്യ ടെലിവിഷന്‍ ചാനലിന് നല്‍കിയ അഭിമുഖത്തില്‍ ഗഡ്കരി പറഞ്ഞു. തെരഞ്ഞെടുപ്പ് നേട്ടത്തിനു വേണ്ടി വ്യാജ വാഗ്ദാനങ്ങള്‍ നല്‍കുന്നവര്‍ തിക്ത ഫലം അനുഭവിക്കേണ്ടി വരുമെന്ന ഗഡ്കരിയുടെ മുന്‍ പരാമര്‍ശവും വിവാദമായിരുന്നു. വിദേശ രാജ്യങ്ങളില്‍ നിക്ഷേപിച്ചിട്ടുള്ള കള്ളപ്പണം പിടിച്ചെടുത്ത് ജനങ്ങളുടെ അക്കൗണ്ടിലേക്ക് 15 ലക്ഷം രൂപ വീതം നേരിട്ട് നിക്ഷേപിക്കുമെന്ന മോദിയുടെ വ്യാജ വാഗ്ദാനം കോണ്‍ഗ്രസ് രാഷ്ട്രീയ ആയുധമായി ഉയര്‍ത്തിക്കൊണ്ടു വരുന്നതിനിടെയായിരുന്നു ഗഡ്കരിയുടെ വിവാദ പരാമര്‍ശം.
സമാനമായ രീതിയിലുള്ള നിലപാടാണ് പുതിയ ടെലിവിഷന്‍ അഭിമുഖത്തിലും ഗഡ്കരി സ്വീകരിച്ചത്. സ്വന്തം ഭരണ നേട്ടങ്ങള്‍ ഉയര്‍ത്തിക്കാട്ടാതെ 65 വര്‍ഷത്തെ കോണ്‍ഗ്രസിന്റെ പ്രവര്‍ത്തനങ്ങളെ മാത്രം പ്രചാരണ വേദികളില്‍ വിഷയമാക്കുന്ന മോദിക്കെതിരെയുള്ള പരോക്ഷ വിമര്‍ശനം കൂടിയാണ് അദ്ദേഹത്തിന്റെ വാക്കുകള്‍.
എതിര്‍ സ്ഥാനാര്‍ത്ഥിയുടെയോ എതിര്‍ കക്ഷിയുടേയോ പേരെടുത്ത് പറഞ്ഞ് വിമര്‍ശിക്കില്ലെന്ന് താന്‍ തീരുമാനിച്ചതാണ്. ഞാനെന്ത് ചെയ്തു എന്നത് ജനങ്ങള്‍ക്ക് മുന്നില്‍ അവതരിപ്പിച്ചായിരിക്കും വോട്ടു തേടുക. കഴിഞ്ഞ പ്രകടന പത്രികയിലെ വാഗ്ദാനങ്ങള്‍ നമ്മള്‍ നിറവേറ്റിയിട്ടുണ്ടോ, വ്യാജ വാഗ്ദാനങ്ങള്‍ നമ്മള്‍ നല്‍കിയിട്ടുണ്ടോ, നമ്മള്‍ നല്‍കിയ ഉറപ്പുകളെല്ലാം പാലിക്കപ്പെട്ടിട്ടുണ്ടോ, നമ്മള്‍ ചെയ്തതെന്തെന്ന് പറയണം. അതു പറഞ്ഞാണ് വോട്ടു പിടിക്കേണ്ടത് – ഗഡ്കരി വ്യക്തമാക്കി. കോണ്‍ഗ്രസ് പാര്‍ട്ടിയിലെ പലരും തന്റെ പ്രവര്‍ത്തനങ്ങള്‍ക്ക് പ്രോത്സാഹനം നല്‍കിയിട്ടുണ്ടെന്നും ഗഡ്കരി കൂട്ടിച്ചേര്‍ത്തു. ജനങ്ങള്‍ക്കു മുന്നില്‍ സ്വപ്‌നങ്ങള്‍ വില്‍ക്കുകയും എന്നിട്ട് ആ സ്വപ്‌നങ്ങള്‍ നിറവേറ്റാതിരിക്കുകയും ചെയ്യുന്നവരെ ജനം പിടികൂടി അടിക്കണമെന്ന ഗഡ്കരിയുടെ പരാമര്‍ശവും നേരത്തെ വലിയ വാദമായിരുന്നു.
പാര്‍ട്ടി എം.എല്‍.എമാരുടേയും എം.പിമാരുടേയും മോശം പ്രകടനങ്ങള്‍ക്ക് പാര്‍ട്ടി ദേശീയ അധ്യക്ഷനെ പഴിചാരിയ 2018ലെ ഗഡ്കരിയുടെ പരാമര്‍ശവും മുമ്പ് വിവാദമായിരുന്നു.

തെരഞ്ഞെടുപ്പില്‍ ജയിക്കുന്നത് നല്ലതാണ്. എന്നാൽ അതുകൊണ്ട് ജനങ്ങള്‍ക്ക് സാമൂഹികമായും സാമ്പത്തികമായും മാറ്റങ്ങള്‍ കൊണ്ടുവരാനാകണം ഇല്ലെങ്കിൽ നിങ്ങൾ അധികാരത്തിൽ വരുന്നും പോകുന്നതും തമ്മിൽ യാതൊരു വ്യത്യാസവുമില്ല. നന്നായി സംസാരിക്കുന്നതുകൊണ്ട് മാത്രം ജനങ്ങൾ വോട്ട് ചെയ്യണമെന്നില്ലെന്നും അതിന് നല്ല മനുഷ്യനാകണമെന്നും അദ്ദേഹം പറഞ്ഞു. സര്‍ക്കാരുകള്‍ വരും പോകും പക്ഷേ രാജ്യം നിലനില്‍ക്കുമെന്ന മുന്‍ പ്രധാനമന്ത്രി വാജ്പേയിയുടെ വാക്കുകള്‍ ഉദ്ധരിച്ചുകൊണ്ട്, ഈ രാജ്യം ഏതെങ്കിലും ഒരു പാര്‍ട്ടിയുടേതോ വ്യക്തിയുടേതോ അല്ല മറിച്ച് 120 കോടി ഇന്ത്യക്കാരുടേതാണെന്നും അദ്ദേഹം പറഞ്ഞു.

നേരത്തെ അഞ്ച് നിയമസഭകളിലേക്ക് നടന്ന തെരഞ്ഞെടുപ്പില്‍ പരാജയപ്പെട്ടതോടെ ബി.ജെ.പി നേതൃത്വത്തിനെതിരെ ഗഡ്കരി രംഗത്തെത്തിയിരുന്നു. തെരഞ്ഞെടുപ്പ് തോൽവികളുടെ ഉത്തരവാദിത്തം പാര്‍ട്ടി നേതൃത്വം ഏറ്റെടുക്കണമെന്ന് അദ്ദേഹം നേരത്തെ പറഞ്ഞിരുന്നു. സംഭവം വിവാദമായതോടെ തന്റെ പ്രസ്താവന വളച്ചൊടിച്ചതാണെന്ന് പറഞ്ഞ് അദ്ദേഹം ട്വീറ്റ്  ചെയ്തു. ഇതിന് പിന്നാലെയാണ് വീണ്ടും നേതൃത്വത്തിനെതിരെ ​ഗഡ്ക്കരിയുടെ ഒളിയമ്പ്.