പോസ്റ്ററുകള്‍ പ്രദേശവാസികള്‍ തന്നെ പതിപ്പിച്ചതാണെന്നാണ് പൊലീസ് നല്‍കുന്ന വിവരം. സംഭവത്തില്‍ ഇതുവരെ ആരും പരാതിയുമായി സമീപിച്ചിട്ടില്ലെന്ന് ഭട്ടി ബസ്തി എസ്എച്ചഒ കൈലാഷ് വ്യക്തമാക്കിയിട്ടുമുണ്ട്.

സര്‍വ ഹിന്ദു സമാജത്തിന്റെ പേരിലാണ് പോസ്റ്ററുകളുള്ളത്. പ്രദേശത്ത് നിന്ന് ഹിന്ദുക്കള്‍ ഒഴിഞ്ഞുപോകുന്നത് തടയാന്‍ സനാതനധര്‍മികള്‍ നടപടി സ്വീകരിക്കണമെന്നാണ് പോസ്റ്ററിലെ അഭ്യര്‍ഥന. മറ്റ് മതക്കാര്‍ വന്നാല്‍ പ്രദേശത്തെ സമാധാനം തകരുമെന്നാണ് പ്രദേശവാസികളിലൊരാള്‍ ഒരു പ്രാദേശിക ചാനലിന് നല്‍കിയ വിശദീകരണം.

സമാനരീതിയില്‍ ഫെബ്രുവരിയിലും ജയ്പൂരില്‍ പോസ്റ്ററുകള്‍ പ്രത്യക്ഷപ്പെട്ടിരുന്നു. മുസ്ലിംകള്‍ക്ക് സ്ഥലമോ വീടോ വില്‍ക്കരുതെന്നായിരുന്നു അന്ന് പോസ്റ്ററുകളില്‍ പ്രത്യേകം പ്രതിപാദിച്ചിരുന്നത്. വിഷയം ശ്രദ്ധയില്‍പ്പെട്ടതോടെ പൊലീസെത്തി പോസ്റ്ററുകള്‍ നീക്കം ചെയ്യുകയായിരുന്നു.