njp – Chandrika Daily

ബ്രിജ് ഭൂഷൺ സിങ്ങിനെ കേന്ദ്രസർക്കാർ സംരക്ഷിക്കുന്നത് എന്തുകൊണ്ടാണെന്ന് പ്രധാനമന്ത്രി വ്യക്തമാക്കണമെന്ന് പ്രിയങ്കാ ഗാന്ധി

webdesk15 — Fri, 02 Jun 2023 09:38:32 +0000

ബ്രിജ് ഭൂഷൺ സിങ്ങിനെ കേന്ദ്രസർക്കാർ സംരക്ഷിക്കുന്നത് എന്തുകൊണ്ടാണെന്ന് പ്രധാനമന്ത്രി വ്യക്തമാക്കണമെന്ന് പ്രിയങ്കാ ഗാന്ധി ആവശ്യപ്പെട്ടു.ബ്രിജ് ഭൂഷണെതിരായ എഫ്.ഐ.ആറിന്റെ കോപ്പി ട്വിറ്ററിൽ പങ്കുവെച്ചായിരുന്നു പ്രിയങ്കയുടെ വിമർശനം.”നരേന്ദ്ര മോദി, ഈ ഗുരുതര കുറ്റകൃത്യങ്ങൾ വായിക്കൂ. ഇത്രയും ഗുരുതരമായ കുറ്റകൃത്യം ചെയ്തയാൾക്കെതിരെ നടപടിയെടുക്കാത്തത് എന്തുകൊണ്ടാനെന്ന് ഞങ്ങൾക്ക് പറഞ്ഞു തരൂ”.-എന്നാണ് പ്രിയങ്ക ട്വീറ്റ് ചെയ്തത്.

https://twitter.com/priyankagandhi/status/1664494170914824192?cxt=HHwWgICxwaWovJkuAAAA

വിഘടനവാദി നേതാവിനെ മുഖ്യമന്ത്രിയാക്കാന്‍ കേന്ദ്രം ആവശ്യപ്പെട്ടു; ഗവര്‍ണറുടെ വെളിപ്പെടുത്തലില്‍ വെട്ടിലായി കേന്ദ്രം

chandrika — Tue, 27 Nov 2018 12:42:35 +0000

ശ്രീനഗര്‍: കേന്ദ്രസര്‍ക്കാരിനെ വെട്ടിലാക്കി ജമ്മു കശ്മീര്‍ ഗവര്‍ണറുടെ വെളിപ്പെടുത്തല്‍. വിഘടനവാദി നേതാവ് സജാദ് ലോണിനെ മുഖ്യമന്ത്രിയാക്കാന്‍ കേന്ദ്രസര്‍ക്കാര്‍ ആവശ്യപ്പെട്ടിരുന്നുവെന്ന് ഗവര്‍ണര്‍ സത്യപാല്‍ മാലിക്. നിയമസഭ പിരിച്ചുവിട്ടത് കേന്ദ്രനിര്‍ദേശം മറികടന്നെന്നും ഗവര്‍ണര്‍ സത്യപാല്‍ മലികിന്റെ വെളിപ്പെടുത്തല്‍.

വിഘടനവാദി നേതാവ് സജാദ് ലോണിനെ മുഖ്യമന്ത്രിയാക്കാന്‍ കേന്ദ്രസര്‍ക്കാര്‍ ആവശ്യപ്പെട്ടിരുന്നു അത് നടപ്പിലാക്കിയിരുന്നെങ്കില്‍, എക്കാലത്തും തന്റെ പേര് ചീത്തയാകുമായിരുന്നുവെന്നും അദ്ദേഹം പറഞ്ഞു. നിയമസഭ പിരിച്ചുവിട്ടത് ഈ നിര്‍ദേശം മറികടന്നെന്നും ഗവര്‍ണര്‍ പറഞ്ഞു.

കശ്മീരില്‍ പിഡിപിനാഷണല്‍ കോണ്‍ഫറന്‍സ്‌നാഷണല്‍ കോണ്‍ഗ്രസ് എന്നീ പാര്‍ട്ടികള്‍ ചേര്‍ന്ന് സര്‍ക്കാര്‍ രൂപീകരിക്കാന്‍ അവകാശവാദവുമായി രംഗത്തെത്തിയിരുന്നു. എന്നാല്‍ ഗവര്‍ണര്‍ നിയമസഭ പിരിച്ചു വിട്ട് ഗവര്‍ണര്‍ ഭരണം ഏര്‍പ്പെടുത്തുകയായിരുന്നു.

ബിജെപി നിര്‍ദ്ദേശത്തെത്തുടര്‍ന്നാണ് ഗവര്‍ണറുടെ നടപടിയെന്ന് പരക്കെ ആരോപണമുയര്‍ന്നിരുന്നു. ഈ സാഹചര്യത്തിലാണ് നിലപാട് വ്യക്തമാക്കി ഗവര്‍ണര്‍ രംഗത്തെത്തിയത്. കുതിരക്കച്ചവടത്തിനുള്ള സാധ്യത നിലനില്‍ക്കുന്ന സാഹചാര്യത്തില്‍ സര്‍ക്കാര്‍ രൂപീകരിച്ചാല്‍ അത് കശ്മീരിന്റെ സുരക്ഷാ സാഹചര്യങ്ങള്‍ക്ക് ഭീഷണിയാകുമെന്നും ഗവര്‍ണര്‍ പറയുന്നു.

ബി.ജെ.പിയെ വെട്ടിലാക്കി സുബ്രഹ്മണ്യന്‍ സ്വാമി

chandrika — Mon, 25 Dec 2017 16:58:37 +0000

പ്രധാനമന്ത്രി നരേന്ദ്രമോദിക്കെതിരെ ആഞ്ഞടിച്ച് ബി.ജെ.പി നേതാവ് സുബ്രഹ്മണ്യന്‍സ്വാമി. കരുണാനിധിയെ വീട്ടിലെത്തി സന്ദര്‍ശിച്ച പ്രധാനമന്ത്രിയുടെ നിലപാട് ബി.ജെ.പിയുടെ പ്രതിച്ഛായക്ക് കോട്ടമുണ്ടാക്കിയെന്നാണ് സുബ്രഹ്മണ്യ സ്വാമിയുടെ വിമര്‍ശനം. ആര്‍.കെ നഗര്‍ ഉപതിരഞ്ഞെടുപ്പില്‍ ബി.ജെ.പി സ്ഥാനാര്‍ഥി നോട്ടയ്ക്ക് പിറകിലായത് രാജ്യംഭരിക്കുന്ന പാര്‍ട്ടിക്ക് നാണക്കേടുണ്ടാക്കി. ബി.ജെ.പി തമിഴ്‌നാട് സംസ്ഥാന ഘടകം ഉടന്‍ പിരിച്ചുവിടണം. പനീര്‍സെല്‍വത്തെ ഒഴിവാക്കി ശശികല, പളനിസ്വാമി വിഭാഗങ്ങള്‍ ഒന്നാവണമെന്നും സുബ്രഹ്മണ്യന്‍സ്വാമി പറയുന്നു. മനോരമ ന്യൂസാണ് ഇക്കാര്യം റിപ്പോര്‍ട്ട് ചെയ്തത്.

അഴിമതിക്കാരനായ പനീര്‍സെല്‍വം രാഷട്രീയത്തില്‍ നിന്ന് വിരമിക്കണം. അണ്ണാഡി.എം.കെയിലെ ഇ.പി.എസ് ശശികല വിഭാഗങ്ങളുടെ ലയനത്തിന് നേരിട്ട് മുന്‍കൈ എടുക്കും. രണ്ടു കേന്ദ്രമന്ത്രിമാരുടെ തെറ്റായ ഉപദേശത്തിന്റെ പുറത്താണ് ശശികലയെ ഒഴിവാക്കി ഇ.പി.എസ് ഒ.പി.എസ് വിഭാഗങ്ങളുടെ ലയനത്തിന് ബി.ജെ.പി സമ്മര്‍ദ്ദം ചെലുത്തിയതെന്നും സുബ്രഹ്മണ്യ സ്വാമി കൂട്ടിച്ചേര്‍ത്തു.