കന്‍വാര്‍ യാത്രയ്ക്ക് മുന്നോടിയായി മുസ്‌ലിംകള്‍ ഹിന്ദു പേരുകള്‍ വച്ച് തീര്‍ഥാടകര്‍ക്ക് നോണ്‍ വെജിറ്റേറിയന്‍ ഭക്ഷണങ്ങള്‍ വില്‍ക്കുന്നു എന്നാണ് മന്ത്രിയുടെ വാദം. ‘അവര്‍ കടകള്‍ക്ക് വൈഷ്‌ണോ ധാബ ഭണ്ഡാര്‍, ശകുംബരി ദേവി ഭോജനാലയ, ശുദ്ധ് ഭോജനാലയ തുടങ്ങിയ പേരുകള്‍ നല്‍കുകയും നോണ്‍- വെജ് ഭക്ഷണം വില്‍ക്കുകയും ചെയ്യുന്നു’- മന്ത്രി ആരോപിച്ചു.

മുസാഫര്‍നഗര്‍ ജില്ലയിലെ മുസ്‌ലിം വ്യാപാരികള്‍ ഉള്‍പ്പടെയുള്ള കടയുടമകളും ധാബകളും പഴ വില്‍പനക്കാരും ചായക്കടകളും അതാതു സ്ഥാപനങ്ങള്‍ക്ക് മുന്നില്‍ ഉടമകളുടെയോ ജീവനക്കാരുടേയോ പേരടങ്ങിയ ബോര്‍ഡുകള്‍ സ്ഥാപിക്കണമെന്ന യു.പി പൊലീസ് നിര്‍ദേശത്തിനെതിരെ വിമര്‍ശനം ശക്തമായതോടെയാണ് മന്ത്രിയുടെ വിദ്വേഷ പരാമര്‍ശം.

നേരത്തെ, കന്‍വാര്‍ തീര്‍ഥാടന യാത്രയുടെ ഒരുക്കങ്ങള്‍ വിലയിരുത്താന്‍ ഈ മാസം ആദ്യം ചേര്‍ന്ന യോഗത്തില്‍ പങ്കെടുത്ത മന്ത്രി, മുസ്‌ലിംകള്‍ പ്രദേശത്ത് കച്ചവടം നടത്തുന്നതിനോട് തനിക്ക് എതിര്‍പ്പില്ലെങ്കിലും സംഘര്‍ഷം ഒഴിവാക്കാനായി തങ്ങളുടെ കടകള്‍ക്ക് ഹിന്ദു ദൈവങ്ങളുടെയോ ദേവതകളുടെയോ പേരിടരുതെന്ന് പറഞ്ഞിരുന്നു. തുടര്‍ന്ന്, മന്ത്രിയുടെ നിര്‍ദേശപ്രകാരമാണ് ജില്ലാ പൊലീസ് പുതിയ നിര്‍ദേശം പുറപ്പെടുവിച്ചത്.

തീര്‍ഥാടകര്‍ക്കിടയില്‍ ആശയക്കുഴപ്പമുണ്ടാകാതിരിക്കാനും ക്രമസമാധാന പ്രശ്നങ്ങള്‍ ഉണ്ടാകാതിരിക്കാനും വേണ്ടിയാണ് ഇത്തരമൊരു നടപടിയെന്നാണ് പൊലീസിന്റെ വിശദീകരണം. സംഭവത്തില്‍ പൊലീസിനും ബിജെപി ഭരണകൂടത്തിനുമെതിരെ പ്രതിഷേധം ശക്തമാവുന്നതിനിടെയാണ് ഇതിനെ ന്യായീകരിച്ച് മന്ത്രി രം?ഗത്തെത്തിയത്.

ഈ ധാബകള്‍ നടത്തുന്നവരുടെ പേരുകള്‍ പ്രദര്‍ശിപ്പിക്കണമെന്നായിരുന്നു ജില്ലാ ഭരണകൂടത്തോടുള്ള തന്റെ ആവശ്യമെന്നും അതില്‍ എന്താണ് പ്രശ്‌നമെന്നും മന്ത്രി ചോദിച്ചു. കഴിഞ്ഞദിവസമാണ് യു.പി പൊലീസ് വിവാദ ഉത്തരവ് പുറപ്പെടുവിച്ചത്. ഇത് മുസ്‌ലിംവിരുദ്ധമാണെന്ന വിമര്‍ശനവുമായി പ്രതിപക്ഷം രംഗത്തെത്തിയിരുന്നു.

ഹൈദരാബാദ് എം.പിയും എ.ഐ.എം.ഐ.എം തലവനുമായ അസദുദ്ദീന്‍ ഒവൈസി ഉത്തര്‍പ്രദേശിന്റെ യു.പി പൊലീസ് തീരുമാനത്തെ ദക്ഷിണാഫ്രിക്കയിലെ വര്‍ണവിവേചനത്തോടും ജര്‍മനിയില്‍ ഹിറ്റ്‌ലര്‍ ഏര്‍പ്പെടുത്തിയ ജൂത ബഹിഷ്‌കരണത്തോടും താരതമ്യം ചെയ്തു. ഇത്തരം ഉത്തരവുകള്‍ സാമൂഹിക കുറ്റകൃത്യങ്ങളാണെന്നും സമാധാന അന്തരീക്ഷം നശിപ്പിക്കാനാണ് സര്‍ക്കാര്‍ ആഗ്രഹിക്കുന്നതെന്നും സമാജ് വാദി പാര്‍ട്ടി അധ്യക്ഷനും കനൗജ് എം.പിയുമായ അഖിലേഷ് യാദവ് കുറ്റപ്പെടുത്തി.

ജൂലൈ 22 തിങ്കളാഴ്ചയാണ് കന്‍വാര്‍ യാത്ര ആരംഭിക്കുന്നത്. ഉത്തരാഖണ്ഡുമായി അതിര്‍ത്തി പങ്കിടുന്ന മുസാഫര്‍നഗര്‍ ജില്ലയിലൂടെ യു.പി, ഡല്‍ഹി, രാജസ്ഥാന്‍, ഹരിയാന എന്നിവിടങ്ങളില്‍ നിന്നുള്ള ലക്ഷക്കണക്കിന് ഭക്തരാണ് ഹരിദ്വാറിലെ ഗംഗയില്‍ നിന്ന് പുണ്യജലം ശേഖരിച്ച് കടന്നുപോകുന്നത്.

അമിതമായ പ്രാതല്‍ പൊണ്ണത്തടി കുറക്കുമെന്നാണ് ആരോഗ്യ മേഖലയിലെ വിദഗ്തര്‍ പറയുന്നത്. പ്രഭാതത്തില്‍ പ്രോട്ടീനും നാരുകളുമടങ്ങിയ ഭക്ഷണം അമിതമായി കഴിക്കുക എന്നാതാണ് ഭാരം കുറക്കുവാനുള്ള എളുപ്പവഴിയായി പഠനം പറയുന്നത്.
ശരീരഭാരം കുറയാനായി പ്രഭാത ഭക്ഷണം ഒഴിവാക്കുന്നത് തെറ്റായ പ്രവണതയാണ്. പ്രാതല്‍ ഒഴിവക്കുന്നത് വഴി കലോറി കുറയുന്നില്ല, പകരമത് ശേഷം കൂടുതല്‍ ഭക്ഷണം കഴിക്കാന്‍ കാരണമാകുകയാണ് ചെയ്യുന്നത്.

പ്രോട്ടീനുകളും നാരുകളും ധാരാളമടങ്ങിയ ഭക്ഷണമാണ് പ്രാതലിന് കഴിക്കേണ്ടത്. ഇത് ശരീരത്തിന്റെ മെറ്റബോളിസം നന്നായി നടത്തുന്നു.
കൂടാതെ അമിതമായ പ്രാതല്‍ ദഹിപ്പിക്കാനായി ശരീരം കൂടുതല്‍ സമയവും എടുക്കുന്നു. ഇതുമൂലം വിശപ്പ് കുറയുകയും വയര്‍ നിറഞ്ഞിരിക്കുകയാണെന്ന് തോന്നല്‍ അവരിലുണ്ടാക്കുകയും ചെയ്യും. അതേസമയം പ്രഭാതത്തിലെ ഭക്ഷണമാണ് ഒരു ദിവസത്തെ ഏറ്റവും പ്രധാന ഭക്ഷണമെന്നും പ്രാതല്‍ ഒഴിവാക്കുന്ന ഒരാള്‍ അമിത ഭാരത്തിലേക്കാണ് പട്ടിണികിടക്കുകയാണെന്നും പഠനം വ്യക്തമാക്കുന്നു.

അമിത ഭാരം കുറക്കാനായി പ്രാതലും ഉച്ച ഭക്ഷണവും നന്നായി കഴിച്ച് രാത്രി ഭക്ഷണം ഒഴിവാക്കുന്ന രീതിയും ഫലപ്രതമാണെന്നും പഠനം പറയുന്നു. രാത്രി ഭക്ഷം പൂര്‍ണമായി ഒഴിവാക്കി 18 മണിക്കൂര്‍ ഫാസ്റ്റിങ് നടത്തിലായാല്‍ അത് അമിത ഭാരം കുറക്കാന്‍ ഫലപ്രതമായ രീതിയാണെന്നാണ് ചെക്ക് റിപ്ലബിക്കിലെ ലോമ ലിന്റാ യൂണിവേഴ്‌സിറ്റി പഠനം വ്യക്തമാക്കുന്നത്.

പ്രാതല്‍ രാജാവിനെ പോലെ, ഊണ്‍ രാജകുമാരനെ പോലെ, അത്തായം ദരിദ്രനെ പോലെയും കഴിക്കുക, എന്നാണ് ചൊല്ലെന്ന് പഠനം നടത്തിയ ലോമ ലിന്റാ യൂണിവേഴ്‌സിറ്റി ഗവേഷക ഹന കഹ്‌ല്യോവ പറയുന്നു.

പ്രാതലില്‍ മുട്ട കഴിക്കുന്നതും നല്ലതാണ്. മുട്ടയിലെ പ്രോട്ടീന്‍ വിശപ്പ് തടയുന്നതോടൊപ്പം ശരീരത്തിലെ അധിക കലോറിയെ എരിച്ചു കളയുകയും ചെയ്യുന്നു. എന്നാല്‍, പഞ്ചസാരയും മധുര പലഹാരങ്ങളും ഒഴിവാക്കുക. മധുരം ഇന്‍സുലിന്‍ ഉത്പാദിപ്പിക്കുന്നതോടൊപ്പം നിങ്ങളിലെ വിശപ്പിനെ വര്‍ധിപ്പിക്കുകയും ചെയ്യും.

അമിത പ്രാതല്‍ ഭാരം ഇതിനാല്‍ തന്നെ കുട്ടികള്‍ക്ക് രാവിലെ അമിത ഭക്ഷണം നല്‍കാന്‍ രക്ഷിതാക്കള്‍ ശ്രമിക്കരുതെന്നും ആരോഗ്യമേഖലയിലെ വിദഗ്തര്‍ പറയുന്നു.

ഭാരം കുറക്കാന്‍ പരീക്ഷിക്കാവുന്ന നാല് കാര്യങ്ങള്‍ കൂടി…

• ഇളം ചൂടുവെള്ളം കുടിക്കുക

രാവിലെ എഴുന്നേറ്റ ഉടന്‍ ഇളം ചൂടുവെള്ളം കുടിച്ചു കൊണ്ട് ദിവസം തുടങ്ങുക. അത് ദഹന സംവിധാനത്തെ ശുദ്ധീകരിക്കുകയും ശരീരപോഷണത്തിന് സഹായിക്കുകയും ചെയ്യും. ഇളം ചൂടുവെള്ളത്തില്‍ അല്‍പം നാരങ്ങനീരോ തേനോ ഒഴിച്ച് കഴിക്കുന്നതും നല്ലതാണ്.

• വെള്ളം നന്നായു കുടിക്കുക

കൂടുതല്‍ തവണ വെള്ളം കുടിക്കുന്നുവെങ്കില്‍ ഭാരം കുറയുമെന്നാണ് വിദഗ്ധാഭിപ്രായം. വെള്ളം കുടിച്ചാല്‍ ആവശ്യത്തില്‍ കൂടുതല്‍ ഭക്ഷണം കഴിക്കാനുള്ള സാധ്യത ഇല്ലാതാകും. ഇത് കലോറി കുറക്കാന്‍ സഹായിക്കുമെന്നതാണ് വെള്ളം കുടിക്കു പിന്നിലെ തത്വം. ദിവസും രണ്ട് ലിറ്റര്‍ വെള്ളം നിര്‍ബന്ധമായും കുടിക്കണം. ഓരോ ദിവസവും തുടങ്ങുന്നത് വെള്ളക്കുപ്പികള്‍ നിറച്ചാവട്ടെ

• ഇടക്കിടക്ക് ഭക്ഷണം നല്ലതിന്
  ശരീരം യന്ത്രം പോലെ പ്രവര്‍ത്തിക്കുന്നതിനാല്‍ ഇടക്ക് ഇന്ധനം ആവശ്യമായി വരും. അതിനാല്‍ പ്രാതലിനു ശേഷം പുറത്തു പോകുമ്പാള്‍ ലഘുഭക്ഷണം കൈയില്‍ കരുതുക. ഇടക്കിടെയുള്ള ഭക്ഷണം വലിയ വിശപ്പിനെ ഇല്ലാതാക്കുന്നത് അമിതമായി ഭക്ഷണം കഴിക്കുന്നതില്‍ നിന്നും വിലക്കും. എന്നാല്‍ ലഘുഭക്ഷണങ്ങള്‍ ആരോഗ്യകരമാക്കാന്‍ ശ്രദ്ധിക്കുക. അല്ലെങ്കിലത് അനാരോഗ്യകരമായ ഭക്ഷണ ശീലത്തിലേക്ക് തിരിച്ചു പോകാന്‍ സാധ്യതയുണ്ട്.

• വ്യായാമം
  അതിരാവിലെ വ്യായാമം ചെയ്യുന്നത് ശരീര ഭാരം കുറക്കുന്നതിനുള്ള നല്ല ഉപാധിയാണ്. കൈകാലുകള്‍ക്ക് പ്രാധാന്യം കൊടുത്തു കൊണ്ടുള്ള വ്യായാമങ്ങളാണ് ഏറ്റവും നല്ലത്. ശരീരം നന്നായി വിയര്‍ക്കുേമ്പാള്‍ അധികമുള്ള കലോറി എരിഞ്ഞു തീരും. കൂടാതെ വ്യായാമം സുഖകരമായ ദീര്ഘനിദ്രക്കും കാരണമാവുന്നു. സുഖപ്രദമായ ഉറക്കവും അമിതഭാരത്തെ കുറക്കാന്‍ സഹായിക്കുന്ന ഘടകമാണ്.

ജൂണില്‍ തന്നെ ആഭ്യന്തര സര്‍വ്വീസുകളില്‍ മത്സ്യ-മാംസാഹാരങ്ങള്‍ നല്‍കുന്നത് എയര്‍ ഇന്ത്യ ഒഴിവാക്കിയിരുന്നു. എന്നാല്‍ ബിസിനസ്സ്, ഒന്നാം ക്ലാസ് യാത്രക്കാര്‍ക്ക് മാംസാഹരം വിതരണം ചെയ്യും. ആഭ്യന്തര വിമാനങ്ങളുടെ ഇക്കോണമി ക്ലാസില്‍ യാത്ര ചെയ്യുന്ന യാത്രക്കാര്‍ക്ക് ഇനി സസ്യാഹാരം മാത്രമേ ലഭിക്കൂവെന്ന് എയര്‍ ഇന്ത്യ ചെയര്‍മാനും എം.ഡിയുമായ അശ്വനി ലോഹാനി പറഞ്ഞു.

യാത്രക്കാര്‍ക്ക് സസ്യാഹാരവും മാംസാഹാരവും നല്‍കുമ്പോള്‍ പരസ്പരം മാറിപ്പോകുന്ന അവസ്ഥ ഇല്ലാതാക്കാനാണ് പുതിയ തീരുമാനം. കൂടാതെ അധിക ചിലവ് ചുരുക്കുന്നതിനും വേണ്ടിയാണ്. യാത്രക്കാരില്‍ 70 ശതമാനത്തോളം ആളുകളും സസ്യഹാരമാണ് ആവശ്യപ്പെടുന്നതെന്നും വലിയ അളവില്‍ മാംസാഹാരം പാഴാകുന്നത് തടയാനാണ് ഇതെന്നും അധികൃതര്‍ വിശദീകരിക്കുന്നു. എന്നാല്‍ മംസാഹാരത്തിനുള്ള വിലക്കല്ലെന്നുമുള്ള നിലപാടാണ് അധികൃതര്‍ മുന്നോട്ട് വെക്കുന്നത്.

എയര്‍ ഇന്ത്യയുടെ 90 മിനിറ്റിന് താഴെ ദൈര്‍ഘ്യമുള്ള യാത്രകളില്‍ നിന്ന് മാംസഭക്ഷണം നല്‍കുന്നത് കഴിഞ്ഞ വര്‍ഷം നിര്‍ത്തലാക്കിയിരുന്നു. ചായയും കാപ്പിയും മെനുവില്‍ നിന്ന് നീക്കം ചെയ്തിരുന്നു. എന്നാല്‍ 90 മിനിറ്റ് മുകളില്‍ ദൈര്‍ഘ്യമുള്ള യാത്രകള്‍ക്ക് മാംസാഹാരം തെരഞ്ഞെടുക്കുന്നതിന് എയര്‍ ഇന്ത്യ അവസരം നല്‍കിയിരുന്നു. ഇതാണിപ്പോള്‍ നിര്‍ത്തലാക്കിയത്. അന്താരാഷ്ട്ര സര്‍വ്വീസുകള്‍ക്ക് ഇത് ബാധകമല്ല. മാംസാഹാരം നിര്‍ത്തലാക്കുന്നതോടെ പ്രതിവര്‍ഷം എട്ടുകോടി രൂപ ലാഭിക്കാനാവുമെന്നാണ് കരുതുന്നത്.