ജസ്റ്റിസുമാരായ വിക്രം നാഥ്, സന്ദീപ് മേത്ത എന്നിവരടങ്ങിയ ബെഞ്ചാണ് ഹര്‍ജി പരിഗണിക്കുന്നത്. ഹരജിക്കാര്‍ക്കുവേണ്ടി ഹാജരായ അഭിഭാഷകന്‍ ഡല്‍ഹി ഹൈക്കോടതിയുടെ കഴിഞ്ഞ വര്‍ഷം നവംബറിലെ ഉത്തരവ് പരാമര്‍ശിച്ചു.

1988-ല്‍ രാജീവ്ഗാന്ധി സര്‍ക്കാരിന്റെ ‘ദ സാത്താനിക് വേഴ്സസ്’ ഇറക്കുമതി നിരോധിക്കാനുള്ള തീരുമാനത്തെ ചോദ്യം ചെയ്തുള്ള ഹര്‍ജിയില്‍ ഹൈക്കോടതി നടപടികള്‍ അവസാനിപ്പിച്ചിരുന്നു, ബന്ധപ്പെട്ട വിജ്ഞാപനം ഹാജരാക്കുന്നതില്‍ അധികാരികള്‍ പരാജയപ്പെട്ടതിനാല്‍ അത് നിലവിലില്ല എന്ന് അനുമാനിക്കണമെന്ന് പറഞ്ഞു.

”നിങ്ങള്‍ ഡല്‍ഹി ഹൈക്കോടതിയുടെ വിധിയെ ഫലപ്രദമായി ചോദ്യം ചെയ്യുകയാണ്,” ഹര്‍ജി തള്ളിക്കൊണ്ട് ബെഞ്ച് നിരീക്ഷിച്ചു.

അഭിഭാഷകനായ ചന്ദ് ഖുറേഷി മുഖേനയാണ് സുപ്രീം കോടതിയില്‍ ഹര്‍ജി സമര്‍പ്പിച്ചത്. ഹൈക്കോടതി പുറപ്പെടുവിച്ച ഉത്തരവിനെ തുടര്‍ന്നാണ് പുസ്തകം ലഭ്യമായതെന്നാണ് ആരോപണം.

ലോകമെമ്പാടുമുള്ള മുസ്ലീങ്ങള്‍ മതനിന്ദയായി വീക്ഷിച്ചതിനെത്തുടര്‍ന്ന് 1988-ല്‍ ക്രമസമാധാന കാരണങ്ങളാല്‍ ബുക്കര്‍ പ്രൈസ് നേടിയ എഴുത്തുകാരന്റെ ‘ദ സാത്താനിക് വേഴ്സസ്’ ഇറക്കുമതി ചെയ്യുന്നത് കേന്ദ്രം നിരോധിച്ചിരുന്നു.

അതേ വര്‍ഷം, ഇറാന്റെ പരമോന്നത നേതാവ് ആയത്തുള്ള ഖൊമേനി ഈ നോവല്‍ ദൈവനിന്ദയായി പ്രഖ്യാപിക്കുകയും അദ്ദേഹത്തിനെതിരെ ഫത്വ പുറപ്പെടുവിക്കുകയും ചെയ്തതോടെ റുഷ്ദിക്ക് വധഭീഷണി നേരിടേണ്ടിവന്നു. പുസ്തകത്തിന്റെ ഇറക്കുമതി നിയന്ത്രിച്ച് കസ്റ്റംസ് നിയമപ്രകാരം പുറപ്പെടുവിച്ച വിജ്ഞാപനത്തെ ചോദ്യം ചെയ്ത് സന്ദീപന്‍ ഖാന്‍ എന്ന ഹരജിക്കാരന്‍ ഹര്‍ജി സമര്‍പ്പിച്ചിരുന്നു. കസ്റ്റംസ് വിജ്ഞാപനം വഴി നിയമമാക്കിയ പുസ്തകത്തിന്റെ വിലക്ക് കാരണം ഇറക്കുമതി ചെയ്യുന്നത് തടഞ്ഞുവെന്ന് ഹര്‍ജിക്കാരന്‍ വാദിച്ചിരുന്നു.

ഹൈക്കോടതിയില്‍ വാദം കേള്‍ക്കുന്നതിനിടെ, ഹര്‍ജിക്കാരന് വേണ്ടി ഹാജരായ അഭിഭാഷകന്‍ ഉദ്ദ്യം മുഖര്‍ജി, വിജ്ഞാപനം പ്രതിഭാഗത്തിന്റെ വെബ്സൈറ്റുകളിലൊന്നും ലഭ്യമല്ലെന്നോ പ്രതികള്‍ക്കൊന്നും ലഭ്യമല്ലെന്നോ ബെഞ്ചിന് മുമ്പാകെ സമര്‍പ്പിച്ചിരുന്നു. ഈ കോടതിയില്‍ ഹാജരാക്കാനോ ഫയല്‍ ചെയ്യാനോ പ്രതികള്‍ക്ക് കഴിഞ്ഞിട്ടില്ല. വാദത്തിന് ബലം നല്‍കുന്നതിനായി, പുസ്തകം നിരോധിച്ചതായി ആഭ്യന്തര മന്ത്രാലയം (എംഎച്ച്എ) സ്ഥിരീകരിച്ച വിവരാവകാശ (ആര്‍ടിഐ) അപേക്ഷയില്‍ ഹര്‍ജിക്കാരന്‍ കോടതിയുടെ ശ്രദ്ധ ആകര്‍ഷിച്ചു. പ്രസ്തുത വിജ്ഞാപനം കണ്ടെത്താനാകുന്നില്ലെന്നും അതിനാല്‍ ഹാജരാക്കാന്‍ കഴിയില്ലെന്നും അറിയിച്ചിരുന്നു.

വാദങ്ങള്‍ കേട്ടപ്പോള്‍, ‘മേല്‍പ്പറഞ്ഞ സാഹചര്യങ്ങളുടെ വെളിച്ചത്തില്‍, അത്തരമൊരു വിജ്ഞാപനം നിലവിലില്ലെന്ന് അനുമാനിക്കുകയല്ലാതെ ഞങ്ങള്‍ക്ക് മറ്റ് വഴികളൊന്നുമില്ല, അതിനാല്‍, അതിന്റെ സാധുത പരിശോധിച്ച് റിട്ട് ഹര്‍ജി തീര്‍പ്പാക്കാനാവില്ല’ എന്ന് കോടതി പറഞ്ഞു. ഇതനുസരിച്ച്, പുസ്തകം ഇന്ത്യയിലേക്ക് ഇറക്കുമതി ചെയ്യാന്‍ ഹരജിക്കാരന് കോടതി അനുമതി നല്‍കിയിരുന്നു. ‘അതിനാല്‍, പ്രസ്തുത പുസ്തകവുമായി ബന്ധപ്പെട്ട് നിയമത്തില്‍ ലഭ്യമായ എല്ലാ നടപടികളും സ്വീകരിക്കാന്‍ ഹര്‍ജിക്കാരന് അര്‍ഹതയുണ്ട്.’

ഡല്‍ഹിയില്‍ പത്രപ്രവര്‍ത്തകനായി സേവനം ചെയ്തിട്ടുണ്ട്. പാലേരി മാണിക്യം, ഒരു പാതിരാ കൊലപാതകത്തിന്റെ കഥ തുടങ്ങിയ നോവലുകള്‍ സിനിമയായിട്ടുണ്ട്. കേരളാ സാഹിത്യ അക്കാദമി പുരസ്‌കാരം നേടിയിട്ടുണ്ട്.

ശ്രീലങ്കയിലെ തമിഴ് വംശജരുടെ പോരാട്ടത്തിന്റെ കഥപറയുന്ന നോവലാണ് അവാര്‍ഡിനര്‍ഹമായ സുഗന്ധി എന്ന ആണ്ടാള്‍ ദേവനായകി. തമിഴ് മനുഷ്യാവകാശ പ്രവര്‍ത്തകയും ഫെമിനിസ്റ്റുമായ രജനി തിരണഗാമയുടെ ജീവിത കഥയാണ് നോവലിന് പ്രചോദനം. ശ്രീലങ്കന്‍ സര്‍ക്കാരും തമിഴ് വംശജരും തമ്മിലുള്ള പോരാട്ടത്തിന്റെ ചരിത്രവും പ്രതിപാദ്യവിഷയമായ നോവല്‍, ദേശവംശ സങ്കല്‍പങ്ങള്‍ മനുഷ്യജീവിതത്തെ എങ്ങനെ മാറ്റിമറിക്കുന്നു എന്നു പറഞ്ഞു തരുന്നതാണ്.

2014ല്‍ പ്രസിദ്ധികരിച്ച നോവല്‍ മലയാറ്റൂര്‍ പുരസ്‌കാരം, മാവേലിക്കര വായനാ പുരസ്‌കാരം, കെ.സുരേന്ദ്രന്‍ നോവല്‍ അവാര്‍ഡ്, എ.പി കളയ്ക്കാട് സാഹിത്യപുരസ്‌കാരം തുടങ്ങിയവ ലഭിച്ചിട്ടുണ്ട്. ഏറെ ചര്‍ച്ചചെയ്യപ്പെട്ട ‘ഫ്രാന്‍സിസ് ഇട്ടിക്കോര’യാണ് രാമകൃഷ്ണന്റെ മറ്റൊരു പ്രധാന കൃതി.

പ്രൊഫ. തോമസ് മാത്യു, ഡോ.കെ.പിമോഹനന്‍,ഡോ.അനില്‍കുമാര്‍ എന്നിവരായിരുന്നു വയലാര്‍ അവാര്‍ഡ് നിര്‍ണയത്തിനുള്ള കമ്മിറ്റി അംഗങ്ങള്‍. വയലാര്‍ രാമവര്‍മ്മയുടെ സ്മരാണാര്‍ത്ഥം സാഹിത്യത്തിലെ സംഭാവനകള്‍ക്ക് 1977 ലാണ് വയലാര്‍ പുരസ്‌കാരം നല്‍കി തുടങ്ങുന്നത്. വയലവാര്‍ രാമവര്‍മ്മയുടെ ചരമദിനമായ ഒക്ടോബര്‍ 27ന് പുരസ്‌കാരം സമ്മാനിക്കും.