1948 -ൽ എറണാകുളത്ത്‌ ജനിച്ച എൻ എസ് മാധവൻ മഹാരാജാസ് കോളേജ്, തിരുവനന്തപുരം മാർ ഇവാനിയോസ്‌ കോളേജ്‌, കേരള സർവ്വകലാശാല ധനശാസ്ത്ര വകുപ്പ്‌ എന്നിവിടങ്ങളിൽ നിന്ന് വിദ്യാഭ്യാസം നേടി. 1975 -ൽ ഐഎഎസ്‌ ലഭിച്ചു. കേരള സർക്കാർ ധനകാര്യവകുപ്പിൽ സ്പെഷ്യൽ സെക്രട്ടറി ആയിരുന്നു. 1970 -ൽ മാതൃഭൂമി നടത്തിയ ചെറുകഥാ മത്സരത്തിൽ അദ്ദേഹം എഴുതിയ ശിശു എന്ന ചെറുകഥ ഒന്നാംസ്ഥാനം നേടി. കേരള സാഹിത്യ അക്കാദമി പുരസ്കാരം, മുട്ടത്തുവർക്കി പുരസ്കാരം, ഓടക്കുഴൽ പുരസ്കാരം തുടങ്ങിയ അവാർഡുകൾ ഹിഗ്വിറ്റയ്ക്കു ലഭിച്ചിട്ടുണ്ട്.

ഹിഗ്വിറ്റ എന്ന പേര് സിനിമയ്ക്ക് ഉപയോഗിക്കില്ലെന്ന് അറിയിപ്പ് ലഭിച്ചു,ഫിലിം ചേംബറിന് നന്ദി. യുവ സംവിധായകന്‍ ഹേമന്ത് ജി നായര്‍ക്കും അദ്ദേഹത്തിന്റെ സിനിമയ്ക്കും എല്ലാവിധ വിജയാശംസകളും നേരുന്നു, സുരാജ് ധ്യാന്‍ ചിത്രം കാണാന്‍ ആളുകള്‍ ഒഴുകി എത്തട്ടെ അദ്ദേഹം ട്വീറ്റ് ചെയ്തു.

അതേസമയം എന്‍ എസ് മാധവന്റെ കഥയുമായി ചിത്രത്തിന് യാതൊരുവിധ ബന്ധവുമില്ലെന്ന് സംവിധായകന്‍ ഹേമന്ത് വ്യക്തമാക്കിയിട്ടുണ്ട്.

അതിക്രമം കാട്ടിയവര്‍ക്ക് മാപ്പ് നല്‍കിയ നടിയുടെ നിലപാട് അംഗീകരിക്കാനാവില്ലെന്ന് വനിതാ കമ്മീഷന്‍ പറഞ്ഞിരുന്നു. നടിയുടെ സമീപനം ശരിയായില്ലെന്ന് വനിതാ കമ്മീഷന്‍ അംഗം അഡ്വ. ഷിജി ശിവജി പറഞ്ഞു. യുവനടിക്കെതിരെയുള്ള അതിക്രമമായല്ല സംഭവത്തെ കാണുന്നത്. സമൂഹത്തിനും സ്ത്രീകള്‍ക്ക് മുഴുവനുമെതിരായുള്ള കുറ്റകൃത്യമാണിതെന്നും വനിതാ കമ്മീഷന്‍ അംഗം പറഞ്ഞു. മോണിങ്ങ് റിപ്പോര്‍ട്ടറിനിടെയായിരുന്നു ഷിജി ശിവജിയുടെ പ്രതികരണം.

മാധവന്റെ ചോദ്യത്തിൽ കഴമ്പുമുണ്ട്. സർക്കാറിന്റെ കീഴിലുള്ള പി.എസ്.സി, കേരളത്തിലെ വിദ്യാർത്ഥികളെ പഠിപ്പിക്കാനുള്ള യോഗ്യതയായി മലയാള ഭാഷാ പരിജ്ഞാനം കണക്കാക്കുന്നില്ല എന്നതാണ് വസ്തുത. നവംബറിൽ നടക്കാനിരിക്കുന്ന എൽ.പി, യു.പി സ്‌കൂളുകളിലേക്കുള്ള അധ്യാപക നിയമനത്തിനുള്ള എഴുത്തുപരീക്ഷയിൽ നിന്നാണ് മാതൃഭാഷയെ പി.എസ്.സി തഴഞ്ഞിരിക്കുന്നത്. അതായത്, മലയാളം അറിഞ്ഞില്ലെങ്കിലും മലയാളം മീഡിയമടക്കമുള്ള സർക്കാർ സ്‌കൂളുകളിൽ പഠിപ്പിക്കാൻ ഇനി ഭാഷ അറിഞ്ഞിരിക്കേണ്ടതില്ല എന്നർത്ഥം. ഇതിനെതിരെ ഭാഷാ സ്‌നേഹികൾ മുഖ്യമന്ത്രിക്ക് ഓൺലൈൻ ഭീമഹർജി സമർപ്പിക്കാനൊരുങ്ങുകയാണ്.

അടുത്തകാലം വരെ പ്രൈമറി അധ്യാപക നിയമന പരീക്ഷകളിൽ മാതൃഭാഷ ഒരു വിഷയം എന്ന നിലയിൽ ഉൾപ്പെട്ടിരുന്നു. എന്നാൽ കഴിഞ്ഞ കുറെക്കാലമായി പലവിധ കാരണങ്ങളാൽ മാതൃഭാഷ പ്രസ്തുത സിലബസ്സിൽ നിന്നും ഒഴിവാക്കപ്പെട്ടു. ഒന്ന്, രണ്ട് ക്ലാസുകളിൽ മലയാളത്തിലാണ് ഗണിതവും പരിസരപഠനവും അടക്കം പഠിപ്പിക്കുന്നത്. അഞ്ചാം ക്ലാസ് മുതൽ മലയാളത്തിന് രണ്ട് പേപ്പറുകളുമുണ്ട്. ഇതെല്ലാം ശരിയായ രീതിയിൽ പഠിപ്പിക്കണമെങ്കിൽ ഈ മേഖലയിൽ നിയമിതരാവുന്ന അധ്യാപകർക്ക് മലയാള ഭാഷയിൽ സാമാന്യ ധാരണയെങ്കിലും ഉറപ്പുവരുത്തേണ്ടതുണ്ട്. എന്നാൽ, പി.എസ്.സിയുടെ എൽ.പി, യു.പി അധ്യാപക നിയമന പരീക്ഷയിൽ നിന്ന് ദുരൂഹമായി മലയാളത്തിനെ പുറത്തുനിർത്തിയിരിക്കുകയാണ്.

ലോകമെങ്ങും മാതൃഭാഷകൾക്കു വേണ്ടിയുള്ള പ്രയ്തനങ്ങൾ ശക്തിപ്പെടുമ്പോഴാണ് പി.എസ്.സി വിചിത്രമായ നയം സ്വീകരിച്ചിരിക്കുന്നത്. ഇതിനെതിരെ ഐക്യമലയാള പ്രസ്ഥാനം മുഖ്യമന്ത്രിക്ക് ഓൺലൈൻ ഹർജി സമർപ്പിക്കുകയാണ്. https://petition.malayalaaikyavedi.in/ എന്ന ലിങ്കിൽ കയറി ഹർജിയിൽ പങ്കാളികളാവാം.

കവിതയില്‍ കടന്ന് കൂടിയ വംശീയതയും രാഷ്ട്രീയ പ്രശ്‌നങ്ങളും ഉള്‍കൊണ്ട് തന്നെയാണ് കവിത പിന്‍വലിച്ചത്. ഫേസ് ബുക്കില്‍ താന്‍ പ്രസിദ്ധീകരിച്ച കവിത പിന്‍വലിച്ചതിനെ കുറിച്ചുള്ള ചര്‍ച്ചകള്‍ക്കൊന്നും ഈ അവസരത്തില്‍ മറുപടി പറയാനില്ല. ഒരുകാര്യം എന്നെയാരും കവിത പിന്‍വലിക്കണമെന്ന് പറഞ്ഞ് ഭീക്ഷണിപ്പെടുത്തിയിട്ടില്ല. കുറച്ച് സുഹൃത്തുക്കളുമായി സംസാരിച്ചു, ശേഷം അതില്‍ കടന്ന് കൂടിയ വംശീയതയും രാഷ്ട്രീയ പ്രശ്‌നങ്ങളും ഉള്‍കൊണ്ട് കവിത പിന്‍വലിക്കുകയായിരുന്നു. ഒരു കവിത പോസ്റ്റു ചെയ്യാനുള്ള അതേ സ്വാതന്ത്ര്യം പിന്‍വലിക്കാനുമുണ്ടെന്നും അദ്ദേഹം കൂട്ടിച്ചേര്‍ത്തു. അതേസമയം, കവിത പിന്‍വലിച്ച സംഭവം വിവാദമായതിനെ തുടര്‍ന്ന് തനിക്ക് ക്ഷണമുണ്ടായിരുന്ന വേദികള്‍ നഷ്ടമായെന്നും പവിത്രന്‍ തീക്കുനി അഭിമുഖത്തില്‍ പറയുന്നുണ്ട്.

പര്‍ദ്ദ പോസ്റ്റ്ു ചെയ്ത് ഏതാനും മണിക്കൂറുകള്‍ക്കുള്ളില്‍ തന്നെ കവിതക്ക് വിമര്‍ശനം ഉയര്‍ന്നു. ഈ സാഹചര്യത്തില്‍ കവിത പിന്‍വലിക്കുകയാണെന്ന് തീക്കുനി ഫേസ്ബുക്കിലൂടെ വ്യക്തമാക്കിയിരുന്നു.’ഇന്നലെ രാത്രി ഞാന്‍ പോസ്റ്റ് ചെയ്ത പര്‍ദ എന്ന കവിത ചില പ്രിയ മിത്രങ്ങളെ വ്രണപ്പെടുത്തിയെന്ന്് ബോധ്യമായതിനാല്‍ രാത്രിതന്നെ ഞാന്‍ പിന്‍വലിച്ചിരുന്നു. ആരെയും വ്രണപ്പെടുത്താന്‍ ആഗ്രഹിച്ചിരുന്നില്ല’.- ഇങ്ങനെയായിരുന്നു തീക്കുനിയുടെ പോസ്റ്റ്.

‘സത്യം പറഞ്ഞാല്‍ ഹാദിയയുടെ മാതാപിതാക്കളാണെന്നതില്‍ അശോകനും പൊന്നമ്മയും അഭിമാനിക്കുകയാണ് വേണ്ടത്. അവള്‍ ആത്മവിശ്വാസം പ്രകടിപ്പിച്ചു, സമ്മര്‍ദങ്ങളെ അതിജീവിച്ചു, സ്വന്തം നിലപാടില്‍ ഉറച്ചുനിന്നു, മനസ്സു തുറന്ന് സംസാരിച്ചു, വ്യക്തതയോടെ നിലകൊണ്ടു. മാതാപിതാക്കള്‍ക്ക് സമ്മാനിക്കാന്‍ കഴിയുന്ന വിലപ്പെട്ട വളര്‍ത്തലാണത്.’ ഹിഗ്വിറ്റ, തിരുത്ത് തുടങ്ങിയ കഥകളിലൂടെ വായനക്കാരുടെ മനസ്സില്‍ ഇടംനേടിയ എഴുത്തുകാരന്‍ കുറിച്ചു.

Frankly Asokan and Ponnamma should be proud of their parenting of #Hadiya. She was confident, withstood pressure, stood to her ground, spoke her mind, and articulated well. That is a precious upbringing parents can hope to gift.

— N.S. Madhavan (@NSMlive) November 27, 2017

‘മുതിര്‍ന്നയാളുകള്‍ സമ്മര്‍ദത്തില്‍ കീഴടങ്ങുന്നത് നാം ചുറ്റും കാണുന്നതാണ്. എന്നാല്‍ ഹാദിയ അങ്ങനെ ചെയ്തില്ല. അവളെ വളര്‍ത്തിയ രീതി അതില്‍ വലിയ പങ്ക് വഹിച്ചിട്ടുണ്ടെന്ന് ഞാന്‍ കരുതുന്നു’ മറ്റൊരു ട്വീറ്റില്‍ മാധവന്‍ വ്യക്തമാക്കി.

All around us we see adults wilting under pressure. She didn’t. I was wondering whether her upbringing played a part in that. Hope you got it.

— N.S. Madhavan (@NSMlive) November 27, 2017

കഴിഞ്ഞ ദിവസം കേരളം സന്ദര്‍ശിച്ചതിലുള്ള സന്തോഷം ഉപരാഷ്ട്രപതി വെങ്കയ്യ നായിഡു ട്വിറ്ററിലൂടെ പങ്കുവെച്ചിരുന്നു. എന്നാല്‍ ഈ ‘വി.വി.ഐ.പി’ സന്ദര്‍ശനത്തെ തുടര്‍ന്ന് കൊച്ചിയിലെ പൊതുജനങ്ങള്‍ അനുഭവിച്ച ബുദ്ധിമുട്ട് ഉപാരാഷ്ട്രപതി കണ്ടോ എന്ന ചോദ്യമുയര്‍ത്തി പ്രമുഖ എഴുത്തുകാരന്‍ എന്‍.എസ് മാധവന്‍. കൊച്ചി സുഭാഷ് പാര്‍ക്കിലെ പ്രഭാത സവാരിയുടെ സന്തോഷം ട്വിറ്ററിലൂടെ പ്രകടിപ്പിച്ച വെങ്കയ്യ നായിഡുവിന് ട്വിറ്ററിലൂടെ തന്നെയാണ് മാധവന്‍ മറുപടി നല്‍കിയത്.

ഉദ്യോഗസ്ഥര്‍ക്കൊപ്പമുള്ള പ്രഭാത സവാരിയുടെ ചിത്രങ്ങള്‍ സഹിതമാണ് വെങ്കയ്യ നായിഡു തന്റെ കൊച്ചി അനുഭവം കുറിച്ചത്. സുഭാഷ് പാര്‍ക്കിലെ പ്രഭാത സവാരി ആസ്വദിച്ചുവെന്നും നല്ല കാലാവസ്ഥയായിരുന്നുവെന്നും വ്യക്തമാക്കിയായിരുന്നു നായിഡുവിന്റെ കുറിപ്പ്.
എന്നാല്‍, ഉപരാഷ്ട്രപതിയുടെ സന്ദര്‍ശനം കാരണം ദിവസം മുഴുവന്‍ ബുദ്ധിമുട്ടിയ കൊച്ചിയിലെ ജനങ്ങളുടെ പ്രതിനിധിയായി എന്‍.എസ് മാധവന്‍ കുറിച്ചതിങ്ങനെ:
‘കൊച്ചി നിങ്ങള്‍ക്ക് ആസ്വാദ്യകരമായി അനുഭവപ്പെട്ടതില്‍ സന്തോഷം. പക്ഷേ കൊച്ചിക്ക് നിങ്ങള്‍ ഒരു സന്തോഷമായോ? റോഡുകളടച്ചിട്ടു. ആംബുലന്‍സുകള്‍ക്ക് പോലും ഗതാഗത സതംഭനമുണ്ടാക്കി. ഉദ്യോഗാര്‍ത്ഥികള്‍ക്ക് ഇന്റര്‍വ്യൂകള്‍ നഷ്ടപ്പെട്ടു. അടിയന്തിര ചികിത്സ കിട്ടേണ്ട രോഗികളെ പരിചരിക്കാന്‍ ഡോക്ടര്‍മാര്‍ക്കും സാധിച്ചില്ല.
സര്‍,
സുരക്ഷയൊരുക്കിയ ഉന്നത പോലീസുദ്യോഗസ്ഥരോടു ചോദിച്ചു നോക്കു നിങ്ങളുടെ പേരില്‍ അവര്‍ കൊച്ചിയോട് ചെയ്തത് എന്തൊക്കെയാണെന്ന്’

Happy that you enjoyed Kochi. But did Kochi enjoy you? Roads shut down, ambulances gridlocked, missed job interviews, doctors kept away from critical patients… Sir, please ask the top police strolling by you, what did they do to Kochi, in your name. https://t.co/lhTfzC6fl8

— N.S. Madhavan (@NSMlive) November 23, 2017

ഇന്ത്യയില്‍ മിക്കയിടത്തും കന്നുകാലി കച്ചവടം നടത്തുന്നവര്‍ ഒരു പ്രത്യേക മതത്തില്‍പെട്ടവരാണ്. അതുപോലെ തന്നെ ചത്ത മൃഗങ്ങളുടെ തോലും മറ്റു ജൈവാവശിഷ്ടങ്ങളും കൈകാര്യം ചെയ്യുന്നത് സമൂഹത്തിന്റെ അടിത്തട്ടിലുള്ള ലക്ഷക്കണക്കിനാളുകളാണ്. ഉത്തരേന്ത്യയില്‍ ദലിതന്‍മാര്‍ക്കും മുസ്‌ലിംങ്ങള്‍ക്കും എതിരായുള്ള അക്രമങ്ങള്‍ പ്രത്യേകിച്ച് ഗോരക്ഷക് എന്നു വിളിക്കുന്ന പശുഗുണ്ടകളുടെ വര്‍ദ്ധിച്ച് വരുന്ന ഇക്കാലത്ത് കന്നുകാലി ച്ചന്തകളെക്കുറിച്ചുള്ള ചട്ടങ്ങളുടെ രാഷ്ട്രീയം അത്ര അപ്രതീക്ഷിതമല്ലെന്ന് അദ്ദേഹം പറയുന്നു.

എന്നാല്‍ പ്രശ്‌നം തീന്‍മേശയുടേതു കൂടെയാണ്. മാംസവിപണിയുടെ വലുപ്പത്തില്‍ നിന്ന് ഒരു കാര്യം വ്യക്തമാണ്-വളരെയധികം ആളുകള്‍ ഇപ്പോള്‍ അറവുനിരോധിച്ചിട്ടുള്ള മൃഗങ്ങളുടെ ഇറച്ചികഴിക്കുന്നവരാണെന്ന്. തീന്‍മേശകളിലെ പിഞ്ഞാണങ്ങളില്‍ എന്തു വിളമ്പാന്‍ പാടില്ലെന്ന് കേന്ദ്രപരിസ്ഥിതി മന്ത്രാലയത്തിന്റെ എട്ടുപേജുള്ള ഉത്തരവു തീരുമാനിക്കുമ്പോള്‍ മതനിരപേക്ഷവും സമത്വം ഉറപ്പിക്കുന്നതുമായ ഭരണഘടനക്ക് മുറിവേല്‍ക്കുകയാണെന്നും ലേഖനത്തില്‍ എന്‍.എസ് മാധവന്‍ പറയുന്നു.