ഗ്രൂപ്പ് ബിയില്‍ നിന്നും തോല്‍വിയറിയാതെയാണ് ഒഡീഷയുടെ വരവ്. രണ്ടു ജയവും ഒരു സമനിലയുമായി ഏഴ് പോയിന്റോടെയാണ് സെമി പ്രവേശനം. കരുത്തരായ ഹൈദരാബാദ് എഫ്.സി, ഈസ്റ്റ്ബംഗാള്‍ തുടങ്ങിയ ടീമുകളെയെല്ലാം പിന്നിലാക്കിയാണ് ഒഡീഷ ഇതുവരെ എത്തിയത്. ബ്രസീല്‍ താരം ഡിയാഗോ മൗറീഷ്യോയുടെ കരുത്തിലാണ് ടീം ഇറങ്ങുന്നത്. മുന്‍ ഇന്ത്യന്‍ താരം ക്ലിഫോര്‍ഡ് മിറാന്‍ഡയാമ് ആശാന്‍.

കരുത്തരുടെ ഗ്രൂപ്പ് ഡിയില്‍ നിന്നും അവിസ്മരണീയമായ് പ്രകടനം നടത്തിയാണ് നോര്‍ത്ത്ഈസ്റ്റ് സെമിയിലെത്തുന്നത്. മുംബൈ സിറ്റി എഫ്.സി ചെന്നൈയിന്‍ എഫ്.സി തുടങ്ങിയ വമ്പന്‍ ടീമുകളടങ്ങിയ ഗ്രൂപ്പില്‍ ഐ.എസ്.എല്ലില്‍ ഏറ്റവും പിറികിലായ ടീം കുതിച്ചുയരുന്നതാണ് കണ്ടത്. രണ്ടു ജയവും ഒരു തോല്‍വിയുമായി ആറു പോയിന്റായിരുന്നു ടീമിന്റെ സമ്പാദ്യം. എന്നാല്‍ ഗ്രൂപ്പ് ഡിയില്‍ മുംബൈക്കും ആറ് പോയിന്റ് ലഭിച്ചിരുന്നെങ്കിലും നോര്‍ത്ത്ഈസ്റ്റിനോട് തോറ്റത് വിനയാവുകയായിരുന്നു. മലയാളി ഗോള്‍കീപ്പര്‍ മിര്‍ഷാദ് മിച്ചുവടക്കം അര ഡസനോളം മലയാളികള്‍ കളിക്കുന്ന ടീമാണ് നോര്‍ത്ത്ഈസ്റ്റ് യുണൈറ്റഡ്. നായകന്‍ വില്‍മര്‍ ജോര്‍ദാന്‍ ഗില്ലില്‍ തന്നെയാണ് ടീമിന്റെ പ്രതീക്ഷ. അവസാനം നടന്ന മത്സരത്തില്‍ ചര്‍ച്ചിലിനെതിരെ നാലു ഗോളുകളാണ് ഗില്ല് നേടിയത്.

കളി തുടങ്ങി 31ാം മിനിറ്റില്‍ പുതുമുഖ താരം ഹ്യൂഗോ ബൗമൗസിന്റെ ഗോളിലൂടെ ഗോവയാണ് ലീഡെടുത്തത്. എന്നാല്‍ രണ്ടാം പകുതിയില്‍ നോര്‍ത്ത് ഈസ്റ്റ് തിരിച്ചുവന്നു. 54ാം മിനിറ്റില്‍ രാകേഷ് പ്രധാന്റെ അസിസ്റ്റില്‍ സൂപ്പര്‍ താരം അസമോവ ഗ്യാന്‍ നോര്‍ത്ത് ഈസ്റ്റിനെ ഒപ്പമെത്തിച്ചു.
74ാം മിനിറ്റില്‍ റെദീം ട്‌ളാങ് ലക്ഷ്യം കണ്ടതോടെ നോര്‍ത്ത് ഈസ്റ്റ് മുന്നിലെത്തി. പക്ഷേ അവസാന നിമിഷം മന്‍വീര്‍ സിങ്ങിന്റെ ഹെഡ്ഡര്‍ മത്സരം സമനിലയിലെത്തിച്ചു. ഇതോടെ ഇരുടീമുകളും ഓരോ പോയിന്റ് പങ്കിട്ടു.